ԴավիթԳալստյանն ու Նիկոլ Փաշինյանը. արխիվային լուսանկար

«Պատրոն Դավոն» պատասխանել է ԱԱԾ–ին

187
(Թարմացված է 10:59 02.02.2021)
«Պատրոն Դավոն» նշել է, որ նախաքննության այս փուլում զերծ կմնա քրեական գործի անհիմն լինելու վերաբերյալ մանրամասները հրապարակային ներկայացնելուց։

ԵՐԵՎԱՆ, 2 փետրվարի – Sputnik. ՊՆ–ին անորակ զենք մատակարարելու գործով ԱԱԾ–ի կողմից ձերբակալված Դավիթ Գալստյանը (Պատրոն Դավո) հանդես է եկել հայտարարությամբ, որում անդրադարձել է փետրվարի 1-ին ԱԱԾ–ի տարածած հաղորդագրության մեջ բերված փաստերին։

«Հաշվի առնելով այն հանգամանքը, որ քրեական գործով առկա տեղեկությունները պարունակում են ոչ միայն նախաքննական, այլև պետական գաղտնիքներ, այս պահին ձեռնպահ ենք մնում հրապարակային ներկայացնել քրեական գործին վերաբերող մի շարք հանգամանքներ, որոնց լուսաբանումը կբացահայտեր քրեական գործ հարուցելու և ինձ մեղադրանք ներկայացնելու իրական շարժառիթները»,– նշված է հայտարարության մեջ։

Գալստյանը կարծիք է հայտնում նաև, որ իր նկատմամբ քրեական գործ հարուցելու նպատակը հանրության շրջանում ավելի մեծ մտահոգություն և հուզական հոգեվիճակ առաջացնելն է։

Ինչ վերաբերւմ է ԱԱԾ հաղորդագրությն մեջ հիշատակված` ՊՆ-ին մատակարարված զինամթերքին, ապա Գալստյանն ուշադրությւն է հրավիրում այն հանգամանքի վրա, որ, ըստ հաղորդագրության, այն եղել է 1977 թվականի արտադրության, ինչը հակասում է պայմանագրին։

«Իրականում 1977 թվականը հանդիսանում է տվյալ տեսակի զինամթերքի սերիական արտադրության սկզբնաժամկետը, այլ ոչ թե մատակարված ապրանքի արտադրության ժամկետը»,– պարզաբանում է նա` ենթադրելով, որ այդ կերպ ԱԱԾ–ն կամ ոչ պրոֆեսիոնալ մոտեցում է ցուցաբերել կամ փորձ է արել խեղաթյուրել իրականությունը և ստեղծել պատրանք, որ զինված ուժերին խարդախության միջոցով մատակարարվել է 70-ական թվականների արտադրության զինամթերք։

«Պատրոն Դավոյի» նկատմամբ քրեական գործեր կան, պետք է ուրախանանք. Անդրանիկ Քոչարյան

Ըստ նրա` իրականում մատակարարվել է պայմանագրով նախատեսված տեսականուն և տարեթվերին արտադրված զինամթերք, ինչի ապացույցները խոստանում է ներկայացնել ապագայում։

Իսկ ավելի մանրամասն Գալստյանը խոստանում է հրապարակային խոսել` իրեն կալանավորելու վերաբերյալ միջնորդության դատական քննությունից հետո։

Հիշեցնենք` ՀՀ ԱԱԾ–ն փետրվարի 1-ին հայտարարել էր, որ արտերկրում գրանցված Mosston Engineering ընկերության խորհրդի նախագահ Դավիթ Գալստյանը (Պատրոն Դավիթ), նախնական համաձայնության գալով նույն ընկերության տնօրեն Ա.Բ.-ի հետ, 2018 թվականի ընթացքում, ՊՆ–ին է մատակարարել 1983-1986թթ. արտադրության հրանոթի անորակ արկեր, որոնցով, ըստ ԱԱԾ–ի, հնարավոր չի եղել լուծել մարտական խնդիրներ,բայց որոնց դիմաց Գալստյանը 1.083.000 ԱՄՆ դոլար գումար է ստացել:

187
թեգերը:
սպառազինություն, Քրեական գործ, ՀՀ ազգային անվտանգության ծառայություն. ԱԱԾ, Դավիթ Գալստյան (Պատրոն Դավիթ)
Ըստ թեմայի
Մենք զիջում էինք Ադրբեջանին. փորձագետը` պատերազմի ժամանակ ունեցած սպառազինության մասին
Փաշինյանն այցելել է սպառազինության արտադրությամբ զբաղվող ընկերություններ
Հայաստանը ռուսական սպառազինություն ձեռք բերելու հարցում այլընտրանք չունի. փորձագետ
Նիկոլ Փաշինյան

Բոլոր ընտրատեղամասերի արդյունքներն ամփոփվեցին. Փաշինյանի կուսակցությունը հաղթեց

750
(Թարմացված է 08:29 21.06.2021)
Վերջին տվյալների համաձայն՝ «Քաղաքացիական պայմանագիր» կուսակցությունը խոշոր տարբերությամբ առաջ անցավ մյուսներից։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ամփոփվեցին բոլոր 2008 ընտրատեղամասերի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացավ 687 251 քվե (53.92%),

«Հայաստան» դաշինքը՝ 268 165 (21.04%),

«Պատիվ ունեմ» դաշինքը՝ 66 633 (5.23%),

«Բարգավաճ Հայաստան» կուսակցությունը՝  50 416 (3.96),

«Հանրապետություն» կուսակցությունը՝ 38 713 (3,04),

«Հայ ազգային կոնգրես» կուսակցությունը՝ 19 647 (1.54)։

«Լուսավոր Հայաստան» կուսակցությունը` 15 557 (1.22)

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցեցին 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ըստ օրենքի` եթե անցողիկ շեմը հաղթահարում են միայն երկու քաղաքական ուժ, ապա մանդատներ է ստանում նաև առավելագույն թվով ձայներ հավաքած երրորդ ուժը։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

750
թեգերը:
քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
«Տեղի ունեցավ այն, ինչ կանխատեսվում էր». Փաշինյանը շտաբում է, ՔՊ-ն տոնում է հաղթանակը
Փաշինյանը քաղաքական խորհրդակցություններ կսկսի
Ռոբերտ Քոչարյանի գլխավորած «Հայաստան» դաշինքը հայտարարություն է տարածել
ԿԸՀ

Քվեարկության արդյունքները 08։00-ի դրությամբ․ ամփոփվել են 1997 ընտրատեղամասի արդյունքները

705
(Թարմացված է 08:16 21.06.2021)
Վերջին տվյալների համաձայն՝ «Քաղաքացիական պայմանագիր» կուսակցությունը ստացել է 681 144 քվե, այսինքն՝ կողմ են քվեարկել մասնակիցների 54.03%-ը։ Ներկայացնում ենք ամենաշատ քվեներ ստացած քաղաքական ուժերի հնգյակը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ժամը 08։00-ի դրությամբ ամփոփվել են 2008 ընտրատեղամասերից 1997-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 681 144 քվե (54.03%),

«Հայաստան» դաշինքը՝ 265 185 (20.97%),

«Պատիվ ունեմ» դաշինքը՝ 65 936 (5.21%),

«Բարգավաճ Հայաստան» կուսակցությունը՝  50 065 (3.96),

«Հանրապետություն» կուսակցությունը՝ 38 401 (3,04),

«Հայ ազգային կոնգրես» կուսակցությունը՝ 19 487 (1.54)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

 

705
թեգերը:
քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Փաշինյանի խորհրդական Արսեն Թորոսյանի բաց ակնարկը այլ ուժերի համար աշխատած համայնքապետներին
«Տեղի ունեցավ այն, ինչ կանխատեսվում էր». Փաշինյանը շտաբում է, ՔՊ-ն տոնում է հաղթանակը
Ռոբերտ Քոչարյանի գլխավորած «Հայաստան» դաշինքը հայտարարություն է տարածել