«Հայրենիք» շքանշան

Հայաստանը 3 նոր ազգային հերոս ունի. ովքեր են նրանք

1377
(Թարմացված է 21:35 28.01.2021)
Sputnik Արմենիան ներկայացնում է «Հայրենիք» շքանշանով պարգևատրված 3 հերոսների կենսագրությունն ու անցած մարտական ուղին։

ԵՐԵՎԱՆ, 28 հունվարի - Sputnik. ՀՀ նախագահ Արմեն Սարգսյանի հրամանագրով այսօր Թաթուլ Ղազարյանը,  Հրաչյա Անդրեասյանը և Գուրգեն Դալիբալթայանը պարգևատրվել են «Հայրենիք» շքանշանով։

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին և 9-րդ մասերի.
Հայրենիքի պաշտպանության և անվտանգության ապահովման գործում մատուցած բացառիկ ծառայությունների, մարտական գործողությունների ընթացքում ցուցաբերած անձնվիրության և արիության համար Հայաստանի Հանրապետության պաշտպանության նախարարության թիվ N զորամասի հրամանատար, գնդապետ Թաթուլ Լավրենտի Ղազարյանին հետմահու պարգևատրել Հայրենիքի շքանշանով»,–ասված է նախագահի հրամանագրում:

Թաթուլ Ղազարյանի անցած ուղին

Հերոս հրամանատար Թաթուլ Ղազարյանը զոհվել է  մարտադաշտում՝ իր  վիրավոր զինվորներին փրկելիս։

Սովորել էր Մոնթե Մելքոնյանի անվան ռազմական վարժարանում, այնուհետև՝ Վ. Սարգսյանի անվան ռազմական ինստիտուտում: 2010-2012 թթ․-ին սովորել էր ՌԴ Մոսկվայի ռազմական համազորային ակադեմիայում: 

Նա ծառայել  էր ՀՀ տարածքի տարբեր զորամասերում (Մեհրաբ, Վարդենիս, Կողբ): 2018թ.-ից  եղել է Իջևանի   զորամասի հրամանատար: Իր օրինակելի և հայրենանվեր ծառայության համար գնդապետ Ղազարյանը բազմիցս արժանացել է պետական պարգևների: 41-ամյա Ղազարյանն ընտանիքի օրինակելի հայր էր, նա  երկու զավակ ունի՝ 17-ամյա Ամալյան և 16 -ամյա Նարեկը։ 2020թ․հոկտեմբերի 19-ին Թաթուլն  իր զինակից ընկերների հետ, մինչև արյան վերջին կաթիլн անհավասար մարտ մղելով` նահատակվեց  հանուն հայրենիքի: Գնդապետ Թաթուլ Լավրենտի Ղազարյանը հետմահու պարգևատրվել է «Մարտական Խաչ» 1-ին աստիճանի շքանշանով:

Արմեն Սարգսյանի մյուս հրամանագրով «Ազգային հերոս» կոչմանն է արժանացել Հրաչյա Անդրեասյանը։

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին և 9-րդ մասերի.
Հայաստանի Հանրապետության զինված ուժերի ստեղծման և կայացման, հայրենիքի պաշտպանության և անվտանգության ապահովման գործում մատուցած բացառիկ ծառայությունների համար գեներալ-լեյտենանտ Հրաչյա Հմայակի Անդրեասյանին հետմահու պարգևատրել Հայրենիքի շքանշանով»,–ասված է նախագահի հրամանագրում:

Հրաչյա Անդրեասյանի անցած ուղին

Հրաչյա Հմայակի Անդրեասյանը ծնվել է 1932 թվականի հունվարի 29–ին Կրասնոդարում։ Ավարտել է Նովոչերկասկի Սուվորովի անվան, Թբիլիսիի հետևակի, Ֆրունզեի անվան և ԽՍՀՄ Զինված ուժերի գլխավոր շտաբի ռազմական ակադեմիաները։

1952-1992 թվականներին ծառայել է ԽՍՀՄ Զինված ուժեր Անդրկովկասյան, Լենինգրադյան, Կիևի, Հյուսիսկովկասյան ռազմական օկրուգներում և ԳԴՀ-ում ու Չեխոսլովակիայում տեղակայված զորախմբերում՝ մոտոհրաձգային գնդի, դիվիզիայի, զորամիավորման հրամանատար, ռազմական խորհրդի անդամ: 1981 թ.-ից՝ գեներալ-լեյտենանտ, ԽՍՀՄ ԶՈւ Հյուսիս-Կովկասյան ռազմական օկրուգի շտաբի պետ, նույն օկրուգի զորահրամանատարի առաջին տեղակալ և Ռազմական խորհրդի անդամ: Հետագայում Վարշավայի պայմանագրի երկրների միացյալ Զինված ուժերի գլխավոր հրամանատարի ներկայացուցիչն էր։ 1992-1994 թվականներին եղել է ՀՀ պաշտպանության նախարարի առաջին տեղակալ, Զինված ուժերի գլխավոր շտաբի պետ։

Անդրեասյանը մասնակցել է Քելբաջարի ռազմական գործողության պլանների մշակմանը, ՀՀ հարավարևելյան սահմանագոտում լայնամասշտաբ ռազմական գործողություններին, Շուռնուխ-Խնձորեսկ-Տող ռազմաճակատային գծի ինքնապաշտպանական մարտերին։ Որպես ՀՀ Զինված ուժերի գլխավոր շտաբի պետ՝ գործուն մասնակցություն է ունեցել Արցախյան ազատամարտին:

Մասնակցել է Շուշիի և Լաչինի ազատագրման գործողությունների պլանների մշակմանը և իրականացմանը։

1994 թվականին զորացրվել և բնակություն է հաստատել Մոսկվայում։ Որտեղ և վախճանվել է: Թաղված է Դոնի Ռոստովում, որտեղ 2000 թվականին կանգնեցվել է նրա բրոնզաձույլ կիսանդրին։

Արմեն Սարգսյանի 3–րդ հրամանագրով հետմահու Ազգային հերոսի կոչմանն է արժանացել գեներալ-գնդապետ Գուրգեն Դալիբալթայանը։

Տղամարդկանց կողքին ու նրանց հավասար կռվել են նաև կանայք. մերօրյա հերոսները

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին և 9-րդ մասերի.
Հայաստանի Հանրապետության զինված ուժերի ստեղծման և կայացման, հայրենիքի պաշտպանության և անվտանգության ապահովման գործում մատուցած բացառիկ ծառայությունների համար գեներալ-գնդապետ Գուրգեն Հարությունի Դալիբալթայանին հետմահու պարգևատրել Հայրենիքի շքանշանով»,–ասված է նախագահի հրամանագրում:

Գուրգեն Դալիբալթայանի անցած ուղին

Գեներալ–գնդապետ Գուրգեն Դալիբալթայանը նշանավոր պետական և ռազմական գործիչ էր, ՀՀ զինված ուժերի կայացման առաջամարտիկ։

Նա ծնվել է 1926թ. հունիսի 5-ին, Վրաստանում` Բոգդանովկայի (այժմ` Նինոծմինդա) շրջանի Մեծ Արագյալ գյուղում: 1947-ին ավարտել է Թբիլիսիի հետևակային ուսումնարանը: 1958-61 թթ. սովորել է Մոսկվայի Մ. Ֆրունզեի անվ. զինվորական համազորային ակադեմիայում: 1947-1991թ.թ. ծառայել է ԽՍՀՄ զինված ուժերում: Զբաղեցրել է մի շարք հրամանատարական պաշտոններ` Հայկական 89-րդ հրաձգային դիվիզիայի 526-րդ առանձին գնդի դասակի հրամանատարից մինչև Սիբիրի զինվորական օկրուգի 242-րդ մոտոհրաձգային դիվիզիայի հրամանատար, Բուդապեշտում խորհրդային զորքերի հարավային խմբակցության շտաբի պետի առաջին տեղակալ, Հյուսիսկովկասյան զինվորական օկրուգի զորքերի հրամանատարի տեղակալ մարտական պատրաստության գծով: 1971թ.–ին Գուրգեն Դալիբալթայանին շնորհվել է գեներալ-մայորի զինվորական կոչում:

Հայաստանի համար բախտորոշ ժամանակաշրջանում` 1991 թ.-ին, նա եկել է Հայաստան և զինվորագրվել է Հայաստանի Հանրապետության ազգային բանակի կազմավորման բարդ ու դժվարին գործին: Լինելով փորձառու զինվորական` նա իր խորհուրդներով և փորձառությամբ օգնել է նորաստեղծ զինված ուժերի երիտասարդ սպաներին: Անձամբ ղեկավարել է մի շարք մարտական գործողությունների պլանների մշակման աշխատանքները:

1991թ.-ին ՀՀ նախագահի հրամանագրով նշանակվել է ՀՀ զինված ուժերի գլխավոր շտաբի պետ-նախարարների խորհրդին կից պաշտպանության կոմիտեի նախագահի տեղակալ:

Արցախի նախագահը Ռուստամ Գասպարյանին հետմահու շնորհել է «Արցախի հերոսի» կոչում

1991-1992թթ. զբաղեցրել է ՀՀ զինված ուժերի գլխավոր շտաբի պետ-ՀՀ պաշտպանության նախարարի առաջին տեղակալի, 1992թ. օգոստոսից մինչև 1993թ. սեպտեմբեր` ՀՀ պաշտպանության նախարարի տեղակալի պաշտոնները:

1992թ. ՀՀ Նախագահի հրամանագրով Գուրգեն Դալիբալթայանին շնորհվել է գեներալ-լեյտենանտի, իսկ 1996թ.-ին` գեներալ-գնդապետի զինվորական կոչում: Մահացել է 2015 թվականին։

1377
թեգերը:
Գուրգեն Դալիբալթայան, Հրաչյա Անդրեասյան, Թաթուլ Ղազարյան, Արմեն Սարգսյան, շքանշան, ազգային հերոս, Հայաստան
Ըստ թեմայի
Կարո ջան, չմտածես, կարևորը` ողջ ես. հայտնի լուսանկարի հերոսի պատմությունը
Եռաբլուր, արցունքներ ու խոնարհում հերոսների հիշատակին. ջահերով երթի լուսանկարները
Մեր զոհված հերոսները դա չէին երազում. Բեգլարյանը խնդրում է երեխաներին տոնից չզրկել
Արման Անդրեասյան

Արման Անդրեասյանը Եվրոպայի առաջնությունում կգոտեմարտի բրոնզե մեդալի համար

17
(Թարմացված է 21:32 19.04.2021)
Լեհաստանի մայրաքաղաք Վարշավայում մեկնարկել է ըմբաշամարտի Եվրոպայի առաջնությունը։ Մրցաշարը բացել են ազատ ոճի ըմբիշները։ Մրցումային առաջին օրը հայ երեք ըմբիշներից միայն Արման Անդրեասյանին հաջողվեց հասնել մինչև կիսաեզրափակիչ։

ԵՐԵՎԱՆ, 19 ապրիլի – Sputnik. Եվրոպայի չեմպիոնի կոչման համար այսօր պայքարի մեջ մտած ազատ ոճային երեք ըմբիշներից միայն Արման Անդրեասյանն էր հավակնում ոսկե մեդալի։ Բայց մեր ըմբիշը կիսաեզրափակիչում 3։4 հաշվով զիջեց ռուսաստանցի Իսրայիլ Կասիմովին ու կպայքարի բրոնզե մեդալի համար։

70 կգ քաշային կարգում Արման Անդրեասյանը 1/8 եզրափակիչում բացահայտ առավելությամբ՝ 10։0 հաշվով հաղթեց Լիտվայի ներկայացուցիչ Արտյոմ Աուգային, իսկ քառորդ եզրափակիչում հայ ըմբիշը 10։5 հաշվով պարտության մատնեց լեհ Պատրիկ Օլենչինին։ Եզրափակիչ մտնելու համար Արմանը գոտեմարտեց Ռուսաստանի ներկայացուցիչ Իսրայիլ Կասումովի հետ։

Արմանը գոտեմարտի վերջին վարկյաններին հնարավորություն ուներ հաղթանակ կորզելու, բայց, ցավոք, չկարողացավ գլորել մրցակցին ու զիջեց նրան մեկ միավորի տարբերությամբ՝ 3։4 հաշվով։

Հայ ըմբիշներին մեկ քայլ է մնացել օլիմպիական ուղեգիր նվաճելու համար. ովքե՞ր են նրանք

79 կգ քաշային կարգում Արման Ավագյանը 1/8 եզրափակիչում 10։0 հաշվով հաղթել էր Գերմանիան ներկայացնող Էդուարդ Տատարինովին։ Իսկ քառորդ եզրափակիչում մեր ըմբիշը պարտվեց Սլովակիան ներկայացնող Ախսարբեկ Գուլաևին։ 65 կգ քաշային Գևորգ Թադևոսյանը 1/8 եզրափակիչում 1:2 հաշվով պարտվեց ադրբեջանցի Ալի Ռահիմզադեին:

Հայաստանի հավաքականի ըմբիշներից վաղը մրցագորգ է դուրս գալու Հրայր Ալիխանյանը։ 74 կգ քաշային կարգում հայ ըմբիշի մրցակիցը առաջին գոտեմարտում լինելու է Ռուսաստանի ներկայացուցիչ Ռազամբեկ Ժամալովը։

Հոգեբանորեն մեզ համար շատ դժվար էր. ըմբիշ Մալխաս Ամոյանը` նվաճած մեդալի և պատերազմի մասին

17
թեգերը:
ըմբիշ, Արման Անդրեասյան
Ըստ թեմայի
Հայ մարմնամարզիկները Վորոնինի գավաթի խաղարկությունից 4 ոսկե և 3 բրոնզե մեդալ են բերել
Վազգեն Թևանյանը դարձավ աշխարհի գավաթակիր
Ըմբշամարտի միջազգային մրցաշար Կիևում. Մալխաս Ամոյանն ու Կարապետ Չալյանը եզրափակիչում են
Էդմոն Մարուքյանը ելույթ է ունոնում ԵԽԽՎ նստաշրջանում

Բաքվի «Ռազմավարի պուրակը» պետք է փակվի․ Մարուքյանի կոշտ ելույթը ԵԽԽՎ-ում

192
(Թարմացված է 20:21 19.04.2021)
Էդմոն Մարուքյանը ԵԽԽՎ–ում հայտարարեց, որ Ադրբեջանի նախագահ Իլհամ Ալիևը «Ռազմավարի պուրակը» բացելով` միացավ այնպիսի բռնապետների ցանկին, ինչպիսիք են Հիտլերն ու Սադամ Հուսեյնը։

ԵՐԵՎԱՆ, 19 ապրիլի – Sputnik․ «Ռազմավարի պուրակի» բացումով Ադրբեջանի նախագահ Իլհամ Ալիևը միացավ այնպիսի բռնապետների ցուցակին, ինչպիսիք են Հիտլերը և Սադամ Հուսեյնը: Այսօր Եվրախորհրդարանում իր ելույթի ընթացքում նման հայտարարություն է արել ԵԽԽՎ-ում հայկական պատվիրակության ներկայացուցիչ, ԱԺ «Լուսավոր Հայաստան» խմբակցության պատգամավոր Էդմոն Մարուքյանը։

«Խնդրում եմ, մի րոպե հատկացրեք և նայեք իմ ձեռքում գտնվող լուսանկարներին: Դրանք անցյալից լուսանկարներ չեն, այլ մեր օրերում արված նկարներ, երբ ժամանակակից բռնապետը նորմալ է համարում մարդկանց շղթայելը և մարդկային նվաստացուցիչ վերաբերմունքն ու խոշտանգումները ներկայացնելը` որպես բնականոն վերաբերմունք ռազմագերիների նկատմամբ: Լուսանկարներից մեկում ադրբեջանցի երեխան խաղում է հայ զինվորի ռասիստական մուլյաժի հետ, ով, հավանաբար, տանջանքների է ենթարկվել ու խոշտանգվել Ադրբեջանի բանտում: Այս նկարներն ի ցույց են դնում, որ Ադրբեջանում հայերի և Հայաստանի հանդեմ համակարգային ռասսայական ատելություն է տիրում։ Այս պուրակ այցելելու համար հերթեր են գոյանում, ինչը զզվելի է և անընդունելի»,- հայտարարել է Մարուքյանը։

ՄԱԿ-ում ՀՀ ներկայացուցիչը նամակ է հղել Անտոնիո Գուտերեշին ադրբեջանական «պուրակի» հարցով

Նա նշել է, որ ապրիլի 12–ին Ադրբեջանի պետական հեռուստատեսությամբ մեկ ժամանոց ռեպորտաժ է ցուցադրվել թանգարանի մասին։ Ադրբեջանի նախագահ Իլհամ Ալիևը զինվորական համազգեստով հպարտորեն շրջել է թանգարանում, որտեղ ցուցադրված են հայկական զինտեխնիկան և հայ զինվորներին ծաղրող իրական չափերի մոմե մանեկենները:

«Ռազմավարի պուրակի» կենտրոնական մասը զոհված և գերեվարված հայ զինվորների սաղավարտներից պատրաստված երկար արահետն է:

«Այս ամենը տեղի է ունեցել ոչ թե անհայտ մի պետությունում, այլ Եվրոպայի խորհրդի անդամ պետություններից մեկում` Ադրբեջանում: Հիշեցնեմ, որ Ադրբեջանն այն երկիրն է, որը շարունակում է ապօրինի պահել ավելի քան 200 հայ ռազմագերիների»,- հայտարարել է Մարուքյանը։

Նա զուգահեռներ է ներկայացրել Ալիևի, Հիտլերի ու Հուսեյնի նմանօրինակ գործողությունների միջև, հիշեցրել, թե ինչպես 1980-ականների վերջին Իրաքում Սադամ Հուսեյնն օգտագործեց պատերազմի դաշտից հավաքված, սպանված 5000 իրանցի զինվորների սաղավարտներ՝ ավարտին հասցնելու համար, այսպես կոչված, «Հաղթանակի կամար» հուշարձանը։

«Հուսեյնի նման` Ալիևը կարծում է, որ հենց դա է իրեն օգնելու փառաբանել «Իսլամական պետություն» ահաբեկչական կազմակերպության գործելաոճը որդեգրած բանակը: Նկատեմ ևս մեկ նմանություն այս երկու բռնակալների միջև. Հուսեյնի նման` Ալիևը ևս չի վերադարձնում ռազմագերիներին»,- շեշտել է Մարուքյանը։

Նրա խոսքով՝ այս «պուրակն» ի ցույց է դնում Ադրբեջանի իշխանությունների ագրեսիվ էությունը և նրանց իրական դեմքը. նրանք ոչ միայն խթանում են ռասսայական ատելություն, այլև համարում են, որ դաժան վերաբերմունքն ու խոշտանգումների ցուցադրությունը գալիք սերունդներին և ամբողջ աշխարհին` բնականոն է։

Ադրբեջանում բացված «պուրակ-թանգարանը» նախատեսված է նաև երեխաների համար. ՀՀ ՄԻՊ-ի արձագանքը

«Պատմությունն ապացուցել է` եթե անհրաժեշտ քայլեր չեն ձեռնարկվում ժամանակին բռնապետներին և նրանց ագրեսիան կասեցնելու համար, այն սովորաբար դադարում է լինել տեղային խնդիր և տարածվում է ամբողջ աշխարհում»,- դիմելով եվրոպացի գործընկերներին՝ ասել է Մարուքյանը։

Նա կոչ է արել հրատապ միջոցներ ձեռնարկել Ադրբեջանի գործողությունները դատապարտելու համար և շեշտել՝ այսպես կոչված «Ռազմավարի պուրակը» պետք է փակվի։

192
թեգերը:
Իլհամ Ալիև, Եվրախորհրդի խորհրդարանական վեհաժողով (ԵԽԽՎ), Էդմոն Մարուքյան, պուրակ, Բաքու
Ըստ թեմայի
Փաշինյանը գեներալներին խոստացել է պատերազմի պարտության պատճառները չքննել. Մարուքյան
Ո՞ւր է մեր ԱԳՆ հայտարարությունը. Մարուքյանը մեղադրեց իշխանությանն անգործության համար
Մինսկի խմբի համանախագահները չեն կարողանում պատերազմից հետո Արցախ այցելել. Մարուքյան
Բորիս Ավագյան

Կարծիք հայտնելու գինը․ Բորիս Ավագյանը հրավիրվել է ԱԱԾ

0
(Թարմացված է 21:47 19.04.2021)
Նա նաև սրճարանում հանդիպել է ԱԻՊԾ ներկայացուցչի հետ ու նրան հանձնել իր հաշվարկային զենքը, վկայականն ու համազգեստը։

ԵՐԵՎԱՆ, 19 ապրիլի – Sputnik․ Արցախի Հանրապետության ԱԻ պետական ծառայության արդեն նախկին փոխտնօրեն Բորիս Ավագյանը հրավիրվել է ԱԱԾ։ Տեղեկությունը նա հաստատել է News.am-ի հետ զրույցում։

«Հրավիրվել եմ, կայցելեմ, չգիտեմ, դեռևս չեմ եղել, ոչ մի բան չեմ ենթադրում»,- նշեց Ավագյանը՝ մեկնաբանելով այն լուրերը, թե իրեն կարող են ձերբակալել։

Ավագյանի խոսքով՝ քիչ առաջ սրճարանում ԱԻՊԾ ներկայացուցիչը ներքին գործերի նախարար Կարեն Սարգսյանի հրամանով վերցրել է իր հաշվարկային զենքը, ծառայողական վկայականն ու համազգեստը։ Թե ինչու է, այսպես ասած, «հանձնում-ընդունումը» կատարվում սրճարանում, այլ ոչ թե Հայաստանում Արցախի մշտական ներկայացուցչությունում, Ավագյանը չգիտի։ Ասում է՝ «երևի իրենց այդպես է հարմար»։

Նշում է, որ դեռևս չի ստացել իր պաշտոնանկության վերաբերյալ Արցախի նախագահի հրամանը։ Երբ ստանա, ծանոթանա՝ կարձագանքի։

Ընդգծում է՝ այն, ինչ այսօր տեղի ունեցավ ԱԺ-ում, ասուլիս չէր, հանդիպում էր մի խումբ պատգամավորների հետ։

«Իրենք ուզել են խորհուրդներ հարցնել իրենց գործունեության վերաբերյալ, ես իմ կողմից նրանց տվել եմ խորհուրդներ։ Ես շեշտել եմ, որ այդ քննադատությունները հնչեցրել եմ որպես ՀՀ քաղաքացի, հայ և ծնող։ Քանի որ ես իմ աշխատանքը դիտարկում էի որպես ծառայություն, եթե Արցախի Հանրապետության նախագահը հաշվում է, որ իմ ծառայության կարիքն արդեն չունի հանրապետությունը, ես հաշվում եմ՝ ոչ մի խնդիր չկա դրանում»,- նշեց Ավագյանը։

Հավելում է՝ իր խոսքերի համար չի զղջում։

Նշենք, որ Ավագյանն այսօր Երևանում մասնակցել էր հայ ռազմագերիների վերադարձի խնդրին վերաբերող քննարկմանը։

Նա մասնավորապես հայտնել էր, որ չի ընդունում ՀՀ ԱԺ իշխող «Իմ քայլը» խմբակցության որոշ պատգամավորների այն դիրքորոշումը, թե գերիների վերադարձի համար պատասխանատու է ռուսական կողմը։

Նա նաև հայտնել էր, որ իր համար զարմանալի չի եղել, երբ Բաքու մեկնած ինքնաթիռը վերադարձել է դատարկ։ Ըստ նրա` այդ այցը եղել է աշխատանքային և կապ չի ունեցել գերիների վերադարձի հետ։

Դրանից անմիջապես հետո ԱՀ արտակարգ իրավիճակների պետական ծառայությունը հաղորդագրություն է տարածեց, որ Բորիս Ավագյանն աշխատանքից ազատվել է հնչեցրած կարծիքների համար։

Նշվում էր, որ նա «իր ասուլիսի և ծառայության անունից հանդես գալու մասին տեղյակ չի պահել վերադաս ղեկավարությանը և խոսել է իր լիազորությունների շրջանակներից դուրս թեմաներից։ Հաշվի առնելով ծառայողին ոչ հարիր պահվածքը և պաշտոնական դիրքի չարաշահումը` Կարեն Սարգսյանի հրամանով Բորիս Ավագյանն ազատվել է զբաղեցրած պաշտոնից։

0
թեգերը:
ազատում, Արցախ, Բորիս Ավագյան
Ըստ թեմայի
Արցախում առաջիկայում նոր հենակետեր կբացվեն միջպետական ու ներպետական բոլոր ճանապարհներին
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Մենք խաղաղության մեջ չենք, մենք ունենք թշնամական պետություն մեր առջև. արցախցի պաշտոնյա