Ռոբերտ Քոչարյան. արխիվային լուսանկար

Այս մարդիկ այնքան ծնկի իջած են, որ չեն կարող պայքարել մեր գերիների համար. Քոչարյան

344
(Թարմացված է 08:58 28.01.2021)
Ռոբերտ Քոչարյանն ասաց, թե ինչու Ադրբեջանը չի վերադարձնում հայ գերիներին և որ դեպքում կվերադարձնի։

ԵՐԵՎԱՆ, 28 հունվարի – Sputnik. Առանց գերիների հարցի լուծման որևէ քայլ Ադրբեջանի հետ շփումներում մենք չպիտի ունենայինք: Այսօր հայաստանյան մի քանի կայքերին տված հարցազրույցում նման հայտարարություն արեց ՀՀ երկրորդ նախագահ Ռոբերտ Քոչարյանը՝ մեկնաբանելով ՌԴ-ում կայացած եռակողմ վերջին հանդիպումից ՀՀ վարչապետի ձեռնունայն վերադառնալու փաստը և մինչ այդ նրա արած հայտարարությունը գերիների վերադարձի առաջնահերթության մասին:

«Սա պետք է լիներ նախապայման մնացած բոլոր քայլերն անելու համար»,- ասաց Քոչարյանը՝ հավելելով, որ «ինչու չի արվում» հարցի պատասխանն ինքը չունի:

Երկրորդ նախագահը նշեց, որ գերիների մասին տեղեկատվության «պետական գաղտնիք» որակումն էլ իր համար անհասկանալի ու անընդունելի է, քանի որ հասկանալի չէ, թե ումից է այն գաղտնի պահվում:

«Կարո՞ղ է Ադրբեջանը չգիտի, թե քանի գերի ունի: Պետական գաղտնիքը մեր ժողովրդի՞ց է: Ընդհանրապես պետական գաղտնիք է հարավում այն տեղեկատվությունը, որն ազգային անվտանգության տեսակետից պետք է մեր հակառակորդի, թշնամիներին: Հիմա այդ թիվը մեր թշնամին մեզանից լավ գիտի»,- ասաց նա:

Ավելի շատ հայանպաստ, քան ադրբեջանամետ. Մարուքյանը` ԵԽԽՎ–ում գերիների հարցի պատասխանի մասին

Ինչ վերաբերում է հունվարի 11-ին ՌԴ-ում կայացած եռակողմ հանդիպմանը, Քոչարյանը շեշտեց, որ նման կարգի հանդիպումների բովանդակությունը նախապես համաձայնեցվում է, ուստի  նախապես գերիների հարցի լուծման պահանջ ներկայացնելը, նրա համոզմամբ, միանգամայն իրատեսական ու հնարավոր էր:

«Այս մարդիկ այնքան են ծնկի իջած են, որ չեն կարող պայքարել մեր երկրի համար, մեր ազգային շահի, մեր գերիների համար»,- ասաց նա:

Քոչարյանի համոզմամբ, նույնիսկ եթե խնդիրը բարձրացվի, դա լինելու է ոչ թե պահանջ, այլ խնդրանք:

«Անգամ իմ գործոնը բոբո են սարքելու, ասելու են գերիներին տուր, որ Քոչարյանը չկարողանա գերիների մասին խոսել»,- ասաց ՀՀ 2–րդ նախագահը:

Քոչարյանի կարծիքով Ադրբեջանը գերիներին չի վերադարձնում, որպեսզի խնդիր ստեղծի Արցախի բանակի համալրման համար՝ այդ կերպ քայքայելով Արցախի անվտանգության համակարգը:

Ի վերջո, Ռոբերտ Քոչարյանի կանխատեսմամբ, հայ գերիներին Ադրբեջանը կվերադարձնի միայն այն բանից հետո, երբ Հայաստանը կխոստանա Արցախ ոչ մի զինվոր չուղարկել:

Նշենք, որ հունվարի 11–ին Մոսկվայում կայացած եռակողմ հանդիպումից հետո ՀՀ վարչապետ Նիկոլ Փաշինյանը հայտարարեց, որ գերիների հարցը լուծել չի հաջողվել։ Մինչդեռ 2020–ի նոյեմբերի 9–ին ընդունած եռակողմ հայտարարության 8–րդ կետը նախատեսում էր գերիների վերեդարձ «բոլորը բոլորի դիմաց» սկազբունքով։

344
թեգերը:
Նիկոլ Փաշինյան, Ադրբեջան, ռազմագերի, գերի, Ռոբերտ Քոչարյան
Ըստ թեմայի
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Արցախում ամեն օր նոր տարածքային կորուստներ են գրանցվում. Քոչարյան
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան
Արթուր Վանեցյան. արխիվային լուսանկար

Վանեցյանն ասաց` ինչ կլինի, եթե Փաշինյանի օրոք ընտրություն կազմակերպվի

3
Արթուր Վանեցյանի խոսքով` հանրային ճնշման արդյունքում Նիկոլ Փաշինյանն ի վերջո հեռանալու է։

ԵՐԵՎԱՆ, 6 մարտի - Sputnik. ՀՀ վարչապետ Նիկոլ Փաշինյանի վերջին քայլերը ցույց են տալիս, որ նա չի կարողանալու ապահովել արդար ընտրություններ, և եթե դրանք կազմակերպվեն Փաշինյանի վարչապետությամբ, չեն վայելելու ժողովրդի մեծամասնության վստահությունը։ Բաղրամյան պողոտայում Հայրենիքի փրկման շարժման հանրահավաքից առաջ լրագրողների հետ զրույցում նման տեսակետ հայտնեց «Հայրենիք» կուսակցության առաջնորդ Արթուր Վանեցյանը։

Նշենք, որ քիչ անց Բաղրամյան պողոտայում կմեկնարկի Հայրենիքի փրկման շարժման հանրահավաքը։

«Մեր օրակարգից չենք շեղվում. Փաշինյանի հրաժարական, ժամանակավոր կառավարության ձևավորում, արտահերթ խորհրդարանական ընտրություններ։ Իսկ թե ով պետք է լինի իշխանության՝ կորոշի ժողովուրդը, սակայն Փաշինյանը վերջին շրջանում ցույց տվեց, որ ինքն ի վիճակի չէ շարունակել ՀՀ վարչապետ լինել»,–ասաց նա։

Վանեցյանի խոսքով` հանրային ճնշման արդյունքում Փաշինյանն ի վերջո հեռանալու է։

Նա նշեց նաև, որ սկզբում իշխանությունները փորձեցին ընդդիմության պայքարը վերածել նախկինների և ներկաների կռվի, սակայն հանրությունը հասկացավ, որ խոսքն ավելի լուրջ բաների մասին է` երկրի ապագայի հարցն է։

Ավելին, ըստ Վանեցյանի, կան մարդիկ, որոնք չունեն Հայրենիքի փրկության շարժման նկատմամբ համակրանք, սակայն գնում են Բաղրամյան պողոտա` իրենց բողոքի ձայնը բարձրաձայնելու։

3
Արա Զոհրաբյան

Նախագահը մինչև մարտի 9-ը իրավունք ունի Գասպարյանի ազատման հարցով դիմելու ՍԴ. Արա Զոհրաբյան

35
(Թարմացված է 15:24 06.03.2021)
ՀՀ փաստաբանների պալատի նախագահը կարծում է, որ ՀՀ նախագահ Արմեն Սարգսյանը շատ հարցերում է լռում։

ԵՐԵՎԱՆ, 6 մարտի - Sputnik. ՀՀ նախագահ Արմեն Սարգսյանը մինչև մարտի 9-ն իրավունք ունի ԳՇ պետ Օնիկ Գասպարյանի ազատման հարցով դիմել Սահմանադրական դատարան։ ՀՀ պաշտպանության նախարարության դիմաց լրագրողների հետ զրույցում ասաց փաստաբանների պալատի նախագահ Արա Զոհրաբյանը։

«Այս փուլում իրավիճակն այսպիսին է` նախագահը կա՛մ պետք է դիմի Սահմանադրական դատարան, կա՛մ ստորագրի հրամանագիրը և համաձայնի վարչապետի հետ։ Մենք նախագահին ուզում ենք ասել, թե ինչո՞ւ է նա երկու մարմինների միջև ծագած վեճը թողնում, որ նրանք էլ լուծեն` ՍԴ–ից լավ հարթակ կա՞»,–ասաց Զոհրաբյանը։

Նրա խոսքով` Արմեն Սարգսյանը շատ հարցերում է լռում։ Զոհրաբյանը նշեց, որ նախագահն արդեն հայտնել է, որ կա խնդիր, և հիմա զարմանալի է` ինչո՞ւ է վարանում ՍԴ դիմել։ ՓՊ նախագահն ասաց, որ մի խումբ մարդկանցով դիմելու են նախագահին, որ սահմանադրականության շրջանակում լուծվեն առկա խնդիրները։

Հիշեցնենք, որ քիչ առաջ ՊՆ–ի մոտ զինվորականներ, տարբեր ոլորտի մարդիկ և շարքային քաղաքացիներ էին հավաքվել` ի աջակցություն ԳՇ պետ Օնիկ Գասպարյանի։

Նրանք ակցիայի վերջում ավտոերթով գնացին Բաղրամյան 26` նախագահին դիմելու, որպեսզի ՍԴ դիմի Գասպարյանին աշխատանքից ազատելու վերաբերյալ։

Հիշեցնենք նաև, որ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

35
թեգերը:
Արմեն Սարգսյան, Օնիկ Գասպարյան, Արա Զոհրաբյան, Բողոքի ակցիա
Ըստ թեմայի
«Բանակի փեշերից են կախվել». Քոչարյանն ասաց` ինչպես է լուծվելու Օնիկ Գասպարյանի հարցը
ԳՇ–ն միանգամից 3 պետ կունենա՞, կամ ՍԴ–ից բացի ուրիշ ինչ ուղի ունի Օնիկ Գասպարյանը
«Օնիկ Գասպարյանն ինչ էլ անի` իր կողքին կանգնած ենք». զինվորականները ՊՆ–ի մոտ են