Արման Թաթոյան

Հաշմանդամություն ունեցող օդաչուների իրավունքները շարունակվում են խախտված մնալ. Թաթոյան

0
(Թարմացված է 13:22 25.01.2021)
ՄԻՊ–ը շեշտում է, որ ՀՀ կառավարությունը պարտավոր է առավելագույն սեղմ ժամկետներում այս հարցին տալ այնպիսի լուծում, որը կապահովի հաշմանդամություն ստացած օդաչուների իրավունքների լիարժեք իրացումը:

ԵՐԵՎԱՆ, 25 հունվարի – Sputnik. ՀՀ մարդու իրավունքների պաշտպան Արման Թաթոյանը հայտնում է, որ հաշմանդամություն ունեցող օդաչուների իրավունքները Կառավարության ու դատական շուրջ 15 տարիների քաշքշուկների պատճառով խախտվել են ու շարունակվում են մնալ խախտված:

«Սա դասական օրինակ է, թե ինչպես կառավարության տարբեր մարմինների կողմից հարցն իրար վրա գցելու, դատական քաշքշուկների ներքո պատսպարվելու ու հարցի լուծման օրենսդրական հիմքեր այդպես էլ չապահովելու արդյունքում մարդիկ տարիներ շարունակ զրկված են աշխատավայրում դժբախտ դեպքերի, մասնագիտական հիվանդությունների հետևանքով կյանքին և առողջությանը պատճառված վնասի հատուցում ստանալու իրավունքից»,– Facebook–ի իր էջում գրել է նա:

Թաթոյանի խոսքով` հաշմանդամություն ստացած օդաչուները տարիների ընթացքում ամեն կառավարության հետ նորովի են ստիպված լինում բարձրացնել իրենց իրավունքների պաշտպանության հարցերը, սակայն վերջում միևնույնն է՝ ամեն անգամ ստանում են միայն խուսափողական, խնդրի լուծում չապահովող, չհիմնավորված վախերով պատճառաբանվող ու մարդկանց միայն հույսեր ներշնչող նույնաբովանդակ պատասխաններ:

«Այս գործն օրինակ է, թե ինչպես է գործադիր իշխանության համակարգի բյուրոկրատիան խաթարում իրավունքի գերակայության գաղափարը և ինչպես է կոպտորեն ոտնահարվում մարդու՝ բարձրագույն արժեք լինելու սահմանադրական սկզբունքը»,– շեշտել է ՄԻՊ–ը:

Ըստ նրա` այս գործը ցույց է տալիս, որ գործնականում չի ապահովվում պետության պատասխանատվությունը մարդու ու նրա կոնկրետ խնդիրների նկատմամբ, հարգանքը նրա կոնկրետ իրավունքների հանդեպ, որքան էլ ռազմավարական տարբեր փաստաթղթերում Կառավարությունները տարիներ շարունակ ամրագրել են մարդու իրավունքների պաշտպանության գաղափարներ:

«Բյուրոկրատական նման քաշքշուկները մարդկանց աչքերում արժեզրկում, զրոյացնում են այդ բոլոր գաղափարները, դրանք դարձնում են հռչակագրային անիրական «մտքեր»»,– ընդգծել է պաշտպանը:

Օդաչուների գործը Մարդու իրավունքների պաշտպանի աշխատակազմ առաջին անգամ մուտքագրվել է 2006 թվականին, այսինքն՝ 15 տարի առաջ: Այս տարիների ընթացքում Մարդու իրավունքների պաշտպանները տասնյակներով գրություններ են հասցեագրել պետական համապատասխան մարմիններին՝ անհրաժեշտ օրենսդրական ուսումնասիրություններով և հարցի լուծման առաջարկներով, կազմակերպել կամ նախաձեռնել են քննարկումներ:

Տեղի են ունեցել մի քանի տասնյակ հանդիպումներ Մարդու իրավունքների պաշտպանի աշխատակազմի, Աշխատանքի և սոցիալական հարցերի նախարարության, Արդարադատության նախարարության, «ՀՀ քաղավիացիայի հաշմանդամ օդաչուների» հասարակական կազմակերպության ներկայացուցիչների և հարցի կարգավորման գործում ներգրավված այլ կողմերի միջև:

Խնդիրը տարիներ շարունակ բարձրաձայնվել է նաև Մարդու իրավունքների պաշտպանների զեկույցներում և հաղորդումներում:

Բանն այն է, որ 2004 թվականին կառավարությունը ուժը կորցրած է ճանաչել որոշման մի դրույթ, որով կազմակերպության լուծարման կամ վերակառուցման հետևանքով գործունեության դադարեցման դեպքում վնասը փոխհատուցում է նրա իրավահաջորդը, իսկ վերջինիս բացակայության դեպքում` պետական բյուջեն:

Արդյունքում օդաչուները զրկվել են դժբախտ դեպքերի, մասնագիտական հիվանդությունների հետևանքով կյանքին և առողջությանը պատճառված վնասի հատուցման ամենամսյա վճարներից:

Թաթոյանի խոսքով` 2006 թվականից մինչ 2020 թվականը կազմակերպության լուծարման վերաբերյալ դատական գործընթացների ավարտին սպասել են նաև օդաչունները, որոնց նպատակն է եղել վերջնական դատական ակտ ունենալուց հետո օրենսդրական նախաձեռնության ճանապարհով ստանալ վնասի հատուցման համար նախատեսված գումարները:

«Մա՞մ, էլի ջոկողություն ես անո՞ւմ...». Շուշիում նույն օրը զոհված եղբայրների պատմությունը

Ավելի քան 7 տարի աշխատանքի և սոցիալական հարցերի նախարարությունը շրջանառության է դրել այդպես էլ իրականություն չդարձած օրենքի նախագիծ, որի նպատակն է կազմակերպության լուծարման դեպքում լուծել դժբախտ դեպքերի, մասնագիտական հիվանդությունների հետևանքով տուժած անձանց վնասի հատուցման հարցը:

«Մինչդեռ տարիներ շարունակ նախագծի ընդունման չհիմնավորված ձգձգումներն ապացուցում են, որ կառավարությունները չեն գործադրել և շարունակում են չգործադրել հետևողական ջանքեր մարդկանց իրավունքների խախտումները վերացնելու ուղղությամբ»,– նշել է ՄԻՊ–ը:

2017 և 2020 թվականներին կառավարության հետ քննարկումները և ձեռք բերված աշխատանքային պայմանավորվածությունները արձանագրել են խնդրի լուծմանն ուղղված որոշակի դրական տեղաշարժեր: Այդպիսի տեղաշարժերից էր խնդրի լուծմանն ուղղված օրենսդրական նախաձեռնությունը:

Զինհաշմանդամների համար IT ոլորտում անվճար դասընթացներ կիրականացվեն

Մինչդեռ 2020 թվականին արդարադատության նախարարությունը նախագծի ընդունման վերաբերյալ ներկայացրել է բացասական եզրակացության արդյունքում գործընթացը կանգ առավ:

Դրանից հետո աշխատանքի և սոցիալական հարցերի նախարարությունում Մարդու իրավունքների պաշտպանի աշխատակազմի ու հաշմանդամություն ունեցող օդաչուների մասնակցությամբ քննարկումները ակնհայտ դարձրեցին, որ խնդրի լուծման կոնկրետ քայլեր մինչ օրս չեն ներկայացվել:

Արդյունքում ստեղծվել է իրավիճակ, որով անտեսվում են նաև Հայաստանի Հանրապետության ստանձնած միջազգային պարտավորությունները:

Փաստորեն ստացվել է այնպես, որ թեև պատկան մարմիններից որևէ մեկը չի ժխտում, որ առկա է խնդիր, բայց այդ խնդիրը շարունակում է մնալ չլուծված, իսկ մարդու իրավունքը՝ չվերականգնված: Հաշվի չի առնվում նաև հաշմանդամություն ստացած օդաչուների տարիքային ու առողջական վիճակը, կյանքի տևողությունը, որը միայն պետք է նպաստեր այդ հարցի հրատապ ու նրանց համար հարցի հնարավորինս նպաստավոր լուծմանը, այլ ոչ թե քաշքշուկներով մատնվեր տարիների անթույլատրելի մոռացության:

«Ռումբն ընկավ, թևերս հետ թռան...». Վարոյի տեսած իրական պատերազմն ու թևավոր երջանկությունը

ՀՀ կառավարությունը (իր մարմիններով) պարտավոր է առավելագույն սեղմ ժամկետներում այս հարցին տալ այնպիսի լուծում, որը կապահովի հաշմանդամություն ստացած օդաչուների իրավունքների լիարժեք իրացումը:

Մարդու իրավունքների պաշտպանի գրասենյակը շարունակելու է ՄԻՊ–ի պաշտպանի իրավասության սահմաններում գործադրել առկա բոլոր հնարավորությունները՝ օդաչուների խախտված իրավունքների վերականգնման նպատակով:

0
թեգերը:
Օդաչու, Արման Թաթոյան, հաշմանդամ, Հայաստան
Ըստ թեմայի
Արցախցիների աջակցության 15 ծրագիր կա. ով որքան գումար կարող է ստանալ
Վիրավոր զինվորները կկարողանան քայլակ կամ սայլակ ստանալ առանց հաշմանդամության կարգի
Կասեցրել են հակառակորդի գրոհը, թշնամուն զգալի կորուստներ պատճառել․ նորօրյա հերոսները
Արման Թաթոյանն ԱԺ-ում

Չփորձեք մեր երկրում ատելության մթնոլորտ ավելացնել․ ՄԻՊ-ը զգուշացնում է պաշտոնյաներին

0
(Թարմացված է 00:15 17.04.2021)
Սոցիալական ցանցերում լարվածությունը հասել է վտանգավոր չափերի, իսկ որոշ պաշտոնյաներ իրենց էջերով տարածում են ատելություն, հայհոյում են մարդկանց, հրապարակայնորեն արդարացնում կամ խրախուսում են բռնությունը:

ԵՐԵՎԱՆ, 17 ապրիլի- Sputnik․ Հայաստանի մարդու իրավունքների պաշտպան Արման Թաթոյանը որոշ պաշտոնյաների «անօրինական, ձևախեղված հանրային վարքի կապակցությամբ» դիմել է իրավապահ մարմիններին։ Տեղեկությունը նշված է ՄԻՊ Facebook-ի պաշտոնական էջում։

Դատախազությանը, Ազգային անվտանգության ծառայությանը և Ոստիկանությանն ուղղված հաղորդումներով պաշտպանը բարձրացրել է այն պաշտոնյաների հարցը, որոնք սոցիալական ցանցերում հրապարակումներ են անում, «սակայն չեն հեռացնում դրանց ներքո ծավալվող՝ վիրավորանք ու ատելություն պարունակող, բռնությունն արդարացնող, խրախուսող կամ բռնության կոչ պարունակող գրառումները» կամ էլ երբ պաշտոնյաներն են հրապարակայնորեն «կիսվում» կամ «հավանում» նման գրառումները:

Պաշտպանի դիրքորոշմամբ՝ նման պաշտոնյաների արարքները պետք է դիտվեն ՀՀ քրեական օրենսգրքի 226.2-րդ հոդվածով (Բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը) սահմանված քրեական պատասխանատվության ներքո:

«Ցավոք, մեր երկրում կան պաշտոնյաներ, որոնք ձևախեղված պատկերացումներ ունեն իրենց կարգավիճակի վերաբերյալ, չունեն հանրային պատասխանատվություն իրենց զբաղեցրած պետական պաշտոնի նկատմամբ և զբաղված են անօրինական արարքներ կատարելով: Խոսքը պաշտոն զբաղեցնող այն անձանց մասին է, որոնք իրենց սոցիալական ցանցերի գրառումներով տարածում են ատելություն, հայհոյում են մարդկանց, հրապարակայնորեն արդարացնում կամ խրախուսում են բռնությունը»,- նշված է ՄԻՊ հայտարարության մեջ։

Պոլիկլինիկաների նկատմամբ անվստահություն կա. ՄԻՊ–ի տարեկան զեկույցը

Պաշտպանը շեշտում է՝ սոցիալական ցանցերում լարվածությունը հասել է վտանգավոր չափերի՝ հատկապես հաշվի առնելով պատերազմին հաջորդած ճգնաժամային իրավիճակները, էմոցիոնալ լարվածությունը: Նրա պնդմամբ՝ նման իրավիճակում պետության ուղիղ պարտավորությունն է այս ամենը կանխելը, համերաշխության ու խաղաղության մթնոլորտ երաշխավորելը, մինչդեռ որոշ պաշտոնյաներ անում են ճիշտ հակառակն ու ավելացնում լարվածությունն ու ագրեսիվությունը։

Թաթոյանը շեշտում է՝ որոշ պաշտոնյաների կողմից արվող գրառումները խախտում են քաղաքացիների իրավունքները, խարխլում երկրում մարդու իրավունքների համակարգը։

«Նման անօրինական վարքի տեր պաշտոնյաներին խիստ զգուշացնում եմ` չփորձեն ատելության, բռնությունն արդարացնող կամ խրախուսող իրենց գրառումներով լարվածության մթնոլորտ ավելացնել մեր երկրում: Այս հարցերի նկատմամբ լինելու եմ հետևողական»,- ընդգծում է պաշտպանը։

Հայտարարության մեջ նաև նշված է, որ ՄԻՊ-ը ևս մեկ հաղորդում է ներկայացրել դատախազություն՝ «Մարդու իրավունքների պաշտպանին իր լիազորությունների իրականացման կապակցությամբ վիրավորանք հասցնելու և բացահայտ անհարգալից վերաբերմունք ցուցաբերելու համար»։ Դատախազություն են ներկայացվել քրեական գործ հարուցելու համար անհրաժեշտ հիմքեր:

Հիշեցնենք՝ դեռ մարտի սկզբում կրքերը թեժացան կառավարության և Մարդու իրավունքների պաշտպանի միջև։ Կառավարությունը մարտի 11-ի նիստում ընդունեց Ֆինանսների նախարարության առաջարկը՝ կորցրած ճանաչել «Մարդու իրավունքների պաշտպանի մասին» սահմանադրական օրենքի 8-րդ հոդվածի 5-րդ մասը: Այն սահմանում է, որ յուրաքանչյուր տարի պաշտպանի աշխատակազմին պետական բյուջեով հատկացվող գումարը չի կարող պակաս լինել նախորդ տարվանից: Փաստորեն, այս փոփոխությամբ կարող էր կրճատվել Մարդու իրավունքների պաշտպանի գրասենյակի տարեկան բյուջեն։ Թաթոյանն այս որոշումը խտրական անվանեց՝ նշելով, որ այն ուղղված է ՄԻՊ-ի գործունեությունը սահմանափակելուն։

Արդեն ապրիլի 8-ին հայտնի դարձավ, որ Կառավարությունը խորհրդարանից հետ է կանչել ՄԻՊ-ի վերաբերյալ աղմկահարույց օրինագիծը։

0
թեգերը:
ատելություն, պաշտոնյա, ՀՀ ՄԻՊ, Արման Թաթոյան
Ըստ թեմայի
Ոչ այնքան զարմանալի է Ադրբեջանի անարգանքը, որքան մյուսների անտարբերությունը. Արցախի ՄԻՊ
ՄԻՊ գրասենյակը թարգմանում է Ալիևի ելույթները, որպեսզի ուղարկի միջազգային կառույցներին
ՄԻՊ–ը և դատախազությունն արձագանքել են լրագրողին հասցեին սպառնալիքներ հնչեցնելու դեպքին
ՀՀ նախագահ Արմեն Սարգսյանի պաշտոնական այցը Վրաստան. 15 ապրիլի, 2021

Այց համավարակի պայմաններում, կամ թե ինչպես դիմավորեցին Արմեն Սարգսյանին Վրաստանում

0
(Թարմացված է 23:04 16.04.2021)
Հայաստանի նախագահի այցը հագեցած էր։ Լրագրողները հետաքրքիր մանրամասներ են արձանագրել, որոնք դուրս են մնացել պաշտոնական լրահոսից։

ԵՐԵՎԱՆ, 16 ապրիլի – Sputnik, Նանա Մարտիրոսյան. Թբիլիսիի Շոթա Ռուսթավելու անվան օդանավակայանում անմիջապես պարզ է դառնում, որ ՀՀ նախագահ Արմեն Սարգսյանի այս այցը տարբերվելու է «մինչկորոնավիրուսայիններից»։

Ինչպես և նախկինում, հիմա էլ երկրի ղեկավարին դիմավորելու պաշտոնական արարողություն է կազմակերպված, բայց պատվո պահակախմբի ծառայողների հանդերձանքը նոր բաղկացուցիչ ունի՝ բժշկական դիմակը։ Բժշկական դիմակներով են նաև նախագահին դիմավորող վրացի պաշտոնյանները, միայն թե նրանց պաշտպանիչ միջոցները աչքի են ընկնում կրեատիվությամբ՝ ազգային դրոշների գույներով են։ Դա, հավանաբար, բարեկամության համավարակային նշան է։ Դա նկատում է նաև ինքը՝ Արմեն Սարգսյանը։ Հաճոյախոսություն է անում գաղափարի հեղինակներին և անցնում է պաշտոնական մասին։

Президент Армении Армен Саркисян вместе с супругой Нуне Саркисян с официальным визитом прибыл в Грузию (15 апреля 2021). Тбилиси
© Sputnik / Aram Nersesyan
ՀՀ նախագահ Արմեն Սարգսյանի պաշտոնական այցը Վրաստան. 15 ապրիլի, 2021

Լրագրողներին ուղեկցում են դեպի միկրոավտոբուս, որտեղ վարորդն անմիջապես հայտարարում է․ «Կարանտինը մեզ մոտ խիստ է, դիմակները մի հանեք, եթե մենակ չեք»։ Մեզ նաև զգուշացնում են, որ համավարակի պատճառով Սալոմե Զուրաբիշվիլին ՀՀ նախագահին կդիմավորի Օրբելիանի Պալատի բակում։

Պալատի երկաթե ցանկապատների հետևում հավաքվել են արարողությամբ հետաքրքրված թբիլիսցիները։ Երեխայի ձայն է լսվում՝ ռուսերեն ասում է․ «Մամա, ես էլ եմ իրենց կարմիր համազգեստից ու շունիկից ուզում»։ Միայն այդ պահին ենք նկատում, որ արարողակարգային ծառայության աշխատակիցները դուրս են հանում զինծառայողների շարքերում մոլորված շանը։

Собачка на фоне почетного караула в Грузии
© Sputnik / Aram Nersesyan
Պատվո պահակախումբն ու շունը

Ժամանում են նախագահները՝ դրոշի գույներով պաշտպանիչ դիմակներով։ «Կարգիա» (լավ է),-փսփսում են Հայաստանի դեսպանատան և Վրաստանի նախագահական ապարատի աշխատակցուհիները։ Դիմավորման հանդիսավոր արարողությանը հետևում է նախագահների հանդիպումը, որը գրեթե 2 ժամ է տևում՝ նախատեսված 20 րոպեի փոխարեն։

«Նրանք խոսելու բան ունեն, չէ՞ որ Սարգսյանն ու Զուրաբիշվիլին արդեն շատ տարիներ են ծանոթ, երկուսն էլ դիվանագետ են եղել և հաճախ են հանդիպել տարբեր հարթակներում»,-պատմում են մեզ ՀՀ նախագահի մամուլի ծառայությունից։

Президенты Армении и Грузии Армен Саркисян в Саломе Зурабишвили идут по красной ковровой дорожке (15 апреля 2021). Тбилиси
© Sputnik / Aram Nersesyan
ՀՀ նախագահ Արմեն Սարգսյանն ու Վրաստանի նախագահ Սալոմե Զուրաբիշվիլին

Սարգսյանի հաջորդ հանդիպումը, լրագրող-գործընկերների կարծիքով, պակաս պաշտոնական է, բայց առավել պատասխանատու։ Հայաստանի նախագահը հանդիպում է համայն Վրաստանի պատրիարք Իլյա 2-րդին։ Հյուրերի ցանկը առավելագույնս կրճատված է, որպեսզի կրճատվի նրան վարակելու վտանգը․ չէ՞ որ պատրիարքն արդեն 88 տարեկան է։ Նախագահն ու նրա տիկինը ողջունում են պատրիարքին, հարցնում նրա որպիսությունը և ներկայացնում այցի նպատակը։ Զրույցը ջերմ միջավայրում է անցնում։ Սարգսյանը պատրիարքի օրհնությունն է խնդրում, և Իլյա 2-րդը խնդրում է միացնել «Ավե, Մարիա»-ի իր տարբերակի ձայնագրությունը, որը գրել է մի քանի տարի առաջ։ Հայկական պատվիրակության անդամները, այդ թվում՝ նախագահը, հուզված են և զարմացած։

Встреча президента Армении Армена Саркисяна и Патриарха всея Грузии Илии II (16 апреля 2021 год), Тбилиси
© Sputnik / Aram Nersesyan
Հայաստանի նախագահը հանդիպում է համայն Վրաստանի պատրիարք Իլյա 2-րդի հետ։

«Դա կախարդական էր և շատ խորհրդանշական, երաժշտությունն իսկապես երկնային էր»,-պատմում է պատվիրակության անդամներից մեկը։

Հաջորդ կետը խորհրդարանն է։ Կարճատև սպասումից հետո նախագահն ու Վրաստանի խորհրդարանի խոսնակ Արչիլ Տալակվաձեն դուրս են գալիս մամուլի ներկայացուցիչների մոտ, Արմեն Սարգսյանը վերջին երկու օրում առաջին անգամ առանց դիմակի է։ Նա մանրակրկիտ հետևում էր Վրաստանում հաստատված բոլոր հակահամաճարակային կանոններին, ներառյալ պարետային ժամի պահպանմանը։

Президент Армении Армен Саркисян и премьер-министр Грузии Арчин Талаквадзе во время официальной встречи (15 апреля 2021). Тбилиси
© Sputnik / Aram Nersesyan
ՀՀ նախագահ Արմեն Սարգսյանն ու Վրաստանի խորհրդարանի խոսնակ Արչիլ Տալակվաձեն

«Շնորհակալություն, որ դիմակը հանելու հնարավորություն տվեցիք, բայց, ցավոք, այսօր հարցեր տալու հնարավորություն չեք ունենա»,-կատակում է նախագահը՝ դիմելով ԶԼՄ-ներին։

Մինչ Սարգսյանը հանդիպում էր Վրաստանի խորհրդարանի խոսնակ Տալակվաձեի հետ, մենք շտապում ենք 13-րդ դարի հայկական Սուրբ Գևորգ եկեղեցին։ Այնտեղ արդեն իսկ հավաքվել են հայ համայնքի ներկայացուցիչները։ Պարբերաբար հնչում է Նինա անունը։ Սև շրջազգեստով աղջիկն է, որը ճարպկորեն պտտվում է հավաքվածների միջև և ծաղիկներ է առաջարկում։

Нина, работница церкви Св.Геворк в Тбилиси с букетом цветов в руках
© Sputnik / Aram Nersesyan
Սուրբ Գևորգ եկեղեցու աշխատակից Նինան

-Որտե՞ղ է Նինան, ես էլ եմ ուզում ծաղիկներ դնել,-կանչում է նոր ժամանած նախագահը։

Նա լրագրողներին պատմում է, որ Վրաստանի մայրաքաղաքի հետ իրեն շատ բան է կապում։ Նախագահը Թբիլիսին համարում է այն քաղաքը, որտեղ հայկական և վրացական մշակույթները կարողացել են միավորվել և միմյանց բազմաթիվ կարևոր հուշարձաններ, տաղանդավոր գործիչներ տալ, էլ ավելի խորացնել երկու երկրների միջև հարաբերությունները։

Բացի այդ, նրա կնոջ՝ Նունե Սարգսյանի ծնողները Վրաստանում են ծնվել։ Նա ինքն էլ լավ ծանոթ է այդ երկրի բազմաթիվ ավանդույթների, կերակրատեսակների և մշակութային ժառանգության հետ։ Ինքը՝ Նունե Սարգսյանը, Sputnik Արմենիայի թղթակցի հետ զրույցում խոստովանում է, որ շատ է սիրում Թբիլիսին և հատկապես հին շենքերը, որոնք պահպանում են քաղաքի շունչը։ Իսկ փոքր ժամանակ հաճախ է եղել Ախալցխայում՝ տատիկ-պապիկի մոտ, և բազմաթիվ մանկական ջերմ հուշեր Վրաստանի հետ են կապված։

Супруга президента Нунэ Саркисян во дворе церкви Св. Геворк в Тбилиси
© Sputnik / Aram Nersesyan
ՀՀ նախագահի տիկին Նունե Սարգսյանը Սուրբ Գևորգ եկեղեցու բակում

-Վրացական մշակույթը, ավանդույթները, խոհանոցը շատ հարազատ են ինձ։

-Իսկ վրացական կերակրատեսակներ պատրաստել կարո՞ղ եք։

-Սացիվի եմ կարողանում պատրաստել։

-Իսկ վրացերեն սիրելի բառ ունե՞ք։

-Այո, գենացվալե (խմբ․՝ թանկագինս)։

0
թեգերը:
Վրաստանի Հանրապետություն, Արմեն Սարգսյան
Ըստ թեմայի
ՀՀ նախագահ Արմեն Սարգսյանը Վրաստան մեկնելուց առաջ վրացերեն գրառում է արել
Ոգեշնչված տուն վերադարձա․ Հայաստանի և Վրաստանի նախագահների փոխադարձ մաղթանքները
Վրաստանում Արցախից հետո գիտակցեցին ՀՀ–ի կարևորությունը. ինչու Սարգսյանն այցելեց Թբիլիսի
Ուկրաինա–ամերիկյան զորավարժություններ

«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ

0
(Թարմացված է 00:31 17.04.2021)

Ղրիմի սահմանների օդային հետախուզություն, ՆԱՏՕ-ի նավերը Սև ծովում, զանգվածային զորավարժությունների նախապատրաստում և խորհրդավոր բեռներ, որոնք ԱՄՆ-ն տեղափոխում է Ուկրաինա․ վերջին օրերին հյուսիսատլանտյան դաշինքը կտրուկ ակտիվացել է Արևելյան Եվրոպայում։ Ոչ ոք չի թաքցնում, որ դա արձագանքն է Կիևի կողմից Դոնբասի շփման գծի կողմ ստորաբաժանումների և տեխնիկայի տեղափոխմանը, ինչպես նաև երկրի ներսում ռուսական զորքերի տեղաշարժին։ ՌԻԱ Նովոստին վերլուծում է, թե ինչ է տեղի ունենում։

Անդրեյ Կոց, ՌԻԱ Նովոստի

ԱԹՍ-ները ռազմաճակատում

Դոնբասում հերթական սրացումից ի վեր ՆԱՏՕ-ի երկրների ավիացիան ավելի ու ավելի հաճախ է հայտնվում այստեղ։ Շփման գծի վրա գրեթե մշտապես կախված են RQ-4 Global Hawk հետախույզները՝ հետևելով ԴԺՀ-ի և ԼԺՀ-ի բանակների պաշտպանության նախապատրաստություններին: Բնականաբար, ԱԹՍ-ների արած լուսանկարներն անհապաղ դրվում են Կիևի զորահրամանատարների սեղաններին։

Ուկրաինային ԶՈւ-ն էլ է ակտիվացրել օդային հետախուզությունը. աշխարհազորայինները Թուրքիայում ձեռք բերված Bayraktar TB2 հարվածային դրոններ են նկատել, որոնք ցամաքային թիրախների վրա չեն հարձակվել։ ԱԹՍ-ների օպերատորներն առայժմ ուսումնասիրում են մարտական գործողությունների հավանական թատերաբեմը։ Ուկրաինայի ԶՈւ-ն այդ տիպի չորս դրոն ունի։ Լրացուցիչ ԱԹՍ ձեռք բերելու մասին պայմանագիրը, ինչպես հայտնում են ուկրաինական ԶԼՄ-ները, Կիևը Անկարայի հետ ստորագրել է նախագահ Վլադիմիր Զելենսկու՝ վերջերս Թուրքիա կատարած այցի ժամանակ։

Ռուսական C-400-ը «գրավում է» չորրորդ երկիրը. իսկ հետո՞

Բացի այդ, արևմտյան ավիացիան գրեթե ամեն օր Ղրիմի ափերի մշտադիտարկում է անցկացնում։ Սև ծովի չեզոք ջրերի վրայով թռչում են ռադիոէլեկտրոնային հետախուզության ամերիկյան և բրիտանական Boeing RC135W և Lockheed P-3COrion ինքնաթիռներ, ինչպես նաև հականավային P-8APoseidon ինքնաթիռներ։ Դրանց հիմնական խնդիրն է՝ հետևել Սևծովյան նավատորմի նավերի գործողություններին և բացահայտել թերակղզում տեղակայված զորախմբի հակաօդային պաշտպանության դիրքերը։

Խորհրդավոր բեռներ

ՆԱՏՕ-ն ուժեղացնում է նաև ռազմածովային ներկայությունը տարածաշրջանում։ Մինչև ապրիլի վերջ Սև ծով պետք է մտնեն ԱՄՆ ռազմածովային ուժերի երկու հրթիռային էսկադրային ականակիրները։ Պենտագոնի պաշտոնական վարկածի համաձայն՝ նավերի տեղափոխումը «առօրեական բնույթ է կրում»: Սակայն Կրեմլը կտրուկ է արձագանքել։ Զարմանալի չէ, քանի որ այդ էսկադրային ականակիրներն ավելի քան 50 «Տոմահավկ» թևավոր հրթիռներ են կրում։

«Ինչ վերաբերում է Միացյալ Նահանգների ռազմական ակտիվությանը, ներառյալ նավերի մուտքը Սև ծով, դա տեղի է ունենում կանոնավոր կերպով»,-նշել է ՌԴ արտգործնախարար Սերգեյ Լավրովը։ Հիմա դա հատկապես համառորեն է արվում, ուղեկցվում է ագրեսիվ հռետորաբանությամբ, հարցեր են հնչում՝ իսկ ի՞նչ է անում Ռուսաստանի Դաշնությունը Ուկրաինայի սահմանին։ Պատասխանը շատ պարզ է` մենք այնտեղ ապրում ենք, սա մեր երկիրն է։ Իսկ թե ինչ է անում Միացյալ Նահանգներն իր նավերով ու զինծառայողներով, որոնք մշտապես ՆԱՏՕ-ի ինչ-որ միջոցառումներ են կազմակերպում Ուկրաինայում՝ սեփական տարածքից հազարավոր կիլոմետրեր հեռու, այդ հարցն առայժմ անպատասխան է մնում»։

Անպատասխան է նաև մեկ այլ հետաքրքիր հարց․ ի՞նչ բեռներ են հասցում Կիև ԱՄՆ ՌԾՈւ-ի ռազմատրանսպորտային ավիացիայի ինքնաթիռները։ Մասնագետներն ուշադրություն են դարձրել FlightRadar ինտերնետ-ծառայության ցուցիչներին․ ամերիկյան C-17 և C-130 ինքնաթիռները, օդ բարձրանալով ԱՄՆ-ից, Գերմանիայից և Մերձբալթյան երկրներից, իջնում են «Բորիսպոլ» օդանավակայանում, բեռնաթափվում և հետ մեկնում։

Ե՞րբ օդ կբարձրանա ռուսական ՄիԳ–41 կործանիչը

Ռազմական փորձագետ Ալեքսեյ Լեոնկովի կարծիքով՝ Վաշինգտոնն Ուկրաինա է տեղափոխում ռադիոէլեկտրոնային պայքարի համալիրներ, ինչը կարող է Ուկրաինայի ԶՈւ մոտակա հարձակման նախանշան լինել։ Նա օրինակ է բերել ԱՄՆ զինված ուժերի մարտավարությունը «Փոթորիկ անապատում» գործողության ընթացքում, երբ հակամարտության առաջին իսկ օրերին ամերիկացիներն ամբողջությամբ «կուրացրել» էին Սադամ Հուսեյնի բանակը։

Այս վարկածի օգտին է խոսում ԴԺՀ-ի իշխանությունների՝ վերջերս արված հայտարարությունն այն մասին, որ ուկրաինացի ուժայինները սկսել են խլացնել ԵԱՀԿ առաքելության ԱԹՍ-ների ղեկավարման ալիքներն ու տվիչները, որպեսզի թաքցնեն ռազմական տեխնիկայի զանգվածային մուտքը տարածաշրջան։ Թեև Ռուսաստանը ևս չի պատրաստվում ձեռքերը ծալած նստել։

«Եթե ինչ-որ սրացում տեղի ունենա, մենք, իհարկե, կանենք ամեն ինչ, որպեսզի երաշխավորված կերպով պաշտպանենք սեփական անվտանգությունն ու մեր քաղաքացիների անվտանգությունը, որտեղ էլ նրանք գտնվեն,- ընդգծել է ԱԳՆ փոխնախարար Սերգեյ Ռյաբկովը,- նման տեսական սրացման ամբողջ պատասխանատվությունը կընկնի Կիևի ու նրա արևմտյան ղեկավարների վրա։ Մենք նաև նախազգուշացնում ենք ԱՄՆ-ին, որ ավելի լավ կլինի, եթե հեռու մնա Ղրիմից, մեր սևծովյան ափերից։ Իրենց օգտին կլինի»։

Նախապատրաստվելով զորավարժություններին

Ռուսական սահմանների մոտ արևմտյան երկրների զորքերի ակտիվության ուժեղացման ևս մեկ պատճառ է ՆԱՏՕ-ի նախապատրաստումը Defender Europe 2021 խոշորագույն ռազմական զորավարժություններին, որոնք մեկնարկելու են մայիսի կեսերին:

Ըստ զորավարժությունների լեգենդի՝ ՆԱՏՕ-ի զորքերը պետք է գրոհեն Կալինինգրադի մարզը, շրջափակեն Ռուսաստանի արևմտյան շրջանները, ինչպես նաև հետ մղեն ռուսների զանգվածային հարձակումը: Ի տարբերություն նախորդ տարիների՝ 2021-ին հատուկ ուշադրություն կդարձնեն ոչ թե Արևելյան, այլ Հարավային Եվրոպային։ Վարժանքներ են նախատեսվում Չեռնոգորիայում, Կոսովոյում և Ալբանիայում։ Բուլղարիայում և Ռումինիայում հակաօդային պաշտպանության վարժանքներ և հրաձգություններ կանցկացվեն «երկիր–երկիր» դասի հրթիռներով:

Ամերիկացիները զգալի ուժեր կտեղափոխեն Եվրոպա, այդ թվում՝ 1-ին հեծելազորային և 82-րդ օդադեսանտային դիվիզիաների ստորաբաժանումները։ Ատլանտյան օվկիանոսով տարբեր նշանակության հարյուրավոր ռազմական տեխնիկա կտեղափոխեն։ Բացի այդ, Ֆլորիդայի նահանգից Եվրոպա կհասցնեն 53 հետևակային բրիգադը։ Չի բացառվում, որ զորավարժությունների ավարտից հետո սպառազինությունների մի մասն ամերիկացիները կրկին «մոռանան» Եվրոպայում, ինչպես դա արդեն շատ անգամ է եղել։ Մասնագետների կարծիքով՝ Պենտագոնն այդպիսով տարեցտարի մեծացնում է տարածաշրջանում հարձակողական հնարավորությունները։

Սև ծովում պայմանականորեն «ոչնչացվել է» ամերիկյան ականակիրը

Եվրոպայում ԱՄՆ ցամաքային զորքերի պաշտոնական կայքում հրապարակված մամուլի հաղորդագրության համաձայն՝ զորավարժություններն ուղղված են ԱՄՆ-ի և ՆԱՏՕ-ի դաշնակիցների ու գործընկերների միջև ռազմավարական և օպերատիվ պատրաստվածության ու փոխգործակցության բարձրացմանը: Ընդգծվում է, որ զորավարժությունները երրորդ երկրների համար վտանգ չեն ներկայացնում։ Սակայն Defender Europe 2021-ի հակառուսական օրակարգն ակնհայտ է։ Այսպես, եռակողմ կոնտակտային խմբում Ուկրաինայի խոսնակ Ալեքսեյ Արեստովիչն ուղիղ հայտարարել է` իմաստն այն է, որ մշակվի Ռուսաստանի դեմ պատերազմը Բալթիկ ծովից Սև ծովն ընկած հատվածում։

Եվ բոլորովին զարմանալի չէ, որ Ռուսաստանն ու Բելառուսը սեպտեմբերին «Արևմուտք-2021» զորավարժություններ կանցկացնեն։ Ինչպես ավելի վաղ հայտնել է Բելառուսի պաշտպանության նախարար Վիկտոր Խրենինը, համատեղ զորավարժությունները թույլ կտան փորձարկել համախմբված գրոհային ստորաբաժանումների համատեղ գործողությունների նոր եղանակները, ինչպես նաև գնահատել սպառազինության և տեխնիկայի նոր ու արդիականացված նմուշների արդյունավետությունը:

Իսկ առայժմ, պաշտպանության նախարար Սերգեյ Շոյգուի խոսքով, երկրի արևմտյան սահմաններին մարտական պատրաստության ստուգման շրջանակում երկու բանակ և երեք միավոր օդադեսանտային զորքեր են ուղարկել:

Չփորձեք կրկնել․ F-35-ը հրանոթից խոցել է ինքն իրեն, վնասը՝ 2,5 միլիոն դոլար

0
թեգերը:
Զորավարժություններ, ՆԱՏՕ, Ուկրաինա, Ռուսաստան