Նիկոլ Փաշինյան. արխիվային լուսանկար

Նոր կարգավիճակում հայտնվող դատավորների անաչառությունը կասկածի տակ չպետք է դրվի. Փաշինյան

121
(Թարմացված է 12:18 14.01.2021)
Կառավարության նիստի ժամանակ որոշում կայացվեց ավելացնել Առաջին ատյանի դատարանի, ինչպես նաև Վերաքննիչ քրեական դատարանի դատավորների կազմը։

ԵՐԵՎԱՆ, 14 հունվարի – Sputnik. Կոռուպցիոն հանցագործությունների քննության ծավալը դատական համակարգում 30 տոկոս աճի միտում ունի։ Կառավարության այսօրվա նիստի ժամանակ տեղեկությունը հայտնեց ՀՀ արդարադատության նախարար Ռուստամ Բադասյանը` ներկայացնելով ««ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին» սահմանադրական օրենքն ու հարակից օրենքների փաթեթը։

«Փոփոխությունների փաթեթով առաջարկում ենք դատավորների թվաքանակն ավելացնել։ Մասնավորապես, Առաջին ատյանի դատարանում մինչև 21, իսկ Վերաքննիչում` 3 հաստիք ավելացնել։ Հայաստանում 100 000 բնակչին բաժին ընկնող դատավորների թիվը բացասական առումով տարբերվում է այլ երկրների ցուցանիշներից. դատավորների ավելացումը կբերի քրգործերի ժամկետների կրճատմանը»,–ասաց Բադասյանը։

Նա հայտնեց նաև, որ առաջարկում են ներդնել 2 ենթամասնագիտացում` մինչդատական վարույթների նկատմամբ դատական վերահսկողություն իրականացնող մասնագիտացված դատավորների ինստիտուտ և կոռուպցիոն հանցագործությունների քննություն իրականացնող դատավորների մասնագիտացում։ Այսինքն` առաջարկում են մինչդատական քրեական վարույթի գործերի և կոռուպցիոն հանցագործությունների քննությունը վերապահել քրեական մասնագիտացման առանձին դատավորների։

Բադասյանն ասաց, որ 2019-ի հուլիսի 1-ից 2020-ի հուլիսի 1-ն ընկած ժամանակահատվածում քննվում են 275 կոռուպցիոն հանացագործությունների հետ կապված դեպքեր, իսկ դատախազությունը շուրջ 2228 քրգործի մինչդատական վարույթի օրինականության նկատմամբ իրականացնում է դատախազական հսկողություն։

Բացի այդ, օրենքի փոփոխմամբ առաջարկվում է այսուհետ հրապարակել միայն դատարանի տեղը, որտեղ պետք է քննվի, օրինակ, կալանքի միջնորդությունը, իսկ դատավորի տվյալները չներկայացնել։

Դատարանների որոշումները բողոքարկվում են, դատավորների նկատմամբ վարույթներ հարուցվում

Վարչապետ Նիկոլ Փաշինյանն էլ ասաց, թե դատաիրավական համակարգի բարեփոխումների շատ էական փուլ են մտնում: Նրա խոսքով` աշխարհում լայնորեն կիրառվող պրակտիկա է, երբ կալանքի ու ձերբակալության հետ կապված հարցերի վերաբերյալ առանձնացվում է դատարանի որոշակի կազմ, որը պետք է քննի միայն մինչդատական վարույթի վերաբերյալ գործերը:

«Դատավորների ընտրության ու նշանակման նոր պրոցեդուրա է սկսվելու, որտեղ ամենակարևորը բարեվարքության ստուգումն է լինելու: Պետք է երաշխավորված լինենք, որ այս նոր կարգավիճակում հայտնվող դատավորների անաչառությունը և անկաշառությունը որևէ կերպով կասկածի տակ չդրվի։ Այսինքն՝ երբ դատավորը որոշում կայացնի, այն ի գիտություն ընդունվի, ոչ թե սկսեն քննարկել, թե ինչ քաղաքական կապ կա դրա տակ»,–ասաց վարչապետը։

Նշենք, որ կառավարությունն իր հավանությունը տվեց ներկայացրած փաթեթին. այն կուղարկվի Ազգային ժողով քննարկման։

«Պատերի տակ վնգստացող դատավորնե՞ր ենք, թե՞ ազնիվ պրոֆեսիոնալներ». ԲԴԽ նախագահի կոչը

121
թեգերը:
Ռուստամ Բադասյան, ՀՀ կառավարություն, Հայաստան, Նիկոլ Փաշինյան, Դատավոր
Ըստ թեմայի
Հայաստանն 9 մլն եվրո է ստանալու դատավորների բարեվարքությունն ու ունեցվածքը ստուգելու համար
Դատական համակարգում կրճատումներ չեն լինի․ 85 հոգի առաջնագծում է
Դատարանների որոշումները բողոքարկվում են, դատավորների նկատմամբ վարույթներ հարուցվում
Վաղարշակ Հարությունյան

Վաղարշակ Հարությունյանն ու Սերգեյ Շոյգուն քննարկել են գերիների հարցը

6
(Թարմացված է 17:42 21.01.2021)
ՀՀ պաշտպանության նախարարը ռուս գործընկերոջը շնորհակալություն է հայտնել Լեռնային Ղարաբաղում խաղաղապահ զորախմբի արդյունավետ գործունեության, ինչպես նաև ՀՀ Սյունիքի մարզում անվտանգային խնդիրների լուծման հարցում էական աջակցության համար։

ԵՐԵՎԱՆ, 21 հունվարի - Sputnik. ՀՀ պաշտպանության նախարար Վաղարշակ Հարությունյանը հեռախոսազրույց է ունեցել ՌԴ պաշտպանության նախարար, բանակի գեներալ Սերգեյ Շոյգուի հետ: Տեղեկությունը հայտնում է ՀՀ պաշտպանության նախարարության մամուլի ծառայությունը։

«Երկու երկրների պաշտպանության նախարարները քննարկել են պաշտպանության բնագավառում երկկողմ համագործակցության ընթացիկ հարցերը, Լեռնային Ղարաբաղում օպերատիվ իրավիճակին, գերիների և պատանդների վերադարձին, ինչպես նաև անհետ կորածների որոնողական աշխատանքներին առնչվող մի շարք խնդիրներ»,– նշված է հաղորդագրության մեջ։

ՀՀ պաշտպանության նախարարը գործընկերոջը շնորհակալություն է հայտնել Լեռնային Ղարաբաղում խաղաղապահ զորախմբի արդյունավետ գործունեության, ինչպես նաև Հայաստանի Հանրապետության Սյունիքի մարզում ռուս սահմանապահների տեղակայմամբ՝ անվտանգային խնդիրների լուծման հարցում էական աջակցության համար։

Հարությունյանը և Շոյգուն կարծիքներ են փոխանակել նաև տարածաշրջանային ռազմաքաղաքական վերջին զարգացումների վերաբերյալ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

6
թեգերը:
Սերգեյ Շոյգու, Ռուսաստան, Վաղարշակ Հարությունյան, Հայաստան
Ըստ թեմայի
«Սկզբում գերիներին վերադարձրեք», կամ հայ–ադրբեջանական հարթակների թաքնված զսպանակները
Ֆելիքս Ցոլակյանը հանդիպել է ՌԴ դեսպանի հետ. քննարկվել են հայ գերիների հետ կապված հարցեր
Այվազյանը գերիների հարցով խոսել է Ֆրանսիայի արտգործնախարարի հետ
Նիկոլ Փաշինյան

Նիկոլ Փաշինյանն իր խորհրդականին Սյունիք է գործուղել

34
(Թարմացված է 17:24 21.01.2021)
Վարչապետի խորհրդականը քսանհինգ օր կանցկացնի Սյունիքում։ Փաշինյանը ստորագրել է որոշումը:

ԵՐԵՎԱՆ, 21 հունվարի – Sputnik. ՀՀ վարչապետ Նիկոլ Փաշինյանն իր խորհրդական Ռոբերտ Ղուկասյանին գործողել է Սյունիք։ Վարչապետի որոշումը հրապարակվել է կառավարության կայքում։

«Աշխատանքային հանդիպումներ ունենալու նպատակով՝ Հայաստանի Հանրապետության վարչապետի խորհրդական Ռոբերտ Ղուկասյանին 2021 թվականի հունվարի 21-ից մինչև փետրվարի 15-ը ներառյալ գործուղել Հայաստանի Հանրապետության Սյունիքի մարզ»,– նշված է որոշման մեջ:

Ղուկասյանի՝ գործուղման օրապահիկի և գիշերավարձի ծախսերը կատարվում են ՀՀ 2021 թվականի պետական բյուջեով նախատեսված՝ Հայաստանի Հանրապետության վարչապետի աշխատակազմի պահպանման ծախսերում ներքին գործուղումների համար նախատեսված միջոցների հաշվին:

Նշենք, որ նոյեմբերի 9-ի եռակողմ հայտարարությունից հետո սահմանային իրավիճակը փոխվեց ոչ միայն Արցախում, այլև ՀՀ մարզերում։ ՀՀ պաշտպանության նախարարությունը դեկտեմբերի 20–ին տեղեկացրեց, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածի վիճարկելի տեղերում։

Էկոնոմիկայի նախարարը հանդիպել է Սյունիքի մարզպետի ու գործարարների հետ

Դեկտեմբերի 24-ին ՀՀ կառավարության նիստում ՀՀ վարչապետ Նիկոլ Փաշինյանը հայտարարեց, որ այն, ինչ իրականացվում է Սյունիքի սահմաններին, չի կարելի համարել դեմարկացիա կամ դելիմիտացիա։ Նրա խոսքով` տեղի է ունենում սահմանային որոշակի կետերի տեղորոշում, որի նպատակն է անվտանգության ապահովումը։

Հունվարի 5-ին Շուռնուխ գյուղի 12 տներ հանձնվեցին ադրբեջանցիներին։ Գյուղի այդ հատվածում ադրբեջանական զինծառայողներ են տեղակայվել։

Սյունիքի և Տավուշի հատվածի անվտանգության համար հստակ պայմանավորվածություն ունենք. Ավինյան

34
թեգերը:
Նիկոլ Փաշինյան, Սյունիք, Հայաստան
Ըստ թեմայի
Էկոնոմիկայի նախարարը հանդիպել է Սյունիքի մարզպետի ու գործարարների հետ
Սյունիքի և Տավուշի հատվածի անվտանգության համար հստակ պայմանավորվածություն ունենք. Ավինյան
«Սյունիքից ոչ մի միլիմետր չի զիջվել». Փաշինյանը հայտնեց` երբ է հրահանգ տվել հետ քաշվել

24 տարի միասին. Գարիկ Մարտիրոսյանի կինը լուսանկար է հրապարակել

0
Զույգի հետևորդները բազմաթիվ շնորհավորանքներ են գրել ու նրանց երկար տարիների միություն մաղթել։

ԵՐԵՎԱՆ, 21 հունվարի - Sputnik. Ճանաչված շոումեն, երգիծաբան Գարիկ Մարտիրոսյանը և նրա կինը` Ժաննա Լևինան, արդեն 24 տարի է, ինչ միասին են։ Այս մասին Ժաննան գրել է Instagram–ի իր էջում ու լուսանկար հրապարակել։

«Այսօր ուղիղ 24 տարի եղավ, որ մենք ծանոթացել ենք»,–գրել է երգիծաբանի կինը։

Посмотреть эту публикацию в Instagram

Публикация от Zhanna Levina/Martirosyan (@jannalevina_martirosyan)

Զույգի հետևորդները բազմաթիվ շնորհավորանքներ են գրել ու նրանց երկար տարիների միություն մաղթել։

«Ամենասիրածս զույգը, շնորհավոր»,«Երջանիկ եղեք», «Ինչ լավն եք, փայլում եք»,–գրել են նրանք։

Լևինան ու Գարիկ Մարտիրոսյանն ամուսնացել են 1998 թվականին։ 2004 թվականի ամռանը ծնվեց նրանց դուստր Ժասմինը։ Որդին` Դանիելը, լույս աշխարհ եկավ 2009 թվականի հոկտեմբերին։

«Ուշագրավ պատմություն է». Սոբչակը նկատել է, որ Գարիկ Մարտիրոսյանը «Ազերչայ» չի խմում

0
թեգերը:
Ժաննա Լևինա, ամուսնություն, Լուսանկար, Գարիկ Մարտիրոսյան
Ըստ թեմայի
«Նրբագեղ մողեսիկը»․ Գարիկ Մարտիրոսյանի կինը պարծենում է իր գեղեցիկ ոտքերով
«Պարզապես հրաշալի է». Գարիկ Մարտիրոսյանի կինը ցույց է տվել, թե ում հետ է «զվարճանում»
Նա ապրում էր սևահեր կնոջ հետ. Գարիկ Մարտիրոսյանի կինը արխիվային լուսանկար է հրապարակել