Նիկոլ Փաշինյանը Սյունիքում. արխիվային լուսանկար

Սյունիքը համարում եմ մեր պետականության ողնաշարը. Նիկոլ Փաշինյան

174
(Թարմացված է 15:38 13.01.2021)
Նիկոլ Փաշինյանը խորհրդակցության ժամանակ ասել է` պետք է ձեռնարկեն բոլոր միջոցները ՀՀ անվտանգությունն ապահովելու համար՝ ոչ միայն Սյունիքում, այլև ամբողջ հանրապետության տարածքում։

ԵՐԵՎԱՆ, 13 հունվարի – Sputnik. Հայտնի իրադարձությունների բերումով Սյունիքի սահմանային միջավայրն էական փոփոխություններ է կրել: Այսօր կայացած խորհրդակցության ժամանակ ասել է վարչապետ Նիկոլ Փաշինյանը` քննարկելով Սյունիքի մարզի սահմանային միջավայրի փոփոխությամբ պայմանավորված իրավիճակը և անվտանգության ապահովման ուղղությամբ ձեռնարկվող միջոցառումները:

«Սյունիքը համարում եմ մեր պետականության ողնաշարը։ Պետք է բոլոր միջոցները ձեռնարկենք ՀՀ անվտանգությունն ապահովելու համար՝ ոչ միայն Սյունիքում, այլև ամբողջ հանրապետության տարածքում, բայց Սյունիքն այս առումով ունի առանձնահատուկ նշանակություն: Նաև պետք է քննարկենք, թե ինչ սոցիալական և տնտեսական ծրագրեր ենք իրականացնելու այն համայնքներում, որոնք սահմանային նոր կարգավիճակ են ստացել՝ ըստ էության, հայտնվել են սահմանային բնակավայրերի կարգավիճակում»,–ասել է Փաշինյանը։

Նա ասել է, թե կկայացնեն որոշումներ, ձեռք կբերեն պայմանավորվածություններ` դրանց հետագա իրականացման ընթացքի վերաբերյալ:

Վարչապետին զեկուցվել է Սյունիքի սահմանամերձ համայնքների և ճանապարհների անվտանգության ապահովման, սահմանային կետերի տեղորոշման աշխատանքների, քաղաքացիների հնարավոր գույքային վնասների փոխհատուցման գործընթացի և հարակից այլ խնդիրների լուծման ընթացքի մասին:

Փաշինյանը հանձնարարել է գործընթացում ներգրավված պատասխանատու մարմիններին արդեն իսկ ձեռնարկվող միջոցառումները, ինչպես նաև խնդիրների գույքագրման և լուծման աշխատանքները շարունակել միջգերատեսչական աշխատանքային խմբի շրջանակում։

Գորիսից Որոտան, Շուռնուխ և Կապան տանող 21 կմ-ն Ադրբեջանի վերահսկողության տակ է. Թաթոյան

Հիշեցնենք, որ երեկ ՀՀ մարդու իրավունքների պաշտպան Արման թաթոյանը հայտնել էր, որ Տեղ համայնքում, որի մեջ են մտնում Խոզնավարը, Խնածախը, 2000 հեկտարից ավելի մասնավոր սեփականություն կա, որից զրկվել ենք։ Շուռնուխում 11 տուն է անցել թշնամուն, Որոտանում` 326 հեկտարից ավելի մասնավոր և համայնքային սեփականություն համարվող հողատարածքներից են զրկվել։ 18-20 այգեգործական տնակներ Որոտանում կառուցվել են այն հողերի վրա, որոնք ՀՀ գործկոմի որոշումներով են հատկացվել մարդկանց, որոնցից նույնպես զրկվել ենք։

Անհեթեթ վիճակ. շուռնուխցու գոմի կեսը մնացել է հայկական, մյուս կեսը` ադրբեջանական տարածքում

Ագարակ գյուղում մարդիկ զրկվել են 60 հա մասնավոր և համայնքային սեփականություն համարվող տարածքից, Եղվարդում` 110 հա վարելահողից և 50 հա արոտավայրից, Ճակատենում` 30 հա վարելահողից և 25 հա արոտավայրից։

174
թեգերը:
Գյուղ, Դելիմիտացիա, Դեմարկացիա, Սահման, Հայաստան, Սյունիք, Նիկոլ Փաշինյան
Ըստ թեմայի
«Փաշինյանը նվազագույնը 38,4 մլրդ դոլարի վնաս է հասցրել Հայաստանին». Մեսրոպ Մանուկյան
Հիմնական բանակցողը Փաշինյանն ու Ալիևն են, Պուտինն ընդամենը միջնորդ է. Աբովյան
Ինչու Փաշինյանը Մոսկվայում ձախողեց կարևորագույն «առաջադրանքն» ու վերադարձավ առանց գերիների
Տիգրան Ավինյան

«Կայացած բանակ ունենալու ամենակարևոր հիմքը կա». Տիգրան Ավինյանը գիտի` ինչ է մնում անել

7
(Թարմացված է 12:54 28.01.2021)
ՀՀ փոխվարչապետը կարծում է, որ պատերազմի պարտությունը ոչ թե պետք է մեզ թևաթափ անի, այլ պիտի դառնա մեր խորհումի, անցյալի սխալները շտկելու ու ապագային նորովի նայելու շրջադարձային կետը։

ԵՐԵՎԱՆ, 28 հունվարի – Sputnik. ՀՀ փոխվարչապետ Տիգրան Ավինյանն ուղերձ է հղել Հայոց բանակի 29-րդ տարեդարձի կապակցությամբ` անդրադառնալով արցախյան պատերազմին, անցյալի սխալներին ու ապագային։

«Հայոց բանակի 29-րդ տարեդարձն այսօր նշում ենք բարդ պայմաններում, բայց, կարծում եմ, անհամեմատ իմաստնացած: Ինչպես մեր բազմադարյան պատմությունը, այնպես էլ մերօրյա իրադարձությունները կրկին ապացուցեցին ազգային բանակի անփոխարինելի դերը մեր ժողովրդի ֆիզիկական գոյության երաշխավորման գործում: Մեր զինված ուժերի ձևավորումն ինքնին պատմական ոչ-ստանդարտ պայմանի արդյունք էր, երբ բանակը ստիպված էր կայանալու Արցախյան առաջին պատերազմի ընթացքում: Ցավոք, վերջին երկուսուկես տարիներին բանակում իրականացրած մեր բարեփոխումներն ի զորու չեղան վերանայելու հակառակորդի հետ ռազմական հավասարակշռության խախտված կարգը, և հայկական բանակը հարկադրված եղավ կենաց-մահու պայքար մղել՝ անհավասար մարտում, սակայն պահպանելով իր ողնաշարը»,– նշել է Ավինյանը:

ՀՀ բանակի օրը նշելու լավագույն ձևը զինծառայողների հիմնադրամին նվիրաբերություն կատարելն է

Նրա խոսքով` արցախյան վերջին պատերազմում հայկական բանակն անհատական մակարդակում ցույց տվեց խիզախության այնպիսի օրինակներ, որ ոչ միայն հիշվելու, այլև դառնալու են ժամանակակից ռազմարվեստի ուսումնասիրության օրինակելի նմուշ:

«Մեր զինվորների անձնազոհությունը, անելանելի վիճակներում հնարամտությունը, ստեղծարար մտածողությունն ու կոփվածությունը գալիս են փաստելու, որ կայացած բանակ ունենալու ամենակարևոր հիմքը առկա է, և մեզ մնում է զարգացնել այն ինստիտուցիոնալ տեսանկյունից: Խոնարհվում եմ մեր նահատակված զինծառայողների հիշատակի առաջ և խորին ակնածանքս հայտնում նրանց ծնողներին ու հարազատներին: Պատերազմի հետևանքով հաշմանդամություն ստացած մեր զինծառայողներին հավաստիացնում եմ, որ կառավարությունը հանձնառու է նրանց խնդիրները ամենաբարձր ստանդարտներով լուծելու հարցում»,– շեշտել է փոխվարչապետը:

Նա կարծում է, որ պատերազմի պարտությունը ոչ թե պետք է մեզ թևաթափ անի, այլ պիտի դառնա մեր խորհումի, անցյալի սխալները շտկելու ու ապագային նորովի նայելու շրջադարձային կետը:

Փոքրերն ուզում են զինվոր դառնալ, մեծերը հիշում են մեր բանակի նվաճումները. հարցում Երևանում

«Մենք իրավունք չունենք չապահովելու մեր սխրագործ զինվորների բարեկեցությունը, իրավունք չունենք անտարբերության մատնելու հայրենիքի անձնազոհ պաշտպանների հիշատակը, իրավունք չունենք անուշադրության մատնելու հաշմանդամություն ձեռք բերած մեր հայրենակիցներին: Առաջիկայում պարտավոր ենք հայկական բանակի՝ ռազմադաշտի էներգիան փոխադրել պետական ինստիտուտների կայացման ոլորտ՝ նաև պրոֆեսիոնալ բանակ ստեղծելու համար»,– եզրափակել է նա:

Փոխվարչապետը խաղաղություն ու բարի ծառայություն է մաղթել բոլորին և մասնավորապես ՀՀ Զինված ուժերի ողջ անձնակազմին ու զինվորներին։

Հրամանատարի մարմինը թշնամուն չթողեց, բայց ինքը վիրավորվեց. 2 անգամ մահից փրկված զինվորը

7
թեգերը:
Բանակ, Պատերազմ, Տիգրան Ավինյան, Հայաստան
Ըստ թեմայի
Ավարտին եմ հասցնելու զոհված ընկերներիս գործը. մայոր Մեսրոպյանն իրեն պարտված չի համարում
Կարո ջան, չմտածես, կարևորը` ողջ ես. հայտնի լուսանկարի հերոսի պատմությունը
Նա չէր հավատում, որ Ջաբրայիլի մարտից հետո կյանք կա. վիրավոր Սեյրանը նոր հրաշքի է սպասում
Վլադիմիր Վարդանյան

Խնդրում եմ, եղե՛ք պատասխանատու. Վարդանյանը գերիների հարցով դիմել է ադրբեջանցի գործընկերոջը

11
(Թարմացված է 12:41 28.01.2021)
ՀՀ ԱԺ «Իմ քայլը» խմբակցության անդամ Վլադիմիր Վարդանյանը ԵԽԽՎ –ում իր ելույթի մի հատվածը նվիրել է Ադրբեջանի ստանձնած պարտավորությունների չկատարմանը։

ԵՐԵՎԱՆ, 28 հունվարի – Sputnik. Եվրոպայի խորհրդի խորհրդարանական վեհաժողովում հայկական պատվիրակության անդամ Վլադիմիր Վարդանյանը ԵԽԽՎ ամբիոնից հորդորել է Ադրբեջանին պատասխանատվություն դրսևորել, կատարել Ժնյևյան կոնվենցիայի նորմերը և վերադարձնել հայ գերիներին: Նա իր ելույթում պատասխանել է ադրբեջանցի պատգամավոր Սամեդ Սեիդովի այն հայտարարությանը, թե Ադրբեջանում պատասխանատու միակ ՀԿ–ներից մեկը Կարմիր խաչի միջազգային կազմակերպությունն է:

«Պարո՛ն Սեիդով, իսկ հարցրե՞լ եք, թե ըստ ԿԽՄԿ-ի` ադրբեջանական իշխանությունները դրսևորում են արդյոք պատասխանատու վարքագիծ։ Ես կցանկանայի նշել որ ԿԽՄԿ-ն սոսկ ՀԿ չէ, այն կազմակերպություն է, որն արդեն մեկուկես դարից ավելի ակտիվորեն զբաղվում է պատերազմի զոհերի պաշտպանությամբ և բազմաթիվ այլ խնդիրների լուծմամբ։ Եվ խոսելով ԿԽՄԿ-ի մասին՝ մենք չպետք է մոռանանք, որ այն ոչ միայն ոչ կառավարական կազմակերպություն է, այլ նաև հովանավոր տերությունների փոխարինողը և օժտված է Ժնևյան մանդատով»,– ասել է Վարդանյանը։

Հայաստանցի պատգամավորն իր ադրբեջանցի գործընկերոջը նաև հիշեցրել է, որ Ժնևյան կոնվենցիաները պարտադիր են Ադրբեջանի համար, հստակ սահմանում են, որ մարտական գործողությունների դադարեցումից հետո բոլոր գերիները պետք է հայրենադարձվեն։

«Խնդրում եմ, պարոն Սեիդով, եղե՛ք պատասխանատու և կատարե՛ք ձեր միջազգային պարտավորությունները։ Միջազգային պարտավորություններ, որոնք հիմնված են ոչ միայն միջազգային պայմանագրային իրավունքի, այլեւ միջազգային պարտավորությունների վրա, որոնք դիտվում են որպես erga omnes (խմբ.– վերաբերում են բոլորին) պարտավորություններ: Ես հույս ունեմ, որ մի օր ինչ–որ եղանակով Ձեր երկիրը կդրսևորի այս հարցի վերաբերյալ պատասխանատու վարքագիծ։ Շնորհակալություն»,- ասել է Վարդանյանն իր ելույթում։

Հիշեցնենք, որ Ադրբեջանում գտնվող հայ գերիների թվի վերաբերյալ հստակ տեղեկություն չկա։ Հունվարի 18-ին փոխվարչապետ Տիգրան Ավինյանի գրասենյակից հայտնել էին, որ Հայաստանում և Ադրբեջանում գտնվող գերիների վերաբերյալ թվական տվյալները խորհրդապահական բնույթի են և ենթակա չեն հրապարակայնացման՝ հաշվի առնելով հարցի գերզգայուն բնույթը:

Ավելի շատ հայանպաստ, քան ադրբեջանամետ. Մարուքյանը` ԵԽԽՎ–ում գերիների հարցի պատասխանի մասին

11
թեգերը:
Վլադիմիր Վարդանյան, գերի, Ադրբեջան, Հայաստան
Ըստ թեմայի
Շիրակցի 62 գերիների կյանքին ու առողջությանը սպառնալիք չկա. Սուրեն Պապիկյան
ՀՀ ԱԻ նախարարը ՌԴ դեսպանի հետ քննարկել է գերիների վերադարձի հարցը
Ապաշրջափակում չի կարող լինել, քանի դեռ գերիների հարցը չի լուծվել․ փորձագետ
Այս մարդիկ այնքան ծնկի իջած են, որ չեն կարող պայքարել մեր գերիների համար. Քոչարյան
Թաթուլ Մանասերյան

Տեսակամուրջ. «Ի՞նչ է սպասում Հայաստանի տնտեսությանը 2021 թվականին»

0
Հունվարի 29-ին` ժամը 12:00-ին, Sputnik Արմենիա մուլտիմեդիոն մամուլի կենտրոնում տեղի կունենա Երևան-Մոսկվա տեսակամուրջ՝ «Ի՞նչ է սպասում Հայաստանի տնտեսությանը 2021 թվականին» թեմայով:

Տեսակամուրջի մասնակիցները կներկայացնեն ապագայի վերաբերյալ իրենց կանխատեսումներն ու Հայաստանի տնտեսության իրավիճակի վերաբերյալ իրենց տեսլականը։

Բանախոսները Երևանում.

Թաթուլ Մանասերյան, տնտեսագիտության դոկտոր, «Այլընտրանք» հետազոտական կենտրոնի ղեկավար

Աշոտ Թավադյան, տնտեսագիտության դոկտոր, պրոֆեսոր, Եվրասիական փորձագիտական ակումբի անդամ

«Ժողովրդի ձայն» ակումբի փորձագետ Արման Ղուկասյան:

Մոսկվայում.

Արտյոմ Պիլին, տնտեսական գիտությունների թեկնածու, Ռուսաստանի գիտությունների ակադեմիայի տնտեսագիտության ինստիտուտի հետխորհրդային հետազոտությունների կենտրոնի սեկտորի վարիչ, Ռուսաստանի Դաշնության կառավարությանն առընթեր ֆինանսական համալսարանի դոցենտ:

Հարգելի գործընկերներ, դուք կարող եք ներկա գտնվել Sputnik Արմենիա մուլտիմեդիոն մամուլի կենտրոնում և հարցերն ուղղել անձամբ:

Մուտքը՝ միայն դիմակներով: Երաշխավորում ենք սոցիալական հեռավորության պահպանումը և ախտահանիչ նյութերի առկայությունը:

Տեսակամուրջը կհեռարձակվի Sputnik Արմենիայի էջում, ինչպես նաև Facebook- ում և Youtube- ում:

Հարցերը կարող եք ուղարկել նաև v.aloyan@sputniknews.com էլեկտրոնային հասցեին:

Հեռ.` +374(98)180-626, +374(91)42-12-35։

Հասցե՝ ք. Երևան, Ամիրյան 4/7, «Իմպերիում պլազա» բիզնես-կենտրոնի շենք, 4-րդ հարկ։

0
թեգերը:
Թաթուլ Մանասերյան, Հայաստան