Կապան. արխիվային լուսանկար

Ադրբեջանցիները դիրքավորվել ու օդանավակայանի մոտ վրաններ են տեղադրել. Կապանի քաղաքապետ

805
(Թարմացված է 18:06 07.01.2021)
Դեռ հայտնի չէ, թե ինչպես է հետագայում կարգավորվելու օդանավակայանի շահագործման հարցն ու ինչպես է ապահովվելու անվտանգության խնդիրը։

ԵՐԵՎԱՆ, 7 հունվարի - Sputnik. Սյունիքի մարզի Կապան համայնքի հատվածում սահմանազատման աշխատանքներ դեռևս չեն եղել։ Sputnik Արմենիայի հետ զրույցում տեղեկությունը հայտնեց Կապան համայքնի ղեկավար Գևորգ Փարսյանը։

«Որպես այդպիսին` սահմանազատում չի եղել։ Այն, ինչ հիմա կա, դա վերջնական չէ։ Ինչպես գիտեք` սահմանազատումը երկարատև պրոցես »,- ասաց Փարսյանը։

Ինչ վերաբերում է այն հարցին, թե այդ դեպքում ի՞նչ հիմքով են ադրբեջանցիները դիրքավորվում քաղաքին մոտ, Փարսյանը նշեց՝ «նույն մոտեցումով, ինչ-որ մնացած տեղերում»։

Նա տեղեկացրեց, որ ադրբեջանցիները դիրքավորվել են Կապանի օդանավակայանին շատ մոտ, արդեն վրաններ էլ են տեղադրել։

«Ներկա դրությամբ օդանավակայանը գտնվում է ադրբեջանցիների դիտարկման ներքո»,- ասաց քաղաքապետը։

Նրա խոսքով՝ այս պահին դեռ հայտնի չէ, թե ինչպես է հետագայում կարգավորվելու օդանավակայանի շահագործման հարցն ու ինչպես է ապահովվելու անվտանգությունը։

Ինչ վերաբերում է միջհամայնքային ճանապարհների անվտանգությանը, համայնքի ղեկավարի խոսքով՝ խնդիր չկա, որևիցե արտառոց դեպք մինչ այս պահը չի գրանցվել։ Կրակոցներ ևս չեն լսվել։

Չնայած դրան՝ բնակիչների տրամադրությունն ու հոգեվիճակը համայնքի ղեկավարը նկարագրեց որպես «հարաբերական անհանգիստ»։

Կապանի քաղաքապետը հերքել է ադրբեջանցիների կողմից զինծառայողի առևանգման լուրը

Հիշեցնենք, որ պատերազմի ավարտից հետո Ադրբեջանի վերահսկողության տակ են անցել 90-ականների ազատագրված 7 շրջաններ, ինչպես նաև բնակավայրեր ԼՂՀ տարածքից։

Դրան հաջորդեց արդեն Հայաստանի ու Ադրբեջանի սահմանների ճշգրտումը, ինչը բողոքի մեծ ալիք է բարձրացրել սահմանամերձ բնակավայրերում։ Մասնավորապես, Սյունիքում բնակիչները բողոքի ակցիաներ սկսեցին, ճանապարհներ փակեցին՝ պահանջելով լուծել սահմանների ու անօրինական սահմանագծման հարցը։

Եվս 1 հեռախոսահամար. ԱԱԾ–ն կօգնի Որոտան-Դավիթ Բեկ հատվածում խնդիրների բախված քաղաքացիներին

Իրավիճակն առանձնապես սրվել է Կապան-Գորիս ճանապարհահատվածի, Որոտան ու Շուռնուխ գյուղերի պատճառով։

805
թեգերը:
Դելիմիտացիա, Դեմարկացիա, քաղաքապետ, Կապան
Ըստ թեմայի
Գորիս-Կապան միջպետական ավտոճանապարհն անվտանգ է. ԱԱԾ
Կապանի քաղաքապետը սահմանների դեմարկացիայի որևէ փաստաթուղթ չի տեսել
Կապանի քաղաքապետն առաջարկում է զենք կրելու թույլտվություն տալ Սյունիքի բնակիչներին
Երեկ ադրբեջանցիների մի խումբ մոտեցավ մեր սահմաններին. Կապանի քաղաքապետը` իրավիճակի մասին
Պատվո պահակախումբ. 13 հունվարի, 2020

Ցանկանու՞մ ես ծառայել Զինված ուժերի պատվո պահակային վաշտում․ դիմելու ժամանակն է

2
(Թարմացված է 17:14 18.01.2021)
Պատվո պահակային վաշտում ծառայելու համար զորակոչիկները պետք է դիմեն առաջիկա 12 օրերի ընթացքում։

ԵՐԵՎԱՆ, 18 հունվարի – Sputnik. Ձմեռային զորակոչի շրջանակներում զորակոչիկներին ՀՀ ԶՈւ ուժերի պատվո պահակային վաշտում զինվորական ծառայության նշանակելու նպատակով իրականացվելու է ընտրություն: Տեղեկությունը հայտնում է ՀՀ պաշտպանության նախարարության մամուլի ծառայությունը։ Նշվում է, որ ընտրությունն անցկացվելու է փետրվարի 2-ին և 3-ին N զորամասի տարածքում։

«Զինված ուժերի պատվո պահակային վաշտում ծառայել ցանկացող զորակոչիկները մինչև հունվարի 30-ը կարող են դիմել ՀՀ ՊՆ զորակոչային և զորահավաքային համալրման ծառայության տարածքային ստորաբաժանումներ (զինկոմիսարիատներ)»,- նշված է հաղորդագրության մեջ։

Հավելենք, որ պատվո պահակախմբում ծառայելու համար զորակոչիկի հասակը պետք է լինի 180-ից 190 սմ, դեմքի և մարմնի երևացող այլ հատվածներում չպետք է լինեն դաջվածքներ և սպիներ, մարմնի զանգվածի ու հասակի հարաբերակցությունը պետք է կանոնավոր լինի։

Ընտրությունը կատարելիս հաշվի են առնում նաև գեղեցիկ և համաչափ դիմագծերը, առանց որևէ շտկման և գունային ճիշտ զգացողությամբ տեսողությունը, ոչ պակաս, քան 6 մետր հեռավորության վրա շշուկային խոսքն ընկալելու կարողությունը:

2
թեգերը:
զորակոչ, Զինվոր, Բանակ
Անահետ Ավանեսյան

Անահիտ Ավանեսյանը նշանակվեց առողջապահության նախարար

5
ՀՀ նախագահ Արմեն Սարգսյանը վարչապետի առաջարկությամբ արդեն ստորագրել է նշանակման հրամանագիրը։

ԵՐԵՎԱՆ, 18 հունվարի – Sputnik. ՀՀ նախագահ Արմեն Սարգսյանի հրամանգարով՝ Անահիտ Ավանեսյանը նշանակվեց առողջապահության նախարար։ Տեղեկությունը հրապարակել է նախագահի մամուլի ծառայությունը։

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի, Անահիտ Ավանեսյանին նշանակել առողջապահության նախարար»,- նշված է հրամանագրում։

Հիշեցնենք, որ մինչ այս Անահիտ Ավանեսյանը զբաղեցնում էր առողջապահության նախարարի տեղակալի պաշտոնը։

5
թեգերը:
ՀՀ Առողջապահության նախարարություն, Անահիտ Ավանեսյան, Նախարար