Հովհաննես Ղազարյան

Ունեմ անհամաձայնություններ. «Իմ քայլը» հիմնադրամի գործադիր տնօրենն ազատման դիմում է գրել

297
(Թարմացված է 23:23 30.12.2020)
Ղազարյանի կարծիքով՝ տարիներով կուտակված խնդիրների, կառավարման թերությունների, բացթողումների ու սխալների համար շատ թանկ գին վճարեցինք։

ԵՐԵՎԱՆ, 30 դեկտեմբերի - Sputnik. «Իմ քայլը» բարեգործական հիմնադրամի գործադիր տնօրեն Հովհաննես Ղազարյանը սեփական դիմում համաձայն ազատվել է աշխատանքից։ Տեղեկությունը Facebook-ի իր էջում անձամբ է հայտնել՝ նշելով, որ դիմումը դեռ դեկտեմբերի 1-ին է ներկայացրել և այսօրվանից դադարեցնում է գործունեությունը որպես հիմնադրամի գործադիր տնօրեն։ Նա շնորհակալություն է հայտնել բարերարներին, աջակիցներին և գործընկերներին արդյունավետ համագործակցության համար,  թիմին՝ նվիրված և պրոֆեսիոնալ աշխատանքի համար:

Ղազարյանը նշել է, որ իր պաշտոնավարման երկու տարիների ընթացքում մշակվել և իրականացվել են ծրագրեր, որոնք բխում էին մեր երկրի իրական կարիքներից և առաջարկում համակարգային լուծումներ։  

«Այսօր այդ ճանապարհն ընդհատվում է: Որոշումս պայմանավորված ու հիմնավորված է պետության զարգացման, ապագայաստեղծ ծրագրերի ու պրոֆեսիոնալիզմի վերաբերյալ իմ պատկերացումներով»,- գրել է Ղազարյանը։

Նա ընդգծել է, որ համոզված է՝ այսօր չենք կարող մեզ թույլ տալ հրաժարվել ապագայի հետ կապող օրակարգերից և զարգացման ծրագրերից, որոնք մեր երկարաժամկետ անվտանգության երաշխիքներից են։

«Այո՜, որպես Հայաստանի Հանրապետության քաղաքացի ու որպես հայ՝ ունեմ նաև սկզբունքային անհամաձայնություններ մեր երկրում ընթացող քաղաքական գործընթացների, ստեղծված աղետի շուրջ օրակարգ բերվող պատճառաբանությունների հետ»,- հավելել է Ղազարյանը։

Նրա խոսքով՝ այս ծանրագույն օրերն ընդգծեցին մեր երկրի բացերը, կառավարման թերությունները, վերհանեցին տարիներով կուտակված խնդիրները։ Այդ սխալների ու բացթողումների համար չափազանց թանկ վճարեցինք:

Վստահ է՝ հանուն հերոսաբար ընկածների, հանուն որդեկորույս մայրերի, հանուն մեր երեխաների, հանուն մեր ազգի ու ապագայի՝ պետք է ապրենք ու կառուցենք «բարձր դիմադրողականություն ունեցող կենսունակ պետություն»:

«Հիմա, առավել քան երբևէ, մենք պարտավոր ենք ծնկած վիճակից ելնել՝ զարկ տալով մեր գիտական ու կրթական ներուժին՝ ապավինելով տեղեկատվական ու տեխնոլոգիական առաջընթացին, ու ամենակարևորը՝ ապավինելով մեր համախմբման ներուժին»,- գրել է հիմնադրամի նախկին տնօրենը։

«Իմ քայլի» երեք նոր պատգամավորները երդվեցին ԱԺ–ում

Նա համոզված է, որ միայն այսպես կարող ենք մեր զավակներին ամուր հայրենիք թողնել։  Լիահույս է, որ գաղափարակիցների հետ միասին հնարավոր կլինի այս ամենը կյանքի կոչել այն:

297
թեգերը:
դիմում, Տնօրեն, Աննա Հակոբյան, ‹‹Իմ քայլը›› հիմնադրամ
Ըստ թեմայի
59 ժողով` Հարավսլավիայի 1-ին տիկնոջ թեմայով, կամ Աննա Հակոբյանի՞ն ենք ընտրել, թե՞...
Վերադարձրու զարդերս ու վճարիր պատվիրածդ հագուստի գումարը. Սոֆյա Խուդոյանը` Աննա Հակոբյանին
Ստեփանակերտում տեղադրված տոնածառն ապամոնտաժվեց․ մարդիկ չեն ուզում տեսնել Աննա Հակոբյանին
Эдуард Агаджанян

Էդուարդ Աղաջանյանն ազատվեց պաշտոնից

2
(Թարմացված է 17:18 18.01.2021)
Նիկոլ Փաշինյանը որոշել է, որ իր աշխատակազմը պետք է ղեկավարի Արսեն Թորոսյանը։

ԵՐԵՎԱՆ, 18 հունվարի – Sputnik. Էդուարդ Աղաջանյանն ազատվել է Հայաստանի Հանրապետության վարչապետի աշխատակազմի ղեկավարի պաշտոնից։ Նիկոլ Փաշինյանը ստորագրել է որոշումը։

Վարչապետի մեկ այլ որոշմամբ` վարչապետի աշխատակազմի ղեկավար է նշանակվել է Արսեն Թորոսյանը։

2
Պատվո պահակախումբ. 13 հունվարի, 2020

Ցանկանու՞մ ես ծառայել Զինված ուժերի պատվո պահակային վաշտում․ դիմելու ժամանակն է

4
(Թարմացված է 17:14 18.01.2021)
Պատվո պահակային վաշտում ծառայելու համար զորակոչիկները պետք է դիմեն առաջիկա 12 օրերի ընթացքում։

ԵՐԵՎԱՆ, 18 հունվարի – Sputnik. Ձմեռային զորակոչի շրջանակներում զորակոչիկներին ՀՀ ԶՈւ ուժերի պատվո պահակային վաշտում զինվորական ծառայության նշանակելու նպատակով իրականացվելու է ընտրություն: Տեղեկությունը հայտնում է ՀՀ պաշտպանության նախարարության մամուլի ծառայությունը։ Նշվում է, որ ընտրությունն անցկացվելու է փետրվարի 2-ին և 3-ին N զորամասի տարածքում։

«Զինված ուժերի պատվո պահակային վաշտում ծառայել ցանկացող զորակոչիկները մինչև հունվարի 30-ը կարող են դիմել ՀՀ ՊՆ զորակոչային և զորահավաքային համալրման ծառայության տարածքային ստորաբաժանումներ (զինկոմիսարիատներ)»,- նշված է հաղորդագրության մեջ։

Հավելենք, որ պատվո պահակախմբում ծառայելու համար զորակոչիկի հասակը պետք է լինի 180-ից 190 սմ, դեմքի և մարմնի երևացող այլ հատվածներում չպետք է լինեն դաջվածքներ և սպիներ, մարմնի զանգվածի ու հասակի հարաբերակցությունը պետք է կանոնավոր լինի։

Ընտրությունը կատարելիս հաշվի են առնում նաև գեղեցիկ և համաչափ դիմագծերը, առանց որևէ շտկման և գունային ճիշտ զգացողությամբ տեսողությունը, ոչ պակաս, քան 6 մետր հեռավորության վրա շշուկային խոսքն ընկալելու կարողությունը:

4
թեգերը:
զորակոչ, Զինվոր, Բանակ