Շիրակի մարզը զինվորական կոչում ունեցող մարզպետի տեղակալ ունի. ինչո՞վ է զբաղվելու նա
ԵՐԵՎԱՆ, 29 դեկտեմբերի - Sputnik. Շիրակի մարզն արդեն զինվորական կոչում ունեցող մարզպետի տեղակալ ունի։ Նորանշանակ տեղակալին՝ գնդապետ Պողոս Աբրահամյանին, Շիրակի մարզպետ Տիգրան Պետրոսյանն այսօր կայացած մարզային խորհրդի վերջին նիստին ներկայացրեց համայնքների ղեկավարներին:
Նշենք, որ Պողոս Աբրահամյանի նշանակումը կատարվել է նոյեմբերի 3-ին։ Նա համակարգելու է մարզում աշխարհազորի աշխատանքները։
©
Photo : provided by Vahram Saghateyan
Նորանշանակ տեղակալը ծնունդով Վրաստանի Ախալքալակի շրջանի Զակ գյուղից է, բայց երկար տարիներ ծառայել ու աշխատել է Շիրակի մարզում։ «Երկար տարիներ ապրել եմ Գյումրիում, խորհրդային տարիներից սկսած նաև ծառայել եմ այստեղ, այնպես որ ինձ շատ ծանոթ մարզ է ու շատ սիրելի քաղաք, շիրակցի ընկերներ շատ ունեմ: Պաշտոնը նոր է՝ մինչև հիմա աշխարհազորը համակարգող պաշտոն չի եղել, ու մենք պետք է այս աշխատանքը կատարենք ի շահ մեր պետության պահպանության ու մեր անվտանգության ուժեղացման»,-նշեց Աբրահամյանը՝ վստահեցնելով, որ սերտ աշխատանք է լինելու բոլոր համայնքների հետ:
Մարզում աշխարհազորային կորպուսի համալրումը լինելու է մարզպետարանների կողմից ՀՀ կառավարություն ներկայացրած նախագծերի հաստատումից հետո:
«Յարեն տիրոջը ցավ կուդա, սաղ մատների արանքով կնայեն էս հարցին». շիրակցիները` պատգամավորին
«Շիրակի մարզում աշխարհազորային ստորաբաժանումների հավաքագրման աշխատանքները կակտիվանան հունվարից, որպեսզի կարողանանք շատ կարճ ժամանակահատվածում ստեղծել մեր հիմնական աշխարհազորային ստորաբաժանումները: Սա արվում է երկրի պաշտպանողականությունը բարձրացնելու համար: Մենք պետք է մեր ունեցած առավելագույն ռեսուրսները ներդնենք այս գործում»,-մարզային խորհրդի նիստի ավարտից հետո Sputnik Արմենիայի հետ զրույցի ժամանակ ասաց նորանշանակ տեղակալը:
©
Sputnik / Armenuhi Mkhoyan
Պողոս Աբրահամյանը
Ըստ պատասխանատուի` աշխարհազորային ռեսուրսը կարող են համալրել մինչև 70 տարեկան բոլոր առողջ մարդիկ: Պողոս Աբրահամյանի կարծիքով` ինչպես տղամարդիկ, այնպես էլ կանայք կարող են աշխարհազորում ընդգրկվել, թեև օրենքը այդ մասին ոչինչ չի ասում։
թեգերը:
Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը
(Թարմացված է 17:26 18.01.2021)
Նիկոլ Փաշինյանը որոշել է, որ իր աշխատակազմը պետք է ղեկավարի ՀՀ առողջապահության նախկին նախարարը։ ԵՐԵՎԱՆ, 18 հունվարի – Sputnik. Էդուարդ Աղաջանյանն ազատվել է Հայաստանի Հանրապետության վարչապետի աշխատակազմի ղեկավարի պաշտոնից։ Նիկոլ Փաշինյանը ստորագրել է որոշումը։
Փաշինյանի մեկ այլ որոշմամբ` վարչապետի աշխատակազմի ղեկավար է նշանակվել է Արսեն Թորոսյանը։
Հիշեցնենք` այսօր հայտնի դարձավ, որ ՀՀ առողջապահության նախարար Արսեն Թորոսյանը պաշտոնից ազատվելու դիմում է ներկայացրել։ Նրա փոխարեն նշանակվել է Անահիտ Ավանեսյանը։
Ցանկանո՞ւմ ես ծառայել Զինված ուժերի պատվո պահակային վաշտում․ դիմելու ժամանակն է
(Թարմացված է 17:26 18.01.2021)
Պատվո պահակային վաշտում ծառայելու համար զորակոչիկները պետք է դիմեն առաջիկա 12 օրերի ընթացքում։
ԵՐԵՎԱՆ, 18 հունվարի – Sputnik. Ձմեռային զորակոչի շրջանակներում զորակոչիկներին ՀՀ ԶՈւ ուժերի պատվո պահակային վաշտում զինվորական ծառայության նշանակելու նպատակով իրականացվելու է ընտրություն: Տեղեկությունը հայտնում է ՀՀ պաշտպանության նախարարության մամուլի ծառայությունը։ Նշվում է, որ ընտրությունն անցկացվելու է փետրվարի 2-ին և 3-ին N զորամասի տարածքում։
©
Photo : official site of the MoD of RA
«Զինված ուժերի պատվո պահակային վաշտում ծառայել ցանկացող զորակոչիկները մինչև հունվարի 30-ը կարող են դիմել ՀՀ ՊՆ զորակոչային և զորահավաքային համալրման ծառայության տարածքային ստորաբաժանումներ (զինկոմիսարիատներ)»,- նշված է հաղորդագրության մեջ։
Հավելենք, որ պատվո պահակախմբում ծառայելու համար զորակոչիկի հասակը պետք է լինի 180-ից 190 սմ, դեմքի և մարմնի երևացող այլ հատվածներում չպետք է լինեն դաջվածքներ և սպիներ, մարմնի զանգվածի ու հասակի հարաբերակցությունը պետք է կանոնավոր լինի։
Ընտրությունը կատարելիս հաշվի են առնում նաև գեղեցիկ և համաչափ դիմագծերը, առանց որևէ շտկման և գունային ճիշտ զգացողությամբ տեսողությունը, ոչ պակաս, քան 6 մետր հեռավորության վրա շշուկային խոսքն ընկալելու կարողությունը: