«Հայփոստի» կենտրոնական շենք

«Հայփոստը» մտնում է զարգացման նոր փուլ. նախատեսվում է վերակառուցել կենտրոնական փոստի շենքը

6941
(Թարմացված է 22:53 26.12.2020)
«Հայփոստի» զարգացման նպատակով ընկերությունը համաշխարհային ճանաչում ունեցող խորհրդատվական կազմակերպության հետ համատեղ ծրագիր է մշակել՝ հիմնված աշխարհի լավագույն փոստային ծառայությունների փորձի վրա: Զարգացման ծրագրերի շարքում նաև կենտրոնական մասնաշենքի վերանորոգումն է։

ԵՐԵՎԱՆ, 26 դեկտեմբերի – Sputnik, Նելլի Դանիելյան. Երևանի Սարյան փողոցում գտնվող «Հայփոստի» կենտրոնական մասնաշենքն առաջիկայում նոր տեսք ու ենթակառուցվածքային նոր գործառույթ կստանա։ Այս մասին Sputnik Արմենիային հայտնեց «Հայփոստ» ՓԲԸ գլխավոր տնօրեն Հայկ Կարապետյանը` ներկայացնելով շենքի վերակառուցման նախագիծը։

«Ընկերությունը ծրագրում է վերակառուցել երևանցիներին հայտնի բարձրահարկ շենքը` պահպանելով դրա արտաքին տեսքն ու դիմագիծը։ Շենքը չի քանդվելու, այլ միայն վերանորոգվելու ու համալրվելու է նորակառույց, ավելի ժամանակակից ու ավելի բարձրահարկ նոր մասնաշենքով։ Շենքի հետնամասում մենք ունենք 4-հարկանի կառույց, որի տեղում նախատեսվում է կառուցել նոր արդի շենք։ Կունենանք 2 շենք, որոնք կապված կլինեն կամուրջներով»,– ասաց Կարապետյանը:

Проект реконструированного Центрального здания компании Айпост на улице Сарьяна
© Photo : press office of Haypost
«Հայփոստի» կենտրոնական մասնաշենքի նոր նախագիծը

«Հայփոստն» իր նախագիծն արդեն ներկայացրել է Երևանի քաղաքապետարանին ու ՀՀ կառավարությանը, հիմա սպասում է վերջնական որոշմանը։ Շենքի հետ կապված կան նաև այլ մասնավոր նախագծեր, բայց «Հայփոստը» հուսով է, որ կընտրվի իր նախագիծը, որն, իրենց հաշվարկով, Հայաստան կբերի 25 մլն դոլար ներդրում:

Мэр Еревана Айк Марутян и гендиректор Айпоста Айк Карапетян обсудили концепцию реконструкции Центрального здания компании (17 сентября 2020). Еревaн
© Photo : press office of Haypost
Հայկ Կարապետյանն ու Հայկ Մարությանը

Եթե նախագիծը հաստատվի ու բարեհաջող իրականացվի, նորացված շենքը կսկսի ծառայել որպես բիզնես կենտրոն։ Շենքում կբացվի փոստային թանգարան։ Առաջին հարկում կգործի մեծ գրախանութ` համադրված երևանյան հայտնի սրճարանային ցանցերից մեկի հետ։

«Հայփոստի» տնօրենն ընդգծում է, որ շենքի շահագործման նոր նախագծի համար նախատեսվող ներդրումները լինելու են դրսից, պետական բյուջեից որևէ գումար չի ծախսվելու:

«Երկրորդ շենքում նախատեսում ենք, որ կարող է լինել նաև հյուրանոց, որը կդառնա Երևանի լավագույն զբոսաշրջային կենտրոններից մեկը։ Իսկ բարձրահարկ շենքի վերնահարկում պլանավորում ենք Ամստերդամի օրինակով ճոճանակ տեղադրել, որը ճոճվողին դուրս կհանի շենքի տարածքից։ Դուք կարող եք ճոճվել ու նայել Արարատին»,– նախագիծը ներկայացնելով` ասաց Կարապետյանը։

Տնօրենի խոսքով՝ այս ամենը միայն մեկ գլխավոր նպատակ է հետապնդում` անհրաժեշտ ֆինանսական միջոցներ ապահովել «Հայփոստի» ամբողջ ցանցի վերանորոգման ու արդիականացման համար։

«Ավելի հեռահար ծրագրերում, հավատարիմ մնալով մարզերի համաչափ զարգացման քաղաքականությանը, նախատեսում ենք նույն դիզայնով ու նույն ոճով բիզնես կենտրոններ հիմնել նաև մարզերում` «Հայփոստի» մարզային 40 կենտրոններում։ Ժամանակակից աշխարհում միայն փոստային ծառայությունով երբեք կայուն ու աճող ընկերություն չես լինի։ Եթե ուզում ես լավ փոստ լինել, պետք է աշխատես 5 տարբեր շուկաներում»,– զարգացման ծրագրի գաղափարն այսպես ներկայացրեց Կարապետյանը։

5 շուկաներից մեկը, նրա խոսքով, ֆինանսականն է։ Տնօրենը հայտնեց, որ «Հայփոստն» առաջիկայում դիմելու է Կենտրոնական բանկ` վարկային կազմակերպության լիցենզիա ստանալու և «Հայփոստ կրեդիտ» կազմակերպություն հիմնելու նպատակով։

Ապրելու ենք, որ հաղթենք. բացիկների միջոցով հնարավոր է նվիրատվություն անել զինծառայողներին

«Մենք արդեն դիմել ենք Կենտրոնական բանկին` էլեկտրոնային փողի (էլեկտրոնային քսակ) թողարկման թույլտվություն ստանալու համար, իսկ առաջիկա շաբաթներում դիմելու ենք նաև վարկային կազմակերպության լիցենզիա ստանալու համար»,-նշեց Կարապետյանը:

Директор Айпоста Айк Карапетян
© Photo : provided by Hayk Karapetyan
Հայկ Կարապետյան

Երկրորդը վճարահաշվարկային շուկան է, որում գործելու լիցենզիան «Հայփոստն» արդեն ունի։ «Մինչև տարեվերջ պլանավորում ենք էլեկտրոնային քսակի թույլտվություն ստանալ և ունենալ «Հայփոստ Pay» ծառայություն, որի միջոցով մեր թոշակառուները ստանալու են իրենց թոշակները»,– ասաց Կարապետյանը։

Ընկերությունը ծրագրում է ունենալ նաև լոգիստիկ ծառայություն և ընդլայնել արդեն իսկ մատուցվող պետական ծառայությունների ցանկը` «Հայփոստի» բաժանմունքներում «մեկ պատուհանի» սկզբունքով կենտրոնացնելով շուրջ 20 պետական գերատեսչությունների ծառայություններ։

«Այն հեռավոր գյուղերը, որտեղ կան փոստային բաժանմունքներ, բայց որտեղ պետական ծառայությունները չեն հասնում, մարդը կարող է մտնել փոստային բաժանմունք, տալ իր տվյալները, որոնք կսկանավորվեն, կուղարկվեն համապատասխան պետական մարմնին, և նա փոստով կստանա իրեն անհրաժեշտ փաստաթղթերն առանց շրջկենտրոն գնալու»,– ասաց Կարապետյանը։

«Հայփոստի» գլխավոր տնօրենը վստահեցնում է` բոլոր ծրագրերն իրատեսական են և մոտ ապագայում կյանքի կկոչվեն:

6941
թեգերը:
Հայկ Կարապետյան («Հայփոստի» տնօրեն), ՀայՓոստ, Հայաստան
Ըստ թեմայի
Տնից ու բնակավայրից զրկված արցախցիներին ՀՀ կառավարությունը միանվագ օգնություն կտրամադրի
Զգուշացում. «Հայփոստի» անվան տակ փորձ է արվում քաղաքացիներից գումար շորթել
Նոր ավտոբուսները երթուղի դուրս կգան հունվարից. Հայկ Մարությանն ուրախ լուր է հայտնել
Աննա Հակոբյանը դուստրերի հետ

Ուրախ առիթով հյուր էինք. Աննա Հակոբյանը լուսանկարներ է հրապարակել «Շիշ բռնողի» հարսանիքից

316
(Թարմացված է 23:18 25.07.2021)
Աննա Հակոբյանի հետ լուսանկարներում դուստրերից երկուսն են։ Ընտանիքի մյուս անդամները չեն երևում։

ԵՐԵՎԱՆ, 25 հուլիսի – Sputnik. ՀՀ վարչապետի ժամանակավոր պաշտոնակատար Նիկոլ Փաշինյանի տիկին Աննա Հակոբյանը Facebook–ի էջում տոնական լուսանկարներ է հրապարակել դուստրերից երկուսի հետ: 

«Երկար ամիսներ անց առաջին անգամ ուրախ առիթով հյուր էինք»,–լուսանկարին կից գրել է Հակոբյանը։

Ամենայն հավանականությամբ`Աննա Հակոբյանը և դուստրերը մասնակցել են իմքայլական պատգամավոր Հայկ Սարգսյանի («Շիշ բռնողի») հարսանյաց հանդեսին:

Հարսանիքի քավորը, ըստ շրջանառվող լուրերի, եղել է Նիկոլ Փաշինյանը:

Հիշեցնենք` ԱԺ «Իմ քայլը» խմբակցության պատգամավոր, «Շիշ բռնող» մականունն ունեցող Հայկ Սարգսյանը երեկ ամուսնացել է։ Նրա հարսնացուն գործարար Հայրապետյան եղբայրներից մեկի թոռնուհին է՝ Օլյա Հայրապետյանը: Հարսանիքը տեղի է ունեցել Երևանի «Դվին» ռեստորանային համալիրում։

«Բա ես պետք է ճոխ անեմ, հո դո՞ւ չէիր անելու». Ծառուկյանը` որդու հարսանիքի մասին

316
թեգերը:
Հայկ Սարգսյան, հարսանիք, Լուսանկար, Աննա Հակոբյան
Ըստ թեմայի
«Հեռախոսը վերցրել եմ և ջնջել հոլովակը». Հայկ Սարգսյանը խոսել է աղմկահարույց միջադեպի մասին
Ո՞վ է Հայկ Սարգսյանի նշանածը․ մանրամասներ
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Արխիվային լուսանկար

COVID-ը բացասաբար է ազդում ինտելեկտի վրա․ հետազոտություն

24
(Թարմացված է 22:52 25.07.2021)
Վարակից հետո վերջնականապես վերականգնվելու գործընթացը կարող է ամիսներ տևել։

ԵՐԵՎԱՆ, 25 հուլիսի – Sputnik․ COVID-19–ը հաղթահարած մարդկանց մոտ կարող է նկատվել ինտելեկտի մակարդակի զգալի նվազում։ Նման եզրակացության են հանգել բրիտանացի գիտնականները, որոնք զբաղվում են մարդկանց ճանաչողական ունակությունների վրա կորոնավիրուսի ազդեցության ուսումնասիրությամբ: Նրանց հետազոտությունը հրապարակվել է The Lancet պարբերականում։

Ընդհանուր առմամբ` փորձարկումներին մասնակցել է ավելի քան 80 հազար մարդ, որոնցից 12 հազարը COVID են տարել: Ինչպես ցույց են տվել հետազոտության արդյունքները, արհեստական շնչառական սարքերին միացված հիվանդների մոտ հետագայում նկատվել է ճանաչողական ունակությունների նվազում:

Մասնագետների խոսքով ՝ ճանաչողական ֆունկցիաները կարող են վերականգնվել ամիսներով։

Պետք է պատվաստվել մինչև համավարակի նոր ալիքի ուժգնացումը. կորոնավիրուսի թվերն աճում են

24
թեգերը:
բժիշկ, հիվանդ, համավարակ, կորոնավիրուս
թեմա:
Կորոնավիրուսը աշխարհում
Ըստ թեմայի
Ինչ պետք է իմանալ «Դելտա» մանրէահիմքի մասին, և երբ Հայաստանը կբախվի COVID-19–ի 4-րդ ալիքին
«Մենք դեֆեկտներ ունենք». ինչու մարդիկ չեն պատվաստում Covid-19-ի դեմ. հարցախույզ Երևանում
Գիտնականն ասել է, թե որքան ժամանակ կպահանջվի COVID-ի առաջացման բնույթը պարզելու համար