Մարդիկ փակել են ճանապարհը, արխիվային լուսանկար

«Նիկոլը թռավ». սյունեցիները բղավեցին իրենց գլխավերևում հայտնված ուղղաթիռի հետևից

3311
(Թարմացված է 11:44 21.12.2020)
Մինչ սյունեցիները փակել էին Գորիս-Տաթև ավտոճանապարհն ու սպասում էին վարչապետին, նրանց գլխավերևում ուղղաթիռ երևաց։

ԵՐԵՎԱՆ, 21 դեկտեմբերի – Sputnik. Սյունեցիները վաղ առավոտից շարունակում են փակ պահել Գորիս-Տաթև ավտոճանապարհը՝ ՀՀ վարչապետ Նիկոլ Փաշինյանի մուտքը Սյունիքի մարզ արգելելու համար։

«Հայաստանը վաճառքի առարկա դարձնող անձնավորությունն իրավունք չունի մտնելու Սյունիքի տարածաշրջան»,– նշում են ակցիայի մասնակիցները` շեշտելով, որ իրենց բողոքը ոչ միայն Սյունիքի, այլև ամբողջ Հայաստանի ու Արցախի, անգամ աշխարհի հայության համար է։

Նրանց խոսքով` «Երևանում բազմոցներին նստած զոմբիները» չեն պատկերացնում, թե ինչ է կատարվում Հայաստանում։

«Եթե դու արդար ես, ազնիվ ես, իրոք ժողովրդի վարչապետն են, ինչո՞ւ ես ոստիկաններով տեղաշարժվում։ Դուրս արի, մարդկանց հետ շփվիր»,– ասաց ակցիայի մասնակիցներից մեկը` հեռակա դիմելով Փաշինյանին։

Սյունեցիները նաև հայտնում են, որ իրենք 80-100 երիտասարդ զինվորներ են հանձնել հողին, մի մասի մարմիններն էլ դեռ չեն գտնվել։ Պատերազմի արհավիրքները տեսած Սյունիքը, ըստ նրանց, ձերբակալություններից ու ոստիկաններից չի վախենում։

Բայց մինչ սյունեցիները փակել էին ճանապարհն ու սպասում էին վարչապետին, երկնքում` նրանց գլխավերևում, երևաց ուղղաթիռը, որը նրանց համոզմամբ` վարչապետին է տեղափոխում Սյունիք` շրջանցելով սյունեցիների հետ հանդիպելու ու փակ ճանապարհին բախվելու վտանգը։

«Նիկոլը թռավ»,– ուղղաթիռին նայելով` բղավեցին ակցիայի մասնակիցները։

Ապա սկսեցին վանկարկել . «Նիկոլ, դավաճան»։

Հիշեցնենք, որ Նիկոլ Փաշինյանն այսօր Facebook–ի ուղիղ եթերում հայտարարել էր` Սյունիքի մարզ այցելելու որոշումը կրքեր բորբոքելու համար չէ։ «Ես գալիս եմ ձեր աչքերի մեջ ուղիղ նայելու, ձեր հարցերին պատասխանելու, Սյունիքի ու բոլոր սյունեցիների նկատմամբ իմ հարգանքի տուրքը մատուցելու»,- նշել էր նա։

Այս պահին բողոքի ակցիան շարունակվում է։ Փաշինյանն արդեն Սյունիքում է։

3311
թեգերը:
ուղղաթիռ, Սյունիք, Հայաստան
Ըստ թեմայի
Սյունիքի հետ սահմանակից հողերն օգտագործվել են Արցախի հետ համաձայնագրերի հիման վրա. մարզպետ
Բախում է տեղի ունեցել Սյունիքի մի խումբ բնակիչների ու ոստիկանների միջև
Փայտ կտրելիս, անասուն արածեցնելիս չհատել սահմանը. Սյունիքի մարզպետը զգուշացնում է
Արխիվային լուսանկար

Սուրբ Սարգսի տոնական միջոցառումները չեղարկվել են

6
(Թարմացված է 20:52 25.01.2021)
Տոնական միջոցառումների անցկացման փոխարեն կընդլայնվեն զինվորներին ուղղված ծրագրերը։

ԵՐԵՎԱՆ, 25 հունվարի – Sputnik. Այս տարի սիրո բարեխոս Սուրբ Սարգսի տոնը նշվում է հունվարի 30-ին։ Արարատյան Հայրապետական թեմի մամուլի ծառայությունը տեղեկացնում է, որ այս տարի տոնական բոլոր միջոցառումները չեղարկվել են։

«Փոխարենը ավելի են ընդլայնվել զինվորներին ուղղված ծրագրերը»,- նշված է հաղորդագրության մեջ։

Հիշեցնենք՝ Սուրբ Սարգիս զորավարը համարվում է երիտասարդ զույգերի և սիրահարների բարեխոսը։ Տոնի առթիվ հայ առաքելական բոլոր եկեղեցիներում կատարվում է երիտասարդների օրհնության կարգ։

Ժողովրդական ամենասիրելի սովորույթն էլ կապված է աղի բլիթի հետ։ Տոնին նախորդող գիշերը երիտասարդներն աղի բլիթ են ուտում, որ երազում տեսնեն ապագա կողակցին։

6
թեգերը:
Եկեղեցի, տոն, Սուրբ Սարգիս
Ըստ թեմայի
Հայաստանյան բոլոր եկեղեցիներում մատուցվել է Ճրագալույցի սուրբ պատարագ․ տեսանյութ
«Ամոթ ձեզ». Փայլանը հայտնում է, որ Բուրսայի հայկական եկեղեցին վաճառքի են հանել
Ինչպես փրկվեց Դադիվանքը. տեր Վահրամը հայտնել է` քանի եկեղեցի է մնացել թշնամու կողմում
Արխիվային լուսանկար

«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով

114
Առողջապահության նախարարությունը պատրաստվում է պատվաստանյութ գնել Հայաստանի բնակչության 10%-ի համար։ 4%-ի համար որոշվել է բրիտանա–շվեդական պատվաստանյութ գնել։

ԵՐԵՎԱՆ, 25 հունվարի – Sputnik. ՀՀ առողջապահության նախարարությունը Pfizer դեղագործական ընկերության կողմից արտադրվող կորոնավիրուսային հիվանդության (COVID-19) դեմ պատվաստանյութ ձեռք բերելու նպատակով բանակցություններ չի տանում։ Տեղեկությունը հայտնել է ՀՀ առողջապահության նախարարությունը՝ պատասխանելով Sputnik Արմենիայի գրավոր հարցմանը։

Գերատեսչությունում նշել են նաև, որ այդ ընկերության պատվաստանյութով Իսրայելում COVID-19-ի դեմ պատվաստված բնակչության մոտ առաջացած կողմնակի ազդեցությունների, մասնավորապես կաթվածի ախտանշանների մասին առողջապահության նախարարությունը պաշտոնական տեղեկություն չունի։

Միաժամանակ նախարարությունում հրաժարվել են պարզաբանել՝ ում հետ են բանակցություններ տարվում պատվաստանյութ ձեռք բերելու նպատակով։

Նշենք`հունվարի 20-ին հայտնի էր դարձել, որ ՀՀ առողջապահության նախարարությունը որոշում է կայացրել կորոնավիրուսի դեմ պատվաստանյութ գնել AstraZeneca բրիտանա–շվեդական ընկերությունից։ Այն հասանելի կլինի արդեն այս տարվա մարտից ու նախատեսված է բնակչության 3%-ի համար։

1-ին փուլում կպատվաստվեն տարեցների խնամքի կենտրոնների բնակիչները և աշխատակիցները, բուժաշխատողները, սոցիալական խնամքի կենտրոնների աշխատակիցները, 65 տարեկան և բարձր տարիքի անձինք, 16-ից 64 տարեկան խրոնիկ հիվանդները:

Հաջորդ փուլում կպատվաստվեն դասախոսները, ուսուցիչները, արտակարգ իրավիճակների նախարարության աշխատակիցները, զինծառայողները, արդարադատության ոլորտի աշխատակիցները, հանրային տրանսպորտի աշխատակիցները, պետական ծառայողները:

Պուտինն ասաց` ինչու մինչ այժմ չի պատվաստվել կորոնավիրուսի դեմ

ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը հայտնել էր, որ հայկական կողմը կորոնավիրուսի դեմ չորս տեսակի (այդ թվում՝ ռուսական) հնարավոր մատակարարումների մասին բանակցություններ է տանում։ Նախատեսվում է պատվաստանյութ գնել Հայաստանի բնակչության 10%-ի՝ միայն ռիսկային խմբերի համար։

Հիշեցնենք՝ Հայաստանը որպես օգնություն ստացել է ռուսական «Սպուտնիկ V»-ի մի փոքր խմբաքանակ։ Դրանով պատվաստվել է նույնիսկ առողջապահության նախկին նախարար Արսեն Թորոսյանը։

114
թեգերը:
ՀՀ Առողջապահության նախարարություն, կորոնավիրուս, Հայաստան, պատվաստանյութ
թեմա:
Կորոնավիրուսը Հայաստանում և Արցախում
Ըստ թեմայի
Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում
Կալիֆոռնիայում հորդորել են հրաժարվել Նուբար Աֆեյանի ընկերության պատվաստանյութի խմբաքանակից
ՀՀ-ն բանակցություններ է վարում. կորոնավիրուսի պատվաստանյութերից որն առաջինը տեղ կհասնի