Նիկոլ Փաշինյանն ու Իլհամ Ալիևը. արխիվային լուսանկար

Հանձնված հողերը հետ չեն գա, եթե նույնիսկ եռակողմ հայտարարությունն առոչինչ ճանաչվի

2164
Մարդու իրավունքների եվրոպական դատարանում Սահմանադրական դատարանի նախագահի ու դատավորների ներկայացուցիչ Սիրանույշ Սահակյանը Sputnik Արմենիայի հետ զրույցում մեկնաբանել է եռակողմ հայտարարությունը միջազգային հարթակում վիճարկելու հնարավորությունը։

ԵՐԵՎԱՆ, 18 դեկտեմբերի – Sputnik. Նոյեմբերի 9-ին կնքված հայտարարության արդյունքում հայկական կողմն ակնկալում էր անվտանգության նորմերի ապահովման որոշակի երաշխիքներ, մինչդեռ այն, ինչ ավելի քան մեկ ամիս տեղի է ունենում Արցախում ու Հայաստանի սահմանամերձ շրջաններում, այդ թվում` այս պահին` Սյունիքում, ճիշտ հակառակի մասին են վկայում։ Sputnik Արմենիայի հետ զրույցում նման դիտարկում արեց Մարդու իրավունքների եվրոպական դատարանում Սահմանադրական դատարանի նախագահի ու դատավորների ներկայացուցիչ Սիրանույշ Սահակյանը։

«Մենք տեսնում ենք, որ լոկալ խնդիրներն իրենց շարունակականությունը դեռևս պահպանվում են, ավելին` դրանք զուգակցվում են թե՛ տարածքների զիջման հետ, թե՛ հումանիտար խնդիրներով. գերեվարվում են զինվորականներ ու քաղաքացիական անձինք, որոնք որևէ կապ չեն ունեցել կոնֆլիկտի հետ ու ներգրավված չեն եղել դրանում»,– ասաց Սահակյանը` շեշտելով, որ անգամ բարձր մակարդակով տեղի ունեցած պայմանավորվածություններն այսօր խախտվում են` անվտանգության նորանոր հարցեր առաջացնելով։

Մեկնաբանելով եռակողմ հայտարարության սկզբունքների խախտման փաստերը` Սահակյանը համոզմունք հայտնեց, որ միջազգային իրավունքի տեսանկյունից այս փաստաթուղթն առոչինչ է, քանի որ ի սկզբանե հակասել է և՛ ՀՀ Սահմանադրությանը, և՛ միջազգային նորմերին։

«Եթե ուժի չգործադրման սկզբունքի խախտմամբ հարկադրվում է որևէ պայմանագրի կնքում, մենք այս դեպքում գործ ունենք առոչինչ պայմանագրի հետ։ Բացի այդ, այս պայմանագրի դրույթները հանգեցրել են քաղաքացիական բնակչության բռնի տեղահանության, որը դարձյալ հակասում է միջազգային իրավունքին»,– ասաց նա։

Վանդալիզմը շարունակվում է. ադրբեջանցիները գնդակոծել են Շուշիի Ղազանչեցոց եկեղեցու գմբեթը

Ինչ վերաբերում է ՀՀ Սահմանդրության խախտմանը, Սիրանույշ Սահակյանը նշում է, որ ռազմաքաղաքական ու տարածքային հարցերն այդ հայտարարությամբ, փաստորեն, կարգավորվել են առանց միջազգային պայմանագիր կնքելու ու առանց խորհրդարանի հավանության, ինչը նման դեպքերի համար պարտադիր է։ Բացի այդ երկրի տարածքների փոփոխությունը, նրա խոսքով, պետք է նաև հանրաքվեով հաստատվեր։

«Մասնավոր անձինք միջպետական մակարդակով չեն կարող վիճարկել այդ պայմանագիրը։ Այդ հարցերը պետք է բարձրաձայնվեն կառավարության մակարդակով։ Դրա դերակատար կարող են լինել ՀՀ ԱԳՆ–ն, կառավարությունն ու վարչապետը։ Բայց քանի որ վարչապետի հեղինակությամբ է կնքվել առոչինչ փաստաթուղթը, հասկանալի է, որ իր վարչապետության շրջանում նման իրավական հարցադրումներ միջպետական հարթության մեջ չեն կարող բարձրաձայնվել։ Ինքն է երաշխավոր, որ ՀՀ շահերին վնասող փաստաթուղթը կյանքի կոչվի»,– ասաց Սահակյանը։

Մեր զրուցակցի դիտարկմամբ` իրավական հետևանք չենթադրող փաստաթուղթը հայ ժողովրդին հարկադրվել են իշխանության վարչական լծակներով։ Ինչ վերաբերում է հետագայում դրա հնարավոր չեղարկմանը, Սիրանույշ Սահակյանի համոզմամբ, եթե անգամ միջազգային իրավունքը արձանագրի նորմերի խախտման փաստը, դրա հետևանքով Ադրբեջանին հանձնված տարածքների վերադարձն առանց ուժի գործադրման անհնար կլինի։

«Այսինքն` իրավունքը կարող է արձանագրել, բայց դրան պետք է հաջորդի նաև ռազմական ճանապարհ։ Առանց ռազմական միջամտության` կամովին հանձնված հողերը մենք չենք կարողանալու վերադարձնել»,– ասաց նա։

Ինչ վերաբերում է իրավական ճանապարհին, Սիրանույշ Սահակյանի խոսքով, Վիեննայի կոնվենցիան հնարավորություն է տալիս առոչնչության հիմքերի պարագայում վեճը տանել ՄԱԿ–ի արդարադատության դատարան։ Որոշ դեպքերում այս խնդիրը կարող է քննության առարկա դառնալ նաև ՄԻԵԴ–ում։

«Երբ որ ՄԻԵԴ–ը գույքային իրավունքների պաշտպանության խնդիր լուծի, և որոշ քաղաքացիներ, օրինակ` Լաչինի կամ Աղդամի բնակիչները պնդեն, որ իրենց իրավունքները խախտվել են ոչ թե ռազմական կոնֆլիկտի շրջանակներում, այլ քաղաքական համաձայնության, կարող են նաև քննարկման առարկա դարձնել այդ համաձայնագրի վավերականությունը։ Եվրոպական դատարանը կարող է հարակից ձևով գնահատականներ ձևավորել»,– ասաց Սահակյանը։

Այդուհանդերձ, նրա դիտարկմամբ, միջազգային հարթակում նման գործընթաց սկսելու համար նախ պետք է գործեն ԱԳՆ–ն ու կառավարությունը, որոնք երկուսն էլ, հասկանալի պատճառով, չեն գործի։

Հետևաբար, այս խնդիրը կմնա արդեն հաջորդ իշխանության կամ նույնիսկ հաջորդ սերունդների վրա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Հայերը Շուշին կորցրել են ոչ թե ռազմական, այլ քաղաքական ճանապարհով. Սեմյոն Պեգով

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

2164
թեգերը:
Հող, Հայաստան, Ադրբեջան, Եռակողմ հայտարարություն
Ըստ թեմայի
«Ինձ հետ միասին 16 հոգի էլ կար». Սեյրան Օհանյանը պատմել է` իրականում ինչ էր անում Շուշիում
Շուշիի շրջանի 3 գյուղերը Ադրբեջանին փոխանցելու կամ զիջելու մասին խոսք չկա. նախարար
Ֆրանսիան կարծում է, որ եռակողմ համաձայնագրի որոշ կետեր հաշվի առնված չեն
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

117
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

117
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը
Շտապօգնության մեքենա. արխիվային լուսանկար

Վանաձոր-Ստեփանավան ավտոճանապարհին 3 մեքենա են բախվել. կան տուժածներ

65
(Թարմացված է 22:10 18.04.2021)
Վանաձորի բժշկական կենտրոնի բժիշկները տուժածների առողջական վիճակը գնահատել են միջին ծանրության։

ԵՐԵՎԱՆ, 18 ապրիլի — Sputnik. Լոռու մարզի Վանաձոր-Ստեփանավան ավտոճանապարհին տեղի է ունեցել ՃՏՊ․ բախվել են երեք ավտոմեքենա, կան տուժածներ: Տեղեկությունը հայտնում է ՀՀ ԱԻՆ մամուլի ծառայությունը։

Նշվում է, որ ահազանգն ԱԻՆ Ճգնաժամային կառավարման ազգային կենտրոնում ստացել են ապրիլի 18-ին, ժամը 18։23-ին, դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ։

«Պարզվել է, որ Վանաձոր-Ստեփանավան ավտոճանապարհի 7-րդ կմ-ին բախվել են «VAZ-2121» (վարորդ՝ Ա. Ղ., ծնված 1987 թ.), «Volkswagen Golf» (վարորդ՝ Հ․ Գ․, ծնված 1978 թ.) և «Mitsubishi Pajero» (վարորդ՝ Ա․ Ա․, ծնված 1953 թ.) մակնիշների ավտոմեքենաները, ինչի հետևանքով «Mitsubishi Pajero» մակնիշի ավտոմեքենան կողաշրջվել է»,–ասվում է հաղորդագրության մեջ։

Երկաթուղային վթար Եգիպտոսում. տուժել է ավելի քան 100 մարդ, կան զոհեր

Մինչ փրկարարների կանչի վայր հասնելը, 3 տուժածներ տեղի ուժերով հոսպիտալացվել են Վանաձոր քաղաքի ԲԿ։ Բժիշկները տուժածների առողջական վիճակը գնահատել են միջին ծանրության։

Փրկարարները հոսանքազրկել են ավտոմեքենաները, «Volkswagen Golf» մակնիշի ավտոմեքենայի վարորդին դուրս բերել ավտոմեքենայից և մոտեցրել շտապօգնության ավտոմեքենային։

Ողբերգական վթար Աբովյան քաղաքում. 1 մարդ մահացել է, երեքը հիվանդանոցում են

65
թեգերը:
Տուժածներ, Ճանապարհ, Լոռի, վթար
Ըստ թեմայի
Տեղի է ունեցել դժբախտ պատահար. պաշտպանը` Սիմոն Մարտիրոսյանի մասնակցությամբ վթարի մասին
Վթար Չիվա գյուղի մոտ. տուժածներից մեկին մեքենայից դուրս են բերել հատուկ տեխնիկայի միջոցով
Խոշոր վթար Սյունիքում․ 6 վիրավորներից 2-ի վիճակը ծանր է