ԵՐԵՎԱՆ, 12 դեկտեմբերի – Sputnik. ՀՀ փոխվարչապետ Մհեր Գրիգորյանի` պաշտոնից ազատվելու դիմում ներկայացնելու լուրը չի համապատասխանում իրականությանը։
«Նա շարունակում է աշխատել նախկին ռեժիմով, րոպեներ առաջ ավարտվեց հերթական խորհրդակցությունը»,– Sputnik Արմենիային հայտնեցին Գրիգորյանի աշխատակազմից։
Այսօր տեղեկություն էր տարածվել, որ փոխվարչապետը դիմում է ներկայացրել Նիկոլ Փաշինյանին՝ պատճառաբանելով, որ Հայաստանին տնտեսական կոլապս է սպասում, ինքը չի կարող այս պայմաններում շարունակել պաշտոնավարումը։
Հիշեցնենք, որ Արցախի վերաբերյալ եռակողմ հայտարարությունից հետո, նոյեմբերի ընթացքում տասներկու նախարարներից վեցը հեռացել են պաշտոնից։
