ՀՀ քննչական կոմիտե

ՀՀ-ն հետախուզում է հայտարարել ցեղասպանության կոչ արած «Ղարաբաղի» ներկայացուցչի նկատմամբ

129
(Թարմացված է 16:32 27.11.2020)
Դատարան միջնորդություն է ներկայացվել նաև ադրբեջանական ֆուտբոլային ակումբի ներկայացուցչի նկատմամբ կիրառել կալանավորումը որպես խափանման միջոց։

ԵՐԵՎԱՆ, 27 նոյեմբերի - Sputnik. Ադրբեջանական «Ղարաբաղ» ֆուտբոլային ակումբի ներկայացուցիչ Նուրլան Իբրահիմովի հանդեպ հետախուզում է հայտարարվել։ Տեղեկությունը հայտնում է ՀՀ քննչական կոմիտեի մամուլի ծառայությունը։

«Նոյեմբերի 26-ին որոշում է կայացվել Ադրբեջանի Հանրապետության քաղաքացի, ազգությամբ ադրբեջանցի, «Ղարաբաղ» ֆուտբոլային ակումբի մամուլի և հասարակայնության հետ կապերի պատասխանատու Նուրլան Իբրահիմովին ազգային և ռասայական թշնամանք հարուցելու (ՀՀ քրեական օրենսգրքի 226-րդ հոդված), ուղղակի և հրապարակային ցեղասպանություն հրահրելու (ՀՀ քրեական օրենսգրքի 393.1-րդ հոդվածի 2-րդ մասի 1-ին կետ), ցեղասպանությունը և խաղաղության ու մարդկության անվտանգության դեմ ուղղված մյուս հանցագործություններն արդարացնելու և դրանց հավանություն տալու (ՀՀ քրեական օրենսգրքի 373.1-րդ հոդված) համար որպես մեղադրյալ ներգրավելու մասին»,- նշված է հաղորդագրության մեջ։

Մեղադրյալ Իբրահիմովի նկատմամբ ոչ միայն հետախուզում է հայտարարվել, այլև նույն օրը միջնորդություն է ներկայացվել Երևանի ընդհանուր իրավասության առաջին ատյանի դատարան՝ նրա նկատմամբ կալանավորումը որպես խափանման միջոց կիրառելու վերաբերյալ:

Հիշեցնենք՝ Նուրլան Իբրահիմովը հոկտեմբերին ֆեյսբուքյան իր էջում կոչ էր արել սպանել բոլոր հայերին՝ ծերերին, կանանց, երեխաներին՝ առանց տարբերակման։ Ճիշտ է, կարճ ժամանակ անց նա հեռացրել էր իր հրապարակումը, բայց շատերն արդեն տեսել, կարդացել ու կրկնօրինակել էին ադրբեջանցի ֆուտբոլային գործչի ոչ մարդկային կոչը։

Կան հարցեր, որոնք միայն մեզնից չեն կախված. Փաշինյանը խոսեց անհետ կորածների խնդրի մասին

Հայաստանի ֆուտբոլի ֆեդերացիան դիմել էր ՈւԵՖԱ-ին գնահատական տալ ոչ միայն Իբրահիմովի արարքին, այլ զրկել «Ղարաբաղ» ակումբին Եվրոպայի լիգայի խաղարկությանը մասնակցությունից։ Ի դեպ «Ղարաբաղը» խոստացել էր պատժել Իբրահիմովին, բայց այդպես էլ չէր արել։ Այնպես, որ ՈւԵՖԱ-ն  անմիջապես սկսեց ուսումնասիրել տեղի ունեցածը։

Նոյեմբերի 26-ին հայտնի դարձավ, որ Նուրլան Իբրահիմովը իր` հայերին սպանելու կոչերի համար ՈւԵՖԱ-ի կողմից որակազրկվել է ցմահ, իսկ ակումբը տուգանվել է 100 հազար եվրոյով։

129
թեգերը:
հետախուզվող, Ցեղասպանություն, Լեռնային Ղարաբաղ, ՀՀ քննչական կոմիտե
Եվգենի Պետրոսյան. արխիվային լուսանկար

«Մոր քթից է թռած». Եվգենի Պետրոսյանի կինը որդու լուսանկարն է հրապարակել

32
(Թարմացված է 12:31 23.01.2021)
Նրա հետևորդները չեն թաքցրել փոքրիկ Վահանի հանդեպ իրենց հիացմունքը` ասելով, որ պետք է հաճախ փոքրիկի լուսանկարը տեղադրի իր էջում։

ԵՐԵՎԱՆ, 23 հունվարի – Sputnik. Երգիծաբան Եվգենի Պետրոսյանի կինը` Տատյանա Բրուխունովան, իրենց փոքրիկի հերթական լուսանկարն է տեղադրել Instagram–ի իր էջում։

«Երկար ժամանակ այս տղային իմ էջում չեմ ցուցադրել»,–որդու լուսանկարին կից գրել է Տատյանան։

Նրա հետևորդները չեն թաքցրել փոքրիկ Վահանի հանդեպ իրենց հիացմունքը` ասելով, որ պետք է հաճախ փոքրիկի լուսանկարը տեղադրի իր էջում։

«Մամայի քթից թռած է»,–մեկնաբանել է մեկ ուրիշ հետևորդ։ Սակայն այս մեկնաբանության առնչությամբ հնչել են նաև հակառակ կարծիքներ, թե ավելի շատ Պետրոսյանին է տղան նման։

Բրուխունովայի հետևորդների աչքից չի վրիպել նաև փոքրիկի ոճային հագուստը, և նրանցից մեկը մեկնաբանել է.

«Ի՜նչ ոճային է` լրիվ մամային ու պապային է քաշել»։

Հիշեցնենք, որ Եվգենի Պետրոսյանն ու Տատյանա Բրուխունովան ամուսնացել են 2019-ի դեկտեմբերին։ Մինչ այդ 33 տարի Պետրոսյանն ամուսնացած էր հումորիստ Ելենա Ստեպանենկոյի հետ։

Քանի՞ ամսական է երեխան. Եվգենի Պետրոսյանի երիտասարդ կինը պատասխանել է օգտատերերի հարցերին

32
թեգերը:
Տատյանա Բրուխունովա, երեխա, Կին, Եվգենի Պետրոսյան
Ըստ թեմայի
Ուրիշ կին կա՞ կողքին․ Եվգենի Պետրոսյանը նոր օգնականի հետ է միջոցառումներին այցելում
«Ահա և նա` Վահանը». Եվգենի Պետրոսյանը ցույց է տվել իր և Բրուխունովայի որդուն. լուսանկար
«Հզոր է». Եվգենի Պետրոսյանի կրակոտ պարը. տեսանյութ
102–րդ ռուսական ռազմաբազա. արխիվային լուսանկար

Ռուս զինծառայողն արձակուրդում է եղել. մանրամասներ Գյումրու վթարից

58
(Թարմացված է 12:18 23.01.2021)
Բեռնատար կցորդիչը, որին բախվել է ռուս զինծառայողի մեքենան, կայանված է եղել չթույլատրված վայրում։

ԵՐԵՎԱՆ, 23 հունվարի – Sputnik. Հարավային ռազմական օկրուգի մամուլի ծառայությունը հայտարարություն է տարածել գիշերը Շիրակի մարզում տեղի ունեցած վթարի մասին, որը ողբերգական ավարտ էր ունեցել։

Ինչպես արդեն տեղեկացրել ենք` հունվարի 23-ին` ժամը 03:43-ին, ՀՀ ԱԻՆ–ում ահազանգ է ստացվել, որ Գյումրի քաղաքի Բուլվարային փողոցում այրվում է ավտոմեքենա։ Դեպքի վայր մեկնած փրկարարները պարզել են, որ «Opel Astra» մակնիշի ավտոմեքենան (վարորդ` Լ. Խ., ծնված 1996 թ․, ՌԴ քաղաքացի) բախվել է կայանած կցորդիչին և բռնկվել։ Վարորդը մահացել է։

«2021 թվականի հունվարի 23-ին ՝ ժամը 5: 30-ի սահմաններում, արձակուրդում գտնվող պայմանագրային զինծառայողը անձնական ավտոմեքենայով չի կարողացել կառավարել կառավարումը և բախվել է ճամփեզրին չթույլատրված վայրում կայանված բեռնատար կցորդիչի հետ: Վթարի հետեւանքով ավտոմեքենան այրվել է։ Զինծառայողը ստացած վնասվածքներից տեղում մահացել է»,–նշված է հաղորդագրության մեջ:

Նշվում է, որ Գյումրու կայազորի հրամանատարությունը վթարի վայրում աշխատում է Հայաստանի Հանրապետության իրավապահ մարմինների հետ համատեղ:

Հայաստանում կան փակ ճանապարհներ, Լարսը բացվել է. ԱԻՆ–ը մանրամասներ է հայտնում

58
թեգերը:
Ճանապարհ, վթար, Գյումրու 102–րդ ռազմաբազա
թեմա:
Վթար, պատահար, սպանություն, գողություն
Ըստ թեմայի
Առինջում վթարի է ենթարկվել 58 համարի ավտոբուսը
Ադրբեջանցի զինծառայողները վթարի են ենթարկվել Շուշիի մոտ․ մեկը մահացել է, 2-ը վիրավոր են
Վթար Երևանում. «Infinity»–ի վարորդն ու ուղևորը 15 տարեկան են
Արցախ. արխիվային լուսանկար

Պայթյունի ձայնն ուժեղ է լինելու. Մարտունիում և Ասակերանում ռազմամթերք կվնասազերծեն

0
(Թարմացված է 13:52 23.01.2021)
Արցախի արտակարգ իրավիճակների պետական ծառայությունը հորդորում է խուճապի չմատնվել։

ԵՐԵՎԱՆ, 23 հունվարի – Sputnik. Արցախի արտակարգ իրավիճակների պետական ծառայությունը տեղեկացնում է, որ այսօր չպայթած և վտանգ ներկայացնող ռազմամթերքի վնասազերծում է նախատեսվում Մարտունու շրջանի Սպիտակաշեն և Ասկերանի շրջանի Այգեստան և Խնածախ համայնքերի մերձակայքում:

«Պայթյունի ձայնն ուժեղ է լինելու և այն լսելու դեպքում խնդրում ենք խուճապի չմատնվել»,–նշված է հաղորդագրության մեջ։

Արտակարգ իրավիճակների պետական ծառայությունը հայտնում է նաև, որ պարզաբանումների և լրացուցիչ տեղեկատվություն ստանալու համար կարելի է զանգահարել Մարտունու և Ասկերանի արտակարգ իրավիճակների պետական ծառայության շրջանային բաժինների 911 ահազանգման կենտրոն:
Կուբաթլուում ականի պայթյունից ադրբեջանցի հրամանատար է մահացել

0
թեգերը:
Ասկերան, Մարտունի, զինամթերք, պայթյուն
Ըստ թեմայի
Ադրբեջանը հոսպիտալի խոցումը ներկայացրել է իբրև ռազմամթերքի պահեստի ոչնչացում
Խուճապի չմատնվել. Արցախում պայթյունների ձայներ կլսվեն
Չպայթած ռազմամթերքի վնասազերծում կիրականացվի Ասկերանում և Մարտունիում