Փաշինյանը ԳԱԱ–ում, արխիվային լուսանկար

ԳԱԱ–ն պահանջում է Փաշինյանի հրաժարականը

1160
(Թարմացված է 13:35 25.11.2020)
ՀՀ գիտությունների ազգային ակադեմիայի նախագահությունը հայտարարություն է տարածել` շեշտելով, որ նոյեմբերի 9-ին կնքված հայտարարությունը գնահատում են որպես հայ ժողովրդի համար նվաստացուցիչ փաստաթուղթ։

ԵՐԵՎԱՆ, 25 նոյեմբերի – Sputnik. ՀՀ գիտությունների ազգային ակադեմիայի նախագահությունը պահանջում է ՀՀ կառավարության հրաժարականը` վարչապետ Նիկոլ Փաշինյանի գլխավորությամբ։ ՀՀ գիտությունների ազգային ակադեմիայի նախագահությունն Արցախի և Հայաստանի դեմ թուրք-ադրբեջանական ագրեսիայի հետևանքով ստեղծված իրավիճակի վերաբերյալ հանդես է եկել հայտարարությամբ, որն ընդունվել է ԳԱԱ նախագահության երեկվա նիստում:

«Նոյեմբերի 9-ին Ադրբեջանի, Հայաստանի և Ռուսաստանի միջև կնքված հայտարարությունը գնահատում ենք որպես հայ ժողովրդի համար նվաստացուցիչ փաստաթուղթ։ Ստեղծված իրավիճակում Ռուսաստանի խաղաղապահներին համարում ենք Արցախի հայության նկատմամբ թուրք-ադրբեջանական ցեղասպան և հայրենազրկման քաղաքականությունից փրկության և տարածաշրջանում կայունության հաստատման բացառիկ երաշխավոր»,–նշված է հաղորդագրության մեջ։

ԳԱԱ–ն բարձր է գնահատում հայկական զինուժի վճռական դերն Արցախի իշխանությունների վերահսկողության տակ գտնվող տարածքի պահպանման գործում և կոչ է անում ամեն կերպ բացառել բանակի բարոյալքումը, նպաստել բանակի համալրմանը, ամրապնդմանը և արդիականացմանը։

Ակադեմիայի նախագահությունը խստագույնս դատապարտում է տարիներ շարունակ գիտության նկատմամբ հանրապետության իշխանությունների կրավորական վերաբերմունքը, որի արդյունքում անհնարին դարձավ երկրի պաշտպանական համակարգում ժամանակակից գիտատեխնիկական նվաճումների կիրառումը։ Բացի այդ, անթույլատրելի է համարում հասարակության մեջ թշնամության, վրեժխնդրության, անվստահության, ատելության սերմանումը:

Նոյեմբերի 20-ին նման պահանջով հայտարարություն էր տարածել նաև ԵՊՀ-ն։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

1160
թեգերը:
Գիտությունների ազգային ակադեմիա (ԳԱԱ), Հրաժարական, կառավարություն, Հայաստան
Ըստ թեմայի
Նիկոլ Փաշինյանը բացատրեց, թե ինչու հրաժարական չի տվել հայտարարությունը չստորագրելու համար
Երևանում փողոցներ են փակում Փաշինյանի հրաժարականի պահանջով. տեսանյութ
Երիտասարդ դաշնակցականները որոշել են պայքարել այնքան, մինչև իշխանությունը հրաժարական տա
ՌԴ դեսպանությունը Երևանում

«Դատողությունները դուրս են հարցի բովանդակությունից». ՌԴ դեսպանատան պատասխանը «Հրապարակին»

64
(Թարմացված է 23:09 22.01.2021)
Հայաստանում ՌԴ ներկայացուցչությունից հայտնում են, որ խորին հարգանքով են վերաբերվում զանգվածային լրատվամիջոցների աշխատանքին և որևէ կերպ չեն խոչընդոտում խոսքի ազատությանը։

ԵՐԵՎԱՆ, 22 հունվարի – Sputnik. Հայաստանում ՌԴ դեսպանատունն անդրադարձել է «Հրապարակ» օրաթերթի` իրենց ուղղված այսօրվա պատասխանին` կրկին հիշեցնելով, որ թերթը տարածել է կեղծ տեղեկատվություն Հայաստանում Ռուսաստանի դեսպանի գործունեության մասին։

«Ցանկանում ենք պարբերականի ուշադրությունը հրավիրել այն բանի վրա, որ ժողովրդավարության և խոսքի ազատության մասին մեր նամակի պատասխան հրապարակման մեջ առկա դատողությունները դուրս են հարցի բովանդակությունից»,- նշված է դեսպանատան հաղորդագրության մեջ։

Դեսպանատնից հայտնում են, որ խորին հարգանքով են վերաբերվում զանգվածային լրատվամիջոցների աշխատանքին և որևէ կերպ չեն խոչընդոտում խոսքի ազատությանը։

Հիշեցնենք, որ երեկ Ռուսաստանի դեսպանությունը «Հրապարակ» օրաթերթից խնդրել էր Հայաստանում Ռուսաստանի արտակարգ և լիազոր դեսպանի հասցեին հնչած մեղադրանքների համոզիչ ապացույցներ տրամադրել կամ պաշտոնական հերքում հրապարակել։

Ի պատասխան «Հրապարակ» թերթը գրել է, որ իրենք ընդամենը հարցեր են ուղարկել և դեսպանատունը՝ որպես դիվանագիտական ներկայացուցչություն, կարող է պատասխանել կամ չպատասխանել։ «Ինչպես մեր իրավունքն է տեղեկատվություն փոխանցել մեր հասարակությանը այն ամենի մասին, ինչը նպատակահարմար ենք գտնում։ Իսկ մենք նպատակահարմար ենք գտնում ներկայացնել հայաստանյան ներքաղաքական իրողությունները, ինչպես նաև՝ քաղաքական ուժերի վերաբերմունքը ձեր պետության, ձեր պետությունը ներկայացնող դեսպանի կամ մեկ այլ պաշտոնյայի նկատմամբ»,–ի պատասխան խնդրանքի գրել է թերթը։

Հիշեցնենք, նաև, որ ամեն ինչ սկսվել է «Հրապարակ» թերթի`  «Ընդդիմությունը դժգոհ է ՌԴ դեսպանից» հոդվածից, որտեղ գրել են. «Իշխանամերձ շրջանակներում փսփսում են, որ վերջին հանդիպման ժամանակ Փաշինյանը Պուտինին զեկուցել է՝ ուզում եմ արտահերթ ընտրություններ կազմակերպել, վերջինս ասել է՝ գնա արա։ Հիմա Հայաստանի ընդդիմադիր ուժերը որոշակի դժգոհություն ունեն Փաշինյանի «կյանքը երկարաձգող» ռուսական պաշտոնական օղակներից և մասնավորապես Հայաստանում ՌԴ դեսպանից»։

Հայաստանն ու Ռուսաստանը կվերացնեն ելքի և մուտքի փոխադարձ արգելքները. Մհեր Գրիգորյան

Հոդվածում նշվում էր, թե ՀՀ–ում ՌԴ դեսպանը սերտ կապերի մեջ է հայաստանյան մի շարք կուսակցությունների հետ և անգամ հովանավորում է դրանցից մի քանիսին, խրախուսում է արտահերթ ընտրությունների անցկացումը, որի կազմակերպիչը գործող իշխանությունն է լինելու։

64
թեգերը:
ընդդիմություն, Սերգեյ Կոպիրկին, Հայաստան, դեսպանատուն, Դեսպան, Ռուսաստան
Ըստ թեմայի
Իրանի ԱԳ նախարարը պատրաստվում է այցելել Հայաստան, Ռուսաստան Վրաստան և Ադրբեջան
«Մենք գտել ենք Ռուսաստանից առաջ անցնելու ձևը»․ ի՞նչ է ձեռնարկել Պենտագոնը
Հայաստանի և Ռուսաստանի փոխարտգործնախարարները քննարկել  են անվտանգության հետ կապված հարցեր
Շուշի. արխիվային լուսանկար

Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը

164
(Թարմացված է 22:51 22.01.2021)
Արցախի վերաբերյալ ՀՀ վարչապետի աղմկահարույց հայտարարությունները պատերազմում պարտվելու պատճառները վերլուծելու առիթ են տալիս։

ԵՐԵՎԱՆ, 22 հունվարի — Sputnik. Հայաստանը ներկայիս իշխանության օրոք չի կարող Արցախի շուրջ արդյունավետ բանակցություններ վարել։ Sputnik Արմենիայի հետ զրույցում նման կարծիք հայտնեց Հայաստանի դեմոկրատական կուսակցության ղեկավար Արամ Սարգսյանը։ Նա նշեց, որ ներկայիս գործընթացները, նաև Երևանի գործողություններն ու հռետորաբանությունը հակասում են Հայաստանի և Արցախի ազգային շահերին։

Մեր զրուցակցին բարկացնում է այն, որ Հայաստանի իշխանությունը ղարաբաղյան հարցում մեր շահերն առաջ տանելու փոխարեն զբաղված է Շուշիի պատկանելության վերաբերյալ տգետ քննարկումներով։

Չորեքշաբթի օրը վարչապետ Նիկոլ Փաշինյանը խորհրդարանում մի շարք աղմկահարույց հայտարարություններ է արել։ Մասնավորապես՝ նա նշել է, որ հակամարտության կարգավորմանն ուղղված բանակցությունների ընթացքում օրակարգում միշտ եղել է ադրբեջանական բնակչության՝ Շուշի վերադառնալու հարցը։ Փաշինյանի վարկածով՝ մինչ առաջին պատերազմը Շուշիի բնակչությունը 90% -ով ադրբեջանցիներ են եղել։ Դրանից ելնելով՝ Փաշինյանը հարց է տվել՝ արդյո՞ք Շուշին իր այդ կարգավիճակով հայկական քաղաք էր։

«Բանավեճը անտեղյակության, տգիտության արդյունք է, այլ բառ չեմ գտնում։ Վարչապետի պաշտոնը զբաղեցնող մարդուն չէր խանգարի պատմության դասագիրք կարդալ ու տեղեկանալ՝ ինչի արդյունքում է փոխվել Շուշիի ժողովրդագրական պատկերը։ Հիշեցնենք նրան 1920 թվականի հայերի կոտորածի մասին։ Թող գոնե Օսիպ Մանդելշտամին կարդալ», -ասում է Սարգսյանը։

Քաղաքական գործչի խոսքով՝ քննադատության չեն դիմանում նաև Փաշինյանի հայտարարություններն այն մասին, որ անհնար էր դադարեցնել պատերազմն Արցախում ավելի քիչ տարածքային կորուստներով և այն, որ բանակցությունների բոլոր փուլերում խոսվել է Շուշին հանձնելու մասին։ Դեմոկրատական կուսակցության առաջնորդը կոչ է անում Փաշինյանին պատասխանել հարցին՝ արդյոք հոկտեմբերի 10 -ից 15-ն չի՞ առաջարկվել է նրան Վլադիմիր Պուտինին նամակ գրել՝ մարտական գործողությունների գոտի ահաբեկիչների հայտնվելու մասին ու խնդրել խաղաղապահներ մտցնել։ Սարգսյանն այդ օրերին մասնակցել է ռուսական կողմի հետ բանակցություններին։

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

«Ռուսական կողմը պատրաստ էր քննարկել նման նամակն ու համապատասխան միջոցներ կիրառել։ Միջազգային ահաբեկչությունը պատժվում է ցանկացած տարածքում՝ չճանաչված ու չճանաչված, եթե այն սպառնում է տվյալ տարածաշրջանին», - նշեց Սարգսյանը։

Սակայն Հայաստանի ղեկավարությունը միայն հոկտեմբերի վերջին դիմեց Ռուսաստանին, բայց նամակի բովանդակությունը լրիվ այլ էր։ Դիմումը հիմնված էր 1997 թվականի «Բարեկամության, համագործակցության և փոխադարձ օգնության մասին պայմանագրի» վրա։ Ինչին Ռուսաստանը պատասխանել էր, որ պատերազմը Հայաստանի տարածքում չէ։

Քաղաքական գործիչն ասում է, որ եթե Հայաստանի ղեկավարությունը ժամանակին դիմեր ռուս գործընկերներին, ապա պատերազմն Արցախում կարելի էր շատ ավելի շուտ կանգնեցնել ու խուսափել ահռելի մարդկային ու տարածքային կորուստներից։

Սարգսյանը վստահ է` պարտվողի համախտանիշը թույլ չի տալիս Հայաստանի ղեկավարությանը մեզ համար քիչ թե շատ ձեռնտու բանակցություններ վարել։ Փաշինյանը զիջման է գնում բոլոր կետերով՝ սահմանների, գերիներին, Արցախի կարգավիճակի հարցում։

Ինչ պետք է անել հիմա իրավիճակից դուրս գալու համար. առաջին հերթին` փոխել բանակցողներին, ընդ որում՝ ոչ միայն արտգործնախարարին, այլև վարչապետին։

«Հետագա բանակցությունները Հայաստանի համար շահավետ հունով գնալու մի շարք քայլեր են պահանջում։ Արցախի հարցին էլ ավելի լայն տարածում տալու համար Հայաստանի խորհրդարանը պետք է իրավական տեսակետից հիմնավորի Արցախի՝ Ադրբեջանից անկախ լինելու կարևորությունը, ներկայացնի այն փաստարկները, որոնք հաստատում են Ադրբեջանի կազմից Ղարաբաղի դուրս գալու օրինականությունը։ Հայաստանը պետք է ճանաչի Արցախն ու այդ որոշման համար իրավական հիմքեր ներկայացնի», - կարծում է մեր զրուցակիցը։

Սարգսյանի խոսքով` եթե Հայաստանը չի ճանաչում Արցախի անկախությունը, իրավունք չունի դա պահանջել միջազգային գործընկերներից։ Այդ մասին բազմիցս ակնարկել է նաև Ռուսաստանի նախագահը, երբ ասել է, որ Հայաստանն ինքը մինչև հիմա չի ճանաչել Արցախը։

Арам Гаспарович Саркисян в гостях радио Sputnik
© Sputnik / Andranik Ghazaryan
Արամ Սարգսյանը

Դեռ 1996 թվականին Դեմոկրատական կուսակցության առաջնորդի նախաձեռնությամբ ստեղծվեց «Ի պաշտպանություն ԼՂՀ–ի» կազմկոմիտեն, որտեղ ընդգրկվեցին Հայաստանի 25 կուսակցությունների և հասարակական կազմակերպությունների ներկայացուցիչներ։ Սարգսյանն ու գործընկերներն այն ժամանակ Արցախի վերաբերյալ ընդարձակ իրավական փաստաթուղթ պատրաստեցին, այն սպառիչ հիմնավորումներ էր պարունակում Ադրբեջանի կազմից ԼՂ–ի դուրս գալու վերաբերյալ։

«Նոր պատերազմ՝ նոր տարածքներ». Լավրովը կոչ արեց զգացմունքային հայտարարություններ չանել

«Խորհրդային օրենսդրությունը թույլ էր տալիս ԽՍՀՄ այս կամ այն հանրապետության կազմում գտնվող ցանկացած ինքնավար միավորման դուրս գալ այն հանրապետության կազմից, որն իր հերթին դուրս էր գալիս ԽՍՀՄ–ից։ Լեռնային Ղարաբաղը դրանից օգտվեց 1991 թվականի սեպտեմբերի 2-ին, այն բանից հետո, երբ նույն թվականի օգոստոսի 30-ին Ադրբեջանը հայտարարեց ԽՍՀՄ–ից դուրս գալու մասին», – նշում է քաղաքական գործիչը։

Կուսակցության առաջնորդը կարծում է, որ արցախյան հարցում այսօր հեծանիվ հորինելու կարիք չկա, ընդամենը պետք է ընդհանրացնել բոլոր այդ իրավական նորմերն ու ներկայացնել համաշխարհային հանրությանը։

164
թեգերը:
Արամ Սարգսյան, Ռուսաստան, Շուշի, Նիկոլ Փաշինյան, Արցախյան պատերազմ, Արցախ
Ըստ թեմայի
Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին
«Արգիշտի Քյարամյանը ճիշտ է ասում` Շուշիում միասին ենք եղել». Օհանյանը մանրամասներ հայտնեց
Վերջին անգամ Շուշիում՝ մահվան հետ դեմ հանդիման, կամ ինչպես ընկավ թշնամու ինքնաթիռը
ԲԿՄԱ

18-ամյա հայազգի ֆուտբոլիստը միացել է ԲԿՄԱ-ի գլխավոր թիմին

0
(Թարմացված է 23:52 22.01.2021)
Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

ԵՐԵՎԱՆ, 22 հունվարի - Sputnik. Մարզիչ Ալեքսեյ Բերեզուցկին և կիսապաշտպան Տիգրան Ավանեսյանը միացել են ԲԿՄԱ-ի հիմնական թիմին` Իսպանիայում ընթացող մարզչական հավաքին մասնակցելու համար։ Տեղեկությունը հայտնում է ակումբի թվիթերյան էջը:

Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը

Հունվարի 22-ին ԲԿՄԱ-ն հայտարարեց, որ Ռուսաստանի հավաքականի նախկին խաղացող Ալեքսեյ Բերեզուցկին, որը անցյալ տարվա հունվարից ակումբում զբաղեցնում էր գլխավոր տնօրենի տեղակալի պաշտոնը, մտել է գլխավոր թիմի մարզչական շտաբ:

Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

0
թեգերը:
Ռուսաստան, հայ, ֆուտբոլիստ, ֆուտբոլ
Ըստ թեմայի
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին