Դավիթ Տոնոյան. արխիվային լուսանկար

Պատրաստ եմ կրելու իմ բաժին պատասխանատվությունը. Դավիթ Տոնոյան

310
(Թարմացված է 16:36 20.11.2020)
ՀՀ ՊՆ նախկին նախարարը նշում է, որ այս պահին պաշտոնավարման դադարեցումը կրկնակի դժվար է իր համար, քանի որ սովորություն չունի հեշտ ճանապարհով խուսափելու բարդ իրադրությունից։

ԵՐԵՎԱՆ, 20 նոյեմբերի - Sputnik. ՀՀ ՊՆ արդեն նախկին նախարար Դավիթ Տոնոյանը ժողովրդին իր ծառայությունն ավարտված չի համարում։ Այդ մասին նա ընդգծել է հրաժեշտի իր ուղերձում, որը հրապարակել ՀՀ ՊՆ մամուլի ծառայությունը։ Նա կարծում է, որ բոլոր այն գաղափարները, որոնք կյանքի են կոչվել իր պաշտոնավարման ժամանակահատվածում ծառայակից ընկերների ազնիվ ու նվիրված աշխատանքի արդյունքում, համեստ ներդրում են մեր երկրի պաշտպանական համակարգի զարգացման ու կատարելագործման գործում:

Նա շեշտում է՝ իր գործունեության որևէ ամփոփում տեղին չէ այսօր, որովհետև ակամայից այդ ամփոփումը դարձավ Արցախյան երկրորդ պատերազմը:

«Բավարարվա՞ծ եմ պատերազմի ընթացքում և դրա նախապատրաստական փուլում իմ աշխատանքից: Կարծում եմ՝ որոշ հայեցակարգային ուղղություններ վերանայման կարիք ունեն, որ չհասցրի իրագործել, և այս առումով ես պատրաստ եմ կրելու իմ բաժին պատասխանատվությունը»,- նշված է ՊՆ նախկին նախարարի ուղերձում։

Տոնոյանը հավաստիացնում է, որ իր ղեկավարած նախարարության և զինված ուժերի ամբողջ անձնակազմն առաջնորդվել է հայրենիքի առաջ պատասխանատվության, հանուն հաղթանակի ոչինչ չխնայելու սկզբունքով։ Ընդգծում է՝ միշտ արվել է ավելին, քան անգամ պահանջում է ծառայողական ու աշխատանքային պարտքը:

Նա առանձնահատուկ շնորհակալություն է հայտնել հենց այդ մարդկանց, որոնց հետ, իր խոսքով, հաճախ 24-ժամյա աշխատանքային օրեր են անցկացրել: Այս թիմը նա «ֆանատիկ է» անվանում և մեծ պատիվ համարում, որ հնարավորություն է ունեցել երկար տարիներ լինել այդ թիմի մի մասնիկը։

«Համոզմունքս նույնն է՝ Հայոց բանակը ուժեղ է և հզորանալու է ավելի։ Այս պահին պաշտոնավարումս դադարեցնելը կրկնակի դժվար է, քանզի սովորություն չունեմ հեշտ ու ընդունված ճանապարհը բռնելով` խուսափելու բարդ իրադրության մեջ հայտնվելուց, եթե նժարին պետությանն ու ժողովրդին ծառայել-չծառայելն է դրված»,- նշել է Տոնոյանը։

Նա հավելել է, որ հենց այս նույն սկզբունքով է առաջնորդվել նաև 2018 թվականի գարնանը:
Նրա խոսքով՝ ստեղծված իրավիճակը լիցքաթափման կարիք ունի և ցանկանում է, որ իր հեռանալն ընկալվի հենց այդ տրամաբանության մեջ:

Փաշինյանը Միրզոյանին ազատել է պաշտոնից

«Խոնարհվում եմ մեր զոհված ընկերների հիշատակի ու նրանց հարազատների առաջ և կուզեի ներողություն խնդրել նաև այն մարդկանցից, ում տածած հույսերը չհաջողվեց ամբողջովին արդարացնել։ Բայց ես իմ ծառայությունը ժողովրդին ավարտված չեմ համարում»,- եզրափակել է իր ուղերձը ՀՀ ՊՆ նախկին նախարար Դավիթ Տոնոյանը։

Հավելենք, որ ՀՀ նախագահ Արմեն Սարգսյանն արդեն 3 նոր նախարարների նշանակման հրամանագրեր է ստորագրել։

Արտակարգ իրավիճակների նախարարի պաշտոնում Ֆելիքս Ցոլակյանին փոխարինել է 5-րդ բանակային կորպուսի հրամանատար, գեներալ-մայոր Անդրանիկ Փիլոյանը։ Պաշտպանության նախարար Դավիթ Տոնոյանին, ինչպես արդեն հայտնել էինք, փոխարինել է ՀՀ վարչապետի խորհրդական, պաշտպանության նախկին նախարար Վաղարշակ Հարությունյանը։ Աշխատանքի և սոցիալական հարցերի նախարար է նշանակվել ՀՀ վարչապետի մեկ այլ խորհրդական` Մեսրոպ Առաքելյանը։ Նա այդ պաշտոնում կփոխարինի Զարուհի Բաթոյանին։

Հիշեցնենք՝ նոյեմբերի 16–ին ՀՀ վարչապետ Նիկոլ Փաշինյանն ԱԺ–ում հայտարարեց, որ ՀՀ արտաքին գործերի նախարարին աշխատանքից ազատելու որոշում է կայացրել։ Կարճ ժամանակ անց ԱԳՆ խոսնակը հայտնեց, որ Զոհրաբ Մնացականյանը հրաժարականի դիմում է ներկայացրել և հրապարակեց նրա ձեռագիր դիմումը։

Իսկ ԱԻ նախարար Ֆելիքս Ցոլակյանը հրաժարականի դիմում ներկայացրեց նոյեմբերի 17–ին։

Վերջին օրերին իրենց պաշտոններից հեռացել են նաև ԱԺ նախագահ Արարատ Միրզոյանի խորհրդական Աշոտ Ղուլյանը, փոխարտգործնախարար Շավարշ Քոչարյանը, ՀՀ շրջակա միջավայրի նախարարության փոխնախարար Իրինա Ղափլանյանը, փոխվարչապետ Տիգրան Ավինյանի աշխատակազմի ղեկավար Վարագ Սիսեռյանը։

Նշենք, որ պաշտոնյաների ու պատգամավորների հրաժարականները սկսվել են նոյեմբերի 9-ին Հայաստանի, Ռուսաստանի ու Ադրբեջանի նախագահների եռակողմ հայտարարությունից հետո։

310
թեգերը:
Հրաժարական, պաշտոնանկություն, Նախարար, Դավիթ Տոնոյան
թեմա:
Իրադրությունը Հայաստանում և Արցախում հայտարարության ստորագրումից հետո (629)
Ըստ թեմայի
«Մենք չէինք կարող մեր հերոս տղերքի գենը կորցնել»․ Տոնոյանը հանդիպել է զինծառայողների հետ
Դավիթ Տոնոյանը հրաժարական է տվել. «Առավոտ»
Պաշտոնից հեռանալու որոշումը Դավիթ Տոնոյանինը չի եղել
Ռոբերտ Քոչարյան

«Մենք կարող էինք ճիշտ որոշման արդյունքում լիարժեք փակել օդը». Ռոբերտ Քոչարյան

126
(Թարմացված է 22:56 04.12.2020)
ՀՀ երկրորդը խոսեց այն սխալների մասին, որոնք թույլ չտալու դեպքում պատերազմն այլ ելք կունենար։

ԵՐԵՎԱՆ, 4 դեկտեմբերի - Sputnik. ՀՀ երկրորդ նախագահ Ռոբերտ Քոչարյանը «5-րդ ալիքի» հետ հարցազրույցում հայտարարեց, որ մենք 2,5 տարվա ընթացքում չենք փորձել լիարժեք փակել օդը, այնինչ դա հնարավոր էր, եթե, օրինակ, 120 միլիոն դոլար պարգևավճարներ բաժանելու փոխարեն գնվեին այնպիսի զինատեսակներ, համակարգեր, որոնք արդյունավետ կլինեին անօդաչու սարքերի դեմ, օրինակ` «ՏՈՐ» համակարգ։

«Գնվել են «Սու»-երը, որոնք ընդհանրապես չեն օգտագործվել, անգամ մեկ մարտական թռիչք չի եղել։ Չեն գնվել հրթիռներ, որովհետև նման հրթիռներ չէին կարող վաճառվել երկրից դուրս։ Գումարներ կային, ՌԴ-ի հետ «ՏՈՐ» համակարգի հետ կապված պայմանավորվածություն կար, սակայն մեկ մարդու որոշմամբ ամեն ինչ փոխվեց՝ պարգևավճարները բաժանվեցին, «Սու»-երը գնվեցին վարչապետի որոշմամբ։ Մենք ճիշտ որոշման արդյունքում ի վիճակի էինք լիարժեք փակել օդը»,- նշեց նախագահը։

Ինչ են ասել իմքայլականները ՍՈւ–երի հրթիռներ չունենալու մասին. Գորգիսյանը փակագծեր է բացում

Որպես այս պատերազմում մեր պարտության գլխավոր պատճառներից մեկը պաշտոնաթող նախագահը նշեց այն, որ պատերազմի երրորդ օրը դադարեցվել է կանոնավոր բանակի համալրումը՝ անցում կատարելով ջոկատային համակարգի։

«Մարդ ինչքան հեռու պետք է լինի բանակից, անվտանգության հարցերից, որ նման հիմարություն թույլ տա իրեն նման ճակատագրական պահին»,- նշեց նա։

Քոչարյանի խոսքով՝ եղել են ջոկատներ, որոնք իսկապես հերոսաբար մարտնչել են, սակայն ջոկատները չեն կարող փոխարինել կանոնավոր բանակին։

ՀՀ երկրորդ նախագահը վստահ է՝ այս որոշումը մեր պարտության հիմնական պատճառներից մեկն է։

Տավուշում մեր կողմից հրահրած սահմանային կոնֆլիկտն այս պատերազմի պատճառներից է. Քոչարյան

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Համացանցում լուր տարածվեց, որ հայկական կողմն ունի 4750 զոհ ու անհետ կորած։  Հայաստանի առողջապահության նախարարության դատաբժշկական ծառայությունը փորձաքննել է 2718 զոհված զինծառայողի մարմին:

Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։

 

126
թեգերը:
Արցախ, Պատերազմ, Ռոբերտ Քոչարյան, Հայաստան
Ըստ թեմայի
Փորձում են փակել նրանց բերանները, ովքեր կարող են խոսել պատերազմի մասին. Աբրահամյան
Արա Այվազյանն ընդգծել է Պուտինի դերը պատերազմի դադարեցման գործում
Ղարաբաղում պատերազմը կարող է շատ արագ նորից բռնկվել, եթե...
Տավուշ

Տավուշում մեր կողմից հրահրած սահմանային կոնֆլիկտն այս պատերազմի պատճառներից է. Քոչարյան

155
(Թարմացված է 22:47 04.12.2020)
ՀՀ երկրորդ նախագահը հարցազրույցի ընթացքում անդրադարձել է նաև Տավուշի հուլիսյան պատերազմին։

ԵՐԵՎԱՆ, 4 դեկտեմբերի - Sputnik. 5-րդ ալիքի հետ հարցազրույցում ՀՀ երկրորդ նախագահ Ռոբերտ Քոչարյանը հայտարարեց, որ ժողովրդի իշխանությունը ծնկի բերեց ժողովրդին։

Նրա խոսքով՝ Տավուշում մեր կողմից հրահրած սահմանային կոնֆլիկտն այս պատերազմն անխուսափելի դարձնելու պատճառներից է։

«Երբ Գլխավոր շտաբի պետը հունիսի 12-ին զեկուցագիր է ուղարկել առ այն, որ Հայաստանը պատրաստ չէ պատերազմի և դրանից մեկ ամիս անց հրահրել նման միջադեպ։ Ապա ուռճացնել այն` յոթանասուն հոգու «Մարտական խաչ» շքանշանով պարգևատրել, խոսել այն մասին, որ մենք հաղթեցինք և՛ Ադրբեջանին, և՛ Թուրքիային, կարծում էիք, որ նրանք կու՞լ են տալու այդ»,- նշեց 2-րդ նախագահը։

Նա անդրադարձավ նաև ՊՆ նախկին նախարար Դավիթ Տոնոյանի «Նոր պատերազմ, նոր տարածքներ» կարգախոսին՝ հարց հնչեցնելով՝ արդյոք այն ինչպես է համադրվում ԳՇ պետի հայտարարության հետ, կամ արդյոք վարչապետն այս երկու թեզերը չէր համադրել։

«Մենք հնչեցրել ենք այնպիսի սպառնալիք, որի ամենակարճ չեզոքացման ճանապարհը Թուրքիայի ներգրավումն էր պատերազմի մեջ։ Դու ասում ես մի բան, որի համար բավարար ուժ չունես, որին ընդունակ չես գնալու, բայց քո խոսքով դրդում ես թշնամուդ Թուրքիայի հետ շատ ավելի ինտեգրված պաշտպանական համագործակցության»,- ասաց նախագահը։

Հիշեցնենք, որ հուլիսի 12–ից իրավիճակը սրվել էր հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր էին արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել էին իրենց դիրքեր:

Դրանից հետո հակառակորդը պարբերաբար վերսկսում էր գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

Իսկ արդեն սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։

Համացանցում լուր տարածվեց, որ հայկական կողմն ունի 4750 զոհ ու անհետ կորած։ Հայաստանի առողջապահության նախարարության դատաբժշկական ծառայությունը փորձաքննել է 2718 զոհված զինծառայողի մարմին:

Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

155
թեգերը:
Ռոբերտ Քոչարյան, Ադրբեջան, Թուրքիա, Պատերազմ, Արցախ, Տավուշ
թեմա:
Իրադրությունը Հայաստանում և Արցախում հայտարարության ստորագրումից հետո (629)
Ըստ թեմայի
Հրադադարը երկարատև խաղաղություն չէ, այլ կործանումից փրկվելու վատագույն լուծում. Անտինյան
Քասախ համայնքի ղեկավարը միացել է Նիկոլ Փաշինյանի հրաժարականի պահանջին
ՄԱԿ-ը կոչ է արել Հայաստանին և Ադրբեջանին վերսկսել բանակցությունները ԵԱՀԿ ՄԽ հովանու ներքո
Վազգեն Մանուկյանն ու Նիկոլ Փաշինյանը. արխիվային լուսանկար

Ինչ հարաբերություններ ուներ Մանուկյանը «նախկինների» հետ, կամ պաշտոն ստանալու նուրբ արվեստը

36
​Եկեք անկեղծ լինենք։ Երբ ավելի քան մեկուկես տասնյակ կուսակցություններ հայտարարեցին, թե վարչապետի իրենց միասնական թեկնածուն Վազգեն Մանուկյանն է, բազմաթիվ ու բազմապիսի հարցեր ծագեցին։ Մի քիչ նման է դեժավյուի. այս ամենը մենք արդեն մի անգամ տեսել ենք։
Վազգեն Մանուկյան. «1996-ի ընտրությունը շրջադարձ էր մեր պետության պատմության մեջ. տուժողը հասարակությունը, ժողովուրդն էր»

Հա, բայց ախր տեսել ենք 1996 թվականին, երբ Վազգեն Մանուկյանի թեկնածությանը սատարեցին մի քանի քաղաքական ուժեր, սակայն չմոռանանք, որ այն ժամանակ նախագահական ընտրություններ էին։ Հիմա արդեն ոչ միայն համապետական նախագահական ընտրություններ չկան, այլև անհասկանալի է, թե ինչ լեգիտիմ հիմնավորումով պիտի անցկացվեն արտահերթ խորհրդարանական ընտրությունները, որոնց մասին շարունակ խոսում է ընդդիմությունը։

​Ի դեպ, 1996 թվականի մասին։ Թեև որոշ քաղաքական գործիչներ կարծիք են հայտնել, թե հիմա պետք է քննություն սկսել և վերջապես պարզել ողջ իրականությունը այն ժամանակ կայացած նախագահական ընտրությունների վերաբերյալ։

Ի դեպ, հենց վարչապետ Նիկոլ Փաշինյանը, անցած տարի հանդիպելով Հանրային խորհրդի անդամների հետ և խոսելով այն մասին, որ տասնամյակներ շարունակ ընտրությունները Հայաստանում կեղծվել են, դիմելով Հանրային խորհրդի ղեկավարին, ասել է.

«Ուզում եմ ընդգծել, որ այդ ուղերձն ուղղված է նաև Ձեզ՝ պարոն Մանուկյան, որպես Հայաստանի Հանրապետությունում երկար տարիներ ընդդիմադիր քաղաքական ուժ ղեկավարած և ընտրակեղծիքների զոհ դարձած քաղաքական ուժի ղեկավար, քաղաքական գործիչ»:

Բացասական էներգիայի ուժը, կամ եկեք հավատանք հաղթանակի ուժին

Սակայն ինքը՝ Վազգեն Մանուկյանը, երբեք չի ընդունել, թե երբևէ զոհ է դարձել։ Պարզապես մեջբերեմ «առաջին դեմքից» «Առավոտ» թերթին տված նրա հարցազրույցից.

«Ես մասնակցել եմ ընտրություններին ոչ միայն 1996 թվականին։ Բայց «զոհ» բառին համաձայն չեմ: 1996-ի ընտրությունը շրջադարձ էր մեր պետության պատմության մեջ. տուժողը հասարակությունը, ժողովուրդն էր: Չեմ համարում, թե երկրի ղեկավար լինելը բարիք է, և եթե այն ձեռքիցդ խլում են՝ զոհ ես դառնում: Զոհ դարձավ ողջ պետությունը»:

Վազգեն Մանուկյանը կողմ չէ նաև 1998 թվականին կայացած ընտրությունների արդյունքների վերանայմանը։ Երևի հիշում եք, որ այն ժամանակ նախագահության համար մրցակցում էին Ռոբերտ Քոչարյանը և Կարեն Դեմիրճյանը։

«Ինչո՞ւ բոլոր ընտրություններից վերցվեց հենց 1998-ը: Տպավորություն է ստեղծվում, թե ոչ թե ընտրությունների հարց է այստեղ լուծվում, այլ Ռոբերտ Քոչարյանի: Դա գեղեցիկ խաղ չի: 1998-ին կեղծվե՞լ են ընտրությունները: Ես հարց կտամ՝ իսկ ո՞ր ընտրությունները չեն կեղծվել»,– ասել է Վազգեն Մանուկյանը։

Հիշեցնեմ, որ Հայաստանի մայր բուհի՝ Երևանի պետական համալսարանի դասախոս, ֆիզիկամաթեմատիկական գիտությունների թեկնածու Վազգեն Մանուկյանը 88-ին սկսված Ղարաբաղյան շարժման հենց առաջին օրերին ակտիվորեն ներգրավվել է այդ շարժմանը, դարձել «Ղարաբաղ» կոմիտեի հիմնադիր անդամ, հետո էլ այդ կոմիտեի համակարգողը։

Մեկնաբանները փաստում են՝ եթե Վազգեն Մանուկյանն ի վերջո իրոք դառնա Հայաստանի վարչապետ, դա նրա համար նոր պաշտոն չի լինելու, որովհետև հենց ինքն էր անկախ Հայաստանի առաջին վարչապետը, հետո էլ՝ 90-ականների սկզբի ղարաբաղյան պատերազմի ժամանակ նշանակվել է պաշտպանության նախարարի պաշտոնակատար և հենց այդ օրերին էլ հայկական ուժերն իրենց վերահսկողության տակ առան Քելբաջարի շրջանը։

Վերլուծաբանները հիշեցնում են՝ Վազգեն Մանուկյանը լարված հարաբերություններ ուներ ոչ միայն Ռոբերտ Քոչարյանի, այլև Սերժ Սարգսյանի հետ։ Բայց հենց Սերժ Սարգսյանի օրոք՝ 2009 թվականին, դարձավ նորաստեղծ Հանրային խորհրդի նախագահ, ինչը հանրության առնվազն մի մասի կողմից այնքան էլ լավ չընդունվեց։

Մարդիկ հարցնում էին՝ լավ, ինչ դիրքորոշում ունի այս գործիչը, որը մի կողմից անընդհատ քննադատում է իշխանություններին, մյուս կողմից ընդունում է պաշտոն ստանձնելու` այդ նույն իշխանությունների առաջարկը։

1993-ին Քելբաջարի ազատագրումից հետո Ադրբեջանում իշխանություն փոխվեց

Եվ վերջում մեջբերեմ Վազգեն Մանուկյանի շատ կոնկրետ առաջարկը։

«Բանակը, իր ձեռքը վերցնելով ողջ իշխանությունը, պետք է կազմի միասնական պաշտպանության կոմիտե Արցախի հետ միասին՝ կազմակերպելով պատերազմական ներկա իրավիճակին անհրաժեշտ միջոցառումները, ապահովելով վստահություն և գնալով բանակցությունների շահագրգիռ պետությունների, միջազգային կառույցների հետ։ Սա միակ փրկությունն է: Հակառակ դեպքում մենք կարող ենք կորցնել ամեն ինչ»,– ասել էր Վազգեն Մանուկյանը։

Բայց հիշեցնեմ՝ այս ամենը նա ասել էր պատերազմի ժամանակ՝ մինչև հրադադարը։

36
թեգերը:
Վարչապետ, Վազգեն Մանուկյան, Եկեք անկեղծ լինենք, Արմեն Դուլյան
թեմա:
5 րոպե Դուլյանի հետ
Ըստ թեմայի
«5 րոպե Դուլյանի հետ». Ղարաբաղյան վեճերի հորձանուտում
Եթե նորից պատերազմ սկսվի, այն չի նմանվի 1990-ականներին տեղի ունեցածին. Արմեն Դուլյան
«Եթե չկարողանամ ուղեղիս գործունեությունը խթանող հաբեր գնել, հիմար էլ կմնա՞մ». Դուլյան