Մովսես Հակոբյանի ասուլիսը

Մովսես Հակոբյանի ասուլիսի նյութերն ուղարկվել են ՀՔԾ. նրա ասածները կստուգվեն

254
(Թարմացված է 16:54 19.11.2020)
ՊՆ նախկին պաշտոնյան իր հրավիրած ասուլիսի ընթացքում բազմաթիվ աղմկահարույց հայտարարություններ էր արել կապված Արցախյան վերջին պատերազմի հետ։

ԵՐԵՎԱՆ, 19 նոյեմբերի - Sputnik. Հայաստանի գլխավոր դատախազ Արթուր Դավթյանը պաշտպանության նախարարության ռազմական վերահսկողական ծառայության նախկին պետ Մովսես Հակոբյանի մամուլի ասուլիսի տեսագրությունն ուղարկել է Հատուկ քննչական ծառայություն։ Այս մասին Facebook–ի իր էջում տեղեկացրել է Դավթյանի գլխավոր խորհրդական Գոռ Աբրահամյանը։

Նա նշել է, որ ասուլիսի տեսագրությունն ուղարկվել է ՀՔԾ`ասուլիսի ընթացքում Հակոբյանի կողմից ներկայացված հանգամանքները քրեադատավարական ընթացակարգով ստուգելու և իրավական գնահատական տալու հանձնարարությամբ։

ՊՆ նախկին պաշտոնյան իր ասուլիսի ընթացքում բազմաթիվ աղմկահարույց հայտարարություններ էր արել կապված արցախյան վերջին պատերազմի հետ։ Օրինակ` նշել էր, որ վերջին երկու տարում գնված զենքը վերջին պատերազմի ժամանակ չի գործածվել։

Ավելի վաղ վարչապետի խորհրդական Մանե Գևորգյանը հերքել էր Հակոբյանի հայտնած որոշ տեղեկություններ։ Մասնավորապես, նա հերքել էր ՊՆ նախկին պաշտոնյայի ասածն առ այն, որ Նիկոլ Փաշինյանը սեպտեմբերի 30-ից առաջ Վլադիմիր Պուտինի հետ չի խոսել։

254
թեգերը:
Հատուկ քննչական ծառայություն (ՀՔԾ), ասուլիս, Մովսես Հակոբյան
թեմա:
Իրադրությունը Հայաստանում և Արցախում հայտարարության ստորագրումից հետո (556)
Ըստ թեմայի
Պատերազմի օրերին Ռուսաստանը Հայաստանին տվել է այն, ինչ մենք կյանքում չենք երազել. Հակոբյան
Մովսես Հակոբյանի հայտարարություններով պետք է զբաղվեն իրավապահ մարմինները. Փաշինյանի խոսնակ
Մովսես Հակոբյանը պատմեց` ինչպես է հաջողվել «Բայրաքթարների» գրոհը ժամանակավորապես կասեցնել
Էդմոն Մարուքյան

Ադրբեջանը նախատեսում է հաղթական շքերթ կազմակերպել ու երթով անցկացնել հայ ռազմագերիներին

20
(Թարմացված է 16:43 29.11.2020)
Էդմոն Մարուքյանը դիմել է ՄԱԿ գլխավոր քարտուղարին, ԵԽ գլխավոր քարտուղարին, ԵԽԽՎ նախագահին, ՌԴ նախագահին:

ԵՐԵՎԱՆ, 29 նոյեմբերի - Sputnik. ԱԺ «Լուսավոր Հայաստան» խմբակցության ղեկավար, ԵԽԽՎ Մարդու իրավունքների և իրավական հարցերի հանձնաժողովի նախագահի առաջին տեղակալ Էդմոն Մարուքյանը Facebook-ի ուղիղ եթերում անդրադարձել է Ադրբեջանում նախատեսվող շքերթին:

Մարուքյանի տեղեկություններով, շքերթի ժամանակ Ադրբեջանը պլանավորում է երթով անցկացնել նաև ՀՀ ԶՈւ-ից առգրաված զինտեխնիկան ու հայ ռազմագերիներին:

«Սա Երկրորդ Համաշխարհային պատերազմից հետո արգելված է ժնևյան կոնվենցիաներով: Սրա հետ կապված դիմել են ՄԱԿ գլխավոր քարտուղարին, ԵԽ գլխավոր քարտուղարին, ԵԽԽՎ նախագահին: Նրանք էլ իրենց հերթին դիմել են Ադրբեջանին, որ դա տեղի չունենա»,- ասաց Մարուքյանը՝ հույս հայտնելով, որ Ադրբեջանը չի օգտագործի հայ գերիներին իր նպատակների համար:

Գերիների վերադարձն ու դիակների փոխանակումը հրատապ լուծում է պահանջում. Հայաստանի ՄԻՊ

Գերիների փոխանակման հարցով Մարուքյանը դիմել է նաև ՌԴ նախագահ Վլադիմիր Պուտինին՝ որպես եռակողմ հայտարարության պայմանների կատարման երաշխավորի՝ անհետաձգելի քայլեր ձեռնարկելու գերիների փոխանակման հարցն առաջնահերթ օրակարգով լուծելու համար:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Նոյեմբերի 27-ի տվյալներով՝ Արցախի ՊԲ-ն հրապարակել է 1712 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Գերիների ու անհետ կորածների մասին վերջնական տվյալներ չկան։ Արցախի Մարդու իրավունքների պաշտպան Արտակ Բեգլարյանը- սակայն, հայտարարել է, որ հայկական կողմից կա 60 գերեվարված։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

20
Ըստ թեմայի
ՀՀ պաշտպանության նախարարը գերիների վերադարձի հարցով խոսել է Ռուստամ Մուրադովի հետ
Փաշինյանը գերիների ու անհետ կորածների հարցով հանդիպել է Կարմիր խաչի ներկայացուցիչներին
Գերիների հետ Ադրբեջանի գործողությունների վերաբերյալ նոր փաստեր են ներկայացվում ՄԻԵԴ
Նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ

Այս երկու տարում ես Սահմանադրությունը չեմ խախտել իմ նյարդերի հաշվին․ նախագահ

172
(Թարմացված է 16:11 29.11.2020)
Արմեն Սարգսյանի խոսքով՝ վերջին 2,5 տարիների ընթացքում օգտագործվել է իր ներուժի մոտ 5 տոկոսը, որովհետև այդպիսին է Հայաստանի ներկայիս Սահմանադրությունը։

ԵՐԵՎԱՆ, 29 նոյեմբերի - Sputnik. Մասնավոր այցով Մոսկվայում գտնվող Հայաստանի նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ, տեղեկացնում է նախագահի կայքը։ Նրանք հարցրել են նախագահին Արցախի և Հայաստանի իրավիճակից, քննադատական գնահատականներ հնչեցրել ՀՀ կառավարության և նախագահի հասցեին։

«Դժգոհություններ են հայտնվել նաև նախագահի և նախագահական ինստիտուտի վերաբերյալ, միաժամանակ, նշվել է, որ այն Հայաստանում իշխանության միակ ինստիտուտն է, որը հստակ արտահայտել է իր դիրքորոշումը՝ կոչ արել կառավարությանը հրաժարական տալ», - ասված է հաղորդագրությունում։

Президент Армен Саркисян встретился с некоторыми представителями российских армян (29 ноября 2020). Москва
© Photo / official site of the President of RA
Նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ

Ի պատասխան քննադատություններին Սարգսյանը ասել է, որ վերջին 2,5 տարիների ընթացքում օգտագործվել է իր ներուժի մոտ 5 տոկոսը, որովհետև այդպիսին է Հայաստանի ներկայիս Սահմանադրությունը։

«Ինձ համար ամենամեծ ցավն այն է, որ 2,5 տարիների ընթացքում օգտագործվել է իմ ներուժի մոտ 5 տոկոսը։ Ոչ թե այն պատճառով, որ չեմ առաջարկել կամ պնդել, այլ որովհետև այդպիսին են մեր Սահմանադրությունն ու պետությունը։ Այս տարիներին ես մշտապես փորձել եմ օրենքները և Սահմանադրությունը չխախտել։ Այս երկու տարիներին ես դրանք չեմ խախտել՝ իմ նյարդերի հաշվին», - ասել է Սարգսյանը։

ՀՀ նախագահ Արմեն Սարգսյանը մեկնել է Մոսկվա

Նախագահն ասել է, որ ցանկալի են արտահերթ ընտրությունների, ժամանակավոր ազգային միասնության կառավարության, Սահմանադրության փոփոխության հանրաքվեի կազմակերպումը։ Անդրադառնալով այն հարցին, թե ով կարող է լինել հաջորդ վարչապետ, նախագահը ասել է, որ երկրի համար ավելի էական են կայացած ինստիտուտները, ոչ թե հաջողակ անհատները։

Президент Армен Саркисян встретился с некоторыми представителями российских армян (29 ноября 2020). Москва
© Photo / official site of the President of RA
Նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ

«Մենք մշտապես մեր խնդիրների լուծումները կապում ենք ինչ-որ անհատի հետ։ Երբ մեկը դառնում է նախարար, ապա կարծում է, որ նախարարությունն իրենն է, և մարդիկ ևս կարծում են, որ նախարարությունն նրանն է։ Այդ իսկ պատճառով մեզ մոտ, շատ հաճախ, նախարարությունները չեն աշխատում՝ որպես ինստիտուտներ, այլ՝ աշխատում են որպես այդ մարդու սեփականություն։ Չի կարող երկիրը պատերազմ հաղթել՝ չունենալով ուժեղ ինստիտուտներ», - ասել է նախագահը։

Հավակնո՞ւմ է արդյոք վարչապետ դառնալ. պատասխանում է ՀՀ նախագահ Արմեն Սարգսյանը

Սարգսյանը ասել է, որ ինքը չի հավակնում վարչապետ դառնալուն, բայց իր դերը տեսնում է այդ մարդուն օգնելուն։ Ինչ վերաբերում է գործող վարչապետ Նիկոլ Փաշինյանին, Սարգսյանը ասել է հետևյալը․ «Եթե քաղաքական գործիչը ուժեղ է, կարող է հետո վերադառնալ»։

Նշենք, որ ԼՂ վերաբերյալ եռակողմ հայտարարությունից հետո 16 ընդդիմադիր կուսակցություններ (սկզբում 17-ն էին՝ ներառյալ «Ալյանսը» - խմբ․) հանրահավաքներ են անցկացնում վարչապետ Նիկոլ Փաշինյանի հրաժարականի պահանջով։ 

Նույն պահանջով կառավարության գլխավոր մասնաշենքի դիմաց մի քանի օր է՝ հացադուլավորներ են նստած։

172
թեգերը:
Հայ համայնք, Մոսկվա, Արմեն Սարգսյան
Ըստ թեմայի
Արմեն Սարգսյանը հանդիպում է ունեցել Սերգեյ Լավրովի հետ. ՀՀ նախագահը 2 խնդրի մասին է խոսել
Հորդանանի թագավորը կաջակցի հայկական Սուրբ Կարապետ եկեղեցու վերանորոգմանը. Արմեն Սարգսյան
«Դու պետք է կարողանաս նույնիսկ թշնամիներին մոտ լինել կամ մոտիկից իմանալ». Արմեն Սարգսյան
Քիմ Քարդաշյանը Երևանում. արխիվային լուսանկար

«Տոնական ուսապարկեր Արցախի համար». Քիմ Քարդաշյանը կոչ է անում օգնել արցախցի երեխաներին

0
(Թարմացված է 16:39 29.11.2020)
Քիմ Քարդաշյանը կոչ է անում հագուստ, խաղալիքներ և այլ իրեր նվիրել պատերազմի պատճառով տուժած արցախցի երեխաներին։

ԵՐԵՎԱՆ, 29 նոյեմբերի - Sputnik. Աշխարհահռչակ ամերիկահայ հեռուստաաստղ  Քիմ Քարդաշյանը հերթական անգամ ձեռք է մեկնել պատմական հայրենիքին։ Մեգաաստղը կոչ է արել միանալ «Տոնական ուսապարկեր Արցախի համար» նախաձեռնությանը, որի կյանքի են կոչել Կալիֆոռնիայի և Բերկլիի համալսարանները։

«Նախաձեռնությունը նպատակ ունի ուրախություն պարգևել Արցախյան պատերազմի հետևանքով տեղահանված երեխաներին: Փաթեթավորեք փոքրիկի համար ուսապարկ՝ խաղալիքներով, գրենական պիտույքներով, անձնական խնամքի պարագաներով, հագուստով և աքսեսուարներով, ինչպես նաև նամակով», - գրել է հեռուստաաստղն իր Facebook-ում։

«Թուրքիան հասավ իր ուզածին...». Քիմ Քարդաշյանը տեսանյութ է հրապարակել Դադիվանքից

Նշենք, որ Արցախյան պատերազմի ընթացքում և դրանից հետո Քիմ Քարդաշյանն իր հարթակներն օգտագործում էր հայերի դեմ ադրբեջանա-թուրքական ագրեսիայի մասին պատմելու և միջազգային հանրությանը կոչերով դիմելու համար։ Նա նվիրաբերել է մեկ միլիոն դոլար «Հայաստան» համահայկական հիմնադրամին և կոչ արել իր 190 միլիոնանոց լսարանին անել նույնը։

0
թեգերը:
Կալիֆոռնիա, երեխա, Արցախյան պատերազմ, Արցախ, ԱՄՆ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան
Ըստ թեմայի
«Ծննդյանս օրվա լավագույն նվերը». ինչու է Քարդաշյանը շնորհակալություն հայտնել ԱՄՆ Կոնգրեսին
«Իմ բախտը պարզապես բերել է, որ ես հայ եմ ծնվել»․ Քիմ Քարդաշյան
«Դու հպարտ հայուհի ես»․ հանգուցյալ Ռոբերտ Քարդաշյանը «շնորհավորել է» Քիմի տարեդարձը