Մանե Գևորգյան

Մովսես Հակոբյանի հայտարարություններով պետք է զբաղվեն իրավապահ մարմինները. Փաշինյանի խոսնակ

610
(Թարմացված է 16:37 19.11.2020)
Հայաստանի վարչապետն իր հասցեին պարոն Հակոբյանի հնչեցրած բոլոր մեղադրանքները համարում է մտացածին ու անհեթեթ և ըստ պատեհության կանդրադառնա դրանց:

ԵՐԵՎԱՆ, 19 նոյեմբերի — Sputnik. ՀՀ վարչապետ Նիկոլ Փաշինյանի խոսնակ Մանե Գևորգյանը կարծում է, որ Մովսես Հակոբյանի հայտարարություններով պետք է զբաղվեն իրավապահ մարմինները: Այդ մասին նա գրել է Facebook-ի իր էջում։

Մովսես Հակոբյանն այսօրվա ասուլիսի ընթացքում հայտարարել էր, թե վարչապետ Փաշինյանը ՌԴ նախագահ Վլադիմիր Պուտինի հետ մինչ սեպտեմբերի 30-ը որևէ հեռախոսազրույց չի ունեցել։ Հակոբյանի ասածը հերքելու համար խոսնակը տեղադրել է վարչապետի պաշտոնական կայքի 2 հղում, որտեղ ասվում է, որ ՀՀ վարչապետի և ՌԴ նախագահի միջև սեպտեմբերի 27-ին, սեպտեմբերի 29-ին տեղի է ունեցել հեռախոսազրույցներ: Դրանք տարածվել են նաև ԶԼՄ-ներում:

«Վարչապետի հասցեին Հակոբյանի հնչեցրած մյուս մեղադրանքներն ունեն ճշտության նույնպիսի աստիճան: Ամեն դեպքում, կարծում եմ Հայաստանի իրավապահ մարմինները պետք է քննեն պարոն Հակոբյանի արած բոլոր հայտարարությունները, և դրանք պետք է հատիկ-հատիկ պարզաբանվեն ու գնահատականի արժանանան»,–գրել է նա:

Մանե Գևորգյանը նշել է, որ լիազորված է տեղեկացնել, որ Հայաստանի վարչապետն իր հասցեին պարոն Հակոբյանի հնչեցրած բոլոր մեղադրանքները համարում է մտացածին ու անհեթեթ և ըստ պատեհության կանդրադառնա դրանց:

Ինչ է իրականում տեղի ունեցել Մովսես Հակոբյանի և Աննա Հակոբյանի միջև. պատմում է գեներալը

Տեղեկացվում է, որ այդ հայտարարությունները ուսումնասիրվում են նաև վարչապետի նկատմամբ սուտ մատնություն անելու համատեքստում:

Ուսումնասիրությունների արդյունքում այս կապակցությամբ նույնպես կկայացվի որոշում:

Մովսես Հակոբյանը նշեց` որն է եղել գերագույն գլխավոր հրամանատար Փաշինյանի սխալը

Նշենք, որ այսօրվա ասուլիսի ընթացքում ՀՀ ԶՈւ գլխավոր շտաբի նախկին պետ, գեներալ-գնդապետ Մովսես Հակոբյանը բազմաթիվ աղմկահարույց հայտարարություններ էր արել կապված Արցախյան վերջին պատերազմի հետ։

610
թեգերը:
Արցախյան պատերազմ, Մովսես Հակոբյան, Նիկոլ Փաշինյան, Մանե Գևորգյան (ՀՀ վարչապետի մամուլի խոսնակ)
Ըստ թեմայի
«Մեր սուտը գերազանցել է 100 տոկոսը». Մովսես Հակոբյանը` մարդկանց շփոթության մասին
«Կփորձենք շտկել, եթե ոչ` կբողոքարկենք». Հակոբյանը` իր ազատման հրամանի անճշտության մասին
Մովսես Հակոբյանը նշեց` որն է եղել գերագույն գլխավոր հրամանատար Փաշինյանի սխալը
Երևան

Օդի ջերմաստիճանը մի փոքր կբարձրանա. եղանակի տեսություն

7
(Թարմացված է 19:55 29.11.2020)
Օդերևութաբանների կանխատեսումներով` առաջիկա օրը տեղումներ կգրանցվեն, լեռնային շրջաններում` ձյան տեսքով։

ԵՐԵՎԱՆ, 30 նոյեմբերի – Sputnik. Հանրապետության տարածքում նոյեմբերի 30-ի գիշերը առանձին շրջաններում սպասվում են տեղումներ, լեռնային և նախալեռնային գոտիներում ձյան տեսքով։ Նոյեմբերի 30-ի ցերեկը, դեկտեմբերի 1-4-ը սպասվում է առանց տեղումների եղանակ։

Երևանում տեղում է առաջին ձյունը․ տեսանյութ

Տեղեկությունը հայտնում է ՀՀ ԱԻՆ «Հիդրոմետ» ծառայությունը և հավելում, որ քամին՝ հարավ-արևելյան է` 3-8 մ/վ արագությամբ:

Եղանակի կանխատեսում
Եղանակի կանխատեսում

Օդի ջերմաստիճանը նոյեմբեր 30-ի գիշերը կբարձրանա 2-3 աստիճանով։

Երևան քաղաքում ևս նոյեմբերի 30-ի գիշերը սպասվում են թույլ տեղումներ՝ ձնախառն անձրևի տեսքով, 30-ի ցերեկը, դեկտեմբերի 1-4-ը սպասվում է առանց տեղումների եղանակ:

Իրանը նոր հակառեկորդ է գրանցել. 13 000 դեպք՝ մեկ օրում

Մայրաքաղաքում նոյեմբերի 30–ի գիշերը կգրանցվի -1...+1 աստիճան, իսկ ցերեկը կլինի 7-9 աստիճան տաքություն։

7
թեգերը:
ձյուն, Արցախ, Երևան, Հայաստան, եղանակ
թեմա:
Եղանակը Հայաստանում
Կիլիկիա ավտոկայան

Արցախցիներին Հայաստանից Արցախ տեղափոխող ավտոբուսները վաղը չեն աշխատի

102
(Թարմացված է 23:57 29.11.2020)
Պատճառը եղանակային վատ պայմաններն են: Հետագա օրերի ուղերթների վերաբերյալ կտրվի լրացուցիչ տեղեկատվություն:

ԵՐԵՎԱՆ, 29 նոյեմբերի - Sputnik. Արցախցիներին Հայաստանից Արցախ տեղափոխող ավտոբուսները վաղը չեն աշխատի: Տեղեկությունը հայտնում են ՀՀ-ում Արցախի կառավարության օպերատիվ շտաբն ու Երևանի քաղաքապետարանը:

Հաղորդագրության համաձայն՝ Երևանի «Կիլիկիա» ավտոկայանից դեպի Ստեփանակերտ անվճար ուղևորվող ավտոբուսները վաղը` նոյեմբերի 30-ին, եղանակային վատ պայմանների պատճառով չեն մեկնի:
Հետագա օրերի ուղերթների վերաբերյալ կտրվի լրացուցիչ տեղեկատվություն:

Հիշեցնենք՝ Երևանից Ստեփանակերտ ուղևորափոխադրումները Երևանի կենտրոնական՝ «Կիլիկիա» ավտոկայանից իրականացվում են անվճար, առանց նախապես գրանցվելու։ Նախորդ օրերին, երբ եղանակը թույլ էր տալիս, ցանկացողները պետք է ավտոկայանում լինեին առավոտյան 07։00-09:00-ն ընկած ժամանակահատվածում։

102
թեգերը:
եղանակ, ավտոբուս, Արցախ, Երևան
Ըստ թեմայի
Գերիների վերադարձն ու անհայտ կորածների խնդիրներն առաջնային են. բողոքի երթը` լուսանկարներով
Ո՛չ Հադրութի և ո՛չ էլ Շուշիի մասին խոսք չի եղել. Շարմազանովն արձագանքել է Փաշինյանին
Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան