Հայաստանի և Ռուսաստանի դրոշներ

Ինչպե՞ս են Հայաստանում վերաբերվում ՌԴ–ին, դաշնակից համարո՞ւմ են․ հարցում

378
(Թարմացված է 12:04 19.11.2020)
Հարցման մասնակիցների ավելի քան 62%-ը կարծում է, որ Ռուսաստանը բարեկամական երկիր է։ Ռուսաստանին հաջորդում է Ֆրանսիան (39,9%), բայց մեծ տարբերությամբ։

ԵՐԵՎԱՆ, 19 նոյեմբերի - Sputnik. Հայաստանի քաղաքացիների գերակշռող մեծամասնությունը դրական է տրամադրված Ռուսաստանի նկատմամբ, էլ ավելի շատերն ՌԴ–ին ՀՀ դաշնակից են համարում։ Այս մասին են վկայում Sputnik ռադիոկայանի պատվերով անցկացված հարցման արդյունքները։

Հարցման մասնակիցների մեծ մասը (83,8%) պատասխանել է, որ լավ է վերաբերվում Ռուսաստանին, Ռուսաստանին երկրի դաշնակից է համարում Հայաստանի քաղաքացիների 84,6%–ը։

Հարցման մասնակիցների ավելի քան 62%-ը Ռուսաստանը որպես բարեկամական երկիր է դիտարկում։ ՌԴ-ից հաջորդում են Ֆրանսիան (39,9%), Իրանը (6,4%), ԱՄՆ-ն (5,8%), Գերմանիան (1,2%) ու Վրաստանը (0,6%)։ Միաժամանակ պատասխանողների 80%-ը հաստատել է, որ պատրաստ է ընդունել Մոսկվայի ռազմաքաղաքական օգնությունը։

Հարցումն անցկացրել է Էմ Փի Ջի ընկերությունը, մասնակցել է 501 մարդ։ Սխալմունքի առավելագույն չափը 4,3% է։ Հետազոտություն անցկացվել է նոյեմբերի 17-ին հեռախոսազրույցի միջոցով։

Հիշեցնենք, որ այս օրերին Երևանում բողոքի ակցիաներ են ընթանում վարչապետ Նիկոլ Փաշինյանի հեռացման պահանջով։ ՀՀ նախագահ Արմեն Սարգսյանը նույնպես հանդես էր եկել ուղերձով ու նշել, որ արտահերթ ընտրություններ կազմակերպելու կարիք կա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

378
թեգերը:
Հարցում, Ռուսաստան, Հայաստան
Ըստ թեմայի
Ուշ թե շուտ նա ստիպված է լինելու պատասխանել այդ հարցերին. ինչու է Փաշինյանը խուսանավում
Նիկոլ Փաշինյանի հեռահար ծրագրերը. նա պլաններ ունի 2021–ի հունիսի համար
Փաշինյանի «ճանապարհային քարտեզն» ուշացած է ու հնացած. վերլուծում են փորձագետները
Премьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад

Բանակցային գործընթացի վերսկսման ուղղությամբ որոշակի տեղաշարժ կա. Փաշինյան

3
ՀՀ վարչապետ Նիկոլ Փաշինյանի խոսքով` զինվորների ծառայությունն առավել անվտանգ կդառնա։

ԵՐԵՎԱՆ, 5 դեկտեմբերի – Sputnik. ԼՂ բանակցային գործընթացի վերսկսման ուղղությամբ որոշակի տեղաշարժ կա: Այսօր իր տեսաուղերձում հայտնեց ՀՀ վարչապետ Նիկոլ Փաշինյանը՝ հիշեցնելով, որ ԵԱՀԿ ՄԽ համանախագահ երկրները հանդես են եկել հայտարարությամբ՝ դրանում կարևոր շեշտադրումներ անելով:

«Վերահաստատվել է ղարաբաղյան հարցի կարգավորման շուրջ համատեղ աշխատելու և լիարժեք բանակցային գործընթացը վերականգնելու ցանկությունը: Սա ևս մի կարևոր գործոն է նոյեմբերի 9-ի հայտարարության մեջ արձանագրված հրադադարն ամրապնդելու համար»,- ասաց Փաշինյանը;

Նրա խոսքով` այս կերպ նաև զինվորների ծառայությունն առավել անվտանգ կդառնա: Փաշինյանն ընդգծեց, որ ներկայում սահմանային լարում չկա: Իսկ իշխանությունն այս պահին առավելապես զբաղված է զինվորների կեցության պայմանների ապահովմամբ:

«Իհարկե, ծանր հարցեր կան, ծանր իրավիճակներ կան, բայց գլոբալ հարցը հետևյալն է՝ ի՞նչ ենք մենք պատրաստվում անել, պատրաստվո՞ւմ ենք արդյոք հանձնվել, կքել այդ ծանրության ներքո: Ո՛չ, չենք պատրաստվում ու պատրաստվում ենք այդ ծանրությունը կրել արժանապատիվ և հաղթահարելի ծանրությունը հաղթահարել»,- ասաց նա՝ մեկնաբանելով, որ կորուստների ծանրությունն անհաղթահարելի է: Դրանք մեր սրտերում կրելով` պետք է ավելի ուժեղացնենք ապրելու, հաղթահարելու ու հաղթելու մեր կամքը»,– ասաց Վ:

3
Железные ворота на дороге Сотк-Карвачар (24 ноября 2020). Карабах

Խուճապի մեջ պետք չէ ընկնել. Փաշինյանը` սահմանին ընթացող գործընթացների մասին

7
Վարչապետը շեշտեց, որ շփման նոր գիծը պետք է դառնա սահման և ոչ թե ռազմաճակատի գիծ:

ԵՐԵՎԱՆ, 5 դեկտեմբերի – Sputnik. ՀՀ վարչապետ Նիկոլ Փաշինյանն այսօր իր տեսաուղերձում անդրադարձավ Հայաստանի սահմաններին տեղի ունեցող գործընթացներին:

«Մեր զինված ուժերը տեղաբաշխվում են ՀՀ սահմանի երկայնքով: Խոսքը տվյալ դեպքում Հայաստանի մասին է: Արցախի պարագան առանձին խնդիր է: Մեր սահմանին տեղի ունեցող այդ պրոցեսներն իհարկե մարդկանց ընկալումներում լուրջ խնդիրներ են առաջացում: Տարբեր գործնական խնդիրներ ևս կան, բայց այդ խնդիրներն անլուծելի չեն, և դրանց լուծման վրա մենք աշխատում ենք»,- ասաց Փաշինյանը՝ կոչ անելով այդ առիթով խուճապային տրամադրությունների մեջ չընկնել:

Վարչապետը շեշտեց, որ շփման նոր գիծը պետք է դառնա սահման և ոչ թե ռազմաճակատի գիծ:

7