Գևորգ Գորգիսյան

Ինչ են ասել իմքայլականները ՍՈւ–երի հրթիռներ չունենալու մասին. Գորգիսյանը փակագծեր է բացում

597
(Թարմացված է 15:29 18.11.2020)
Գևորգ Գորգիսյանն անդրադարձել է ԱԺ պաշտպանության հանձնաժողովի փակ նիստերի ժամանակ հնչած հարցերին։

ԵՐԵՎԱՆ, 18 նոյեմբերի – Sputnik. Բոլոր հարցերը, որոնք մինչ այս հնչել են ԱԺ պաշտպանության հանձնաժողովի նիստերին, իմքայլականներից ստացել են նույն պատասխանը` ամեն ինչ հաշվարկված է։ Ազգային ժողովում լրագրողների հետ ճեպազրույցում ասաց «Լուսավոր Հայաստան» խմբակցության անդամ Գևորգ Գորգիսյանը։

«Երբ դեռ 2020-ի բյուջեն էինք քննարկում, որտեղ նշված էր համապատասխան գնումները, ես սպառազինությանն առնչվող հարցեր եմ տվել, սակայն ի պատասխան միայն ասել են` մենք գիտենք ինչ ենք արել։ Երբեմն իմքայլական պատգամավորները մտահոգություն հայտնել են, սակայն մեր բարձրացրած հարցերին չեն սատարել»,–ասաց Գորգիսյանը։

Հարցին, թե պաշտպանության հանձնաժողովի փակ նիստերին հարց հնչե՞լ է` ինչու մենք ունենք ՍՈւ-30, սակայն դրանց համար հրթիռներ չենք գնել, Գորգիսյանը պատասխանեց, որ այդ հարցին ի պատասխան էլ ասել են` ամեն ինչ պլանավորված է, ամեն ինչ ժամանակին գալու է։

Երկրում ստեղծված ներկայիս իրավիճակի համար էլ, ըստ ԼՀԿ–ական պատգամավորի, ամբողջ կառավարությունն է մեղավոր` սկսած դիվանագիտական ապարատից մինչև ՊՆ։ Սակայն թիվ մեկ պատասխանատուն վարչապետն է։ Գորգիսյանի խոսքով` ստացվում է, որ մենք պատրաստ չէինք այս պատերազմին ո՛չ սպառազինությամբ, ո՛չ կազմակերպվածությամբ։

«Մարդ, որը ստեղծել է խնդիրներ, չի կարող այդ խնդիրները լուծել։ Եթե վարչապետն այսպես շարունակի, մեծ թվով մարդիկ ուղղակի արտագաղթելու են»,–ասաց Գորգիսյանը։

Հիշեցնենք` այս տարվա օգոստոսի 24-ին հայտնի դարձավ, որ ՀՀ պաշտպանության նախարարության և Ռուսաստանի միավորված ավիաշինարարական ընկերության միջև ստորագրվել է Սու-25-ի արդիականացման և վերանորոգման պայմանագիր։

ՍՈւ-30 ՍՄ առաջին բազմաֆունկցիոնալ կործանիչները Հայաստանում են դեռ 2019թ.–ի դեկտեմբերից։ Առայժմ դրանք չորսն են, բայց ՊՆ–ն վստահեցնում է` մտադիր է էսկադրիլիա ստեղծել` ինքնաթիռների թիվը հասցնելով 12–ի։

Հոկտեմբերի 16-ին Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը քննադատել էր պաշտպանության նախարար Դավիթ Տոնոյանին և նշել, որ նախարարին հրավիրելու են հանձնաժողով` հարցերի պատասխանելու։ Քոչարյանն ասաց, որ Տոնոյանին հարցնելու է, թե ինչու գնված Սու-30 ինքնաթիռները չթռան արցախյան պատերազմի ժամանակ։

Քոչարյանը պետք է ներողություն խնդրի զինվորականներից. ՊՆ

597
թեգերը:
Սու-30ՍՄ կործանիչ, Գևորգ Գորգիսյան, «Իմ քայլը» խմբակցություն, Հայաստան
Ըստ թեմայի
Ի՞նչ ակնկալել ՍՈՒ–25 արդիականացված կործանիչների պայմանագրից
ՀՀ–ին ինչ է ավելի շատ պետք` դրո՞ն, թե՞ Սու. գեներալը խոսել է Սու-25-ի նոր ֆունկցիայի մասին
Չորս «ՍՈւ»-երը միասին դուրս են եկել հերթապահության. Փաշինյանը տեսանյութ է հրապարակել
Թելման Թադևոսյան

Աջափնյակի թաղապետը դիմում է գրել Մարությանին. նա խնդրում է չքաղաքականացնել

7
(Թարմացված է 13:30 05.12.2020)
Սոցիալական հարթակներում ու կայքերում արդեն իսկ տեղեկություններ են տարածվել, որ Թելման Թադևոսյանն աշխատանքից ազատվելու դիմումը գրել է թաղապետարանի աշխատակիցների ներկայությամբ ու քաղաքական հայտարարություն անելով:

ԵՐԵՎԱՆ, 5 դեկտեմբերի – Sputnik. Աջափնյակ վարչական շրջանի ղեկավար Թելման Թադևոսյանն աշխատանքից ազատվելու դիմում է ներկայացրել Երևանի քաղաքապետ Հայկ Մարությանին: Նա այդ մասին գրառում է արել Facebook-ում և նշել` քաղաքապետին խնդրել է, որ չմերժի: 

«Այս պահին նպատակահարմար եմ գտել անցնել բիզնես գործունեության, քանի որ ունեմ բավականին փորձ ու կապեր այդ ոլորտում և այս պահին կարևորում եմ մեր երկրում բիզնեսի զարգացումը»,- գրել է նա:

Թաղապետը նաև հրապարակավ շնորհակալություն է հայտնել Մարությանին, նրա քաղաքական թիմին ու Երևանի քաղաքապետարանի աշխատակազմին՝ ներդրված ջանքերի, եռանդի և նվիրվածության համար:

Իսկ հանրությանը հորդորել, խնդրել է, լրատվամիջոցներից էլ պահանջել, որ իր աշխատանքից դուրս գալու լուրը չլրացնել մտացածին և չարախոս տեղեկություններով, առավել ևս չքաղաքականացնել։

Բնակչության 45 %-ը կարծում է, որ Փաշինյանը պետք է հրաժարական տա. հարցում

Բանն այն է, որ սոցիալական հարթակներում ու կայքերում արդեն իսկ տեղեկություններ են տարածվել, որ Թելման Թադևոսյանն աշխատանքից ազատվելու դիմումը գրել է թաղապետարանի աշխատակիցների ներկայությամբ` հայտարարելով, որ չի ցանկանում հող հանձնած դավաճանների իշխանության մաս կազմել և այդ պիտակով ապրել:

Թադևոսյանն Աջափնյակ վարչական շրջանի ղեկավար էր նշանակվել 2020թ-ի փետրվարին: Մինչ այդ նա 2018-ի հոկտեմբերից եղել է Նուբարաշեն վարչական շրջանի ղեկավարը: Նա ՀՀ վարչապետ Նիկոլ Փաշինյանի նախկին խորհրդական Ֆելիքս Թադևոսյանի որդին է։

Քասախ համայնքի ղեկավարը միացել է Նիկոլ Փաշինյանի հրաժարականի պահանջին

7
թեգերը:
Հրաժարական, Հայաստան
Ըստ թեմայի
Ծանրագույն աշխատանք է սպասվում. դիվանագետները պահանջում են, որ «ձախողված վարչապետը» հեռանա
Նրանք պետք է կանգ առնեն. Հակոբյանը իրադարձությունների զարգացման մի քանի տարբերակ է նշում
Այս իրավիճակում արտահերթ ընտրություններ անելը սխալ է. Ռոբերտ Քոչարյան
Ոստիկանական ավտոմեքենա

«Չայնիի ոլորաններում» ավտոմեքենաներ են բախվել, վարորդներից մեկը տեղում մահացել է

10
(Թարմացված է 13:35 05.12.2020)
Վթարի հետևանքով մահացածը 61-ամյա տղամարդ է, իսկ 22-ամյա երիտասարդը մարմնական վնասվածքներով տեղափոխվել է «Աբովյան» բժշկական կենտրոն։

ԵՐԵՎԱՆ, 5 դեկտեմբերի – Sputnik. Կոտայքի մարզում խոշոր ու ողբերգական ավտովթար է տեղի ունեցել։ Տեղեկությունը հայտնում է shamshyan.com-ը։

Անցած գիշեր, ժամը 00:10-ի սահմանում Երևան-Սևան ավտոճանապարհի «Չայնիի ոլորաններ» անունով հայտնի հատվածում բախվել են Երևանի բնակիչ 61-ամյա Դերենիկ Գալստյանի վարած «Opel Zafira», Գեղարքունիքի մարզի Գեղամավան գյուղի բնակիչ, 22-ամյա Մարկոս Մովսիսյանի վարած «Hyundai Sonata» և Չարենցավան քաղաքի բնակիչ, 29-ամյա Հովհաննես Հարոյանի վարած «Opel» մակնիշի ավտոմեքենաները։

Ջրաշեն գյուղում ավտոմեքենան վրաերթի է ենթարկել 2 կնոջ. մեկը տեղում մահացել է

Ըստ կայքի` վթարի հետևանքով 61-ամյա Դերենիկ Գալստյանը տեղում մահացել է, իսկ 22-ամյա Մարկոս Մովսիսյանը մարմնական վնասվածքներով տեղափոխվել է «Աբովյան» բժշկական կենտրոն։

Վթարված ավտոմեքենաները քարշակի միջոցով տեղափոխվել են ոստիկանության Կոտայքի բաժնի պահպանվող հատուկ տարածք։

Ողբերգական ավտովթար Արարատի մարզում. 39–ամյա վարորդը տեղում մահացել է

10
թեգերը:
ավտոմեքենա, Հայաստան
թեմա:
Վթար, պատահար, սպանություն, գողություն
Ըստ թեմայի
Խոշոր գողություն Արտաշատում. կասկածյալներից մեկի ոտքերը կոտրվել են փախուստի ժամանակ
Վրաերթ Երևանում. հայտնաբերվել է անձը չպարզված քաղաքացու դի
Ահասարսուռ վթար Արագածոտնում. 3 մարդ այրվել և մահացել են, նրանցից մեկը 11-ամյա երեխա է