Հեռուստացույցի դիտում

Ռուսական հեռուստաընկերությունները կարող են մուտք գործել Հայաստանի հանրային մուլտիպլեքս

243
(Թարմացված է 13:15 17.11.2020)
Հաջորդ տարվա հունվարին հայտնի կդառնա, թե որ հեռուստաալիքներն են օգտվելու Հայաստանում հանրային մուլտիպլեքսից։ Մրցույթի պատասխանատուները վստահեցնում են ՝ քաղաքականացում չի լինելու։

ԵՐԵՎԱՆ, 17 նոյեմբերի - Sputnik. Հեռուստատեսության և ռադիոյի հանձնաժողովում (ՀՌՀ) քննարկվում է հեռուստաընկերություններին լիցենզիա տրամադրելու հարցը: Հայաստանը կարող է միջպետական պայմանագիր կնքել Ռուսաստանի հետ, ըստ որի ՝ մեկ կամ երկու հանրապետական և մայրաքաղաքային սլոթ (հաճախականություններ) կհատկացվեն ռուսական հեռուստաընկերություններին։ Այսօր հեռուստաընկերություններին լիցենզիա տրամադրելու հարցի քննարկման ժամանակ տեղեկությունը հայտնեց ՀՀ Հեռուստատեսության և ռադիոյի ազգային հանձնաժողովի նախագահ Տիգրան Հակոբյանը։

Նիստի հենց սկզբում հանձնաժողովի նախագահը տեղեկացրեց, որ ընդհանուր առմամբ 25 հաճախականությունների մրցույթ է հայտարարվել: Դրանցից 6-ը հանրապետական նշանակության են. մասնակցում են 12 հեռուստաընկերություններ։  9 հաճախականություններ մայրաքաղաքային են. մրցույթին մասնակցում են 4 հեռուստաընկերություն։ Եվս 10 մարզային հաճախականության համար պայքարում են 13 հեռուստաընկերություն:

Մրցույթի արդյունքները կհայտարարվեն հաջորդ տարվա հունվարին։

Հանձնաժողովի նախագահը վստահեցրել է, որ մրցույթի արդյունքները քաղաքականացված չեն լինելու։ Նրա խոսքով՝ անկախ նրանից, թե ով կլինի իշխանության ղեկին, կհաղթեն այն հեռուստաընկերությունները, որոնք կառաջարկեն լավագույն ծրագիրը։ Նա միաժամանակ հավելել է, որ այսօր իրենց ծրագրերը կներկայացնեն վեց հեռուստաալիքներ՝ «Արմնյուզը», «Հայկական երկրորդ հեռուստաալիքը», «TV5»-ը, «Կենտրոնը», «Արմենիան» և «ATV»-ն։

Պատրաստ ենք երկխոսել ՀՀ–ում ռուսական հեռուստաալիքների հեռարձակման մասին. ՌԴ դեսպանատուն

Նշենք, որ օգոստոսին Հայաստանի նախագահ Արմեն Սարգսյանը օրենք էր ստորագրել, որով սահմանափակում էր 2021 թվականի հունվարի 1-ից հանրային մուլտիպլեքսում արտասահմանյան բոլոր հեռուստաալիքների հեռարձակումը։ Հինգ արտասահմանյան հեռուստաալիքներից չորսը ռուսական են։ Օրենսդրական փոփոխությունները որոշակի քննարկումների պատճառ դարձան։ Այնուհետև հայտնի դարձավ, որ հարցի շուրջ միջպետական բանակցությունները շարունակվում են։

243
թեգերը:
մրցույթ, Հեռուստատեսություն, Հեռուստատեսության և ռադիոյի հանձնաժողով (ՀՌԱՀ), Տիգրան Հակոբյան (Հեռուստատեսության ու ռադիոյի հանձնաժողովի նախագահ )
ՀՀ ԱԱԾ

ԱԱԾ-ն խուզարկում է ԲՀԿ Երիտասարդների միության նախագահի բնակարանը

16
(Թարմացված է 19:50 26.11.2020)
Աշոտ Անդրեասյանը շեշտել է, որ խուզարկության հիմնավոր պատճառները բացակայում են։

ԵՐԵՎԱՆ, 26 նոյեմբերի - Sputnik. Ազգային անվտանգության ծառայության աշխատակիցներն այս պահին խուզարկում են «Բարգավաճ Հայաստան» կուսակցության Երիտասարդների միության նախագահ Աշոտ Անդրեասյանի բնակարանը: Տեղեկությունը հայտնում է ինքը՝ Աշոտ Անդրեասյանը Facebook-ի իր էջում։

«Խուզարկության հիմնավոր պատճառները բացակայում են: Նշեմ նաև, որ գիշերը կրկին անգամ ապօրինի կերպով մեքենաս բերման են ենթարկել կենտրոնի ոստիկանական բաժանմունք առանց որևէ ծանուցման և հիմքի։

Ապօրինաբար բացել են մեքենայիս դռները և խուզարկել են այն վնասելով իմ անձնական գույքը»,-նշված է գրառման մեջ։

Անդրեասյանը նշել է, որ այդ ամենը խոսում է «երկրում տիրող ամենաթողության և խուլիգան ղեկավար ունենալու մասին»։

«Քաղաքական շինծու հետապնդումներով չեք լռեցնելու մեզ և չեք կոծկելու ձեր դավաճանությունը»,-եզրափակել է նա։

«Է՞ս ինչ բան էր». բերման են ենթարկել Ավետիք Իշխանյանին

Հավելենք, որ նոյեմբերի 9-ին եռակողմ հայտարարության ստորագրումից հետո ընդդիմադիր կուսակցությունները բողոքի ակցիաներ են սկսել՝ վարչապետ Նիկոլ Փաշինյանի հրաժարականի պահանջով։ Այդ ընթացքում ընդդիմության բազմաթիվ ներկայացուցիչներ բերման են ենթարկվել ու որոշ ժամանակ անց ազատ արձակվել, ոմանց բնակարաններում խուզարկություն է անցկացվել։

Իսկ ՀՅԴ անդամ Գեղամ Մանուկյանը, ՍԴ նախկին դատավոր Կիմ Բալայանն ու Անահիտ Կիրակոսյանն անժամկետ հացադուլ են հայտարարել՝ Փաշինյանի հրաժարականի պահանջով։

 

16
թեգերը:
խուզարկություն, ՀՀ ազգային անվտանգության ծառայություն. ԱԱԾ, Բարգավաճ Հայաստան կուսակցություն (ԲՀԿ)
Ըստ թեմայի
Բերման ենթարկվածները ոստիկանության բաժանմունքում «Նիկոլ, դավաճան» են վանկարկում. տեսանյութ
Սև հանդերձանք, չինարեն գրություններ. ովքե՞ր էին Երևանում քաղաքացիներին բերման ենթարկողները
Դուք ծառայում եք Ադրբեջանին. ոստիկանությունը բերման ենթարկեց բողոքի ակցիայի մասնակիցներին
Վահան Քերոբյան

ՀՀ էկոնոմիկայի նախարար նշանակվեց Վահան Քերոբյանը

159
(Թարմացված է 19:19 26.11.2020)
Արմեն Սարգսյանը հրամանագիրը ստորագրել է` հիմք ընդունելով Նիկոլ Փաշինյանի առաջարկությունը։

ԵՐԵՎԱՆ, 26 նոյեմբերի – Sputnik. ՀՀ նախագահ Արմեն Սարգսյանի հրամանագրով՝ ՀՀ էկոնոմիկայի նախարար է նշանակվել Վահան Քերոբյանը։ 

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի` Վահան Քերոբյանին նշանակել էկոնոմիկայի նախարար»,–նշված է հրամանագրում։

Նախագահը ստորագրել է նաև Տիգրան Խաչատրյանին ՀՀ Էկոնոմիկայի նախարարի պաշտոնից ազատելու հրամանագիրը։

Վահան Քերոբյանը գործարար է, Menu.am-ի հիմնադիրը։ Եղել է նաև «Սթար» սուպերմարկետների ցանցի տնօրենը։

159
թեգերը:
Վահան Քերոբյան, պաշտոն, Նշանակում, Նախարար, Հայաստան
Ըստ թեմայի
Ստեփանավանը քաղաքապետի պաշտոնակատար ունի
Կոտայքը նոր մարզպետ ունի. «Խոստանում եմ ծառայել բացառապես ի շահ Հայաստանի»
Արթուր Վանեցյանը նոր փակագծեր բացեց իր` ԱԱԾ տնօրենի պաշտոնից հրաժարվելու վերաբերյալ
Բարձրաստիճան պաշտոնյաներն անձամբ են վարում կեղծ էջեր. Թաթոյան
Ովքեր են հեռանում Փաշինյանի թիմից