Ռիտա Սարգսյան

Սերժ Սարգսյանի կնոջ վիճակը ծայրահեղ ծանր է

2297
(Թարմացված է 16:54 16.11.2020)
ՀՀ երրորդ նախագահի կինը վերակենդանացման բաժանմունքում է։ Անատոլի Գնունու խոսքով` արդեն երկու շաբաթ է` Ռիտա Սարգսյանը գտնվում է իրենց մոտ։

ԵՐԵՎԱՆ, 16 նոյեմբերի – Sputnik. ՀՀ երրորդ նախագահ Սերժ Սարգսյանի կինը՝ Ռիտա Սարգսյանը ծայրահեղ ծանր վիճակում գտնվում է «Նաիրի» ԲԿ-ում։ Sputnik Արմենիայի աղբյուրները հայտնեցին, որ նա այժմ վերակենդանացման բաժանմունքում է։

«Նա բուժկենտրոն է տեղափոխվել կորնավիրուսային վարակով և տևական ժամանակ բուժում է ստանում»,– ասաց մեր աղբյուրը։

Բուժկենտրոնի տնօրեն Անատոլի Գնունին էլ Sputnik Արմենիային տեղեկացրեց, որ Ռիտա Սարգսյանն արդեն երկու շաբաթ է` գտնվում է իրենց մոտ։

Այլ մանրամասներ առայժմ հայտնի չեն:

Հիշեցնենք` Հայաստանում արդեն 117886 մարդ է վարակվել կորոնավիրուսով։

2297
թեգերը:
Ռիտա Սարգսյան, կորոնավիրուս, Հայաստան
Ըստ թեմայի
Օգնո՞ւմ է վիտամին D-ն կորոնավիրուսի դեմ պայքարում. մեկնաբանում են գիտնականները
Զարեհ Սինանյանը վարակվել է կորոնավիրուսով
Վիտամին C-ի դեֆիցիտ դեղատներում. կորոնավիրուսն ու եղանակն իրենց գործն արե՞լ են
ՀՀ ԱԱԾ

ԱԱԾ-ն խուզարկում է ԲՀԿ Երիտասարդների միության նախագահի բնակարանը

18
(Թարմացված է 19:50 26.11.2020)
Աշոտ Անդրեասյանը շեշտել է, որ խուզարկության հիմնավոր պատճառները բացակայում են։

ԵՐԵՎԱՆ, 26 նոյեմբերի - Sputnik. Ազգային անվտանգության ծառայության աշխատակիցներն այս պահին խուզարկում են «Բարգավաճ Հայաստան» կուսակցության Երիտասարդների միության նախագահ Աշոտ Անդրեասյանի բնակարանը: Տեղեկությունը հայտնում է ինքը՝ Աշոտ Անդրեասյանը Facebook-ի իր էջում։

«Խուզարկության հիմնավոր պատճառները բացակայում են: Նշեմ նաև, որ գիշերը կրկին անգամ ապօրինի կերպով մեքենաս բերման են ենթարկել կենտրոնի ոստիկանական բաժանմունք առանց որևէ ծանուցման և հիմքի։

Ապօրինաբար բացել են մեքենայիս դռները և խուզարկել են այն վնասելով իմ անձնական գույքը»,-նշված է գրառման մեջ։

Անդրեասյանը նշել է, որ այդ ամենը խոսում է «երկրում տիրող ամենաթողության և խուլիգան ղեկավար ունենալու մասին»։

«Քաղաքական շինծու հետապնդումներով չեք լռեցնելու մեզ և չեք կոծկելու ձեր դավաճանությունը»,-եզրափակել է նա։

«Է՞ս ինչ բան էր». բերման են ենթարկել Ավետիք Իշխանյանին

Հավելենք, որ նոյեմբերի 9-ին եռակողմ հայտարարության ստորագրումից հետո ընդդիմադիր կուսակցությունները բողոքի ակցիաներ են սկսել՝ վարչապետ Նիկոլ Փաշինյանի հրաժարականի պահանջով։ Այդ ընթացքում ընդդիմության բազմաթիվ ներկայացուցիչներ բերման են ենթարկվել ու որոշ ժամանակ անց ազատ արձակվել, ոմանց բնակարաններում խուզարկություն է անցկացվել։

Իսկ ՀՅԴ անդամ Գեղամ Մանուկյանը, ՍԴ նախկին դատավոր Կիմ Բալայանն ու Անահիտ Կիրակոսյանն անժամկետ հացադուլ են հայտարարել՝ Փաշինյանի հրաժարականի պահանջով։

 

18
թեգերը:
խուզարկություն, ՀՀ ազգային անվտանգության ծառայություն. ԱԱԾ, Բարգավաճ Հայաստան կուսակցություն (ԲՀԿ)
Ըստ թեմայի
Բերման ենթարկվածները ոստիկանության բաժանմունքում «Նիկոլ, դավաճան» են վանկարկում. տեսանյութ
Սև հանդերձանք, չինարեն գրություններ. ովքե՞ր էին Երևանում քաղաքացիներին բերման ենթարկողները
Դուք ծառայում եք Ադրբեջանին. ոստիկանությունը բերման ենթարկեց բողոքի ակցիայի մասնակիցներին
Վահան Քերոբյան

ՀՀ էկոնոմիկայի նախարար նշանակվեց Վահան Քերոբյանը

169
(Թարմացված է 19:19 26.11.2020)
Արմեն Սարգսյանը հրամանագիրը ստորագրել է` հիմք ընդունելով Նիկոլ Փաշինյանի առաջարկությունը։

ԵՐԵՎԱՆ, 26 նոյեմբերի – Sputnik. ՀՀ նախագահ Արմեն Սարգսյանի հրամանագրով՝ ՀՀ էկոնոմիկայի նախարար է նշանակվել Վահան Քերոբյանը։ 

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի` Վահան Քերոբյանին նշանակել էկոնոմիկայի նախարար»,–նշված է հրամանագրում։

Նախագահը ստորագրել է նաև Տիգրան Խաչատրյանին ՀՀ Էկոնոմիկայի նախարարի պաշտոնից ազատելու հրամանագիրը։

Վահան Քերոբյանը գործարար է, Menu.am-ի հիմնադիրը։ Եղել է նաև «Սթար» սուպերմարկետների ցանցի տնօրենը։

169
թեգերը:
Վահան Քերոբյան, պաշտոն, Նշանակում, Նախարար, Հայաստան
Ըստ թեմայի
Ստեփանավանը քաղաքապետի պաշտոնակատար ունի
Կոտայքը նոր մարզպետ ունի. «Խոստանում եմ ծառայել բացառապես ի շահ Հայաստանի»
Արթուր Վանեցյանը նոր փակագծեր բացեց իր` ԱԱԾ տնօրենի պաշտոնից հրաժարվելու վերաբերյալ
Բարձրաստիճան պաշտոնյաներն անձամբ են վարում կեղծ էջեր. Թաթոյան
Ովքեր են հեռանում Փաշինյանի թիմից
Արցախ

Շահումյանի շրջանի 2 գյուղ կմնան Արցախի կազմում

0
(Թարմացված է 19:59 26.11.2020)
Շահումյանի շրջանի երկու գյուղերի հետ կապված անհասկանալի իրավիճակ է ստեղծվել։ Դրանք նախկինում եղել են Մարտակերտի կազմում, ապա տրվել են Շահումյանի շրջանին։

ԵՐԵՎԱՆ, 26 նոյեմբերի- Sputnik. Արցախի Շահումյանի շրջանի Ակնաբերդ գյուղը մնում է հայկական վերահսկողության տակ։ Ամենայն հավանականությամբ, նույն ճակատագրին կարժանանա նաև Չարեքթար գյուղը։ Տեղեկությունը Sputnik Արմենիային հայտնել է Մարտակերտի շրջանի վարչակազմի ղեկավար Հայկ Բախշիյանը։

Նշենք, որ երկու օր առաջ ՀՀ կառավարությունը հրապարակեց Արցախի այն 121 բնակավայրերի (քաղաքներ ու գյուղեր) ցանկը, որոնք նոյեմբերի 9–ի եռակողմ հայտարարության արդյունքում անցնում են  Ադրբեջանի վերահսկողության տակ: Այդ ցուցակում ներառված էին նաև Ակնաբերդը և Չարեքթարը։

«Ակնաբերդը մնում է մեզ։ Եթե չեմ սխալվում, Չարեքտարը` նույնպես», - ասաց Բախշիյանը։

Նրա խոսքով` նախկինում, երկու գյուղերն էլ Մարտակերտի շրջանի մեջ էին մտնում։ Հետո դրանք հանձնվել են Շահումյանի շրջանին։

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

Նա նշել է, որ հայկական վերահսկողության տակ պետք է մնա Դադիվանքից արևելք ընկած տարածքը։

0
թեգերը:
Շահումյանի շրջան, Գյուղ, Ղարաբաղյան հակամարտություն, Լեռնային Ղարաբաղ, Եռակողմ հայտարարություն, Արցախյան պատերազմ, Արցախ