Արթուր Վանեցյան

ԱԱԾ–ն դատարան է ներկայացրել Արթուր Վանեցյանին կալանավորելու միջնորդություն

172
(Թարմացված է 21:08 15.11.2020)
ԱԱԾ նախկին տնօրենի ձերբակալության իրավաչափության միջնորդության քննությունը դեռ չի ավարտվել։ Պաշտպանական կողմը սպասում է դատարանի որոշմանը։

ԵՐԵՎԱՆ, 15 նոյեմբերի – Sputnik. Նախաքննական մարմինը դատարան է ներկայացրել ԱԱԾ նախկին տնօրեն, «Հայրենիք» ընդդիմադիր կուսակցության նախագահ Արթուր Վանեցյանի վերաբերյալ նոր միջնորդություն, այս անգամ` կալանավորելու։ Տեղեկությունը դատարանի բակում հավաքված լրագրողներին հայտնեց փաստաբան Լուսինե Սահակյանը։

«Հաշվի առնելով այն հանգամանքը, որ դատարանն արդեն իսկ սկսել է ձերբակալման իրավաչափության հարցի քննարկումը, այդ միջնորդությունը չի միացրել բողոքին և քննում է առանձին»,– ասաց փաստաբանը։

Նշենք, որ Վանեցյանի ձերբակալության իրավաչափության վերաբերյալ նրա փաստաբանների միջնորդության մասին որոշումը դատարանը դեռ չի հրապարակել։ Այս պահին դատարանը հեռացել է խորհրդակցական սենյակ` որոշում կայացնելու։

Լուսինե Սահակյանը չբացառեց, որ որոշումը կհրապարակվի ուշ երեկոյան կամ գիշերը։

ՀՀ ազգային անվտանգության ծառայությունը նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել է մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

ԱԱԾ–ն առգրավել է Վանեցյանի հայրական տան որսորդական զենքերը. պաշտպան

Այսօր օրվա ընթացքում հայտնի դարձավ, որ  4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

172
թեգերը:
կալանք, ՀՀ ազգային անվտանգության ծառայություն. ԱԱԾ, Արթուր Վանեցյան
Ըստ թեմայի
Ներխուժել են Արթուր Վանեցյանի ծնողների բնակարան. «Հայրենիք» կուսակցության մամուլի խոսնակ
Արթուր Վանեցյանը ձերբակալվեց. նա մեղադրվում է Փաշինյանի սպանության նախապատրաստման մեջ
Դատարանը քննելու է Արթուր Վանեցյանի ձերբակալության իրավաչափության հարցը
г. Капан

Կապանի տակ չեն հասել. համայնքապետարանը հերքում է իմքայլական պատգամավորի հայտարարությունը

1
Կապան համայնքապետարանը հաղորդագրություն է տարածել` անդրադառնալով «Իմ քայլը» խմբակցության պատգամավոր Կարեն Համբարձումյանի` այսօր արված հայտարարությանը։

ԵՐԵՎԱՆ, 1 դեկտեմբերի – Sputnik. Կապանի համայնքապետարանը հերքում է Ազգային ժողովի «Իմ քայլը» խմբակցության պատգամավոր Կարեն Համբարձումյանի հայտարարությունները, թե հայկական և ադրբեջանական զորքերը սահմանը գծելով գալիս են և հասել են Կապան համայնքի տակ։

Համբարձումյանն ԱԺ–ում լրագրողների հետ ճեպազրույցի ժամանակ ասել էր, թե Սյունիքում ոչ մի արտառոց դեպք կամ խուճապ չկա։ Նա վստահեցրել էր` երեկ է վերադարձել Սիսիանից, մեր ու Ադրբեջանի զորքերը սահմանը գծելով հասել էին Կապան համայնքի տակ:

«Կարեն Համբարձումյանի կողմից լրատվականներին տված հարցազրույցում ասվածի վերաբերյալ հայտնում ենք, որ տեղեկատվությունը իրականությանը չի համապատասխանում։ Կապան համայնքի տարածքում սահմանազատման աշխատանքներ չեն իրականացվում»,–նշված է Կապանի համայնքապետարանի հաղորդագրության մեջ։

Հիշեցնենք, որ Սյունիքի մարզպետ Հունան Պողոսյանը երեկ` նոյեմբերի 30-ին, հրաժարականի դիմում էր ներկայացրել։

1
Բողոքի ակցիա Երևանում

Ոստիկանները բարձրացան տրոլեյբուսի վրա՝ բռնելու Փաշինյանի հրաժարականը պահանջողներին

121
(Թարմացված է 18:45 01.12.2020)
Քաղաքացիներից մի քանիսը բարձրացել էին փակված փողոցի պատճառով կանգնած ավտոբուսի վրա՝ «Նիկոլ, դավաճան» վանկարկելով։

ԵՐԵՎԱՆ, 1 դեկտեմբերի - Sputnik. Մի քանի տասնյակ քաղաքացիներ Մաշտոցի պողոտայում փողոց են փակել ՀՀ վարչապետ Նիկոլ Փաշինյանի հրաժարականի պահանջով։ Ոստիկանները սկսել են նրանց բերման ենթարկել։

Քաղաքացիներից մի քանիսը բարձրացել էին փակված փողոցի պատճառով կանգնած տրոլեյբուսի վրա՝ «Նիկոլ, դավաճան» վանկարկելով։ Ոստիկանները բարձրացան տրոլեյբուսի վրա՝ բերման ենթարկելու տղաներին։

Նրանց իջեցնելուց հետո մարդկանց միջև սկսվեց հրմշտոց, որի ժամանակ տուժեցին նաև ԶԼՄ–ների ներկայացուցիչներ։ Նրանցից մի քանիսին ոստիկանները փորձում էին անգամ բերման ենթարկել։ Ոստիկանության գնդապետ Արթուր Խուդինյանը միջադեպը մեկնաբանեց՝ ասելով․

«Պահի տակ ա ստացվել»։

ՀՅԴ երիտմիության անդամ Քրիստինե Վարդանյանը լրագրողների հետ զրույցում ասաց, որ ակցիաները շարունակվելու են՝ ինչ էլ որ լինի։

«Որքան էլ մարդկանց բերման ենթարկեն ու շինծու գործեր կարեն, իշխանությունները պետք է համակերպվեն, որ իրենց հաշված ժամեր են մնացել։ Եթե նրանք այնպես, ինչպես պաշտպանում են իրենց աթոռը, պաշտպանեին մեր հայրենիքը, մենք այս իրավիճակը չէինք ունենա», - ասաց նա։

Տասնյակ քաղաքացիների բերման ենթարկելուց հետո ոստիկանությանը հաջողվեց Մաշտոցի պողոտան երթևեկելի դարձնել։ Դրանից հետո ակցիայի մասնակիցները սկսեցին քայլել Թումանյան փողոցով, այնուհետև շարժվեցին դեպի կառավարության շենք։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Այս գործով արդեն կան ձերբակալվածներ։

Հայաստանյան ընդդիմադիր կուսակցությունները նոյեմբերի 11–ին և հաջորդող օրերին Երևանում հանրահավաքներ և երթեր էին իրականացնում, որի թեման պատերազմի դադարեցման մասին որոշումն ու դրա հետ կապված հետագա անելիքներն էին։

Մինչ այդ 16 կուսակցությունների խորհուրդը պահանջել էր վարչապետ Նիկոլ Փաշինյանի և կառավարության հրաժարականը:

Փաշինյանի հրաժարականի պահանջով բողոքի ակցիաները Երևանում չեն դադարում առ այսօր։

121
թեգերը:
Հրաժարական, Նիկոլ Փաշինյան, Բողոքի ակցիա, Ոստիկանություն