Հաքերներ

Հայ հաքերները կոտրել են վարձկանների փոխադրմանն առնչվող ադրբեջանական ընկերության սերվերները

366
(Թարմացված է 20:22 15.11.2020)
Բազմակողմանի տեղեկատվության ինստիտուտի տնօրեն Արթուր Պապյանի տեղեկություններով, Ադրբեջանին հասցվել է միլիոնավոր դոլարների վնաս:

ԵՐԵՎԱՆ, 15 նոյեմբերի – Sputnik. Մոնթե Մելքոնյան կիբեր բանակը կոտրել է վարձկանների օդային փոխադրումների հետ առնչություն ունեցող ադրբեջանական ընկերության համակարգչային ցանցը։ Այս մասին Facebook-ում հայտնում է Բազմակողմանի տեղեկատվության ինստիտուտի տնօրեն Արթուր Պապյանը։ 

Ըստ նրա` խոսքն ադրբեջանական ամենամեծ գյուղատնտեսական ընկերության՝ «AgroDairy»-ի մասին է, որը համագործակցել է ադրբեջանական «Silk Airways» բեռնափոխադրող ավիաընկերության հետ։

Հիշեցնենք, որ ըստ տարբեր աղբյուրներում առկա տեղեկությունների, հենց այս ավիաընկերության ինքնաթիռներով էր պատերազմի ընթացքում իրականացվում վարձկանների խմբերի տեղափոխումը Թուրքիայից Ադրբեջան։

Թե կոնկրետ ինչ տեղեկություններ է հայ կիբեր բանակին հաջողվել ձեռք բերել, չի հայտարարվում։ Սակայն նշվում է, որ ոչնչացվել են «AgroDairy»-ի ցանցի բոլոր կարևոր տեղեկությունները, այդ թվում`ամենակարևոր կորպորատիվ ծառայությունները, ձեռք է բերվել մեծ քանակությամբ կոնֆիդենցիալ ինֆորմացիա, աշխատակիցների անձնական տվյալներ։

Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

Ընկերությանը պատկանող համակարգիչներից ու սերվերներից գաղտնագրվել ու ջնջվել են նաև գյուղատնտեսական ավտոմատացման համակարգերը, ցանցային ծառայությունները։

Ընդհանուր առմամբ, Արթուր Պապյանի տեղեկություններով, Ադրբեջանին հասցվել է միլիոնավոր դոլարների վնաս:

366
թեգերը:
հայ-ադրբեջանական, Ադրբեջան, վարձկաններ, հաքեր
Ըստ թեմայի
Արցախում խաղաղ բնակչության հանդեպ հանցագործությունների լրացուցիչ փաստեր են արձանագրվել
ՌԴ ԱԻՆ ավիացիայի հատուկ ինքնաթիռը ժամանել է Հայաստան. տեսանյութ
Իսրայելական և թուրքական ԱԹՍ–ները նույնը չեն. ՊՆ–ն մեկնաբանել է Տոնոյանի մասին տեսանյութը
Բողոքի ակցիա Երևանում

Նիկոլ Փաշինյանը մինչև դեկտեմբերի 8-ը ժամանակ ունի. Սաղաթելյան

139
(Թարմացված է 18:46 05.12.2020)
Իշխան Սաղաթելյանը խոստացավ, որ հրաժարականի դեպքում ժողովուրդը ֆիզիկական հաշվեհարդար չի տեսնի։

ԵՐԵՎԱՆ, 5 դեկտեմբերի – Sputnik. ՀՅԴ Հայաստանի ԳՄ ներկայացուցիչ Իշխան Սաղաթելյանը կառավարական առանձնատների մոտ հայտարարեց, որ ՀՀ վարչապետ Նիկոլ Փաշինյանը մինչև դեկտեմբերի 8–ը ժամանակ ունի հրաժարական տալու համար։

«Մինչև երեքշաբթի օրը՝ ժամը 12-ը, ժամանակ ենք տալիս, որ Նիկոլ Փաշինյանն իր քաղաքական թիմի, իր խորհրդատուների հետ վերջնական քննարկի և որոշում ընդունի, հրաժարական տա և հեռանա»,– ասաց նա։

Սաղաթելյանը խոստացավ` հրաժարականի դեպքում ժողովուրդը ֆիզիկական հաշվեհարդար չի տեսնի:

Նրա խոսքով` եթե Փաշինյանը մինչև երեքշաբթի չհեռանա, ամբողջ Հայաստանում անհնազանդության ակցիաներ են անելու։

Հիշեցնենք` ընդդիմադիր կուսակցություններն այսօր համապետական հանրահավաք էին կազմակերպել Երևանում` Ազատության հրապարակում։ 

Հայրենիքի փրկության շարժման հրավիրած հանրահավաքում ելույթներով հանդես եկան ՀՅԴ անդամ Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ական Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, «Հայրենիք» կուսակցության ղեկավար Արթուր Վանեցյանը։

Ապա հանրահավաքի մասնակիցները երթով շարժվեցին դեպի կառավարական առանձնատներ, որտեղ նրանց դիմավորեցին ոստիկանները։

139
թեգերը:
Իշխան Սաղաթելյան, Նիկոլ Փաշինյան, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանի հրաժարականն ու նրա թիմի հեռացումն այլընտրանք չունի. Գագիկ Ծառուկյան
«Փաշինյանը պետք է գնա, ցանկացած բանական մարդ պահանջում է նրա հրաժարականը». Քոչարյան
«Հայաստանի վարչապետի աթոռին պինդ փաթաթված մարմինը պարզապես քաղաքական դիակ է». Վանեցյան
Մենք երբեք չենք հաշտվի այդ փաստաթղթի հետ. Վազգեն Մանուկյան
Իշխան Սաղաթելյան

Նախարարների թեկնածուները պետք է լինեն հմուտ կառավարիչներ. Իշխան Սաղաթելյանն անուններ չտվեց

24
(Թարմացված է 18:32 05.12.2020)
Երթի մասնակիցներին Երևանի Պռոշյան փողոցում՝ կառավարական առանձնատների մուտքի մոտ, դիմավորեց ոստիկանությունը

ԵՐԵՎԱՆ, 5 դեկտեմբերի - Sputnik. Հայրենիքի փրկության շարժման՝ «Հանո՛ւն Արցախի ու Հայաստանի փրկության» հանրահավաքին հաջորդած երթի մասնակիցներին Երևանի Պռոշյան փողոցում՝ կառավարական առանձնատների մուտքի մոտ դիմավորեց ոստիկանությունը:

Ոստիկանական ուժերը հզոր պատ են կազմել ՀՀ վարչապետի ու իշխանության այլ ներկայացուցիչների առանձնատներ տանող ճանապարհին:

Երթի ընթացքում ՀՅԴ ԳՄ ներկայացուցիչ Իշխան Սաղաթելյանը լրագրողների հետ զրույցում չցանկացավ բացահայտել միասնական կառավարության հնարավոր անդամների անունները:

«Որևէ քննարկում չենք ունեցել: Ունեցել ենք կարևոր սկզբունք, որ թեկնածուները պետք է լինեն հմուտ կառավարիչներ, նորմալ անցյալ ունեցող մարդիկ, հասարակության կողմից ընդունելի»,- ասաց Սաղաթելյանը՝ հավելելով, որ նման մարդիկ իրենց շարքերում ոչ թե մեկ-երկուսն են, այլ բազմաթիվ:

Անուններ հնչեցնելու խնդրանքին ի պատասխան Սաղաթելյանը շեշտեց, որ չի կարող ասել, քանի որ ոչ մի քննարկում դեռ չի եղել:

Հնարավոր ընտրությունների ժամկետ ու մասնակցության հնարավոր ֆորմատներ ևս Սաղաթելյանը չբացահայտեց՝ նշելով, որ այսօր շատ ավելի հրատապ լուծելու հարցեր կան:

«Օրինակ՝ Լաչինի հարցը: Գիտեք, հենց հիմա Սյունիքում խնդիր է դրված, որ Կուբաթլիի և Զանգելանի դիրքերը հանձնեն: Չկա պետություն»,- ասաց նա:

ՀՅԴ անունից Սաղաթելյանը հայտարարեց, որ երբեք չեն համակերպվելու Շուշիի ու Հադրութի կորստի հետ: Դա չի նշանակում, որ վաղը գնալու են նոր պատերազմի, բայց ճիշտ ժամանակին հետ են բերելու, վստահեցրեց նա:

Հիշեցնենք, որ Ազատության հրապարակում Հայրենիքի փրկության շարժման հրավիրված հանրահավաքում ելույթներով հանդես են եկել ՀՅԴ-ից Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ից Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, վարչապետի միասնական թեկնածու Վազգեն Մանուկյանը, «Հայրենիք» կուսակցության ղեկավար Արթուր Վանեցյանը։ Նրանք պահանջում են վարչապետ Նիկոլ Փաշինյանի հրաժարականը։

Իսկ վարչապետի միասնական թեկնածու Վազգեն Մանուկյանը ներկայացրեց ժամանակավոր կառավարության ծրագրային այն դրույթները, որոնք անհետաձգելի լուծում են պահանջում:

24
թեգերը:
Նիկոլ Փաշինյան, Իշխան Սաղաթելյան, երթ, հանրահավաք
Ըստ թեմայի
«Փաշինյանը պետք է գնա, ցանկացած բանական մարդ պահանջում է նրա հրաժարականը». Քոչարյան
«Հայաստանի վարչապետի աթոռին պինդ փաթաթված մարմինը պարզապես քաղաքական դիակ է». Վանեցյան
Հանրահավաքի մասնակիցները երթով շարժվում են դեպի կառավարական ամառանոց
Սեյսմոգրաֆ

Թուրքիայում երկրաշարժ է գրանցվել

0
(Թարմացված է 18:26 05.12.2020)
Ստորգետնյա ցնցման էպիկենտրոնը գտնվել է Միջերկրական ծովում՝ Անթալիայի Գազիպաշա քաղաքի շրջանում։

ԵՐԵՎԱՆ, 5 դեկտեմբերի – Sputnik. Թուրքիայում 5,2 մագնիտուդով երկրաշարժ է տեղի ունեցել։ Տեղեկությունը հայտնում է ՌԻԱ Նովոստին՝ վկայակոչելով Թուրքիայի արտակարգ իրավիճակների և բնական աղետների վարչությանը:

Նշվում է, որ էպիկենտրոնը գտնվել է Միջերկրական ծովում՝ Անթալիայի նահանգի Գազիպաշա քաղաքի շրջանում։

Նախնական տվյալներով՝ տուժածներ և ավերածություններ չկան։

Հիշեցնենք, որ հոկտեմբերի 30-ին Թուրքիայի արևմուտքում 6,6 մագնիտուդով երկրաշարժ էր տեղի ունեցել, որը զգացվել էր նաև հունական կղզիներում։

Թե ինչ եղավ հետո, երբ ապստամբ զինվորականները փորձեցին Թուրքիայում հեղաշրջում անել

0
թեգերը:
Երկրաշարժ, Թուրքիա
Ըստ թեմայի
Վրաստան-Հայաստան սահմանային գոտում երկրաշարժ է գրանցվել
Սոթք գյուղի մոտակայքում երկրաշարժ է գրանցվել
Երկրաշարժ` Վրաստանում. այն զգացվել է նաև Լոռու մարզում