ՀՀ վարչապետ նիկոլ Փաշինյանն ու ՌԴ նախագահ Վլադիմիր Պուտինը

Ղարաբաղի հարցում Ռուսաստանի դիրքորոշումը վերջին չորս ու կես տարում չի փոխվել. Փաշինյան

482
(Թարմացված է 23:21 13.11.2020)
ՀՀ վարչապետը նշեց, որ Հայաստանի և Ռուսաստանի իշխանությունների միջև կան և եղել են նորմալ հարաբերություններ։

ԵՐԵՎԱՆ, 13 նոյեմբերի - Sputnik. Ղարաբաղի հարցում ՌԴ–ի ունեցած դիրքորոշումը վերջին չորս ու կես տարվա ընթացքում ոչ մի փոփոխություն, վստահաբար, չի կրել։ Այս մասին Հանրային հեռուստաընկերության եթերում հայտարարեց ՀՀ վարչապետ Նիկոլ Փաշինյանը։

«Այսօր ՌԴ դիրքորոշումն այնպիսին է, ինչպիսին չորս ու կես տարի առաջ էր։ Այսօրվա իրողություններում թերևս կան նաև այդ պատկերացումներին համապատասխանող իրողություններ, մասնավորապես, ռուս խաղաղապահների ներկայությունը։ Մենք չենք խոսում ՀՀ-ի և ՌԴ-ի միջև հարաբերությունների մասին, մենք խոսում ենք Ղարաբաղի հարցում Ռուսաստանի ունեցած դիրքորոշումների մասին»,- նշեց Փաշինյանը։

Նա նշեց, որ Հայաստանի և Ռուսաստանի իշխանությունների միջև կան և եղել են նորմալ հարաբերություններ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

«Մենք կարող ենք այդ թուղթը պատռել և գցել մի կողմ, բայց...». Նիկոլ Փաշինյան

482
թեգերը:
Ռուսաստան, Լեռնային Ղարաբաղ, Նիկոլ Փաշինյան
Ըստ թեմայի
Շուշիից առաջ պատերազմը կանգնեցնելու բոլոր սցենարներում այն պետք է հանձնվեր առանց մարտի
Պետք է ունենանք նոր տիպի բանակ. Փաշինյանն ուզում է մեծացնել կանանց ներգրավվածությունը
Սա մեր բեռն է, մենք պետք է այն ազգովի կրենք. Փաշինյան
Премьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад

Բանակցային գործընթացի վերսկսման ուղղությամբ որոշակի տեղաշարժ կա. Փաշինյան

19
ՀՀ վարչապետ Նիկոլ Փաշինյանի խոսքով` զինվորների ծառայությունն առավել անվտանգ կդառնա։

ԵՐԵՎԱՆ, 5 դեկտեմբերի – Sputnik. ԼՂ բանակցային գործընթացի վերսկսման ուղղությամբ որոշակի տեղաշարժ կա: Այսօր իր տեսաուղերձում հայտնեց ՀՀ վարչապետ Նիկոլ Փաշինյանը՝ հիշեցնելով, որ ԵԱՀԿ ՄԽ համանախագահ երկրները հանդես են եկել հայտարարությամբ՝ դրանում կարևոր շեշտադրումներ անելով:

«Վերահաստատվել է ղարաբաղյան հարցի կարգավորման շուրջ համատեղ աշխատելու և լիարժեք բանակցային գործընթացը վերականգնելու ցանկությունը: Սա ևս մի կարևոր գործոն է նոյեմբերի 9-ի հայտարարության մեջ արձանագրված հրադադարն ամրապնդելու համար»,- ասաց Փաշինյանը;

Նրա խոսքով` այս կերպ նաև զինվորների ծառայությունն առավել անվտանգ կդառնա: Փաշինյանն ընդգծեց, որ ներկայում սահմանային լարում չկա: Իսկ իշխանությունն այս պահին առավելապես զբաղված է զինվորների կեցության պայմանների ապահովմամբ:

«Իհարկե, ծանր հարցեր կան, ծանր իրավիճակներ կան, բայց գլոբալ հարցը հետևյալն է՝ ի՞նչ ենք մենք պատրաստվում անել, պատրաստվո՞ւմ ենք արդյոք հանձնվել, կքել այդ ծանրության ներքո: Ո՛չ, չենք պատրաստվում ու պատրաստվում ենք այդ ծանրությունը կրել արժանապատիվ և հաղթահարելի ծանրությունը հաղթահարել»,- ասաց նա՝ մեկնաբանելով, որ կորուստների ծանրությունն անհաղթահարելի է: Դրանք մեր սրտերում կրելով` պետք է ավելի ուժեղացնենք ապրելու, հաղթահարելու ու հաղթելու մեր կամքը»,– ասաց Վ:

19
Սոթք–Քարվաճառ

Խուճապի մեջ պետք չէ ընկնել. Փաշինյանը` սահմանին ընթացող գործընթացների մասին

16
(Թարմացված է 12:06 05.12.2020)
Վարչապետը շեշտեց, որ շփման նոր գիծը պետք է դառնա սահման և ոչ թե ռազմաճակատի գիծ:

ԵՐԵՎԱՆ, 5 դեկտեմբերի – Sputnik. ՀՀ վարչապետ Նիկոլ Փաշինյանն այսօր իր տեսաուղերձում անդրադարձավ Հայաստանի սահմաններին տեղի ունեցող գործընթացներին:

«Մեր զինված ուժերը տեղաբաշխվում են ՀՀ սահմանի երկայնքով: Խոսքը տվյալ դեպքում Հայաստանի մասին է: Արցախի պարագան առանձին խնդիր է: Մեր սահմանին տեղի ունեցող այդ պրոցեսներն իհարկե մարդկանց ընկալումներում լուրջ խնդիրներ են առաջացում: Տարբեր գործնական խնդիրներ ևս կան, բայց այդ խնդիրներն անլուծելի չեն, և դրանց լուծման վրա մենք աշխատում ենք»,- ասաց Փաշինյանը՝ կոչ անելով այդ առիթով խուճապային տրամադրությունների մեջ չընկնել:

Վարչապետը շեշտեց, որ շփման նոր գիծը պետք է դառնա սահման և ոչ թե ռազմաճակատի գիծ:

Հիշեցնենք` ՀՀ արտաքին գործերի նախարարությունը նոյեմբերի 27-ին հայտարարել էր, որ մարտական հերթապահության իրականացման նպատակով նոյեմբերի 27-ին Հայաստանի և Ադրբեջանի զինված ուժերի միջև տեղի է ունեցել ժամանակավոր մարտական հենակետերի փաստացի տեղակայման կետերի հստակեցում: Պետական սահմանի սահմանագծումը և սահմանազատումը տևական, համալիր գործընթացներն են, որոնք իրականացվում են պետությունների միջև ձևավորվող համատեղ միջգերատեսչական հանձնաժողովների և աշխատանքային խմբերի կողմից։

Պետական սահմանի սահմանագծումը և սահմանազատումն ընթանում է միջպետական բանակցությունների ճանապարհով, որի արդյունքում կնքվում է համապատասխան միջազգային փաստաթուղթ:

16