Խաղաղապահ

Ռուս խաղաղապահների երկրորդ գումարտակը մեկնել է Գորիս

196
(Թարմացված է 22:36 12.11.2020)
Մեկ օրվա մեջ Ռուսաստանի ռազմատրանսպորտային ավիացիայի ինքնաթիռներն ավելի քան 20 չվերթ են իրականացրել` բերելով ավելի քան 370 խաղաղապահ ու ավելի քան 50 միավոր տեխնիկա՝ Ղարաբաղում խաղաղապահ գործողություն իրականացնելու համար։

ԵՐԵՎԱՆ, 12 նոյեմբերի — Sputnik. Հայաստան ժամանած ռուս խաղաղապահները գնում են Գորիս։ Տեղեկությունն այսօր լրագրողների հետ զրույցում հայտնել է ՌԴ պաշտպանության նախարարության ներկայացուցիչ, գեներալ-մայոր Իգոր Կոնաշենկովը։

«Խաղաղապահ զորամիավորման երկրորդ գումարտակը, որը այսօր է ժամանել, Էրեբունի օդանավակայանում բեռնաթափումից հետո, երեք կիլոմետրանոց շարասյունով գնում են դեպի Գորիսի բնակավայրի մոտ գտնվող կենտրոնացման շրջան», - ասել է վա:

Կոնաշենկովի խոսքով՝ խաղաղապահական առաքելության իրականացման, հնարավոր միջադեպերի կանխարգելման ու ռուս զինծառայողների անվտանգությունն ապահովելու համար ուղիղ կապ կլինի Ադրբեջանի ու Հայաստանի զինված ուժերի գլխավոր շտաբների հետ։

Նա հայտնել է, որ մեկ օրվա մեջ Ռուսաստանի ռազմատրանսպորտային ավիացիայի Իլ-76, Ան-124  ինքնաթիռներն ավելի քան 20 չվերթ են իրականացրել։ Բերվել է ավելի քան 372 զինծառայող ու ավելի քան 53 միավոր մեքենա ու հատուկ տեխնիկա։

Ընդհանուր առմամբ արդեն 56 չվերթ է իրականացվել, 817 զինծառայող ու 119 միավոր սպառազինություն ու ռազմական տեխնիկա է տեղափոխվել Հայաստան, նաև Ռուսաստանի ՌՕՈւ բանակային ավիացիայի ութ Մի-8 и Մի-24 ուղղաթիռ։

ԱԳՆ–ն` խոցված Մի-24-ի մասին. ՌԴ–ն սպասում է Ալիևի հավաստիացումների շուտափույթ իրագործմանը

Գեներալն ընդգծել է, որ ինժեներական կազմն ուղղաթիռները արդեն պատրաստել է շահագործման։

«Բանակային ավիացիայի անձնակազմները մարզական չվերթեր են իրականացրել ու պատրաստ են խնդիրներ կատարելու»,- ընդգծել է Կոնաշենկովը։

196
թեգերը:
Արցախ, խաղաղապահ, Գորիս, Ռուսաստան, ռուս
թեմա:
Խաղաղապահներն Արցախում (62)
Ըստ թեմայի
Խաղաղապահների գործողություններում Թուրքիայի դերակատարությունը պետք է բացառվի. Մնացականյան
Թանկյանն ու SOAD-ը 600 հազար դոլար են հավաքել Արցախի համար
Տիգրանակերտը կմնա՞ Արցախի կազմում. Կովկասի զարդի ճակատագիրն անորոշ է
Նիկոլ Փաշինյան

«Տեքստում ո՛չ «Մեղրի» բառը կա, ո՛չ էլ «միջանցք»». ո՞ր համատեքստում է պետք դիտարկել հարցը

10
(Թարմացված է 12:26 05.12.2020)
Ըստ Փաշինյանի` եթե ապագայի մասին պետք է մտածենք, ուրեմն պիտի մտածենք տնտեսական կյանքում նոր գործոնների ի հայտ գալու մասին։

ԵՐԵՎԱՆ, 5 դեկտեմբերի – Sputnik. ՀՀ վարչապետ Նիկոլ Փաշինյանն իր այսօրվա տեսաուղերձում անդրադարձավ «Մեղրիի միջանցքի» թեմային, որը վերջին շրջանում լայն քննարկման թեմա է դարձել։

«Ուզում եմ ձեր ուշադրությունը հրավիրել այն բանի վրա, որ նոյեմբերի 9-ին ստորագրված հայտարարության տեքստում ո՛չ «Մեղրի» բառը կա, ո՛չ էլ «միջանցք»: Կա այլ բան՝ տրանսպորտային ենթակառուցվածքների ապաշրջափակում: Եթե ապագայի մասին պետք է մտածենք, ուրեմն պիտի մտածենք տնտեսական կյանքում նոր գործոնների ի հայտ գալու մասին: Արդյո՞ք մեր տնտեսության մեջ էական բան կփոխի Հայաստան-Ռուսաստան և Հայաստան- Իրան երկաթուղային կապի վերականգնումը: Կարծում եմ` այո: Եթե այս համատեքստում ենք դիտարկում հարցը, պատկերն այլ կերպ է երևում»,- ասաց Փաշինյանը:

Բայց, մինչ այդ, նրա խոսքով, ներկա պահին ավելի հրատապ հարցեր են լուծվում:

Պարտությունը 3 միլիոն «բաժնետեր» ունի. Մեղրիի համայնքապետը` պատերազմի հետևանքների մասին

Փաշինյանը նշեց, որ արցախցիներին ՀՀ կառավարության որոշմամբ տրամադրվում են դրամական օգնություններ, ֆինանսական աջակցություն է տրամադրվում նաև հյուրընկալ ընտանիքներին, վիրավորներին: Կառավարությունը միջոցներ է հատկացրել նաև Սյունիքի ու Գեղարքունիքի՝ պատերազմական գործողություններից տուժած տների վերականգնման համար:

Առաջիկայում նախատեսվում է փոխհատուցել նաև պատերազմին մասնակցած ուսանողների կամ մասնակիցների ուսանող զավակների ուսման վարձերը: Հաշվառվում են նաև շարժական գույքի կորուստներն ու վնասները՝ դրանց փոխհատուցման հարցը ևս լուծելու համար:

Փաշինյանը նշեց, որ Արցախի կառավարության հետ աշխատանքներ են տանում նաև Արցախում տուժած տների վերականգնման ու արցախցիներին բնակարաններով ապահովելու ուղղությամբ:

Հիշեցնենք` ըստ նոյեմբերի 9-ին ստորագրված եռակողմ հայտարարության՝ Հայաստանը պետք է երաշխավորի տրանսպորտային հաղորդակցության անվտանգությունը Ադրբեջանի արևմտյան շրջանների և Նախիջևանի միջև՝ երկու ուղղություններով քաղաքացիների, տրանսպորտային միջոցների և բեռների անարգել երթևեկությունը կազմակերպելու նպատակով: Այդ դեպքում խոսքը վերաբերում է Մեղրիով տեղաշարժվելու մասին, սակայն թե կոնկրետ որ ճանապարհով, առայժմ հայտնի չէ։

Մեզ երաշխիքներ են պետք. Ադրբեջան - Նախիջևան ճանապարհը մեղրեցիների մոտ հարցեր է առաջացրել

10
թեգերը:
Մեղրի, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Նիկոլ Փաշինյանը խոսեց գերիների ու անհետ կորածների մասին
Ինչու մինչև հիմա պետական մակարդակով սգո օր չի հայտարարվել. Փաշինյանի պատասխանը
Խուճապի մեջ պետք չէ ընկնել. Փաշինյանը` սահմանին ընթացող գործընթացների մասին
Բանակցային գործընթացի վերսկսման ուղղությամբ որոշակի տեղաշարժ կա. Փաշինյան
Премьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад

Բանակցային գործընթացի վերսկսման ուղղությամբ որոշակի տեղաշարժ կա. Փաշինյան

45
ՀՀ վարչապետ Նիկոլ Փաշինյանի խոսքով` զինվորների ծառայությունն առավել անվտանգ կդառնա։

ԵՐԵՎԱՆ, 5 դեկտեմբերի – Sputnik. ԼՂ բանակցային գործընթացի վերսկսման ուղղությամբ որոշակի տեղաշարժ կա: Այսօր իր տեսաուղերձում հայտնեց ՀՀ վարչապետ Նիկոլ Փաշինյանը՝ հիշեցնելով, որ ԵԱՀԿ ՄԽ համանախագահ երկրները հանդես են եկել հայտարարությամբ՝ դրանում կարևոր շեշտադրումներ անելով:

«Վերահաստատվել է ղարաբաղյան հարցի կարգավորման շուրջ համատեղ աշխատելու և լիարժեք բանակցային գործընթացը վերականգնելու ցանկությունը: Սա ևս մի կարևոր գործոն է նոյեմբերի 9-ի հայտարարության մեջ արձանագրված հրադադարն ամրապնդելու համար»,- ասաց Փաշինյանը;

Նրա խոսքով` այս կերպ նաև զինվորների ծառայությունն առավել անվտանգ կդառնա: Փաշինյանն ընդգծեց, որ ներկայում սահմանային լարում չկա: Իսկ իշխանությունն այս պահին առավելապես զբաղված է զինվորների կեցության պայմանների ապահովմամբ:

«Իհարկե, ծանր հարցեր կան, ծանր իրավիճակներ կան, բայց գլոբալ հարցը հետևյալն է՝ ի՞նչ ենք մենք պատրաստվում անել, պատրաստվո՞ւմ ենք արդյոք հանձնվել, կքել այդ ծանրության ներքո: Ո՛չ, չենք պատրաստվում ու պատրաստվում ենք այդ ծանրությունը կրել արժանապատիվ և հաղթահարելի ծանրությունը հաղթահարել»,- ասաց նա՝ մեկնաբանելով, որ կորուստների ծանրությունն անհաղթահարելի է: Դրանք մեր սրտերում կրելով` պետք է ավելի ուժեղացնենք ապրելու, հաղթահարելու ու հաղթելու մեր կամքը»,– ասաց Վ:

45