Սերգեյ Լավրով

Հայկական ընդդիմությունը փորձում է շահարկել Ղարաբաղի շուրջ պայմանավորվածությունները. Լավրով

499
(Թարմացված է 15:01 12.11.2020)
ՌԴ արտգործնախարար Սերգեյ Լավրովը մեկնաբանել է Արցախի շուրջ պայմանավորվածությունները։

ԵՐԵՎԱՆ, 12 նոյեմբերի – Sputnik. Հայաստանի ընդդիմությունը փորձում է շահարկել Ղարաբաղի վերաբերյալ պայմանավորվածությունները։ Այսպիսի հայտարարություն է Ռուսաստանի արտգործնախարար Սերգեյ Լավրովը հինգշաբթի օրը ռուսական և արտասահմանյան ԶԼՄ-ներին տված հարցազրույցում։

«Մենք տեսնում ենք բողոքի ցույցերը, որոնք հիմա բարձրացել են Երևանում, մենք տեսնում ենք, թե որքանով է ընդդիմությունը փորձում շահարկել այդ իրավիճակը»,-նշել է նախարարը։

Դրա հետ մեկտեղ, Լավրովի խոսքով, ցուցարարների շրջանում «անկասկած կան անկեղծ մարդիկ, որոնց համար, հավանաբար, ցավալի է, որ ամեն ինչ այս փուլում այսպես է ավարտվում»:

Ռուսաստանի արտաքին քաղաքական գերատեսչության ղեկավարը հայտարարել է, որ Մոսկվայում Ղարաբաղի հարցով Ռուսաստանի, Հայաստանի և Ադրբեջանի միջև կնքված եռակողմ հայտարարության ձախողման նշաններ չեն տեսնում:

«Ես համոզված եմ, որ եթե մենք կատարենք այն ամենը, ինչի մասին պայմանավորվել ենք, իսկ ես դեռ նշաններ չեմ տեսնում, որ որևէ մեկը փորձում է ձախողել այդ համաձայնությունները։ Կշահեն բոլորը»,-ասել է Լավրովը։

Նա նշել է, որ հայկական կողմի հետ շփումները շարունակվում են։ ՌԴ արտգործնախարարի խոսքով՝ այսօր` նոյեմբերի 11–ին, Ռուսաստանի նախագահ Վլադիմիր Պուտինը շփվել է Հայաստանի վարչապետ Նիկոլ Փաշինյանի հետ, իսկ ինքը՝ Լավրովը, այսօր առավոտյան խոսել է Հայաստանի արտգործնախարարի հետ։

«Ես համոզված եմ, որ Հայաստանի կառավարությունը հասկանում է իր պատասխանատվության ողջ չափը, հասկանում է, որ ստորագրել է այդ պայմանավորվածությունների տակ՝ ելնելով իր ժողովրդի բարձրագույն շահերից»,-կարծում է նախարարը։

Ռուսաստանի արտգործնախարարը վստահ է, որ «համաձայնության ամբողջականությունը կպահպանվի, և այն կկատարվի»։

«Համենայն դեպս, ես Հայաստանում բազմաթիվ քաղաքական ուժեր եմ տեսնում, որոնք հասկանում են տեղի ունեցածը և դրանից ճիշտ հետևություններ են անում»,-ասել է Լավրովը։

Մեկնաբանելով պայմանավորվածությունները, ՌԴ արտգործնախարարը նշել է, որ եթե Ղարաբաղի շուրջ հնարավոր լիներ ավելի շուտ պայմանավորվել դիվանագիտական ճանապարհով, հինգ շրջանները միևնույնն է` կանցնեին Ադրբեջանին, բայց խաղաղ ճանապարհով:

«Մենք կգերադասեինք, որ ամբողջ հակամարտությունը կարգավորվեր շատ վաղուց՝ ԵԱՀԿ Մինսկի խմբի համանախագահների մշակած սկզբունքների հիման վրա, որոնց մասին, ի դեպ, վերջին ժամանակներում հաճախ էր խոսում Ադրբեջանի նախագահը և ընդգծում իր պատրաստակամությունը՝ այդ սկզբունքների հիման վրա կատարել այն ամենը, ինչ առաջարկում էին համանախագահները»,-ասել է նա։

Նախարարն ավելացրել է, որ «եթե մենք գնայինք այդ ճանապարհով, արդյունքը, հավանական է, գործնականում նույնը կլիներ, այն հարցում, որը վերաբերում է հինգ շրջանների, այնուհետև ևս երկուսի ազատմանը, բայց, նախևառաջ, դա կլիներ առանց արյունահեղության, և երկրորդ՝ կապված կլիներ վերջնական քաղաքական կարգավորման հետ»։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Ավելի քան 20 հազար զինվոր կմնար օղակված վիճակում. Փաշինյանը` տխրահռչակ փաստաթղթի մասին

499
թեգերը:
Արցախ, ընդդիմություն, Հայաստան, Սերգեյ Լավրով
թեմա:
Իրադրությունը Հայաստանում և Արցախում հայտարարության ստորագրումից հետո (634)
Ըստ թեմայի
Լավրովն ու Բայրամովը հեռախոսազրույց են ունեցել. Բաքուն նորից ներողություն է խնդրել
Լավրովն ասել է` ինչն է հիմք դարձել Ղարաբաղի վերաբերյալ հայտարարության համար
Լեռնային Ղարաբաղում ոչ մի թուրք խաղաղապահ չի լինի․ Լավրով
Նիկոլ Փաշինյան

«Տեքստում ո՛չ «Մեղրի» բառը կա, ո՛չ էլ «միջանցք»». ո՞ր համատեքստում է պետք դիտարկել հարցը

7
(Թարմացված է 12:26 05.12.2020)
Ըստ Փաշինյանի` եթե ապագայի մասին պետք է մտածենք, ուրեմն պիտի մտածենք տնտեսական կյանքում նոր գործոնների ի հայտ գալու մասին։

ԵՐԵՎԱՆ, 5 դեկտեմբերի – Sputnik. ՀՀ վարչապետ Նիկոլ Փաշինյանն իր այսօրվա տեսաուղերձում անդրադարձավ «Մեղրիի միջանցքի» թեմային, որը վերջին շրջանում լայն քննարկման թեմա է դարձել։

«Ուզում եմ ձեր ուշադրությունը հրավիրել այն բանի վրա, որ նոյեմբերի 9-ին ստորագրված հայտարարության տեքստում ո՛չ «Մեղրի» բառը կա, ո՛չ էլ «միջանցք»: Կա այլ բան՝ տրանսպորտային ենթակառուցվածքների ապաշրջափակում: Եթե ապագայի մասին պետք է մտածենք, ուրեմն պիտի մտածենք տնտեսական կյանքում նոր գործոնների ի հայտ գալու մասին: Արդյո՞ք մեր տնտեսության մեջ էական բան կփոխի Հայաստան-Ռուսաստան և Հայաստան- Իրան երկաթուղային կապի վերականգնումը: Կարծում եմ` այո: Եթե այս համատեքստում ենք դիտարկում հարցը, պատկերն այլ կերպ է երևում»,- ասաց Փաշինյանը:

Բայց, մինչ այդ, նրա խոսքով, ներկա պահին ավելի հրատապ հարցեր են լուծվում:

Պարտությունը 3 միլիոն «բաժնետեր» ունի. Մեղրիի համայնքապետը` պատերազմի հետևանքների մասին

Փաշինյանը նշեց, որ արցախցիներին ՀՀ կառավարության որոշմամբ տրամադրվում են դրամական օգնություններ, ֆինանսական աջակցություն է տրամադրվում նաև հյուրընկալ ընտանիքներին, վիրավորներին: Կառավարությունը միջոցներ է հատկացրել նաև Սյունիքի ու Գեղարքունիքի՝ պատերազմական գործողություններից տուժած տների վերականգնման համար:

Առաջիկայում նախատեսվում է փոխհատուցել նաև պատերազմին մասնակցած ուսանողների կամ մասնակիցների ուսանող զավակների ուսման վարձերը: Հաշվառվում են նաև շարժական գույքի կորուստներն ու վնասները՝ դրանց փոխհատուցման հարցը ևս լուծելու համար:

Փաշինյանը նշեց, որ Արցախի կառավարության հետ աշխատանքներ են տանում նաև Արցախում տուժած տների վերականգնման ու արցախցիներին բնակարաններով ապահովելու ուղղությամբ:

Հիշեցնենք` ըստ նոյեմբերի 9-ին ստորագրված եռակողմ հայտարարության՝ Հայաստանը պետք է երաշխավորի տրանսպորտային հաղորդակցության անվտանգությունը Ադրբեջանի արևմտյան շրջանների և Նախիջևանի միջև՝ երկու ուղղություններով քաղաքացիների, տրանսպորտային միջոցների և բեռների անարգել երթևեկությունը կազմակերպելու նպատակով: Այդ դեպքում խոսքը վերաբերում է Մեղրիով տեղաշարժվելու մասին, սակայն թե կոնկրետ որ ճանապարհով, առայժմ հայտնի չէ։

Մեզ երաշխիքներ են պետք. Ադրբեջան - Նախիջևան ճանապարհը մեղրեցիների մոտ հարցեր է առաջացրել

7
թեգերը:
Մեղրի, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Նիկոլ Փաշինյանը խոսեց գերիների ու անհետ կորածների մասին
Ինչու մինչև հիմա պետական մակարդակով սգո օր չի հայտարարվել. Փաշինյանի պատասխանը
Խուճապի մեջ պետք չէ ընկնել. Փաշինյանը` սահմանին ընթացող գործընթացների մասին
Բանակցային գործընթացի վերսկսման ուղղությամբ որոշակի տեղաշարժ կա. Փաշինյան
Премьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад

Բանակցային գործընթացի վերսկսման ուղղությամբ որոշակի տեղաշարժ կա. Փաշինյան

44
ՀՀ վարչապետ Նիկոլ Փաշինյանի խոսքով` զինվորների ծառայությունն առավել անվտանգ կդառնա։

ԵՐԵՎԱՆ, 5 դեկտեմբերի – Sputnik. ԼՂ բանակցային գործընթացի վերսկսման ուղղությամբ որոշակի տեղաշարժ կա: Այսօր իր տեսաուղերձում հայտնեց ՀՀ վարչապետ Նիկոլ Փաշինյանը՝ հիշեցնելով, որ ԵԱՀԿ ՄԽ համանախագահ երկրները հանդես են եկել հայտարարությամբ՝ դրանում կարևոր շեշտադրումներ անելով:

«Վերահաստատվել է ղարաբաղյան հարցի կարգավորման շուրջ համատեղ աշխատելու և լիարժեք բանակցային գործընթացը վերականգնելու ցանկությունը: Սա ևս մի կարևոր գործոն է նոյեմբերի 9-ի հայտարարության մեջ արձանագրված հրադադարն ամրապնդելու համար»,- ասաց Փաշինյանը;

Նրա խոսքով` այս կերպ նաև զինվորների ծառայությունն առավել անվտանգ կդառնա: Փաշինյանն ընդգծեց, որ ներկայում սահմանային լարում չկա: Իսկ իշխանությունն այս պահին առավելապես զբաղված է զինվորների կեցության պայմանների ապահովմամբ:

«Իհարկե, ծանր հարցեր կան, ծանր իրավիճակներ կան, բայց գլոբալ հարցը հետևյալն է՝ ի՞նչ ենք մենք պատրաստվում անել, պատրաստվո՞ւմ ենք արդյոք հանձնվել, կքել այդ ծանրության ներքո: Ո՛չ, չենք պատրաստվում ու պատրաստվում ենք այդ ծանրությունը կրել արժանապատիվ և հաղթահարելի ծանրությունը հաղթահարել»,- ասաց նա՝ մեկնաբանելով, որ կորուստների ծանրությունն անհաղթահարելի է: Դրանք մեր սրտերում կրելով` պետք է ավելի ուժեղացնենք ապրելու, հաղթահարելու ու հաղթելու մեր կամքը»,– ասաց Վ:

44