ԱԺ

«Իրենք չեն գալիս». խորհրդարանի արտահերթ նիստ գումարելու նախաձեռնությունը տապալվեց

208
(Թարմացված է 20:54 11.11.2020)
Աժ նիստ գումարելու համար ընդդիմությանը չի հաջողվել անհրաժեշտ քանակով ձայներ ապահովվել։

ԵՐԵՎԱՆ, 11 նոյեմբերի – Sputnik. ԱԺ արտահերթ նիստ գումարելու համար ԱԺ խորհրդի անդամների անհրաժեշտ թվով ձայներ չեն հավաքվել: Այս մասին խորհրդարանի շենքի դիմաց` Բաղրամյան պողոտայում տեղի ունեցող բողոքի ակցիան լուսաբանող լրագրողներին հայտնեց ԲՀԿ անդամ, պատգամավոր Գևորգ Պետրոսյանը:

«Խորհրդի կազմը համալրելու համար անհրաժեշտ էր ևս 4 պատգամավորի ներկայություն: Իրենք չեն գալիս»,- ասաց Պետրոսյանը՝ նկատի ունենալով ԱԺ իշխող մեծամասնությանը:

Նա նաև նշեց, որ ՀՀ-ում խորհրդարանական ճգնաժամ կա և «Իմ քայլի» պատգամավորները, լինելով մեծամասնություն, չարաշահելով իրենց կարգավիճակը, չեն ներկայանում: Հիմա մենք չենք կարողանում նիստ գումարել»,- ասաց Պետրոսյանը՝ պահանջելով իրենց իշխանական գործընկերներից գալ ԱԺ:

Հիշեցնենք՝ «Լուսավոր Հայաստան» խմբակցությունը նախաձեռնել է ստորագրահավաք՝ ԱԺ արտահերթ նիստ հրավիրելու առաջարկությամբ։

Քննարկվելու են ստեղծված իրավիճակն ու դրանից դուրս գալու ելքերը, ինչպես նաև Հայաստանի Հանրապետության վարչապետ Նիկոլ Փաշինյանի, Ադրբեջանի Հանրապետության նախագահ Իլհամ Ալիևի և Ռուսաստանի Դաշնության նախագահ Վլադիմիր Պուտինի կողմից 2020 թվականի նոյեմբերի 9-ին ստորագրված հայտարարության իրավաչափությունը։

ԱԺ կանոնակարգ օրենքի համաձայն՝ ԱԺ արտահերթ նիստ հրավիրելու համար հանհրաժեշտ է 33 պատգամավորի ստորագրություն, իսկ նիստը կայանալու համար՝ 67 պատգամավորի մասնակցություն։

Հայաստանյան 17 կուսակցություններ նոյեմբերի 11–ին, ժամը 13:00-ին Երևանի Ազատության հրապարակում հանրահավաք էին կազմակերպել, որի թեման պատերազմի դադարեցման մասին որոշումն ու դրա հետ կապված հետագա անելիքներն էին։

Մինչ այդ 17 կուսակցությունների խորհուրդը պահանջել էր վարչապետ Նիկոլ Փաշինյանի և կառավարության հրաժարականը:

Այդ 17 կուսակցություններն են «Ազատությունը», «Ազգային անվտանգությունը», «Ազգային օրակարգը», «Ազգային ժողովրդավարական միությունը», «Ազգային համաձայնությունը», «Ալյանս առաջադիմական ցենտրիստականը», «Բարգավաճ Հայաստանը», «Դեմոկրատական այլընտրանքը», «Երկիր Ծիրանին», «Հայ Յեղափոխական Դաշնակցությունը», «Համերաշխությունը», «Հայաստանի ժողովրդավարական ազատական միությունը», «Հայաստանի Հանրապետականը», «Հայաստանի քրիստոնեա-դեմոկրատական միությունը», «Հայրենիքը», «Մեկ Հայաստանը» և «Սահմանադրական իրավունք միությունը»:

Ոստիկանությունը և դատախազությունը հայտարարել էին, որ ռազմական դրության ժամանակ արգելված է հավաքներ իրականացնելը։ Հանրահավաքը վերածվեց քայլերթի։ Ցուցարարները շարժվեցին դեպի կառավարության շենք, ապա Ազգային ժողով։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Այս գործով արդեն կան ձերբակալվածներ։

208
թեգերը:
ընդդիմություն, արտահերթ նիստ, ԱԺ
թեմա:
Իրադրությունը Հայաստանում և Արցախում հայտարարության ստորագրումից հետո (582)
Ըստ թեմայի
«Ասում են` գնացեք, թուրքերի կողքին ապրեք». արցախցի կինը չգիտի` ինչ անի
ՄԻՊ-ն այցելել է Երևանի Ազատության հրապարակից բերման ենթարկված մարդկանց
Անհրաժեշտ ստորագրությունները հավաքվել են. ԱԺ–ն պետք է արտահերթ նիստ անի
Մտավորականների կազմակերպած երթը նոյեմբերի 30-ին

«Լսե՞լ ենք որևէ գերու վերադարձի մասին». մտավորականները նամակ ուղարկեցին ԱՄՆ դեսպանին

0
Մտավորականներն ԵԱՀԿ Մինսկի խմբի համանախագահ երկրների` ՌԴ–ի, ԱՄՆ–ի և Ֆրանսիայի` Հայաստանում գտնվող դեսպաններին նամակներ են ուղարկել։ Նրանք ակնկալում են նաև դեսպանների հետ հանդիպումներ։

ԵՐԵՎԱՆ, 1 դեկտեմբերի – Sputnik. Մտավորականներն այսօր հավաքվել էին Հայաստանում ԱՄՆ դեսպանատան դիմաց։ Նրանք նամակ հանձնեցին ԱՄՆ դեսպանատուն՝ հայ ռազմագերիներին ու զոհերի մարմինները վերադարձնելու համար քայլեր անելու խնդրանքով։

«Մենք արդեն իսկ նման նամակներ ենք հանձնել Ռուսաստանի և Ֆրանսիայի դեսպանատներ, և հիմա սպասում ենք պատասխանի։ Ակնկալում ենք հանդիպումներ դեսպանների հետ փոքր խմբով։ Այսօր խոսել եմ ՀՀ–ում Ռուսաստանի հյուպատոսի հետ, որն ասաց` հենց պատասխան ստանա դեսպանից հանդիպման համար, կասի»,–լրագրողներին հայտնեց դերասան Հրանտ Թոխատյանը։

Հարցին, թե կառավարությանը չե՞ն վստահում անհետ կորածների և դիերի վերադարձի գործընթացների առնչությամբ` Թոխատյանը հարցով պատասխանեց, թե եռակողմ համաձայնագրից հետո լսե՞լ ենք որևէ գերու վերադարձի մասին։ Թոխատյանն ասաց` ամեն դեպքում, հույս ունի ինչ–որ գործընթաց արվում է այդ ուղղությամբ և իրենք էլ ուզում են մի կաթիլ ավելացնել այդ արվածի վրա։

Կինոպրոդյուսեր Արմեն Գրիգորյանը հայտնեց` ինքն անձամբ ՀՀ կառավարությանը չի վստահում։ «Շատ կարևոր է, որ այս գործընթացը շարունակական բնույթ կրի, չդադարի, որ չմտածեն` իրենք մոռացան իրենց գերիների մասին։ Չէ, չենք մոռացել, գործընթացներ կան ու լինելու են»,–ասաց Գրիգորյանը։

Հիշեցնենք, որ երկու օր առաջ էլ մտավորականների խումբը նամակով դիմել էր Հայաստանում Ռուսաստանի դեսպան Սերգեյ Կոպիրկինին՝ անհայտ կորածների ու գերիների հարցով։ Նամակում ասված է, որ թեև Լեռնային Ղարաբաղի վերաբերյալ եռակողմ հայտարարությունից հետո 20 օր է անցել, տասնյակ մարդիկ շարունակում են անհայտ կորած կամ գերեվարված մնալ։ Նրանք Կոպիրկինին խնդրում էին` անձամբ միջամտել գործընթացին։ Իսկ երեկ մտավորականները նույն պահանջով նամակ հանձնեցին ՀՀ–ում Ֆրանսիայի դեսպանությանը։

Հավելենք, որ հրադադարի հաստատումից հետո գերիների ու անհետ կորածների թվի վերաբերյալ պաշտոնական տվյալներ չկան։

0
թեմա:
Իրադրությունը Հայաստանում և Արցախում հայտարարության ստորագրումից հետո (582)
Արագածոտնում հրդեհ է բռնկվել ավտոմեքենայում

Ահասարսուռ վթար Արագածոտնում. 3 մարդ այրվել և մահացել են, նրանցից մեկը 11-ամյա երեխա է

24
(Թարմացված է 14:40 01.12.2020)
Ողբերգական դեպքի հետևանքով ևս երկու ուղևոր հիվանդանոցում են. նրանցից մեկն անչափահաս տղա է։

ԵՐԵՎԱՆ, 1 դեկտեմբերի - Sputnik. Այսօր առավոտյան Արագածոտնի մարզի Հացաշեն գյուղում ողբերգական ավտովթար է տեղի ունեցել։ ԱԻՆ մամուլի ծառայությունը տեղեկացնում է, որ ճգնաժամային կառավարման կենտրոն ահազանգը ստացվել է ժամը 09։59-ին։

«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- տեղեկացնում են ԱԻՆ-ից։

Պարզվել է, որ Թալին-Հացաշեն ավտոճանապարհի 12-րդ կմ-ին 68-ամյա վարորդ Իշխան Մ.-ի վարած «Toyota» մակնիշի ավտոմեքենան բախվել է ճամփեզրի արգելապատնեշին և այրվել։

Ողբերգական վթարի հետևանքով մեքենայում այրվել ու մահացել են վարորդը և երկու ուղևորներ՝ 65-ամյա Վարդենիկ Մ.-ն և  11-ամյա Մարգարիտ Ն․-ն։ Եվս երկու ուղևորներ՝ 38-ամյա Արմինե Մ.-ն և 17-ամյա Ժիրայր Ն.-ն, մինչ փրկարարների՝ կանչի վայր հասնելը տեղափոխվել են Թալինի ԲԿ։

Հրդեհը մեկուսացվել է ժամը 10:24-ին, մարվել` 10:28-ին:

24
թեգերը:
Վիրավոր, Զոհ, ավտոմեքենա, հրդեհ, Արագածոտնի մարզ, ՀՀ արտակարգ իրավիճակների նախարարություն (ԱԻՆ)
թեմա:
Վթար, պատահար, սպանություն, գողություն