Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար
(Թարմացված է 16:56 08.11.2020)
Գյումրեցի դերասաններն արդեն մի քանի օր է, ինչ ներկայացումների ժամանակ խաղում են, իսկ ազատ ժամանակ կարում. կարևորը զինվորը թիկունքի ջերմությունը զգա:ԵՐԵՎԱՆ, 9 նոյեմբերի – Sputnik. Արդեն մի քանի օր է` Գյումրու Վարդան Աճեմյանի անվան պետական դրամատիկական թատրոնն արհեստանոցի է վերածվել. կարի մեքենաներ են ձեռք բերել ու ողջ աշխատակազմով ձմեռային գլխարկներ են կարում առաջնագծում կռվող տղաների համար:
Գյումրու Վարդան Աճեմյանի անվան պետական դրամատիկական թատրոնի աշխատակիցները տաք գլխարկ են կարում զինվորների համար
Գլխարկների առաջին խմբաքանակն արդեն պատրաստ է և շուտով կհասնի զինվորներին: Գաղափարը թատրոնի մենեջմենթի գծով փոխտնօրեն Տիգրան Բարսեղյանին էր։ Նրա առաջարկը մի գաղափարի շուրջ միավորեց բոլորին՝ դերձակից մինչև դերասան, տեխնիկական սպասարկողից մինչև հսկիչ:
Գյումրու Վարդան Աճեմյանի անվան պետական դրամատիկական թատրոնի աշխատակիցները տաք գլխարկ են կարում զինվորների համար
«Թատրոնի աշխատակազմը սեպտեմբերի աշխատավարձից ներդրում է արել, գումարն ուղարկել «Հայաստան» համահայկական հիմնադրամին, այնուհետև նախաձեռնել ենք հումքի գումար հավաքելու և զինվորների համար տաք գլխարկներ կարելու գործը։ Սկզբում այստեղից–այնտեղից կարի մեքենաներ ենք ճարել, դրանք տեղափոխել թատրոնի արտադրամաս, ծանոթացել գլխարկի սովորական ձևվածքին ու սկսել արագ կարել»,- Sputnik Արմենիային պատմում է Տիգրան Բարսեղյանը` հավելելով թատրոնը «Վերելք» ներկայացման ողջ հասույթը ևս փոխանցում է «Հայաստան» համահայկական հիմնադրամին:
Գյումրու Վարդան Աճեմյանի անվան պետական դրամատիկական թատրոնի աշխատակիցները տաք գլխարկ են կարում զինվորների համար
Գաղափարն առաջինը ողջունել է թատրոնի վաստակաշատ դերձակ Ռուդիկ Ոսկանյանը: Ավելի քան 40 տարի թատերական զգեստներ կարող դերձակի գլխավորությամբ գլխարկները ձևում և կարվում են: Ավելին, դերձակը նաև պատրաստ է թեթև անձրևանոցներ կարելու աշխատանքները ղեկավարել:
«Մեզ ոչինչ չի հաղթի». նոր տեսահոլովակի ողջ հասույթը կուղղվի հայ զինվորին
«Ոգևորությունը շատ մեծ է, օգնող ձեռքերը՝ շատ: Հաղթանակի համար գիշեր-ցերեկ պատրաստ ենք աշխատել»,-վստահեցնում է դերձակը:
Գյումրու Վարդան Աճեմյանի անվան պետական դրամատիկական թատրոնի աշխատակիցները տաք գլխարկ են կարում զինվորների համար
Աճեմյանցիներն արդեն մի քանի օր է, ինչ ներկայացումների ժամանակ խաղում, իսկ ազատ ժամանակ կարում են՝ կարևորը զինվորը թիկունքի ջերմությունը զգա:
Բացառիկ կադրեր. զինվորները կրակոցների տակ մարտի դաշտից դուրս են բերում վիրավոր ընկերներին
«Զվարթնոցից» ՔԿՀ տանելու ճանապարհին օպերլիազորը Իրանի քաղաքացուց գումար է հափշտակել
(Թարմացված է 18:48 23.01.2021)
Հետախուզման մեջ է գտնվող իրանցուն հայտնաբերել են «Զվարթնոց» օդանավակայանում։ Մինչ նրա հարցերը փորձել են լուծել, օպերլիազորն օգտվել է իրավիճակից։
ԵՐԵՎԱՆ, 23 հունվարի – Sputnik. ՀՀ ոստիկանությունը տեղեկացնում է, որ Երևանում օպերլիազորներից մեկը հետախուզվողից փող է հափշտակել։
«Հունվարի 8-ին Երևան է ժամանել միջազգային մակարդակով հետախուզվող Իրանի մի քաղաքացի։ Նա բերման է ենթարկվել ոստիկանության «Զվարթնոց» օդանավակայանի գծային բաժին ու խուզարկվել։ Ի թիվս այլ իրերի՝ հայտնաբերվել է նաև 1200 եվրո։ Փողը փաթեթավորվել է։ Գծային բաժնի քրեական հետախույզը, Իրանի քաղաքացուն քրեակատարողական հիմնարկ տեղափոխելիս, փաթեթավորված գումարից հափշտակել է 400 եվրո»,–նշված է հաղորդագրության մեջ։
Դեպքի առթիվ ՀՀ ոստիկանության Ներքին անվտանգության վարչությունում նախապատրաստված նյութերն ուղարկվել են ՀՔԾ։
ՀՔԾ–ն հունվարի 21-ին քրեական գործ է հարուցվել։ Հանգամանքները նախաքննությամբ պարզվում են։
Տաքսու ուղևորը դանակով սպառնացել է վարորդին և 48 հազար դրամ հափշտակել
Հայաստանի 101 դպրոցում կան առարկաներ, որոնք չեն դասավանդվում ուսուցիչներ չլինելու պատճառով
(Թարմացված է 18:35 23.01.2021)
ԿԳՄՍ փոխնախարարը հայտնել է, որ 101 դպրոցներում էլեկտրոնային դասավանդման կանցնեն որոշ առարկաների մասով։ ԵՐԵՎԱՆ, 23 հունվարի – Sputnik. Հանրապետության 9 մարզերի 101 դպրոցներում կան առարկաներ, որոնք չեն դասավանդվում ուսուցիչների բացակայության հետևանքով։ Տեղեկությունը Facebook-ի իր էջում հայտնել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը:
«Չդասավանդվող առարկաների թիվը 18 է, նախնական հաշվարկներով` առկա է շուրջ 695 ուսուցչի կարիք։ Այս խնդրի կարգավորման նպատակով բացի գործուղման կարգի և տրանսպորտային ծառայությունների փոխհատուցման փոփոխություններից, սկսել ենք դպրոցների մենթորական աջակցության և էլեկտրոնային ուսուցման կարողությունների զարգացման ծրագիրը»,-գրել է փոխնախարարը։
Նրա խոսքով` վերոհիշյալ դպրոցներում ստեղծվել են անհրաժեշտ սարքավորումներով հագեցված դասասենյակներ, որտեղ հնարավոր է կազմակերպել հեռավար ուսուցում։
©
Sputnik / Aram Nersesyan
Մինչև այս տարվա մարտի 30-ը նախատեսվում է արագ աջակցության դասընթացների մշակում և առցանց հարթակներում դրանց բաց հասանելիության ապահովում։ Այնուհետև կմշակվեն և կհավաքագրվեն էլեկտրոնային դասավանդող դպրոցների ընտրության չափանիշները. յուրաքանչյուր դպրոցի համար նախատեսվում է պատրաստել առնվազն մեկ մենթոր։
Ավագ մենթորները ապրիլ-մայիս ամիսներին կպատրաստեն ընտրված դպրոցների ուսուցիչներին՝ զարգացնելով նրանց էլեկտրոնային դասավանդման կարողությունները։
Յուրաքանչյուր դպրոցական մեկ տարում կկարողանա անվճար հաճախել 3 մշակութային հաստատություն
Էլեկտրոնային դասավանդման կարողությունների որակի ապահովման նպատակով մինչև օգոստոսի 30-ը նախատեսվում է մշակել և ներդնել որակի ապահովման մեխանիզմներ։
Ծրագրի միջոցով 2021 թվականի սեպտեմբերից բոլոր 101 դպրոցներում կապահովվի ներքոնշյալ առարկաների ուսուցումը:
Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել