ԵՐԵՎԱՆ, 8 նոյեմբերի – Sputnik. ՀՀ ազգային անվտանգության ծառայության տնօրենի պաշտոնակատար Միքայել Համբարձումյանը կազատվի պաշտոնից։
ՀՀ նախագահի աշխատակազմից Sputnik Արմենիային հայտնեցին, որ նախագահը վարչապետից ստացել է առաջարկ՝ Համբարձումյանին պաշտոնավարումից ազատելու վերաբերյալ։
«Հրամանագիրը դեռ չի ստորագրվել», - ասացին նախագահականից։
Հիշեցնենք, որ հոկտեմբերի 8-ին ՀՀ նախագահ Արմեն Սարգսյանի հրամանագրով` Ազգային անվտանգության ծառայության տնօրեն Արգիշտի Քյարամյանն ազատվել էր պաշտոնից։ ԱԱԾ տնօրենի պարտականությունների ժամանակավոր պաշտոնակատար էր նշանակել Միքայել Համբարձումյանը։
Միքայել Համբարձումյանը երկար տարիներ աշխատել է ԱԱԾ քննչական դեպարտամենտում՝ որպես պետի տեղակալ, ապա՝ պետ:
