Արխիվային լուսանկար

ԱԱԾ–ի պաշտոնանկություններն ու ռազմական դրությունը. ո՞ւմ համար է այս «թափանցիկությունը»

1771
(Թարմացված է 23:28 28.10.2020)
Քաղտեխնոլոգ Վիգեն Հակոբյանը կարծում է, որ Ազգային անվտանգության ծառայությունը հարմարվում է ռազմական դրությանը և աշխարհաքաղաքական իրողություններին։

ԵՐԵՎԱՆ, 28 հոկտեմբերի – Sputnik. ՀՀ ԱԱԾ-ում բարձրաստիճան պաշտոնյաների հեռացման փաստը հատուկ են բարձրաձայնել։ Sputnik Արմենիայի հետ զրույցում այսպիսի կարծիք է հայտնել քաղտեխնոլոգ Վիգեն Հակոբյանը։

Ավելի վաղ պաշտոնից ազատվել էր Հայաստանի Հանրապետության ԱԱԾ-ի հակահետախուզության վարչության պետ Հովհաննես Կարումյանը։ Հոկտեմբերի 26-ին պաշտոնից ազատվել է ԱԱԾ սահմանապահ զորքերի հրամանատար Վաղինակ Սարգսյանը, ինչպես նաև սահմանապահ զորքերի շտաբի պետ Գագիկ Թևոսյանը։

Քաղտեխնոլոգի խոսքով՝ կողքից բավական դժվար է հասկանալ, թե որն է աղմկահարույց հեռացումների պատճառը։ Հնարավոր է, որ պատճառը ԱԱԾ–ի և անհատների աշխատանքում ինչ-ինչ բացթողումներն են, բայց միանշանակ որևէ բան պնդել չի կարելի․ դա, այնուամենայնիվ, հատուկ ծառայություն է, փակ համակարգ։

«Բայց հեռացումները կարելի է նաև ավելի համակարգային դիտարկել։ Որոշ ժամանակ առաջ` արդեն ռազմական գործողությունների ժամանակ, պաշտոնից ազատվեց անձամբ ԱԱԾ ղեկավար Արգիշտի Քյարամյանը։ Ընդ որում՝ առանց պաշտոնական բացատրության»,-ասում է Հակոբյանը։

ՀՀ նախագահը պաշտոնից ազատել է ԱԱԾ սահմանապահ զորքերի հրամանատարին և նոր նշանակում արել

Ավելի վաղ փորձագետն արդեն խոսել էր այդ թեմայով` պնդելով, որ Քյարամյանի նշանակումն այդ պաշտոնում ի սկզբանե չէր բխում Ռուսաստանի հետ ներկայիս մարտավարական և հետագա ռազմավարական հարաբերություններից։

Նրա խոսքով՝ կառույցում համակարգային փոփոխություններ են ընթանում։ Հնարավոր է, որ համակարգն ադապտացվում է ռազմական դրությանը և նոր աշխարհաքաղաքական իրողություններին։ Հակոբյանը կարծում է, որ ԱԱԾ-ի կարևորագույն ոլորտների ղեկավարների հեռացումը պետք է դիտարկել այդ տեսանկյունից։

Մյուս կողմից՝ ԱԱԾ-ն ինչ-որ պահից սկսեց զբաղվել հիմնականում տնտեսական հանցագործություններով, երբեմն էլ՝ ավելի մանր հարցերով։ Բացառված չէ, որ հիմնական գործունեությունից՝ հակահետախուզությունից և հետախությունից շեղում, այնուամենայնիվ, եղել է։ Բայց այդ մասին կարելի է միայն ենթադրություններ անել։

«Հնարավոր է, որ եթե ԱԱԾ-ի առջև ավելի խիստ դրված լիներ իրենց անմիջական գործառույթները կատարելու առաջադրանքը, այսօր համակարգային փոփոխությունների հարց չլիներ։ Բայց դա էլ միայն ենթադրություն է և ենթադրություն էլ կմնա, քանի դեռ գոյություն ունեն հատուկ ծառայությունները»,-ընդգծեց Հակոբյանը։

ԱԱԾ ենթասպան խոստացել է կաշառքի դիմաց քաղաքացիներին վարորդական վկայականներով ապահովել

Ինչ վերաբերում է վերջին ժամանակներում ԱԱԾ-ից հաճախակի դարձած արտահոսքին, ապա դա որոշակիորեն հակասում է հանրության շրջանում գոյություն ունեցող պատկերացումներին։ Մյուս կողմից՝ հնարավոր է, որ դրանք ընդամենը կարծրատիպեր են։

«Այո, վերջին ժամանակներում բացի պաշտոնական հաղորդագրություններից, նաև որոշակի «արտահոսքեր» են եղել։ Բայց քանի որ դա հատուկ ծառայություն է, ենթադրվում է, որ շատ դեպքերում դրանք հատուկ են կազմակերպվել։ Եվ հիմա, երբ այս կամ այն մարդու ազատման մասին հայտարարություն է հայտնվում, ամենայն հավանականությամբ` ԱԱԾ-ում նպատակահարմար են համարել, որ այդ մասին բոլորն իմանան։ Ոչ միայն ներսում, այլև երկրի սահմաններից դուրս»,-նշեց Հակոբյանը։

Այդ ենթադրությունը հաստատվում է նրանով, որ մարդկանց բացարձակ մեծամասնության համար որոշակի անունները ոչինչ չեն նշանակում և նրանց համար հետաքրքրություն չեն ներկայացնում։

Բայց կրկին` քանի որ խոսքն ԱԱԾ-ի մասին է, հատկապես պատերազմի ժամանակ, այստեղ կարող են նրբություններ լինել։ Նշենք, որ հակահետախուզության վարչության պետի հեռացումը տեղի ունեցավ նախկին բարձրաստիճան զինվորական կողմից պետական դավաճանության փաստի բացահայտման ֆոնին։

Ինչ վերաբերում է ԱԱԾ սահմանապահ զորքերի հրամանատարին՝ նրա հեռացումն ուղեկցվում էր ոչ այնքան արդյունավետ կառավարման մասին լուրերով։ Ըստ պաշտոնական տվյալների՝ ռազմական գործողություններին մասնակցության ընթացքում զոհվել է 37 սահմանապահ, չորսն անհայտ կորած են։ Եվս 243 մարդ վիրավոր է։

«ԱԱԾ–ն ինքնամաքրման կարիք ունի». ԱԱԾ նախկին պաշտոնյան`ընթացող փոփոխությունների մասին

Ավելի վաղ Sputnik Արմենիայի հետ զրույցում Հակոբյանը նշել էր, որ ՀՀ ԱԱԾ ղեկավար Արգիշտի Քյարամյանին պաշտոնից ազատելը, հնարավոր է, բխում էր հայ-ռուսական հարաբերությունների տրամաբանությունից։

Հիշեցնենք, որ ԱԱԾ պետի ժամանակավոր պաշտոնակատար է նշանակվել Միքայել Համբարձումյանը։

1771
թեգերը:
պաշտոնանկություն, քաղտեխնոլոգ, Հայաստան, ՀՀ ազգային անվտանգության ծառայություն. ԱԱԾ
Ըստ թեմայի
ԱԱԾ տնօրենի երկու տեղակալ է նշանակվել. ովքեր են նրանք
Հները հեռանում են, գալիս են նորերը. ի՞նչ նպատակ են հետապնդում ԱԱԾ–ում նոր նշանակումները
«Շպիոնների» հայտնաբերում, կադրային ջարդ, թե՞... ի՞նչ է կատարվում ԱԱԾ–ում
Կարտոֆիլ

Ինչպես եփել կարտոֆիլը, որ վտանգավոր չլինի

23
(Թարմացված է 17:26 03.12.2020)
Ամենալավ տարբերակը մաքրած կարտոֆիլը խաշելն է կամ գոլորշու վրա եփելը, այդ դեպքում կպահպանվեն օգտակար նյութերը։

ԵՐԵՎԱՆ, 4 դեկտեմբերի – Sputnik. Էնդոկրինոլոգ Ելենա Գուբկինան «Արգումենտ ի ֆակտի» պարբերականին տված հարցազրույցում խոսել է կարտոֆիլի մասին։

Նրա խոսքով՝ այս մշակաբույսը պետք չէ եփել կեղևով, որում վնասակար նյութեր են կուտակվում հողից ու օդից։

«Պատրաստելիս պետք չէ կարտոֆիլը բարձր ջերմաստիճանի մշակման ենթարկել», - ավելացրել է մասնագետը։

Գուբկինան ընդգծել է, որ տապակելու ընթացքում կարտոֆիլը հագենում է ճարպերով ու տոքսիններով։

Սխտորի օգուտն ու վնասը. ինչ է տեղի ունենում օրգանիզմում, երբ սխտոր ենք ուտում

Բժիշկի խոսքով՝ ամենալավ տարբերակը մաքրած կարտոֆիլը խաշելն է կամ գոլորշու վրա եփելը, որպեսզի պահպանվեն օգտակար նյութերը՝ կալիումը, նատրիումը, վիտամին В6-ը։

Ի՞նչ է կատարվում օրգանիզմում, երբ մոշ ենք ուտում

Բժիշկը նշել է, որ առողջությունը չվնասելու համար կարելի է շաբաթական երկու անգամ 200-300 գրամ կարտոֆիլ ուտել։

Բեռնաթափման օրեր. ինչպես մեկ օրում մաքրել օրգանիզմը և նիհարել

23
թեգերը:
բժիշկ, կարտոֆիլ
Ըստ թեմայի
Ինչպես է սև շոկոլադն ազդում օրգանիզմի վրա
Սննդամթերքի ո՞ր տեսակներն են օրգանիզմը պաշտպանում վիրուսներից
Հավկիթն օրգանիզմի համար օգտակա՞ր է, թե ՞ վնասակար. միֆ և իրականություն
Յուրի Պատրիկեևը

Մեծ ըմբիշը մեծ նպատակներ ունի. ինչու է «կուբանցի հայ» Յուրի Պատրիկեևը վերադարձել Հայաստան

92
(Թարմացված է 09:14 04.12.2020)
2004 թվականից մինչև Լոնդոնի օլիմպիադայի ավարտը` 2012թ.-ը, Յուրի Պատրիկեևը պատվով էր կրում Հայաստանի հավաքականի մարզաշապիկը` նվաճելով բազմաթիվ տիտղոսներ և մեդալներ։ Ռուս մարզիկը Sputnik Արմենիային պատմել է, թե ինչու է որոշել վերադառնալ Հայաստան և մեծ սպորտ։

ԵՐԵՎԱՆ, 4 դեկտեմբերի – Sputnik. Հունահռոմեական ոճի ըմբիշ, Եվրոպայի քառակի չեմպիոն, աշխարհի և օլիմպիական խաղերի մրցանակակիր  Յուրի Պատրիկեևը, չնայած սպորտի համար պատկառելի տարիքին (նա 41 տարեկան է) որոշել է, Հայաստան վերադառնալով, վերադառնալ նաև մեծ սպորտ։

 Այս օրերին նա Հայաստանի հավաքականի հետ մարզումներ է անցկացնում` նախապատրաստվելով գալիք մրցաշարերին։ 41-ամյա հսկան փորձելու է ևս մեկ անգամ դուրս գալ մրցագորգ, բայց փոխելու է ոճը։ Պատրիկեևի պլանների մեջ է այժմ ազատ ոճի ըմբշամարտը։

Бронзовый призер пекинской Олимпиады Юрий Патрикеев на пьедестале почета
© Photo : provided by Yuri Patrikeev
Յուրի Պատրիկեևը

Երբ Յուրային տեսա օլիմպիավանում մարզվելիս` մի փոքր զարմացա։ Զարմանքս ավելի մեծացավ, երբ զրուցեցի օլիմպիական բրոնզե մեդալակրի հետ։

«Հայաստանում իմ մարզիչ Սամվել Գևորգյանը զանգեց ու ասեց. ««Բրատիկ» դու հիմա Հայաստանից որպես օլիմպիական խաղերի մրցանակակիր թոշակ ես ստանալու, արի այդ հարցը կարգավորի, համ էլ կարո՞ղ է վերադառնաս մեծ սպորտ»։ Եկա Հայաստան սեպտեմբերի վերջին։ Մի քանի օր անց սկսվեց պատերազմն Արցախում։ Չվերթս դեպի Կրասնոդար չեղարկեցին, ես էլ որոշեցի մարզվեմ։ Ու այդպես էլ շարունակվում է մինչև օրս»,- պատմում  է Պատրիկեևը։

Հայաստանն իմ տունն է

Վերհիշելով անցած ճանապարհը սպորտում` Պատրիկեևը մեծ սիրով է արտահայտվում Հայաստանի ու հայերի մասին։ «Այս երկիրն ինձ ընդունեց, ապահովեց ամեն ինչով, տվեց մարզվելու բոլոր հնարավորությունները, և ես կարողացա մասնակցել բոլոր կարգի մրցաշարերին։ Ոչ ղեկավարության, ոչ էլ մյուսների հետ երբեք խնդիր չեմ ունեցել։ Ես կրասնոդարցի եմ ու այնտեղ տուն ունեմ, բայց Հայաստանն էլ է իմ տունը», - ասում է Յուրան։ Նա պատմում է, որ Կրասնոդարում ապրող շատ հայերի է ճանաչում ու շփումը հայերի հետ սովորական է նրա համար։

Հայաստանում գտնվելու տարիներին ռուս ըմբշամարտիկը, շփվելով հայերի հետ, նկատել է երևույթներ, որոնք ուրիշ տեղ չի տեսել։ «Հայի հյուրասիրությունը ոչ մի տեղ չկա։ Իհարկե, բոլոր ազգերն էլ հյուրերին ընդունելու իրենց ձևերն ունեն, բայց Հայաստանում դա մի ուրիշ երևույթ է։ Անծանոթ մարդն անմիջապես վերածվում է հարազատի, ու հայը նրան հյուրասիրելու համար անում է նույնիսկ անհնարինը։ Շփման մեջ էլ հայերն անում են ամեն բան մարդուն օգնելու համար»,- հիշում է Պատրիկեևը։

Նա ժպիտով հավելում է, որ երբեք չի մոռանա ջերմությամբ լի այն տարիները, որոնք անցկացրել է Երևանում և Հայաստանում ընդհանրապես։

Ճշմարտության կողմնակից մարզիկները

Լոնդոնի օլիմպիական խաղերում Հայաստանը ներկայացնելուց հետո Պատրիկեևը ավարտեց մարզական կարիերան և փորձեց զբաղվել բիզնեսով։ «Բայց մենք` մարզիկներս, սիրում ենք ճիշտը, արդարը։ Իսկ բիզնեսում դրանք պահելը միշտ չէ, որ ստացվում է»,- ասում է Պատրիկեևը։ Նա թողում է բիզնեսն ու սկսում մարզիչ աշխատել, ընդ որում մարզում էր ինչպես ազատ ոճի ըմբիշներին, այնպես էլ MMA-ի մարզիկներին։

Երիտասարդ հայ բռնցաքամարտիկները Եվրոպայի առաջնությունից 5 բրոնզե մեդալով կվերադառնան

«Այդ ժամանակ ինձ առաջարկեցին ղեկավարել մարզադպրոց, առաջարկում էին այլ պաշտոններ։ Չէի համաձայնում, որովհետև ինձ առանց գորգի չեմ պատկերացնում»,–պատմում է նա ու հավելում, որ նորից սպորտում և սպորտի հետ է։

Վերադարձը Հայաստան

2004-2012թթ., Պատրիկեևը Հայաստանի հավաքականի ըմբիշ էր և հիմա էլ սպորտ վերադառնալու համար ընտրել է Հայաստանը։

Юрий Патрикеев и Мияин Лопес
© Photo : provided by Yuri Patrikeev
Յուրի Պատրիկեևը

«Անկեղծ ասած ուրիշ երկրում ես չէի կարող նորից վերսկսել մարզվել։ Հիմա մտածում եմ ազատ ոճի ըմբշամարտում ուժերս փորձելու մասին, եթե չստացվի միգուցե իմ փորձը պետք գա հայ ըմբիշներին, ու այդ դեպքում ուրախ կլինեմ նրանց օգտակար լինելու համար։ Հիմա մարզվում եմ հունահռոմեականների հետ, օգնում եմ Դավիթ Օվասապյանին։ Բայց ուժերս փորձելու եմ ազատ ոճի ըմբշամարտում»,- ասում է Յուրան։ Նա հավելում է, որ այս պահին հայ մարզիկներին նաև հոգեբանական աջակցություն է հարկավոր։

Անհնարին ոչինչ չկա

40 տարեկանից հետո թվում է` դժվար է մեծ հաղթանակների հասնել, բայց «կուբանցի հայ» ըմբիշն օրինակ ունի, որին ուզում է հետևել։ «Ռուս ըմբիշ Անատոլի Ռոշչինը 40 տարեկան հասակում` 1972 թվականին, դարձավ օլիմպիական չեմպիոն։ Այսինքն` հնարավոր է նույնիսկ այդ տարիքում պատմական արդյունքի հասնել»,- մրցագորգ վերադառնալն այսպես է մեկնաբանում Պատրիկեևը։ Նա ասում է, որ իրեն կփորձի ինչ-որ մրցման ժամանակ, հետո արդեն կհասկանա` արդյո՞ք կարող է կրկնել ռուս ըմբիշի մարզական սխրանքը։

Հայաստանի Ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանն ասում է` եթե ըմբիշը գորգի վրա հաղթանակներ է տանում, ի՞նչ նշանակություն ունի, թե նա քանի տարեկան է։

«Մեր հավաքականում գերծանր քաշային կարգում ունենք Լևան Բերիանիձեին, որն աշխարհի առաջնության մրցանակակիր է։ Եթե Պատրիկեևը ապացուցի, որ ինքն ավելի ուժեղ է ու ավելի լավ է պատրաստված, այդ դեպքում նա կարող է հավաքականի մասին մտածել»,–ասում է մարզիչն ու խոստանում, որ Յուրային հնարավորություն կտան իրեն դրսևորելու հունվարին կայանալիք մրցաշարերից մեկում, հետո արդեն հետևություն կանեն։

Պատրիկեևը պետք է բոլորիս

Հունահռոմեական ոճի ըմբաշամարտի Հայաստանի հավաքականի մարզիչ Գևորգ Ալեքսանյանն էլ իր հերթին ընդգծում է, որ գերծանր քաշային կարգում միշտ էլ սպարինգների (նույն քաշային կարգի մարզիկ, որի հետ անընդհատ մարզվում են ու գոտեմարտ անցկացնում նախապատրաստվելու համար) խնդիր է եղել,և Յուրայի ներկայությունն արդեն վստահություն է հաղորդում մյուսներին։ Բացի այդ նա իր խորհուրդներով անգնահատելի օգուտ կարող է տալ ամենահեղինակավոր քաշային կարգում ելույթ ունեցող Դավիթ Օվասապյանին։ «Չգիտեմ, թե ինչպես կլինի մարզիկի կարիերան վերսկսելու հետ կապված նրա ցանկությունը, բայց որ նա շատ պետք է մեր հավաքականին` դա փաստ է»,- ասեց նա։

Юрий Патрикеев
© Photo : provided by Yuri Patrikeev
Յուրի Պատրիկեևը

Ներկայումս Պատրիկեևը ակտիվ կերպով մարզվում է մեր հավաքականների հետ։ Ինչպես ինքն է ասում` կարգի է բերում իր մարզավիճակը։ Իսկ հունվարին նա առաջին անգամ ուժերն է փորձելու ազատ ոճի ըմբշամարտում։ Մեծ ըմբիշը մեծ նպատակներ ունի։ Սպասենք իրագործելուն։

92
թեգերը:
Հայաստան, ռուս, Յուրի Պատրիկեև, Ըմբշամարտի աշխարհի առաջնություն, ըմբշամարտիկ
Ըստ թեմայի
Ինչպես էր Մարադոնան պարում հայկական երաժշտության ներքո ու խմում մեր հավաքականի կենացը
Թուրքեր և ադրբեջանցիներ չկան. ինչու է մեր հավաքականը Կիպրոսն ընտրել որպես «սեփական հարկ»
Մարտի դաշտում մենք չենք պարտվել. ինչպես ֆուտբոլիստ խաղընկերները դարձան մարտական ընկերներ
Արխիվային լուսանկար

Այստեղով թուրքն է անցել. ինչ է անում թշնամին մեր սրբությունների հետ Թալիշում. լուսանկարներ

12
(Թարմացված է 09:27 04.12.2020)
ՀՀ ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը ցույց է տվել ադրբեջանցիների ձեռագիրը։

ԵՐԵՎԱՆ, 4 դեկտեմբերի – Sputnik. ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը Facebook–ի իր էջում լուսանկարներ է հրապարակել ադրբեջանցիների տիրապետության տակ անցած Թալիշից։ Դրանցում երևում են ավերված սրբատեղիներ ու հուշարձան, ջարդված խաչքարեր ու ադրբեջաներեն գրություններ, որոնք արվել են աղբյուրի վրա։

«Թալիշն այսօր։ Այստեղով թուրքն է անցել»,–գրել է ԲՀԿ–ական պատգամավորը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

12
թեգերը:
ադրբեջանցի, Նաիրա Զոհրաբյան, խաչքար, Թալիշ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Որոնք են Ադրբեջանի վերահսկողության տակ անցած արցախյան 121 հայաբնակ համայնքները
Ունենք կորցրած դիրքեր, հիմնականում Թալիշի ուղղությամբ. Արայիկ Հարությունյան
Թալիշ գյուղն Ադրբեջանի վերահսկողության ներքո չէ. Արծրուն Հովհաննիսյան