«Հայաստանի Հանրապետություն» թերթի նախկին խմբագիր Էդուարդ Ավակիմյանը

Շուշիից Բաքու ու հետ՝ Հայաստան․ 103 տարեկան փաստաթղթի անհավանական պատմությունը

1059
(Թարմացված է 16:16 16.10.2020)
Ընտանեկան նվիրական մասունքները երբեմն հատուկ իմաստ ու արժեք են ստանում։ Sputnik Արմենիայի հետ զրույցում «Հայաստանի Հանրապետություն» թերթի նախկին թղթակից Էդուարդ Ավակիմյանը Շուշիից մի հայի հին անձնագրի պատմությունն է պատմել։

Դեղնած էջեր, Ցարական Ռուսաստանի ժամանակվա կնիք, մինչհեղափոխական ուղղագրությամբ արված գրություն։ Միանգամից հասկանում ես, որ հին փաստաթղթի հետ գործ ունես։ Դա Ավետիս Օհանջանի Սարկիսովի անձնագիրն է։

Паспортная книжка Аветиса Оганджановича Саркисова
© Sputnik / Asatur Yesayants
Ավետիս Օհանջանի Սարկիսովի անձնագիրը

«Էջերից մի քանիսը լավ չեն պահպանվել. պետք է զգույշ թերթել փաստաթուղթը։ Բայց կարող եք ավելի մոտիկից ծանոթանալ դրանց», - ասում է Ավետիսի ծոռը՝ «Հայաստանի Հանրապետություն» թերթի նախկին խմբագիր Էդուարդ Ավակիմյանն ու փոխանցում ինձ արժեքավոր գրքույկը։

Կյանքը սկսվում է մայրիկից. ինչպես չեմպիոն Ալոյանը հաղթեց Բաքվում

Архивные фотографии семьи Аветиса Саркисова времен царской России
© Sputnik / Asatur Yesayants
«Հայաստանի Հանրապետություն» թերթի նախկին խմբագիր Էդուարդ Ավակիմյանը

Դրանից արդեն պարզ է դառնում, որ փաստաթուղթն Ավետիսին տրամադրվել է 103 տարի առաջ` 1917 թվականին, իսկ նա ծնվել է 1886 թվականին Ելիզավետպոլի նահանգի Շուշա քաղաքում (Արցախի Շուշիում ,– խմբ․), դավանում է հայ առաքելական եկեղեցուն, ամուսնացած է։

Паспортная книжка Аветиса Оганджановича Саркисова
© Sputnik / Asatur Yesayants
Ավետիս Օհանջանի Սարկիսովի անձնագիրը

Սրանով տեղեկությունն Ավետիսի մասին սպառվում է, հետագա պատմությունն արդեն պատմում է նրա թոռը՝ Էդիկը, որի շնորհիվ փաստաթուղթը մեզ է հասել։ Անձնագիրը, ինչպես և դրա տերը, երկար ճանապարհ են անցել Շուշիից Բաքու ու հետ՝ Հայաստան։

Паспортная книжка Аветиса Оганджановича Саркисова
© Sputnik / Asatur Yesayants
Ավետիս Օհանջանի Սարկիսովի անձնագիրն ու լուսանկարներ

Պարզվել է, որ ոչ միայն Էդիկի նախապապը, այլև տատը՝ Աստղիկը, Շուշիում են ծնվել։ Պապը՝ Սիմոնը, ծնունդով Ստեփանակերտից էր։ Հարսանիքից հետո Աստղիկն ու Սիմոնը որոշել են հաստատվել Բաքվում։ Էդիկը չգիտի՝ ինչն է նման որոշման պատճառ դարձել։

«Իմ սիրտն այս կողմում է». Պոզները` Արցախի, Բաքվի «սև ցուցակի» և Փաշինյանի մասին

Архив семьи Аветиса Оганджановича Саркисова
© Sputnik / Asatur Yesayants
Ավետիս Օհանջանի Սարկիսովի անձնագիրն ու լուսանկարներ

Sputnik Արմենիայի հետ զրույցում Էդիկ Ավակիմյանն ասաց, որ ինքն էլ է Բաքվում ծնվել։ Անձնագրային գրքույկի մասին պատահական է իմացել, երբ շատ փոքր ժամանակ փորփրում էր տատի արխիվները։

Архивные фотографии семьи Аветиса Саркисова времен царской России
© Sputnik / Asatur Yesayants
Ընտանեկան արխիվային լուսանկարներ

«Միշտ սիրել եմ պատմությունն ու այն ամենը, ինչ կապած է Հայաստանի ու հայերի հետ։ Այդ պատճառով էլ հենց տեսա գրքույկը տատիս մոտ, միանգամից վերցրի ու ինձ մոտ պահեցի», - ասում է Էդիկը։

Архив семьи Аветиса Оганджановича Саркисова
© Sputnik / Asatur Yesayants
Արխիվային փաստաթուղթ

Այն ժամանակվանից պահում է հին անձնագիրը կարևոր այլ փաստաթղթերի հետ։ Երբ Ավակիմովների ընտանիքը ստիպված էր փախչել Բաքվից, Էդիկն առաջին հերթին իր հետ վերցրեց փաստաթղթերը, այդ թվում՝ ընտանիքի համար այնքան արժեքավոր անձնագիրը։

«Մենք 1988 թվականի Սպիտակի երկրաշարժից մի քանի օր առաջ ենք Հայաստան եկել։ Հիշում եմ այդ օրը։ Նախապես Բաքու-Երևան գնացքի տոմս էի գնել, սակայն արդեն կայարանում փոխեցի Բաքու-Դոնի Ռոստովով», - ասում է Էդիկը։

Նա նշեց, որ այդ երթուղիով տեղ հասնելն ավելի հավանական էր, քան Բաքու-Երևան գնացքով, քանի որ ամեն կայարանում կացիններով զինված մարդիկ էին մտնում ու հայերի փնտրում։ Ոստիկաններն էլ չէին օգնում, թեև նրանք հերթապահում էին վագոններում։

Праправнук Аветиса Саркисова - бывший журналист газеты Республика Армения Эдуард Авакимян
© Sputnik / Asatur Yesayants
«Հայաստանի Հանրապետություն» թերթի նախկին խմբագիր Էդուարդ Ավակիմյանը

Ինչպես արցախցին քաղցրավենիք ու ծխախոտ տարավ բաքվեցի գերուն, կամ պատերազմի չջնջվող հետքը

Ավակիմյանների հետ կուպեում ադրբեջանցի կար։ Էդիկը հիշում է, որ նա լավ էր տիրապետում ռուսերենին։

«Նա հարցրեց՝ հա՞յ ենք։ Հաստատեցի ու հարցեցի՝ ի՞նչ է դա փոխում։ Նա պատասխանեց, որ այդ հանգամանքից առանձնապես ոչինչ չի փոխվում։ Հետո շտապեց վստահեցնել, որ մտադիր չէ մատնել մեզ», - հիշում է Էդիկը։

Праправнук Аветиса Саркисова - бывший журналист газеты Республика Армения Эдуард Авакимян
© Sputnik / Asatur Yesayants
«Հայաստանի Հանրապետություն» թերթի նախկին խմբագիր Էդուարդ Ավակիմյանը

Այդպես Ավակիմյաններին հաջողվել է Դոնի Ռոստով հասնել, այնտեղից էլ գալ Հայաստան ու հաստատվել Աբովյան քաղաքում։ Այդ ընթացքում Էդիկն իր մոտ է պահել փաստաթղթերը, այդ թվում նախապապի անձնագիրը։ Էդիկի խոսքով՝ նա զգում էր, որ դա ոչ թե պարզապես անձնագրային գրքույկ է, այլ կարևոր փաստաթուղթ, որը մի օր հաստատ պետք կգա։ Արցախի ու նույն Շուշիի համար այս ծանր օրերին, երբ ադրբեջանցիները հարձակում են գործում արցախցիների վրա ոչ միայն մարտի դաշտում, այլև տեղեկատվական ոլորտում, այդ փաստաթուղթը նրանց ընտանիքի համար առանձնահատուկ նշանակություն է ստացել։

Паспортная книжка Аветиса Оганджановича Саркисова
© Sputnik / Asatur Yesayants
Ավետիս Օհանջանի Սարկիսովի անձնագիրը
1059
թեգերը:
Բաքու, փաստաթուղթ, «Հայաստանի Հանրապետություն» թերթի նախկին խմբագիր Էդուարդ Ավակիմյան
Ըստ թեմայի
Էրդողանն ընդդեմ Հայոց ցեղասպանության, կամ ինչից է այդքան վախենում Անկարան
«Միայն արյան հոտը կարող է ձեզ սթափեցնել». մեկ դար անց թուրքի նամակը Կոմիտասին
«Caucasus Online»-ի բաժնետոմսերը Բաքվին վաճառելը ինչո՞վ է սպառնում Հայաստանին
Էդուարդո Էռնեկյանը

Էդուարդո Էռնեկյանը «Հայաստան» հիմնադրամին 3,5 մլն դոլար է նվիրաբերել

8
(Թարմացված է 17:05 27.10.2020)
«Հայաստան» համահայկական հիմնադրամը շարունակում է նվիրատվություններ ստանալ Արցախին աջակցելու համար։

ԵՐԵՎԱՆ, 27 հոկտեմբերի - Sputnik. «Հայաստան» համահայկական հիմնադրամի տնօրեն Հայկակ Արշամյանը տեղեկացնում է, որ արգենտինահայ գործարար, բարերար և Հիմնադրամի հոգաբարձուների խորհրդի անդամ Էդուարդո էռնեկյանը նույնպես միացել է «Մենք ենք մեր սահմանները» համազգային շարժմանը։

Էռնեկյանը հիմնադրամին 3,5 մլն ԱՄՆ դոլար է նվիրաբերել։

«Տարիներ շարունակ Էդուարդո Էռնեկյանը Հայաստանի ու հայ ժողովրդի կողքին է»,–Facebook սոցցանցի իր էջում գրել է Արշամյանը։

Նշենք, որ հոկտեմբերի 27-ի, ժամը 16։50–ի դրությամբ` հիմնադրամն արդեն իսկ 150 մլն 399 հազար դոլար նվիրատվություն է ստացել։ Ստացված նվիրատվություններն ուղղված են միմիայն հումանիտար օգնությանը։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

8
թեգերը:
Հայկակ Արշամյան, Ղարաբաղյան հակամարտություն, Լեռնային Ղարաբաղ, Արցախ, «Հայաստան» համահայկական հիմնադրամ, Հայաստան, Էդուարդո էռնեկյան
Ըստ թեմայի
Արցախցի կինը Երևանում լույս աշխարհ է բերել ութերորդ երեխային. լուսանկարներ
Պատերազմ գնացողները գումարը հանում - թողնում են ընտանիքի անդամներին. ավանդները նվազել են
Զինծառայողների և գերիների նկատմամբ անմարդկային վերաբերմունք. ՄԻՊ–ը զեկույց է պատրաստել
В условиях военного положения воинские части Вооруженных Сил РА приведены в полную боевую готовность

Պատերազմ գնացողները գումարը հանում - թողնում են ընտանիքի անդամներին. ավանդները նվազել են

11
(Թարմացված է 17:01 27.10.2020)
ՀՀ ԿԲ նախագահը նաև հայտնել է, որ որոշ դեպքերում ՀՀ քաղաքացիներն ու կազմակերպություններն իրենց բանկային ավանդները փոխանցել են Արցախին կամ բանակին աջակցող հիմնադրամներին։

ԵՐԵՎԱՆ, 27 հոկտեմբերի - Sputnik. Հայաստանում ու Արցախում պատերազմական իրավիճակի հետևանքով ՀՀ բանկային համակարգով ավանդների ծավալը նվազել է։ Այս մասին այսօր լրագրողների հետ հանդիպմանն ասաց ՀՀ ԿԲ նախագահ Մարտին Գալստյանը` հավելելով, որ քաղաքացիներն ու կազմակերպությունները ինչ-ինչ պատճառներով նվազեցրել են բանկերում իրենց ավանդների չափը։

«Այսինքն` մարդիկ և կազմակերպությունները որոշակիորեն նվազեցրել են իրենց խնայողությունները բանկերում, բայց ոչ էական չափով։ Եթե թվային արտահայտությամբ ասեմ, դա ընդհանուր ավանդների չափի 1-1.5 տոկոսը չի գերազանցում»,– ասաց Գալստյանը։

Այդուհանդերձ, ԿԲ նախագահի մեկնաբանմամբ, ավանդների նվազումը կապված չէ բանկային համակարգում ռիսկերի ավելացման հետ։

«Ոչ թե մարդիկ իրենց ավանդները հետ են վերցրել, որովհետև մենք ունենք ինչ–որ խնդիրներ։ Բնավ։ Մեր գնահատմամբ դա տեղի է ունեցել մի քանի պատճառներով. նախ, պայմանավորված կորոնավիրուսով ու ընդհանուր տնտեսական իրավիճակով, բնականաբար, տնային տնտեսությունների մոտ կա որոշակի եկամտի նվազում, ու մարդիկ դա կոմպենսացնում են նախկինում կուտակած խնայողությունների հաշվին։ Երկրորդը` առաջնագիծ կամ պատերազմ գնացող մեր հայրենակիցների մոտ կա վարքագծի այն դրսևորումը, որ գումարը հանում են, թողնում տանը, որ ընտանիքի անդամները ունենան որոշակի ֆինանսական միջոցներ իրենց բացակայության ընթացքում»,– ասաց Գալստյանը։

Ի՞նչ հետևանք կունենա թուրքական ապրանքների ներկրման արգելքը ՀՀ տնտեսության վրա

Կա նաև երրորդ տարբերակը. ՀՀ քաղաքացիները կամ կազմակերպությունները փակել են իրենց բանկային ավանդներն ու առկա խնայողությունները փոխանցել Արցախին կամ բանակին օգնող հիմնադրամներին։

11
թեգերը:
ավանդ, Կենտրոնական բանկ (ԿԲ), Արցախյան պատերազմ
Ըստ թեմայի
Ժամանակն է, որ բանկերը պատասխանատվություն վերցնեն. ինչպե՞ս են որոշելու` ում վարկը ներել
Ինչն է թանկացել պատերազմի ընթացքում. ՏՄՊՊՀ–ն ներկայացրել է դիտարկման արդյունքները
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի