«Զվարթնոց» օդանավակայան. արխիվային լուսանկար

Հիվանդ երևակայության արդյունք. Հայաստանը մաքսանենգ ճանապարհով զենք չի բերում. ԱԱԾ

139
(Թարմացված է 15:50 17.10.2020)
Դեպի Ադրբեջան իրականացվող չվերթերի մի մասը նշված չէ միջազգային չվացուցակների համակարգում, օդանավակայաններից մի քանիսն էլ անգամ միջազգային դասակարգում չունեն։

ԵՐԵՎԱՆ, 17 հոկտեմբերի - Sputnik. Հայաստանի Հանրապետություն մաքսանենգ ճանապարհով զինամթերք չի տեղափոխվում։ Հայաստանի Ազգային անվտանգության ծառայությունը հերքում է ադրբեջանական հերթական ապատեղեկատվությունը, թե տարբեր երկրների օդային տարածքներով քաղաքացիական ինքնաթիռներով մաքսանենգ զենք է բերվում մեր երկիր։

Հիվանդ երևակայության արդյունք. այսպես է բնորոշում ԱԱԾ-ն Ադրբեջանի նախագահի մակարդակով տարածվող կեղծ լուրերը։ 

«Ըստ ՀՀ ազգային անվտանգության ծառայության տրամադրության տակ գտնվող կոնկրետ տվյալների՝ ադրբեջանական կողմը զբաղվում է դեպի իր տարածք զգալի քանակությամբ ռազմամթերք և վարձկան ահաբեկիչներ գաղտագողի տեղափոխելու նենգ գործելաոճով, որի մասին են վկայում Բաքվի օդանավակայանից, ադրբեջանական «Սիլկ ուեյ» (Silk Way) բեռնափոխադրող ավիաընկերության «Բոինգ-747» և «ԻԼ-76» ինքնաթիռներով, դեպի տարբեր երկրների ռազմական օդանավակայաններ կատարվող և հետադարձ ուղղությամբ իրականացվող չվերթերը։ Օրինակ՝ արձանագրվել է 2020 թվականի հոկտեմբերի 16-ին Բաքվից դեպի Աֆղանստանի Բաղրամի օդանավակայան իրականացվող չվերթը, հոկտեմբերի 17-ին՝ Աֆղանստանի Բաղրամի օդանավակայան – Պակիստանի Լաշկառ գահի օդանավակայան – Բաքու չվերթը»,- նշված է հաղորդագրության մեջ:

Հեռախոսային զրույցները կարող են վտանգել զինվորների կյանքը. ԱԱԾ–ն նորից է զգուշացնում

ԱԱԾ-ի տեղեկություններով՝ նախատեսված է ոչ միայն նույն երթուղով չվերթ հոկտեմբերի 18-ին, այլև Բաքվից միջանկյալ օդանավակայանով Կանդագարի օդանավակայան ու հետադարձ չվերթերը։ Նմանատիպ չվերթեր են կատարվելու նաև հոկտեմբերի 19-ից հետո:

Հատկանշական է, որ նշված չվերթերի մի մասը միջազգային չվացուցակների համակարգում բացակայում են, ավելին՝ որոշ օդանավակայաններ անգամ միջազգային դասակարգում չունեն:

«Ակնհայտ խոսուն և իրադրության մասին հստակ պատկերացում տվող այս տվյալները փաստում են, որ թուրքա-ադրբեջանա-ահաբեկչական դաշինքն այս գործողություններով փորձում է ընդլայնել ահաբեկիչներ և զինամթերք ներգրավելու աշխարհագրությունը, ինչպես նաև իր այդ չարամիտ գործելաոճը կոծկելու նպատակով սեփական հակաօրինական արարքները վերագրել հայկական կողմին՝ դրանով հանդերձ փորձ կատարելով նաև լարվածություններ ստեղծել միջազգային տարբեր հարաբերություններում»,- շեշտվում է հաղորդագրության մեջ։

ԱԱԾ-ն պաշտոնապես դիմում է միջազգային իրավասու կառույցներին՝ հորդորելով չտրվել ադրբեջանական սադրանքներին: Միաժամանակ, կոչ է անում քննության առարկա դարձնել տրամադրված հավաստի տեղեկություններն ու բազմակողմանիորեն ստուգել դրանք։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

139
թեգերը:
Ադրբեջան, սուտ, Զենք, ՀՀ ազգային անվտանգության ծառայություն. ԱԱԾ
թեմա:
Ադրբեջանական ագրեսիան Արցախում - 2020 (1458)
Ըստ թեմայի
Ո՞վ է Արցախում սուտ լուրեր տարածել ծառայակիցների շրջանում. ԱԱԾ–ն մանրամասներ է հայտնում
ԱԱԾ–ն հորդորում է զերծ մնալ խուճապ պարունակող հրապարակումներից
ՀՀ ԱԱԾ–ն հերքում է Ադրբեջանի հատուկ ծառայությունների «հիվանդ հայտարարությունը»
ՀՀ ԱԳՆ

ՀՀ ԱԳՆ–ն հերքում է Ադրբեջանի հերթական մանիպուլյատիվ հայտարարությունը

192
(Թարմացված է 01:07 22.10.2020)
ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

ԵՐԵՎԱՆ, 22 հոկտեմբերի – Sputnik. Ադրբեջանի ԱԳՆ-ն հանդես է եկել մանիպուլյատիվ հայտարարությամբ, որտեղ փորձ է արվում ԼՂ հիմնախնդրի խաղաղ կարգավորումը մերժող Ադրբեջանի և Թուրքիայի դիրքորոշումը հրամցնել որպես հայկական կողմի մոտեցում: Տեղեկությունը հայտնում է ՀՀ ԱԳՆ մամուլի ծառայությունը։

Նշվում է, որ Թուրքիայի և նրա կողմից հովանավորվող ահաբեկիչների ուղղակի ներգրավմամբ Ադրբեջանի կողմից Արցախի ժողովրդի դեմ իրականացվող ռազմական ագրեսիան ուղղված է Արցախի բնիկ ժողովրդի բնաջնջմանը և առաջին իսկ օրվանից ուղեկցվում է միջազգային հումանիտար իրավունքի բազմաթիվ խախտումներով ու պատերազմական հանցագործություններով: Այս գործողություններն օրվա հրամայական են դարձնում Արցախի ժողովրդի գոյութենական անվտանգության լիակատար ապահովումը:

«ՀՀ-ն հետևողականորեն աջակցում է ԵԱՀԿ Մինսկի խմբի համանախագահող երկրների ղեկավարների միջնորդությամբ հոկտեմբերի 10-ի և 17-ի հայտարարություններով համաձայնեցված կրակի դադարեցման պայմանավորվածությունների անվերապահ իրականացմանը: 

Մշտապես հանդես գալով հակամարտության ռազմական կարգավորումը բացառող դիրքերից՝ մեկ անգամ ևս շեշտում ենք, որ ԼՂ հիմնախնդիրը կարող է կարգավորվել բացառապես խաղաղ միջոցներով միջազգային մանդատ ունեցող ձևաչափի՝ ԵԱՀԿ Մինսկի խմբի համանախագահության շրջանակներում»,–ասված է հաղորդագրության մեջ: 

ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

Ավելի վաղ Ադրբեջանի նախագահի օգնական Հիքմեթ Հաջիևը, մեկնաբանելով Հայաստանի վարչապետ Նիկոլ Փաշինյանի հայտարարությունը, որ այս պահին անիմաստ է խոսել հակամարտությունը դիվանագիտական ճանապարհով լուծելու մասին, հայտարարել էր, որ պաշտոնական Բաքուն աջակցում է բանակցությունների միջոցով ՄԱԿ-ի Անվտանգության խորհրդի բանաձևերի հիման վրա հարցի կարգավորմանը:

Նշենք, որ հոկտեմբերի 21–ին ՀՀ վարչապետ Նիկոլ Փաշինյանը Facebook–ի իր ուղիղ միացման ժամանակ ասել էր, որ Ղարաբաղյան հիմնահարցի դիվանագիտական լուծման մասին այս փուլում խոսելն անիմաստ է։ «Պետք է հստակ գիտակցենք, որ Ղարաբաղի հարցը գոնե այս փուլում և այս փուլից սկսած` երկար ժամանակ դիվանագիտական լուծում չունի։ Բոլոր հույսերը, առաջարկները, թե պետք է Արցախյան հիմնահարցի առնչությամբ դիվանագիտական լուծում գտնել, ըստ էության, պետք է ավարտված համարել»,–ասել էր վարչապետը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

192
թեգերը:
Արցախ, Ղարաբաղյան հակամարտություն, Լեռնային Ղարաբաղ, ՀՀ Արտաքին գործերի նախարարություն. ԱԳՆ, Հայաստան, Ադրբեջան
թեմա:
Ադրբեջանական ագրեսիան Արցախում - 2020 (1458)
Ըստ թեմայի
Թշնամին հրետանի է կիրառել Մարտունի քաղաքի և Հերհեր գյուղի ուղղությամբ
Հադրութում հայ գերիներին գնդակահարած հանցագործներից մեկը ոչնչացվել է. Razm.info
Եթե Ադրբեջանը ցանկանա, Թուրքիան Լեռնային Ղարաբաղ զորք կուղարկի. Ֆուաթ Օքթայ
Վարուժան Ավետիքյան

Զոհված և հաշմանդամ դարձած զինծառայողների ընտանիքներն ամեն ամիս 100-300 հազար դրամ կստանան

159
(Թարմացված է 23:37 21.10.2020)
Զինծառայողների ապահովագրության հիմնադրամը խոստանում է ապահովել Արցախյան պատերազմի մասնակիցների ընտանիքների արժանապատիվ կյանքը։

ԵՐԵՎԱՆ, 21 հոկտեմբերի — Sputnik. Զինծառայողների ապահովագրության հիմնադրամին ՀՀ քաղաքացիների ամենամսյա 1000 դրամ վճարումների արդյունքում հիմնադրամում այս տարիների ընթացքում հավաքվել է 60 մլն դոլարին համարժեք դրամ։ Տեղեկությունն այսօր կայացած ճեպազրույցում հայտնեց հիմնադրամի տնօրեն Վարուժան Ավետիքյանը։

«Այդ գումարն ամբողջությամբ ուղղվելու է այս պատերազմի ընթացքում զոհված և հաշմանդամ դարձած զինծառայողների ընտանիքներին` ապահովելու համար նրանց արժանապատիվ կյանքը»,– ասաց հիմնադրամի տնօրենը։

Փոխհատուցում են ստանում նաև անհայտ կորած զինվորականների ընտանիքները։

«Մենք յուրաքանչյուր ընտանիքի տրամադրում ենք 52-82 մլն դրամ, որը 120-160 000 դոլար է։ Հատուցումը տրամադրվում է 2 եղանակով. առաջինը դա միանվագ վճարն է 10 մլն դրամի չափով, եթե զոհված է, անհայտ կորած է, կամ առաջին կարգի հաշմանդամ է և 5 մլն դրամ, եթե երկրորդ կարգի հաշմանդամ է։ Այնուհետև յուրաքանչյուր ամիս ընտանիքի համար բացված հաշվեհամարին փոխանցվում է 100-300 հազար դրամ։ Իսկ եթե զինծառայողն ունի 3 և ավելի երեխա, ապա լրացուցիչ 100 հազար դրամ վճարում ենք կատարում»,– ասաց Ավետիքյանը։

Բացի այդ հիմնադրամին կատարվում են նաև նվիրատվություններ, ուստի Վարուժան Ավետիքյանը կարևորեց հիմնադրամի աշխատանքներին նաև սփյուռքի մասնակցությունը։ Նվիրատվությունների համար հիմնադրամի տնօրենն առաջարկեց այցելել հիմնադրամի 1000+.am պաշտոնական կայք։

Տնօրենը հայտնեց, որ նվիրատվությունների արդյունքում միայն վերջին 3 շաբաթների ընթացքում հավաքվել է 4.5 մլն դրամ։ Այդ գումարի 80 տոկոսը փոխանցվել է Հայաստանից, մնացածը` ԱՄՆ–ից ու ՌԴ–ից։

«Մի փոքր երկիր` Կիպրոսը, որտեղ կա մի փոքր համայնք, առաջին հնգյակում է։ Այնտեղից 240 000 դոլարի վճարում է կատարվել այսօր»,– ասաց Ավետիքյանը։

Զինվորների մոտ ընդհանրապես հեռախոս չպետք է լինի. դա շատ ու շատ վտանգավոր է

Հիմնադրամը հանդես է եկել նոր առաջարկով` հնարավորություն տալով տնտեսվարողներին, ցանկության դեպքում, իր աշխատակիցների աշխատավարձերից վճարվող 1000 դրամները կրկնապատկել` դարձնելով 2000։

Հիմնադրամի տնօրենը հայտնեց նաև, որ հիմնադրամի անձնակազմն աշխատում է կամավորական սկզբունքով ու հավաքագրված գումարներից որևէ լումա չի ծախսվում ո՛չ աշխատակազմի, ո՛չ որևէ այլ կարիքների համար։

Բոլորս պարտավոր ենք մեր տղաների կողքին լինել. զոհված զինվորի հոր կոչը

«ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքն ընդունվել էր ապրիլյան քառօրյա պատերազմից հետո`2016թ–ի դեկտեմբերի 14-ին, ուժի մեջ մտել 2017թ–ի հունվարի 1-ից։
ՀՀ աշխատող քաղաքացիներից յուրաքանչյուրն, այս օրենքով, պարտավորվում է իր ամսական աշխատավարձից ամեն ամիս 1000-ական դրամ վճարել զինծառայողների աջացության հիմնադրամին։

«Զինծառայողների ապահովագրության» հիմնադրամի պաշտոնական կայքի տվյալներով հիմնադրամի ստեղծման պահից առ այսօր հավաքագրվել է 29 519 596 149 դրամ։ Դրանից 27 250 731 040 դրամը պարտադիր վճարումներով, 2 268 865 109` նվիրատվությամբ։ Այս գումարից առ այսօր օգտագործվել է 2 405 165 088 դրամը։

159
թեգերը:
փող, հիմնադրամ, հաշմանդամ, Զոհ, զինծառայող
Ըստ թեմայի
Փաշինյանի խոսնակը մեկնաբանել է ՀՀ վարչապետի` խաղաղ կարգավորման վերաբերյալ դիտարկումը
Երբեմն թշնամին խոցում է բուժօգնության ավտոմեքենաները. Հովհաննիսյան
Թշնամին հրետանի է կիրառել Մարտունի քաղաքի և Հերհեր գյուղի ուղղությամբ