Յուրի Կոտենոկը «Էրեբունի» ԲԿ–ում

«Զգում էի, որ մահանում եմ, աղոթում էի». ռուս լրագրողը պատմել է իր վիրավորվելու մասին

1178
(Թարմացված է 20:51 16.10.2020)
Ռուս լրագրող Յուրի Կոտենոկը Sputnik Արմենիայի հետ զրույցում պատմել է Շուշիի եկեղեցում պատահածի և իր վիրավորվելու մասին։

ԵՐԵՎԱՆ, 16 հոկտեմբերի – Sputnik. Ղազանչեցոց եկեղեցում գնդակոծությունից վիրավորված ռազմական վերլուծաբան Յուրի Կոտենոկի համար ամենակրիտիկական պահը Ստեփանակերտի հիվանդանոց տեղափոխվելու ճանապարհին էր։ «Գիտակցությունս չէի կորցրել և դա զարմանալի է, քանի որ նման դեպքում մարդիկ հիմնականում անմիջապես անջատվում են։ Բայց ես չկորցրի գիտակցությունս», –  Sputnik Արմենիայի հետ զրույցում ասաց Կոտենոկը։

Պատմում է` առաջին պայթյունից եկեղեցու գմբեթում  բացված անցքի միջով ինչ–որ զինամթերք ներս ընկավ ու պայթեց։ Մի քանի վայրկյան անց նա բացեց աչքերը։

Военный обозреватель Юрий Котенок в медцентре Эребуни (16 октября 2020). Еревaн
© Sputnik / Asatur Yesayants
Յուրի Կոտենոկը «Էրեբունի» ԲԿ–ում

«Արյուն էր հորդում, շուրջբոլորն ինչ–որ կտորներ էին թափված, ծուխ էր, փոշի, ես գրեթե ոչինչ չէի տեսնում, շնչահեղձ էի լինում։ Կողքիս ընկերս էր պառկած` Լևոն Արզանովը` «Офицеры России» ամսագրի հատուկ թղթակիցը։ Նա բղավեց. «Ո՞ղջ ես»։ Պատասխանեցի. «Այո, ողջ եմ, Լյովա»։ Նա ոտքի կանգնեց, վազեց օգնություն կանչելու։ Շարժվեցի, սարսափելի ցավ զգացի», – հիշում է Կոտենոկը։

Տարբեր թեժ կետերում աշխատած ռազմական թղթակցի համար Շուշիի եկեղեցում ստացած վիրավորումն առաջինը չէր, բայց նման ցավ նա առաջին անգամ էր զգում։ Կոտենոկը քարերի կույտի տակ էր մնացել։

Արզանովի բղավոցների վրա մարդիկ դուրս են գալիս ապաստարաններից։ Կոտենոկը պատմում է, որ բոլորը շտապում էին` վախենալով նոր հարվածներից։

Սակայն նրա համար ամենակրիտիկական րոպեները Ստեփանակերտի հիվանդանոց տեղափոխվելու ճանապարհն էր, ուր նրան տանում էր տեղի սարկավագը։

«Զգում էի, որ մահանում եմ, աղոթում էի։ Նա ինձ ասում էր` դիմացիր, դիմացիր, շրջվում էր իմ կողմ։ (լռում է, հանկարծ Կոտենոկի աչքերում արցունք է նկատվում – խմբ.)։ Լավ պրծանք», – ասաց նա։

Մեքենայից դուրս բերելու պահին նա կորցնում է գիտակցությունը։ Գիտակցության է գալիս արդեն Երևանում, որտեղ շրջապատված էր ժպիտներով և ջերմությամբ։ Հետո իմանում է, որ Ստեփանակերտի բուժկենտրոնում Սկլիֆասովսկու ինստիտուտից ժամանած առաջատար մասնագետ էր աշխատում` բժշկական գիտությունների դոկտոր Շահեն Դանիելյանը, որն էլ նրան ոտքի է կանգնեցրել։

«Մինչև կյանքիս վերջ պարտական ու շնորհակալ եմ այդ մարդուն», – ասում է Կոտենոկը։

Военный обозреватель Юрий Котенок в медцентре Эребуни (16 октября 2020). Еревaн
© Sputnik / Asatur Yesayants
Յուրի Կոտենոկը «Էրեբունի» ԲԿ–ում

Ռազմական վերլուծաբան Յուրի Կոտենոկը բազմաթիվ վնասվածքներ էր ստացել հոկտեմբերի 8-ին Շուշիի Սուրբ Ամենափրկիչ Ղազանչեցոց եկեղեցու հրթիռակոծության ժամանակ։  Լրագրողն այժմ գտնվում է «Էրեբունի» բժշկական կենտրոնում, առողջական վիճակը դեռ թույլ չի տալիս նրան Ռուսաստան տեղափոխել։

Նրա հետ միասին վիրավորում էին ստացել ևս երկու ռուսաստանցի` «Офицеры России» պորտալի հատուկ թղթակից Լևոն Արզանովն ու Հրանտ Բադալյանը, ով լրագրողներին ուղեկցում էր Արցախ։ Նրանց վիճակը կայուն է, հոկտեմբերի 9-ին նրանք կառավարական ինքնաթիռով Ռուսաստան են տեղափոխվել։

1178
թեգերը:
հրթիռակոծություն, Ադրբեջան, Վիրավոր, Ղազանչեցոց եկեղեցի (Շուշի), Շուշի, Լրագրող, Յուրի Կոտենոկ
թեմա:
Ադրբեջանական ագրեսիան Արցախում - 2020 (1812)
Ըստ թեմայի
Ինչպես Երևան տեղափոխեցին Շուշիում վիրավորված ռուս լրագրողին. տեսանյութ
ԼՂ–ում կրակի տակ է հայտնվել ռուս և հայ լրագրողների ավտոբուսը
Շուշիում վիրավորված ռուս լրագրողը դուրս է եկել կոմայից
Եղիշե Կիրակոսյան

Ադրբեջանի պահանջներն աբսուրդային են. ՀՀ-ն պատասխանել է Ադրբեջանի՝ ՄԻԵԴ-ին ուղղված դիմումին

82
(Թարմացված է 14:18 30.10.2020)
ՄԻԵԴ–ում ՀՀ ներկայացուցիչ Եղիշե Կիրակոսյանը Sputnik Արմենիայի հետ զրույցում կարծիք է հայտնել, որ ՄԻԵԴ–ը կմերժի Ադրբեջանի իրավազուրկ դիմումը։

ԵՐԵՎԱՆ, 30 հոկտեմբերի - Sputnik. ՀՀ կառավարությունը պատասխանել է Մարդու իրավունքների միջազգային դատարան Ադրբեջանի ներկայացրած դիմումին։ Այս մասին Sputnik Արմենիային հայտնեց ՄԻԵԴ–ում ՀՀ ներկայացուցիչ Եղիշե Կիրակոսյանը։

«Հոկտեմբերի 29-ին Հայաստանը ներկայացրել է իր դիրքորոշումը` ներկայացված դիմումի վերաբերյալ։ Նախ նշեմ, որ Ադրբեջանի ներկայացրած պահանջներն աբսուրդային են, որովհետև գրեթե բոլորը, բացառությամբ առաջինի, բացարձակապես դուրս են ՄԻԵԴ–ի իրավազորությունից` զորքերի դուրս բերում, օկուպացված տարածքների վերադարձ և այլն»,– ասաց Կիրակոսյանը`կարծիք հայտնելով, որ դատարանը կմերժի Ադրբեջանի այս դիմումը։

Ինչ վերաբերում է դիմումում նշված առաջին պահանջին, Եղիշե Կիրակոսյանի խոսքով, Ադրբեջանը դրանով պահանջ է ներկայացրել հայկական կողմին` դադարեցնելու Ադրբեջանի քաղաքացիական բնակավայրերի և ենթակառուցվածքների ուղղությամբ հրթիռակոծությունները` Հայաստանի ու «Ադրբեջանի գրավյալ տարածքներ»–ից։

«Եվ սա այն դեպքում, երբ ՀՀ պաշտպանության նախարարությունը բազմիցս հայտարարել է, որ ՀՀ տարածքից Ադրբեջանի ուղղությամբ որևէ արկ, որևէ կրակոց չի արձակվել։ Նույնիսկ Արցախի ՊԲ իրականացրած գործողությունները մենք դիտարկում ենք կիրառելի մարդասիրական իրավունքի տրամաբանության մեջ և մարդասիրական իրավունքի նորմերին համապատասխան»,– ասաց ՄԻԵԴ ներկայացուցիչը` շեշտելով, որ այս մասին Հայաստանը մանրամասն վերլուծություն է ներկայացրել ՄԻԵԴ`ի պատասխան Ադրբեջանի դիմումի։

Հայկական կողմը երկրորդ անգամ է դիմել ՄԻԵԴ` Ադրբեջանում հայտնված հայ ռազմագերիների հարցով

Կիրակոսյանը նաև հիշեցրեց, որ Արցախի ու Հայաստանի տարածքներում Ադրբեջանի կողմից քաղաքացիական բնակչության, քաղաքացիական օբյեկտների ու քաղաքացիական բնակավայրերի թիրախավորման, միջազգայնորեն արգելված զինատեսակների կիրառման փաստերով հայկական կողմն առաջինն էր դիմել ՄԻԵԴ` պատերազմի առաջին իսկ օրը։ Իսկ արդեն սեպտեմբերի 29-ին ՄԻԵԴ–ը որոշում էր կայացրել` կողմերին կոչ անելով ձեռնպահ մնալ քաղաքացիական բնակավայրերի թիրախավորումից։

Այսպիսով, այս հարցի վերաբերյալ, ըստ Կիրակոսյանի, ՄԻԵԴ–ն իր դիրքորոշումն արդեն հայտնել է, և չի կարծում, թե նոր միջանկյալ միջոց կկիրառի հատուկ Հայաստանի նկատմամբ։

«Այս պարագայում Ադրբեջանի այդ պահանջը, կարծում եմ, պետք է մերժվի»,– ասաց Կիրակոսյանը։

Ի դեպ, ՄԻԵԴ–ում ՀՀ ներկայացուցիչը նաև հայտնեց, որ Հայաստանում գտնվող գերիների հարցն Ադրբեջանն իր դիմումում չի բարձրացրել։ Այն դեպքում, երբ Հայաստանից ՄԻԵԴ արդեն 20 գերու հարցով դիմում է ներկայացվել։

Հիշեցնենք` Ադրբեջանը ՄԻԵԴ–ին դիմում էր ուղղել Արցախում իր սանձազերծած պատերազմից մեկ ամիս անց` հոկտեմբերի 27-ին։ Հոկտեմբերի 28-ին ՄԻԵԴ–ը հայտնել էր, որ ընդունել է Ադրբեջանի դիմումը։ Այդ հայտարարությունից հետո, չսպասելով ՄԻԵԴ–ի որոշմանը, Հայաստանը հոկտեմբերի 29-ին ՄԻԵԴ է ուղարկել Ադրբեջանի դիմումի վերաբերյալ իր դիրքորոշումը։

82
թեգերը:
Մարդու Իրավունքների Եվրոպական դատարան (ՄԻԵԴ), Ադրբեջան, Հայաստան, Արցախյան պատերազմ
թեմա:
Ադրբեջանական ագրեսիան Արցախում - 2020 (1812)
Ըստ թեմայի
ՄԻԵԴ–ը որոշեց` Ադրբեջանը պետք է պատժի սեփական մարդասպանին` Ռամիլ Սաֆարովին
ՄԻԵԴ-ը մերժել է Թուրքիայի դիմումը. Անկարայի հիմնավորումներն անհիմն են
Հայ զինվորի գլխատման փաստը կներկայացվի ՄԻԵԴ
Նիկոլ Փաշինյան

Վարչապետը փոխմարզպետներ է նշանակել

144
(Թարմացված է 13:46 30.10.2020)
ՀՀ վարչապետ Նիկոլ Փաշինյանի որոշմամբ՝ մի շարք մարզերում փոխմարզպետներ են նշանակվել:

ԵՐԵՎԱՆ, 30 հոկտեմբերի - Sputnik. ՀՀ վարչապետ Նիկոլ Փաշինյանի որոշմամբ՝ մի շարք մարզերում փոխմարզպետներ են նշանակվել: Վարչապետի որոշումները տեղադրված են կառավարության պաշտոնական կայքում:

Արարատի մարզպետի տեղակալ է նշանակվել Նորիկ Ամիրխանյանը, Արագածոտնի մարզպետի տեղակալ՝ Ռազմիկ Պետրոսյանը,  Գեղարքունիքի մարզպետի տեղակալ՝ Հենրիկ Մուրադյանը, Տավուշի մարզպետի տեղակալ Արթուր Հովակիմյանը, Սյունիքի մարզպետի տեղակալ՝ Մելիքսեթ Պողոսյանը, Արմավիրի մարզպետի տեղակալ՝ Ալեքսան Ալեքսանյանը, Վայոց ձորի մարզպետի տեղակալ՝ Արայիկ Մուրադյանը։

Տիգրան Բալայանը կրկին դեսպան է նշանակվել

144
թեգերը:
Նշանակում, փոխմարզպետ, Վարչապետ
Ըստ թեմայի
Հերթական ազատումը. պաշտոնից հեռացվել է ԱԱԾ սահմանապահ զորքերի շտաբի պետը
ԱԱԾ–ի պաշտոնանկություններն ու ռազմական դրությունը. ո՞ւմ համար է այս «թափանցիկությունը»
Ջալալ Հարությունյանը վիրավոր է. ԱՀ նախագահը նրան փոխարինող է նշանակել. տեսանյութ
Կանանց առաջին վաշտը պատրաստություն է անցնում

Կանանց առաջին վաշտը պատրաստվում է ռազմաճակատ մեկնել. լուսանկարներ

0
Հայաստանում հարյուրավոր կանայք կամավորագրվելու ու ռազմաճակատ մեկնելու ցանկություն են հայտնել։

ԵՐԵՎԱՆ, 30 հոկտեմբերի - Sputnik. Պաշտպանության նախարարության ներկայացուցիչ Արծրուն Հովհաննիսյանը Facebook-ի իր էջում լուսանկարներ է տեղադրել, որտեղ երևում է, թե ինչպես են կանայք ռազմական վարժանքներ անցնում Արցախ մեկնելուց առաջ։

«Կանանց առաջին վաշտը անցնում է պատրաստություն»,-նշել է Արծրուն Հովհաննիսյանը։

Ավելի վաղ հայտնի էր դարձել, որ բազմաթիվ կանայք ցանկություն են հայտնել կամավորագրվել ու մեկնել ռազմաճակատ։ Վարչապետի տիկին Աննա Հակոբյանը նույնպես հայտարարել էր, որ ցանկանում է մարտական պատրաստություն անցնել։

Первая женская рота проходит подготовку
Կանանց առաջին վաշտը պատրաստություն է անցնում

Հարյուրավոր կանայք արդեն անցնել են առաջին բուժօգնություն ցուցաբերելու դասընթացներ։ 

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Первая женская рота проходит подготовку
Կանանց առաջին վաշտը պատրաստություն է անցնում

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Կին, կամավոր, Արցախյան պատերազմ
Ըստ թեմայի
Սահմանից սահման. Բերդում կամավորական ջոկատներ են կազմում
Ղրիմի կամավորականներն Արցախում են. լուսանկար
Հայ կանանց կամավորական ջոկատում արդեն 100 կին է գրանցվել