Գագիկ Ծառուկյան

Գագիկ Ծառուկյանը կշարունակի մնալ կալանքի տակ. դատախազությունը ևս մեկ միջնորդություն մերժեց

73
(Թարմացված է 19:31 15.10.2020)
Արցախում ընթացող մարտական գործողությունների օրերին արդեն երկու միջնորդություն է ներկայացվել դատախազություն Գագիկ Ծառուկյանին ազատ արձայելու վերաբերյալ։

ԵՐԵՎԱՆ, 15 հոկտեմբերի — Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը կշարունակի մնալ կալանքի տակ։ ԱԺ «Լուսավոր Հայաստան» խմբակցության ղեկավար Էդմոն Մարուքյանը հայտնել է` դատախազությունը մերժել է իր` Ծառուկյանի կալանքը ստորագրությամբ փոխարինելու մասին միջնորդությունը։

«Քիչ առաջ ստացա ՀՀ գլխավոր դատախազության պատասխանն առ այն, որ ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի նկատմամբ ընտրված կալանվարումը որպես խափանման միջոց, չհեռանալու մասին ստորագրությամբ փոխարինելու վերաբերյալ առաջարկս մերժվել է»,–Facebook սոցցանցի իր էջում գրել է Մարուքյանը։

Նա հիշեցրել է, որ Ծառուկյանի խափանման միջոց կալանավորումը փոխելու առաջարկ գլխավոր դատախազին ուղարկվել էր սեպտեմբերի 28-ին՝ ելնելով պատերազմական իրավիճակից։

Դրանից առաջ` հոկտեմբերի 6-ին, հայտնի դարձավ, որ 13 կուսակցություն գրությամբ դիմել են ՀՀ գլխավոր դատախազ Արթուր Դավթյանին՝ առաջարկելով վերանայել Ծառուկյանի նկատմամբ կիրառված կալանավորման որոշումը: Հաջորդ օրը հայտնի դարձավ, որ դատախազը մերժել է միջնորդությունը։

«Ծառուկյանը քաղբանտարկյալ է». ՀՅԴ–ն ու «Հայրենիքը» միանման հայտարարություններ են տարածել

Հիշեցնենք` Գագիկ Ծառուկյանը կալանքի տակ է սեպտեմբերի 25-ից։ Հունիսի 14-ին ԱԱԾ–ն խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել` ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Գագիկ Ծառուկյանին կալանքից ազատելու համար 13 կուսակցություն դիմել են գլխավոր դատախազին

Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։ Սեպտեմբերի 25-ին Երևանի ընդհանուր իրավասության դատարանը բավարարեց Ծառուկյանին կալանավորելու` ԱԱԾ միջնորդությունը։

73
թեգերը:
կալանավոր, կալանք, Էդմոն Մարուքյան, Դատավոր, Դատարան, դատ, Գագիկ Ծառուկյան
թեմա:
Գագիկ Ծառուկյանի շուրջ ծավալված իրադարձությունները (132)
Ըստ թեմայի
Գագիկ Ծառուկյանը խցում մենակ է. պաշտպանը մանրամասներ է հայտնում նրա մասին
Գագիկ Ծառուկյանի կալանքի միջնորդությունը մերժած դատավորի նկատմամբ վարույթ կհարուցվի՞
Գագիկ Ծառուկյանը կմնա կալանքի տակ. դատարանը հրապարակեց որոշումը
Կարմիր Խաչ

Բաքուն Երևանին 30 դի է հանձնել

276
(Թարմացված է 14:23 29.10.2020)
Ռազմական գործողությունների ընթացքում զոհված հայ զինծառայողների մարմինները փոխանցվել են ԿԽՄԿ-ի և ԵԱՀԿ գործող նախագահի անձնական ներկայացուցչի դաշտային թիմի մասնակցությամբ։

ԵՐԵՎԱՆ, 29 հոկտեմբերի – Sputnik. Ադրբեջանական կողմը Երևանին է հանձնել զոհված հայ զինվորների և սպաների 30 դի։ Տեղեկությունը հայտնում են Sputnik Արմենիայի աղբյուրները։ Դիերը փոխանցել են Տավուշի մարզի Այգեպար գյուղի մոտ։ 

Հայկական կողմին են փոխանցել նաև հադրութցի 85-ամյա Եվգենի Բաբայանին, որին գերի էին վերցրել ադրբեջանական ուժերի հարձակման ժամանակ։ 

Ռազմական գործողությունների ընթացքում զոհված հայ զինծառայողների մարմինները փոխանցվել են ԿԽՄԿ-ի և ԵԱՀԿ գործող նախագահի անձնական ներկայացուցչի դաշտային թիմի մասնակցությամբ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

276
թեգերը:
զինծառայող, Դիակ, Ադրբեջան, Հայաստան
Ըստ թեմայի
Ստեփանակերտում ամենաագրեսիվ հարձակման օրն է պատերազմի սկզբից ի վեր․ կան զոհեր․ ԱՀ ՄԻՊ
Հայկական կողմը խոցել է Ադրբեջանի «Սմերչը»․ տեսանյութ
Ադրբեջանի ոճիրները հանդիպելու են Արցախի ժողովրդի վճռական դիմադրությանը․ ԱԳՆ
Աթաթուրքի անվան օդանավակայան

Ավելի քան հարյուր ՀՀ քաղաքացի Թուրքիայից Հայաստան են վերադարձել

28
(Թարմացված է 14:19 29.10.2020)
Թուրքիայում հրատարակվող հայկական պարբերականի գլխավոր խմբագիրը հայտնել է, որ ՀՀ քաղաքացիները հայրենիք են վերադառնում։

ԵՐԵՎԱՆ, 29 հոկտեմբերի – Sputnik. 142 ՀՀ քաղաքացի հոկտեմբերի 28-ին հայրենիք են վերադարձել։ Տեղեկությունը Twitter–ի էջում հայտնել է Ստամբուլում հրատարակվող հայկական «Ակօս» շաբաթաթերթի գլխավոր խմբագիր Էդվարդ Տանձիկյանը։

«Մենք կորցնում ենք։ Մենք բոլորս ենք կորցնում, խաբվում ենք», - գրել է նա։

​Ավելի վաղ Թուրքիայի խորհրդարանի պատգամավոր Կարո Փայլանը հայտնել էր, որ Ադրբեջանի սանձազերծած մարտական գործողությունները սկսվելուց հետո հայերի հանդեպ սպառնալիքներն ավելացել են։

Նա ավելացրել է, որ Թուրքիայի իշխող «Արդարության ու զարգացման կուսակցությունը» Թուրքիայում սովորական է դարձրել ատելության մթնոլորտը։

Ստամբուլում մոտ 40 հազար հայ է ապրում։ Ստամբուլի հայ համայնքը Թուրքիայի էթնիկ փոքրամասնությունների ամենամեծ համայնքն է։ Ընդհանուր առմամբ` երկրում 60 հազար հայ է ապրում։

Նշենք, որ սեպտեմբերի 27-ին Արցախում մարտական գործողությունների սկսելուց հետո Ստամբուլի հայկական թաղամասերում ադրբեջանական դրոշներով մեքենաներ էին շրջում։ Հայկական մի քանի պաշտոնական կայք արգելափակվել են։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

28
թեգերը:
հայեր, Հայաստան, Թուրքիա
թեմա:
Ադրբեջանական ագրեսիան Արցախում - 2020
Ըստ թեմայի
Դադարեցրեք զենքի վաճառքը Ադրբեջանին. Իսրայելի և Արգենտինայի հայերի բողոքի ակցիան
Միջադեպ Ֆրանսիայում. թուրքերը մուրճով հարվածել են բողոքի ակցիա անող հայերից մեկի գլխին
Թուրքերն ու ադրբեջանցիները «հայերի որս» են սկսել Եվրոպայի փողոցներում. տեսանյութեր