Արխիվային լուսանկար

Կորոնավիրուսի դեպքերի 100 տոկոսից ավել աճ կա. բժիշկները պայքարում են երկու դաշտում

358
(Թարմացված է 21:22 13.10.2020)
Պատերազմական այս օրերին կորոնավիրուսի մասին շատերն են մոռացել, այնինչ հիվանդանոցներում այժմ կորոնավիրուսով վարակված 1600-ից ավել մարդ կա։ Հոսպիտալացվում են միայն ծանր վիճակում գտնվողները. մահճակալային ֆոնդը խնայում են զինվորների համար։

ԵՐԵՎԱՆ, 13 հոկտեմբերի — Sputnik. Վերջին 14 օրվա ընթացքում Հայաստանում կորոնավիրուսով վարակվածության դեպքերը կրկնակի աճել են. այժմ վարակվածության դեպքերի 100 տոկոսից ավել աճ կա։ Sputnik Արմենիայի հետ զրույցում տեղեկությունը հայտնեց ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը։

«Եթե սեպտեմբերի 27-28-ի շրջանում օրական 300-350 դեպք էր, ապա հոկտեմբերի 12-13-ի դրությամբ 740-745 դեպք ունենք։ Սա շատ վատ ցուցանիշ է։ Եթե այսպես շարունակվի, ապա հոկտեմբերի 26-27-ին արդեն շուրջ 1500 դեպք կունենանք օրական, այսինքն` կգերազանցենք ամռան տվյալները»,–ասաց Սահակյանը։

Նրա խոսքով` այսօրվա հետազոտությունների 30-35 տոկոսի արդյունքը դրական է լինում, ինչը Հայաստանի համար պիկ շրջանի` հունիսի 10-15–ի ցուցանիշին է համապատասխանում։ Սահակյանը հիշեցնում է, որ հունիսին երկրում քաղաքականություն փոխվեց ու անցանք պարտադիր դիմակային ռեժիմի` բաց և փակ տարածքներում դիմակ կրելը պահանջ էր։ Դիմակ կրելու արդյունքը, ըստ Սահակյանի, ակներև էր, քանի որ դեպքերի  նվազում արձանագրվեց։

Մասնագետը նկատում է` չնայած այսօր դիմակ կրելու պահանջը կա, չի չեղարկվել, սակայն մարդկանց մտահոգության թեման ռազմական վիճակն է, և շատերն ուղղակի մոռացության են մատնել կորոնավիրուսը։ Անվտանգության կանոններին բնակչությունը չի հետևում։ Սահակյանը նշում է` շատ քչերն են դիմակներ դնում, հանրային տրանսպորտը գերբեռնված է, կուտակումներ են լինում, սոցիալական հեռավորությունը չեն պահպանում։

«Այս օրերին անվտանգության կանոնները ոչ մեկին չի հետաքրքրում, և եթե անգամ սոցիալական հարթակներում նման հարց ենք բարձրացնում, ասում են` դրա ժամանակը չէ։ Համաձայն եմ` մեր առաջին մտահոգությունը ռազմաճակատն է, սակայն բոլորս պետք է գիտակցենք, որ մեր ճիշտ վարքագծով ապահովում ենք ռազմաճակատի թիկունքն ու առաջնագծում կռվողների առողջությունը»,–ասում է Սահակյանը։

Հակառակ դեպքում, ըստ նրա, մենք զինվորի համար լրացուցիչ բեռ ենք ստեղծում, քանի որ վիրուսը խոչընդոտներ չի ճանաչում, հեշտությամբ փոխանցվում է։

Կորոնավիրուսը որքա՞ն է մնում թղթադրամի ու հեռախոսի վրա․ նոր ուսումնասիրություն

Ինչ վերաբերում է հիվանդանոցների ծանրաբեռնվածությանը, ապա դրանք շարունակում են բավական ակտիվ աշխատել, քանի որ մի կողմից կորոնավիրուսով հիվանդներին են ընդունում, մյուս կողմից` վիրավորներին։ Սահակյանը հայտնեց, որ այս պահին 1600–ից ավել կորոնավիրուսով վարակված է հոսպիտալացվել, իսկ 7700-ից ավելին էլ տնային պայմաններում ինքնամեկուսացած են։ Ի դեպ, հիմա հոսպիտալացվում են շատ ծանր դեպքերը, քանի որ մահճակալային ֆոնդը խնայում են վիրավոր զինծառայողների համար։ Բժիշկները նույնպես հիմա երկու ճակատով են կռվում։

Սահակյանը հորդորում է հետևել բոլորին հայտնի հակահամաճարակային կանոններին` դիմակ դնել, սոցիալական հեռավորությունը պահպանել և հիգիենային հետևել։

Հիշեցնենք, որ վերջին մեկ օրում Հայաստանում կորոնավիրուսով վարակվածության 745 դեպք է արձանագրվել։ Ընդհանուր առմամբ, Հայաստանում կորոնավիրուսով վարակվել է 57 566 մարդ։

Մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

358
թեգերը:
բժիշկ, դիմակ, հիվանդ, կորոնավիրուս
թեմա:
Կորոնավիրուսը Հայաստանում և Արցախում (1583)
Премьер-министр Армении Никол Пашинян на заседании Евразийского межправительственного совета (9 октября 2020). Еревaн

Հայկական կողմը կպահպանի հրադադարի ռեժիմը. Փաշինյան

54
(Թարմացված է 08:12 26.10.2020)

Հայկական կողմը կպահպանի հրադադարի ռեժիմը, Facebook–ի իր էջում վստահեցրել է ՀՀ վարչապետ Նիկոլ Փաշինյանը։

«Ինչպես և համաձայնեցվել է երեկ Վաշինգտոնում` ԱՄՆ միջնորդությամբ, հայկական կողմը ժամը 08.00-ից լիարժեք կպահպանի հրադադարի ռեժիմը»,–գրել է նա։

Նշենք, որ երեկ` հոկտեմբերի 25–ին, ԱՄՆ-ը հայտարարեց հոկտեմբերի 26-ին՝ առավոտյան ժամը 8:00-ից Լեռնային Ղարաբաղում նոր հումանիտար հրադադար հաստատելու մասին։ Սա սեպտեմբերի 27-ից ադրբեջանական լայնածավալ ագրեսիայից հետո հրադադարի երրորդ փորձն է։

Հոկտեմբերի 22-ից մեկնարկել է Մնացականյանի աշխատանքային այցը Միացյալ Նահանգներ։ Զոհրաբ Մնացականյանը Վաշինգտոնում հանդիպել է ԱՄՆ պետքարտուղար Մայք Պոմպեոյի և նախագահի ազգային անվտանգության հարցերով օգնական Ռոբերտ Օ՛Բրայենի հետ:

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Ադրբեջանը մինչև այսօր էլ խախտում է հրադադարի վերաբերյալ պայմանավորվածությունները։

Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 25-ի ժամը 14։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

54
թեգերը:
հրադադար, Պատերազմ, Ադրբեջան, ԱՄՆ, ԵԱՀԿ Մինսկի Խումբ, Ղարաբաղյան հակամարտություն, Լեռնային Ղարաբաղ, Արցախ, Հայաստան, Նիկոլ Փաշինյան
Երևան

Տեղումների դեռ չսպասեք. եղանակի տեսություն

7
(Թարմացված է 15:01 25.10.2020)
Օդերևութաբանների կանխատեսմամբ` առաջիկա օրերին հանրապետության տարածքում օդի ջերմաստիճանի կտրուկ փոփոխություն չի արձանագրվի։

ԵՐԵՎԱՆ, 26 հոկտեմբերի - Sputnik. ՀՀ ԱԻՆ «Հիդրեմոտ» ծառայությունը հայտնում է, որ հանրապետության տարածքում հոկտեմբերի 26-30-ը սպասվում է առանց տեղումների եղանակ:

Նոր տվյալներ. Արցախի դեմ պատերազմին Ադրբեջանը վաղուց է պատրաստվել և Թուրքիայի աջակցությամբ

Քամին՝ հարավ-արևմտյան՝ 3-8 մ/վ: Օդի ջերմաստիճանն էապես չի փոխվի։

Եղանակի կանխատեսում
Եղանակի կանխատեսում

Երևան քաղաքում ևս հոկտեմբերի 26-30-ը սպասվում է առանց տեղումների եղանակ:

Մայրաքաղաքում հոկտեմբերի 26–ի գիշերը սպասվում է 10-12 աստիճան տաքություն, իսկ ցերեկայնի ժամերին կլինի +24...+26 աստիճան։

Սոթք-Քարվաճառ ավտոճանապարհը փակ է

7
թեգերը:
Անձրև, Երևան, Արցախ, Հայաստան, եղանակ
թեմա:
Եղանակը Հայաստանում