Ֆրանսիայից ժամանած կամավոր բժիշկները

«Պինդ կացեք». Ֆրանսիայից կամավոր բժիշկներ են եկել` օգնելու Արցախում վիրավորվածներին

635
(Թարմացված է 02:06 13.10.2020)
Ֆրանսիայից ժամանած վիրաբույժներն ու բուժքույրերը Հայաստանում կանցկացնեն մի քանի օր։

ԵՐԵՎԱՆ, 13 հոկտեմբերի – Sputnik. «Պինդ կացեք»։ Այսպես են ֆրանսիացի բժիշկները դիմում «Զվարթոց» օդանավակայանում իրենց դիմավորողներին։ Այստեղ նրանք կաշխատեն որպես կամավոր։ Երևանից կմեկնեն Գորիս, իսկ հարկ եղած դեպքում` Շուշի և Ստեփանակերտ։

Французские врачи-волонтеры, прибывшие в Армению для помощи пострадавшим в Карабахе, в аэропорту Звартноц (12 октября 2020). Еревaн
© Sputnik / Asatur Yesayants
Ֆրանսիայից բժիշկներ ժամանեցին Երևան

Գրեթե բոլորը բազմիցս եղել են Աֆրիկայի և Ասիայի թեժ գոտիներում, իսկ Ֆրանսիայում օգնել են ահաբեկչական ակտերից վնասվածքներ ստացած տասնյակ քաղաքացիների։

Французские врачи-волонтеры, прибывшие в Армению для помощи пострадавшим в Карабахе, в аэропорту Звартноц (12 октября 2020). Еревaн
© Sputnik / Asatur Yesayants
Ֆրանսիաից ժամանած կամավոր բժիշկները

Նրանցից մեկը` վիրաբույժ Պիեր Ժիրարը, որպես կամավոր աշխատել է Բուրունդիում, Ջիբութիում և Գվինեայում։

Французские врачи-волонтеры, прибывшие в Армению для помощи пострадавшим в Карабахе, в аэропорту Звартноц (12 октября 2020). Еревaн
© Sputnik / Asatur Yesayants
Ֆրանսիացի վիրաբույժ Պիեր Ժիրարը

«Ես վիրահատել եմ մեծաթիվ մարդկանց, որոնք տուժել են ռմնբակոծություններից և արգելված զինատեսակների կիրառումից, այդ թվում` կասետային ռումբերից։ Դրանցից ստանում են լուրջ այրվածքներ և բազմակի ծանր վերքեր, այդ թվում` ներքին օրգանների վնասվածքներ», - Sputnik Արմենիայի հետ զրույցում ասաց Ժիրարը։

Այս դեպքերում, նշում է նա, անհրաժեշտ է րոպե առաջ առաջին օգնություն ցուցաբերել, ախտահանել վերքերը։ Այդպես հետագա բուժումը գոնե փոքր–ինչ կհեշտանա։

Французские врачи-волонтеры, прибывшие в Армению для помощи пострадавшим в Карабахе, в аэропорту Звартноц (12 октября 2020). Еревaн
© Sputnik / Asatur Yesayants
Ֆրանսիացի բժիշկ Մարի Լիս Պերին

«Ձեզ համար հիմա դժվար է, պինդ կացեք, ամեն բան լավ կլինի», - ասում է բժիշկը` ցանկանալով մեզ գոտեպնդել։ Իսկ ո՞վ և ինչպե՞ս կգոտեպնդի նրանց։

«Մենք և՛ վախենում ենք, և՛ չենք վախենում։ Ամենակարևորը` մենք հասկանում ենք, թե որքան կա մեր աշխատանքի կարիքը։ Հենց այդ պատճառով էլ այստեղ ենք։ Հենց այսպիսի պահերին մենք զգում ենք` որքան կարևոր է մեր աշխատանքը»,-ասաց պլաստիկ վրաբույժ Պատրիկ Կնիպերը։

Французские врачи-волонтеры, прибывшие в Армению для помощи пострадавшим в Карабахе, в аэропорту Звартноц (12 октября 2020). Еревaн
© Sputnik / Asatur Yesayants
Պլաստիկ վրաբույժ Պատրիկ Կնիպերը

Նա օգնել է տուժածներին թե՛ թեժ գոտիներում, թե՛ Ֆրանսիայում, օրինակ` Bataclan համերգասրահում տեղի ունեցած տխրահռչակ ահաբեկչությունից հետո։

«Ֆրանսիայում արդեն իսկ շատերը գիտեն, թե ինչ հետևանքներ կարող է ունենալ պայթյունը, ինչ են նշանակում վերքերը ռումբերից կամ ավտոմատի կրակոցներից», – ասաց Կնիպերը։

Французские врачи-волонтеры, прибывшие в Армению для помощи пострадавшим в Карабахе, в аэропорту Звартноц (12 октября 2020). Еревaн
© Sputnik / Asatur Yesayants
Ֆրանսիաից ժամանած կամավոր բժիշկները

Դրանից հետո մենք պարոն Ժիրարին տալիս ենք փոքր–ինչ անհարմար մի հարց։

–Դուք կստանա՞ք արժանի վարձատրություն այստեղի ձեր աշխատանքի համար, - հարցնում ենք մենք։

–Ո՛չ, ո՛չ։ Մենք այստեղ կամավորներ ենք։ Աշխատում ենք անվճար,- պատասխանում է նա։

Վերջում խնդրում ենք նրան «ընկերանալ» սոցցանցերում։

«Ես այնտեղ գրանցված չեմ», – ժպտալով պատասխանում է։

Ինքը և իր ընկերներն իրենց գործն անում են ոչ թե «ֆեյսբուքներում», այլ այնտեղ, որտեղ կարող են և պետք են։

  • Ֆրանսիայից ժամանած կամավոր բժիշկները` «Զվարթնոցում»
    Ֆրանսիայից ժամանած կամավոր բժիշկները` «Զվարթնոցում»
    © Sputnik / Asatur Yesayants
  • Ֆրանսիայից ժամանած կամավոր բժիշկները` «Զվարթնոցում»
    Ֆրանսիայից ժամանած կամավոր բժիշկները` «Զվարթնոցում»
    © Sputnik / Asatur Yesayants
  • Ֆրանսիայից ժամանած կամավոր բժիշկները` «Զվարթնոցում»
    Ֆրանսիայից ժամանած կամավոր բժիշկները` «Զվարթնոցում»
    © Sputnik / Asatur Yesayants
  • Ֆրանսիայից ժամանած կամավոր բժիշկները` «Զվարթնոցում»
    Ֆրանսիայից ժամանած կամավոր բժիշկները` «Զվարթնոցում»
    © Sputnik / Asatur Yesayants
  • Ֆրանսիայից ժամանած կամավոր բժիշկները` «Զվարթնոցում»
    Ֆրանսիայից ժամանած կամավոր բժիշկները` «Զվարթնոցում»
    © Sputnik / Asatur Yesayants
  • Ֆրանսիայից ժամանած կամավոր բժիշկները` «Զվարթնոցում»
    Ֆրանսիայից ժամանած կամավոր բժիշկները` «Զվարթնոցում»
    © Sputnik / Asatur Yesayants
  • Ֆրանսիայից ժամանած կամավոր բժիշկները` «Զվարթնոցում»
    Ֆրանսիայից ժամանած կամավոր բժիշկները` «Զվարթնոցում»
    © Sputnik / Asatur Yesayants
1 / 7
© Sputnik / Asatur Yesayants
Ֆրանսիայից ժամանած կամավոր բժիշկները` «Զվարթնոցում»

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 12-ի ժամը 20։00-ի դրությամբ` հակառակորդի կրակոցների հետևանքով զոհվել են 525 զինծառայողներ և 31 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4919 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 168 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 514 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

635
թեգերը:
Արցախ, բժիշկ, կամավոր, Ֆրանսիա
թեմա:
Ադրբեջանական ագրեսիան Արցախում - 2020 (1458)
Ըստ թեմայի
Արցախի բժիշկները պայքարում են եկեղեցում վիրավորված ռուս լրագրողի կյանքը փրկելու համար
Բժիշկը զոհվել է մարտի դաշտում վիրավոր զինվորին օգնելու ժամանակ
«Իրականում ինձ փրկեց Շուշիի բժիշկը». Արցախում վիրավորված ռուս լրագրողն ապաքինվում է
ՀՀ ԱԳՆ

ՀՀ ԱԳՆ–ն հերքում է Ադրբեջանի հերթական մանիպուլյատիվ հայտարարությունը

174
(Թարմացված է 01:07 22.10.2020)
ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

ԵՐԵՎԱՆ, 22 հոկտեմբերի – Sputnik. Ադրբեջանի ԱԳՆ-ն հանդես է եկել մանիպուլյատիվ հայտարարությամբ, որտեղ փորձ է արվում ԼՂ հիմնախնդրի խաղաղ կարգավորումը մերժող Ադրբեջանի և Թուրքիայի դիրքորոշումը հրամցնել որպես հայկական կողմի մոտեցում: Տեղեկությունը հայտնում է ՀՀ ԱԳՆ մամուլի ծառայությունը։

Նշվում է, որ Թուրքիայի և նրա կողմից հովանավորվող ահաբեկիչների ուղղակի ներգրավմամբ Ադրբեջանի կողմից Արցախի ժողովրդի դեմ իրականացվող ռազմական ագրեսիան ուղղված է Արցախի բնիկ ժողովրդի բնաջնջմանը և առաջին իսկ օրվանից ուղեկցվում է միջազգային հումանիտար իրավունքի բազմաթիվ խախտումներով ու պատերազմական հանցագործություններով: Այս գործողություններն օրվա հրամայական են դարձնում Արցախի ժողովրդի գոյութենական անվտանգության լիակատար ապահովումը:

«ՀՀ-ն հետևողականորեն աջակցում է ԵԱՀԿ Մինսկի խմբի համանախագահող երկրների ղեկավարների միջնորդությամբ հոկտեմբերի 10-ի և 17-ի հայտարարություններով համաձայնեցված կրակի դադարեցման պայմանավորվածությունների անվերապահ իրականացմանը: 

Մշտապես հանդես գալով հակամարտության ռազմական կարգավորումը բացառող դիրքերից՝ մեկ անգամ ևս շեշտում ենք, որ ԼՂ հիմնախնդիրը կարող է կարգավորվել բացառապես խաղաղ միջոցներով միջազգային մանդատ ունեցող ձևաչափի՝ ԵԱՀԿ Մինսկի խմբի համանախագահության շրջանակներում»,–ասված է հաղորդագրության մեջ: 

ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

Ավելի վաղ Ադրբեջանի նախագահի օգնական Հիքմեթ Հաջիևը, մեկնաբանելով Հայաստանի վարչապետ Նիկոլ Փաշինյանի հայտարարությունը, որ այս պահին անիմաստ է խոսել հակամարտությունը դիվանագիտական ճանապարհով լուծելու մասին, հայտարարել էր, որ պաշտոնական Բաքուն աջակցում է բանակցությունների միջոցով ՄԱԿ-ի Անվտանգության խորհրդի բանաձևերի հիման վրա հարցի կարգավորմանը:

Նշենք, որ հոկտեմբերի 21–ին ՀՀ վարչապետ Նիկոլ Փաշինյանը Facebook–ի իր ուղիղ միացման ժամանակ ասել էր, որ Ղարաբաղյան հիմնահարցի դիվանագիտական լուծման մասին այս փուլում խոսելն անիմաստ է։ «Պետք է հստակ գիտակցենք, որ Ղարաբաղի հարցը գոնե այս փուլում և այս փուլից սկսած` երկար ժամանակ դիվանագիտական լուծում չունի։ Բոլոր հույսերը, առաջարկները, թե պետք է Արցախյան հիմնահարցի առնչությամբ դիվանագիտական լուծում գտնել, ըստ էության, պետք է ավարտված համարել»,–ասել էր վարչապետը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

174
թեգերը:
Արցախ, Ղարաբաղյան հակամարտություն, Լեռնային Ղարաբաղ, ՀՀ Արտաքին գործերի նախարարություն. ԱԳՆ, Հայաստան, Ադրբեջան
թեմա:
Ադրբեջանական ագրեսիան Արցախում - 2020 (1458)
Ըստ թեմայի
Թշնամին հրետանի է կիրառել Մարտունի քաղաքի և Հերհեր գյուղի ուղղությամբ
Հադրութում հայ գերիներին գնդակահարած հանցագործներից մեկը ոչնչացվել է. Razm.info
Եթե Ադրբեջանը ցանկանա, Թուրքիան Լեռնային Ղարաբաղ զորք կուղարկի. Ֆուաթ Օքթայ
Վարուժան Ավետիքյան

Զոհված և հաշմանդամ դարձած զինծառայողների ընտանիքներն ամեն ամիս 100-300 հազար դրամ կստանան

154
(Թարմացված է 23:37 21.10.2020)
Զինծառայողների ապահովագրության հիմնադրամը խոստանում է ապահովել Արցախյան պատերազմի մասնակիցների ընտանիքների արժանապատիվ կյանքը։

ԵՐԵՎԱՆ, 21 հոկտեմբերի — Sputnik. Զինծառայողների ապահովագրության հիմնադրամին ՀՀ քաղաքացիների ամենամսյա 1000 դրամ վճարումների արդյունքում հիմնադրամում այս տարիների ընթացքում հավաքվել է 60 մլն դոլարին համարժեք դրամ։ Տեղեկությունն այսօր կայացած ճեպազրույցում հայտնեց հիմնադրամի տնօրեն Վարուժան Ավետիքյանը։

«Այդ գումարն ամբողջությամբ ուղղվելու է այս պատերազմի ընթացքում զոհված և հաշմանդամ դարձած զինծառայողների ընտանիքներին` ապահովելու համար նրանց արժանապատիվ կյանքը»,– ասաց հիմնադրամի տնօրենը։

Փոխհատուցում են ստանում նաև անհայտ կորած զինվորականների ընտանիքները։

«Մենք յուրաքանչյուր ընտանիքի տրամադրում ենք 52-82 մլն դրամ, որը 120-160 000 դոլար է։ Հատուցումը տրամադրվում է 2 եղանակով. առաջինը դա միանվագ վճարն է 10 մլն դրամի չափով, եթե զոհված է, անհայտ կորած է, կամ առաջին կարգի հաշմանդամ է և 5 մլն դրամ, եթե երկրորդ կարգի հաշմանդամ է։ Այնուհետև յուրաքանչյուր ամիս ընտանիքի համար բացված հաշվեհամարին փոխանցվում է 100-300 հազար դրամ։ Իսկ եթե զինծառայողն ունի 3 և ավելի երեխա, ապա լրացուցիչ 100 հազար դրամ վճարում ենք կատարում»,– ասաց Ավետիքյանը։

Բացի այդ հիմնադրամին կատարվում են նաև նվիրատվություններ, ուստի Վարուժան Ավետիքյանը կարևորեց հիմնադրամի աշխատանքներին նաև սփյուռքի մասնակցությունը։ Նվիրատվությունների համար հիմնադրամի տնօրենն առաջարկեց այցելել հիմնադրամի 1000+.am պաշտոնական կայք։

Տնօրենը հայտնեց, որ նվիրատվությունների արդյունքում միայն վերջին 3 շաբաթների ընթացքում հավաքվել է 4.5 մլն դրամ։ Այդ գումարի 80 տոկոսը փոխանցվել է Հայաստանից, մնացածը` ԱՄՆ–ից ու ՌԴ–ից։

«Մի փոքր երկիր` Կիպրոսը, որտեղ կա մի փոքր համայնք, առաջին հնգյակում է։ Այնտեղից 240 000 դոլարի վճարում է կատարվել այսօր»,– ասաց Ավետիքյանը։

Զինվորների մոտ ընդհանրապես հեռախոս չպետք է լինի. դա շատ ու շատ վտանգավոր է

Հիմնադրամը հանդես է եկել նոր առաջարկով` հնարավորություն տալով տնտեսվարողներին, ցանկության դեպքում, իր աշխատակիցների աշխատավարձերից վճարվող 1000 դրամները կրկնապատկել` դարձնելով 2000։

Հիմնադրամի տնօրենը հայտնեց նաև, որ հիմնադրամի անձնակազմն աշխատում է կամավորական սկզբունքով ու հավաքագրված գումարներից որևէ լումա չի ծախսվում ո՛չ աշխատակազմի, ո՛չ որևէ այլ կարիքների համար։

Բոլորս պարտավոր ենք մեր տղաների կողքին լինել. զոհված զինվորի հոր կոչը

«ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքն ընդունվել էր ապրիլյան քառօրյա պատերազմից հետո`2016թ–ի դեկտեմբերի 14-ին, ուժի մեջ մտել 2017թ–ի հունվարի 1-ից։
ՀՀ աշխատող քաղաքացիներից յուրաքանչյուրն, այս օրենքով, պարտավորվում է իր ամսական աշխատավարձից ամեն ամիս 1000-ական դրամ վճարել զինծառայողների աջացության հիմնադրամին։

«Զինծառայողների ապահովագրության» հիմնադրամի պաշտոնական կայքի տվյալներով հիմնադրամի ստեղծման պահից առ այսօր հավաքագրվել է 29 519 596 149 դրամ։ Դրանից 27 250 731 040 դրամը պարտադիր վճարումներով, 2 268 865 109` նվիրատվությամբ։ Այս գումարից առ այսօր օգտագործվել է 2 405 165 088 դրամը։

154
թեգերը:
փող, հիմնադրամ, հաշմանդամ, Զոհ, զինծառայող
Ըստ թեմայի
Փաշինյանի խոսնակը մեկնաբանել է ՀՀ վարչապետի` խաղաղ կարգավորման վերաբերյալ դիտարկումը
Երբեմն թշնամին խոցում է բուժօգնության ավտոմեքենաները. Հովհաննիսյան
Թշնամին հրետանի է կիրառել Մարտունի քաղաքի և Հերհեր գյուղի ուղղությամբ