Յուրի կոտենոկին տեղափոխում են «Էրեբունի» ԲԿ

Կոտենոկը վերակենդանացման բաժնում է. խոստանում է` մանրամասն կգրի Շուշիում կատարվածի մասին

634
(Թարմացված է 18:00 10.10.2020)
Sputnik Արմենիայի ղեկավար Դմիտրի Պիսարենկոն և ՀՀ ԱԺ պատգամավոր Ալեքսեյ Սանդիկովը այցելել են Երևանի «Էրեբունի» բժշկական կենտրոնում բուժում ստացող վիրավորված ռուս լրագրողին։

ԵՐԵՎԱՆ, 10 հոկտեմբերի – Sputnik. «Сегодня.ру» կայքի գլխավոր խմբագիր Յուրի Կոտենոկը գտնվում է վերակենդանացման բաժանմունքում։ Նա կոմայից արդեն դուրս է եկել և, թեկուզ դժվարությամբ, բայց կարողանում է շփվել մարդկանց հետ։ Կոտենոկը խոստանում է, որ ի վիճակի լինելուն պես հոդվածով մանրամասն կներկայացնի իր վիրավորման հանգամանքները և Շուշիի Սուրբ Ամենափրկիչ Ղազանչեցոց եկեղեցու հրետանակոծությունը։

Նրա խոսքով՝ տաճարին հասցրած երկրորդ հարվածը կանխամտածված է եղել, քանի որ մինչ այդ քաղաքի այդ մասի երկնքում ԱԹՍ էր նկատվել։

Օդային գրոհի արդյունքում լրագրողը ծանր վիրավորվել է և անգիտակից վիճակում տեղավորվել Երևանի «Էրեբունի» բժշկական կենտրոն։

«Հիմա նա առույգ է, ժպտում է, բայց երբեմն ցավը ստիպում է կնճռոտել դեմքը։ Հետաքրքիր է, որ նա ինձ ճանաչեց և ասաց ազգանունս։ Ասաց, որ մենք հանդիպել ենք Չեչնիայում»,-պատմում է Պիսարենկոն։

Հայաստանում ռուսական համայնքի պատգամավոր Ալեքսանդր Սանդիկովն էլ իր հայրենակից լրագրողին փոխանցեց իր հեռախոսահամարը՝ անհրաժեշտության դեպքում կապվելու համար։

Վիրավոր լրագրողին այցելել են նաև ՀՀ-ում Ռուսաստանի դեսպանատան աշխատակիցները։

Արցախի Մարդու իրավունքների պաշտպանն այցելել է Շուշիի եկեղեցում վիրավորված լրագրողներին

Հիշեցնենք` ռուս լրագրողները վիրավորվել էին հոկտեմբերի 8-ին։ Ադրբեջանական ԶՈւ կողմից Շուշիի Սուրբ Ամենափրկիչ Ղազանչեցոց եկեղեցու առաջին հրթիռակոծությունից հետո լրագրողներն այնտեղ էին գնացել հետևանքները նկարահանելու համար։ Այդ ժամանակ Ադրբեջանը երկրորդ անգամ էր հրթիռակոծել եկեղեցին, ինչի հետևանքով վիրավորվել էին լրագրողներ Յուրի Կոտենոկն ու Լևոն Արզանովը, նաև նրանց ուղեկցողը` Հրանտ Բալադյանը։

Հայաստանը Շուշիի եկեղեցու նկատմամբ վանդալիզմի փաստով նամակ է հղել ՅՈՒՆԵՍԿՕ-ին

Վերջին երկուսը թեթև վնասվածքներ էին ստացել, իսկ Յուրի Կոտենոկը` ծանր։ Նա բեկորային վնասվածքներ էր ստացել որովայնի, կրծքավանդակի և ստորին վերջույթների շրջանում։ Արզանովը և Բալադյանը հոկտեմբերի 9-ին կառավարական ինքնաթիռով տեղափոխվել են Ռուսաստան։

634
թեգերը:
Ադրբեջան, հրթիռակոծություն, Ղազանչեցոց եկեղեցի (Շուշի), Շուշի, Յուրի Կոտենոկ, հիվանդանոց, Վիրավոր, Լրագրող, ռուս, Ալեքսեյ Սանդիկով
թեմա:
Ադրբեջանական ագրեսիան Արցախում - 2020 (1868)
Ըստ թեմայի
«Քիչ առաջ վերադարձա Հադրութից». Արայիկ Հարությունյանը նոր գրառում է արել
Ադրբեջանի նախնական հաշվարկները խառնվել են
Բեռլինը Երևանին ու Բաքվին հորդորում է Ղարաբաղի շուրջ առարկայական բանակցություններ սկսել
Նիկոլ Փաշինյան

Նիկոլ Փաշինյանի անունով կեղծ օգտահաշիվ է բացվել

65
(Թարմացված է 02:08 01.11.2020)
ՀՀ վարչապետի խոսնակը վստահեցնում է, որ Նիկոլ Փաշինյանը «Տելեգրամում» օգտահաշիվ չունի։

ԵՐԵՎԱՆ, 1 նոյեմբերի – Sputnik. ՀՀ վարչապետ Նիկոլ Փաշինյանի անունով կեղծ օգտահաշիվ է բացվել ու գործում «Տելեգրամում»։ Տեղեկությունը հայտնում է վարչապետի խոսնակ Մանե Գևորգյանը։

«Տեղեկացնում եմ, որ վարչապետը «Տելեգրամում» հաշիվ չունի»,– Facebook–ի իր էջում գրել է նա:

Նշենք, որ սեպտեմբերի 27-ից ծավալված պատերազմի ընթացքում բազմաթիվ կեղծ էջեր են բացվում սոցիալական ցանցերում։

Պետական տարբեր կառույցներ հանրությանը պարբերաբար հորդորում են զգոնություն ու աչալրջություն դրսևորել։

Հայերն Ադրբեջանի պետական փաստաթղթերի հասանելիություն են ստացել. տեսանյութ

65
թեգերը:
Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Մարտական գործողությունները մոտենում են Հայաստանի սահմանին. Փաշինյանը դիմել է Պուտինին
Փաշինյանը բացատրել է Հայաստան-Արցախ սահմանին ռուս սահմանապահների ներկայությունը
Փաշինյանն ասել է` ինչ հաջորդականությամբ կարող է լուծվել հակամարտությունը
ՀԱՊԿ զորավարժություններ, արխիվային լուսանկար

Ինչո՞ւ է ՀՀ–ն դիմել ՌԴ–ին, բայց ոչ ՀԱՊԿ-ին. պատասխանում է Վաղարշակ Հարությունյանը

270
(Թարմացված է 00:22 01.11.2020)
Փաշինյանի գլխավոր խորհրդականի կարծիքով՝ չի կարելի ասել, որ ՀԱՊԿ-ը քայլեր չի ձեռնարկում կրակի դադարեցման ուղղությամբ։

ԵՐԵՎԱՆ, 1 նոյեմբերի - Sputnik. ՀՀ վարչապետի գլխավոր խորհրդական, գեներալ-լեյտենանտ Վաղարշակ Հարությունյանը մեկնաբանել է, թե ինչու է Հայաստանը դիմել Ռուսաստանին, բայց ոչ ՀԱՊԿ-ին, այն դեպքում, երբ Հայաստանը կառույցի անդամ է։

Հայաստանի Հանրային հեռուստաընկերության եթերում Հարությունյանը նշել է՝ չկա վստահություն, որ ՀԱՊԿ անդամ մյուս պետությունները կարող են դրական ազդեցություն ունենալ Ղարաբաղում մարտական գործողությունների դադարեցման հարցում՝ հաշվի առնելով Թուրքիայի հետ փոխգործակցությունները։ Միևնույն ժամանակ նա հիշեցրել է՝ ՀԱՊԿ գլխավոր քարտուղար Ստանիսլավը Զասը հակամարտության հենց սկզբում հայտարարություններ է արել կրակն անհապաղ դադարեցնելու և հակամարտությունը խաղաղ ճանապարհով լուծելու անհրաժեշտության մասին։

«Այս առումով ՀԱՊԿ-ը այս պահին իր գործողություններն իրականացրել է... Երբ խոսում ենք այս կազմակերպության մասին, պետք է նկատի ունենալ՝ մեր տարածաշրջանում գործում է միավորված ռազմական խմբավորում, խոսքը հայ-ռուսական խմբավորման մասին է։ Որովհետև ՀԱՊԿ-ը գործում է ըստ ուղղությունների, ասենք՝ Արևմտյան ուղղությամբ ռուսական և բելառուսական զորքն է, այստեղ՝ հայկական և ռուսական զորքը։ Այնպես որ երբ ՀԱՊԿ-ը որոշում է մեզ աջակցել, ստացվում է նույն իրավիճակը, երբ գործելու է հայ-ռուսական խմբավորումը»,- նշել է նա։

Հարությունյանն ընդգծել է, որ երբ Հայաստանի ղեկավարությունը վերլուծի իրավիճակն ու որոշի դիմել ՀԱՊԿ, ապա այդպես էլ կարվի։

«Մեզ ոչ մի բան չի կաշկանդում, և վարչապետն այդ մասին ասել է՝ մենք օգտագործելու ենք մեր բոլոր լծակները` ներառյալ ՀԱՊԿ-ը»,- հավելել է նա։

Հիշեցնենք` ՀՀ ԱԳՆ–ն այսօր տեղեկացրեց, որ հոկտեմբերի 31-ին ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին։ «Հաշվի առնելով մարտական գործողությունների` Հայաստանի սահմանին մոտենալը, ՀՀ տարածքի նկատմամբ արդեն իսկ տեղի ունեցած ոտնձգությունների փաստերը, Փաշինյանը դիմել է Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի «Բարեկամության, համագործակցության և փոխադարձ աջակցության մասին» պայմանագրի 2-րդ հոդվածը»,– նշված էր հաղորդագրության մեջ։

Ռուսաստանի արտաքին գործերի նախարարությունը, արձագանքելով Նիկոլ Փաշինյանի նամակին, հայտարարեց, որ համաձայն ՀՀ-ի և ՌԴ-ի միջև կնքված համաձայնագրի՝ Ռուսաստանն անհրաժեշտ օգնություն կցուցաբերի, եթե ռազմական բախումները տեղափոխվեն անմիջապես ՀՀ տարածք։

270
թեգերը:
Ռուսաստան, Վաղարշակ Հարությունյան, Հավաքական անվտանգության պայմանագիր կազմակերպություն (ՀԱՊԿ), Հայաստան
Ըստ թեմայի
Ինչու է Էրդողանը խուճապի մատնվում Պուտինի հետ խոսակցությունների ժամանակ
Պուտինը Ղարաբաղում տիրող իրավիճակը քննարկել է Անվտանգության խորհրդի անդամների հետ
Հայաստանը կարող է ռազմական օգնություն խնդրել Ռուսաստանից. Տողանյան
Խոսքը ՀԱՊԿ-ի մասին չէ. Հայաստանն աջակցության համար Ռուսաստանին է դիմել․ Տողանյան