Ռուստամ Բադասյան. արխիվային լուսանկար

Հերյուրանք է. Բադասյանը գիտի` ովքեր և ինչու են իր պաշտոնանկության մասին լուրեր տարածում

169
(Թարմացված է 13:45 09.10.2020)
Ռուստամ Բադասյանը լրագրողների հետ զրույցում անդրադարձել է լուրերին, թե Ռուսաստանի կողմից այս կամ այն պաշտոնյայի ազատման հարց է ներկայացվում։

ԵՐԵՎԱՆ, 9 հոկտեմբերի - Sputnik. ՀՀ արդարադատության նախարար Ռուստամ Բադասյանն Ազգային ժողովում լրագրողների հետ զրույցում վստահեցրեց` իր պաշտոնանկության մասին լուրերը հերյուրանք են։ 

Լրագրողները հետաքրքրվեցին, թե արդյո՞ք Ռուսաստանի կողմից էլ չկա հրաժարականի պահանջ, ինչպես լուրեր էին շրջանառվում ԱԱԾ տնօրեն Արգիշտի Քյարամյանի դեպքում։ Ի պատասխան Բադասյանը նշեց, որ պետք չէ նման սադրանքներին տրվել։

«Ռուսաստանը մեր ռազմավարական դաշնակիցն է, և Ռուսաստանի հետ բացառապես ռազմավարական և դաշնակցային հարաբերություններ ունենք»,–ասաց նախարարը։

Անդրանիկ Քոչարյանը մեկնաբանում է ԱԱԾ տնօրենի պաշտոնանկությունը

Բադասյանի խոսքով`լուրերը, թե Մոսկվայի կողմից պահանջ է դրվում որևէ կառույցի ղեկավարին հանելու, անպատասխանատու մարդկանց կողմից են տարածվում և խայծ են այն կառույցների կողմից, որոնք ուզում են` երկրում մթնոլորտը փոխվի։

Հիշեցնենք, որ երեկ ՀՀ նախագահ Արմեն Սարգսյանի հրամանագրով` Ազգային անվտանգության ծառայության տնօրեն Արգիշտի Քյարամյանն ազատվել էր պաշտոնից։ ԱԱԾ տնօրենի պարտականությունների ժամանակավոր պաշտոնակատար է նշանակել Միքայել Համբարձումյանը։

Ո՞վ է Արցախում սուտ լուրեր տարածել ծառայակիցների շրջանում. ԱԱԾ–ն մանրամասներ է հայտնում

169
թեգերը:
Ռուսաստան, պաշտոնանկություն, Ռուստամ Բադասյան
Ըստ թեմայի
Ինչու է պաշտոնանկ արվել Քյարամյանը, և ինչ կապ ունեն հայ–ռուսական հարաբերությունները
Վանեցյանն առաջին հերթին պետք է մտածի, որ իր օրոք գաղտնալսումներ են եղել. Քյարամյան
Օրենքի շուրջ հնչած կարծիքները ջախջախված են. Բադասյանը՝ վերջին ձերբակալությունների մասին
Նիկոլ Փաշինյան

Վարչապետը փոխմարզպետներ է նշանակել

53
(Թարմացված է 13:46 30.10.2020)
ՀՀ վարչապետ Նիկոլ Փաշինյանի որոշմամբ՝ մի շարք մարզերում փոխմարզպետներ են նշանակվել:

ԵՐԵՎԱՆ, 30 հոկտեմբերի - Sputnik. ՀՀ վարչապետ Նիկոլ Փաշինյանի որոշմամբ՝ մի շարք մարզերում փոխմարզպետներ են նշանակվել: Վարչապետի որոշումները տեղադրված են կառավարության պաշտոնական կայքում:

Արարատի մարզպետի տեղակալ է նշանակվել Նորիկ Ամիրխանյանը, Արագածոտնի մարզպետի տեղակալ՝ Ռազմիկ Պետրոսյանը,  Գեղարքունիքի մարզպետի տեղակալ՝ Հենրիկ Մուրադյանը, Տավուշի մարզպետի տեղակալ Արթուր Հովակիմյանը, Սյունիքի մարզպետի տեղակալ՝ Մելիքսեթ Պողոսյանը, Արմավիրի մարզպետի տեղակալ՝ Ալեքսան Ալեքսանյանը, Վայոց ձորի մարզպետի տեղակալ՝ Արայիկ Մուրադյանը։

Տիգրան Բալայանը կրկին դեսպան է նշանակվել

53
թեգերը:
Նշանակում, փոխմարզպետ, Վարչապետ
Ըստ թեմայի
Հերթական ազատումը. պաշտոնից հեռացվել է ԱԱԾ սահմանապահ զորքերի շտաբի պետը
ԱԱԾ–ի պաշտոնանկություններն ու ռազմական դրությունը. ո՞ւմ համար է այս «թափանցիկությունը»
Ջալալ Հարությունյանը վիրավոր է. ԱՀ նախագահը նրան փոխարինող է նշանակել. տեսանյութ
Արխիվային լուսանկար

Զգուշացում. սոցիալական կայքերում շարունակում են վտանգավոր տեղեկություններ հավաքել

160
(Թարմացված է 11:24 30.10.2020)
Facebook-ում կրոնական քարոզիչ ներկայացող անձը տեղեկություններ է հավաքում առաջնագծում գտնվող զինվորների վերաբերյալ։

ԵՐԵՎԱՆ, 30 հոկտեմբերի - Sputnik. ՀՀ ազգային անվտանգության ծառայությունը տեղեկացնում է, որ սոցիալական ցանցերի հայազգի տարբեր օգտատերեր պարբերաբար տարածում են հայտարարություններ՝ խնդրելով իրենց տրամադրել տեղեկատվություն արցախա-ադրբեջանական զորքերի շփման գծի, Արցախի Հանրապետությունում ընթացող ռազմական գործողությունների, մարտի դաշտում տեղի ունեցող հերոսությունների և բացառիկ սխրանքների մասին:

«Մասնավորապես, Facebook–ի օգտատեր Վահե Պետրոսյանը, ով ներկայանում է որպես կրոնական քարոզիչ, իր ուղիղ եթերներից մեկում խնդրել է իրեն ուղարկել առաջնագծում գտնվող զինվորների վերաբերյալ «վկայություններ», թե ինչպես են վերջիններս փրկվել Աստծո շնորհիվ»,– գրում է ԱԱԾ–ն:

Ծառայությունը նաև հիշեցնում է, որ պատերազմական իրավիճակում առաջնագծի, թիկունքի, զորքերի տեղաշարժի, մարդկանց կուտակումների վերաբերյալ, ինչպես նաև առաջին հայացքից թեկուզ ոչ նշանակալի թվացող ցանկացած տեղեկատվություն անթույլատրելի է փոխանցել այլ անձանց, քանի որ նման տվյալները ուղղակի կամ անուղղակի կերպով կարող են օգտագործվել Հայաստանի Հանրապետության և Արցախի Հանրապետության անվտանգությանը վնասող գործողություններ իրականացնելու համար:

Ադրբեջանի օգտին լրտեսություն կատարած երկու անձինք կալանավորված են. ԱԱԾ

ԱԱԾ–ն հանրությանը ևս մեկ անգամ հորդորում է սոցիալական ցանցերում շփումների ընթացքում դրսևորել զգոնություն, աչալրջություն և զերծ մնալ առաջնագծին առնչվող տվյալներ տարածելուց:

160
թեգերը:
ադրբեջանցի, Պատերազմ, ՀՀ ազգային անվտանգության ծառայություն. ԱԱԾ, կիբեռանվտանգություն
Ըստ թեմայի
Սոցիալական ցանցերում վիրավոր զինծառայողների կեղծ ցուցակ է տարածվում
Կեղծ լուրեր՝ բարձրաստիճան պաշտոնյաների մասին. ԱԱԾ–ն հորդորում է կասկածելի կայքերի չհետևել
Ադրբեջանցիները զոհված հայերի կեղծ ցանկ են հրապարակել. ի՞նչ է խորհուրդ տալիս Մարտիրոսյանը
Արխիվային լուսանկար

Ռուսաստանում մտադիր են արյան մեջ շաքարի և խոլեստերինի քանակը հաշվարկող թևնոց ստեղծել

0
«Խելացի» թևնոցի ստեղծման համար Ռուսաստանում նախատեսվում է տեխնոլոգիական մրցույթ հայտարարել։

ԵՐԵՎԱՆ, 30 հոկտեմբերի – Sputnik. Ռուսաստանում ապագայում կհայտնվեն «խելացի» թևնոցներ, որոնք ի վիճակի են իրական ժամանակի ռեժիմում հաշվարկել մարդու օրգանիզմում հորմոնների վիճակի, արյան մեջ շաքարի և խոլեստերինի մակարդակի տվյալները։ Տեղեկությունը ՌԻԱ Նովոստիին հայտնել է «Ռուսաստանի վենչուրային ընկերության» նորարարական ենթակառուցվածքների գծով փոխտնօրեն Միխայիլ Անտոնովը։

Նրա խոսքով՝ այդպիսի սարքի ստեղծման տեխնոլոգիական մրցույթը նախատեսվում է հայտարարել ապագայում։

«Տվիչների մրցույթի գաղափարը ենթադրում է թևնոցների ստեղծում, որոնք կարող են արագ տվյալներ հավաքել մարդու առողջական վիճակի մասին և անմիջապես հայտնել նրան շաքարի, խոլեստերինի, սթրեսի հորմանի մակարդակի բարձրացման մասին և այլն։ Ալգորիթմներն առցանց վերլուծելու են մարդու առողջության մասին տվյալները և ակնթարթորեն փոխանցելու են դրանք»,-ասել է Անտոնովը։

Նրա խոսքով՝ նախքան մրցույթ հայտարարելը մեկ տարի մանրակրկիտ աշխատանք է պետք կատարել։

0