Դաշտային խոհանոց

Օգնությունն ավելի շատ է, քան անհրաժեշտ է․ ինչո՞վ են զբաղված խոհարարներն ու հյուրանոցները

224
Մինչ բնակչության մի մասը կամավորագրվում է առաջնագիծ մեկնելու համար, մյուսները համերաշխորեն օգնություն են հավաքում, իրենց տներն են առաջարկում արցախցիներին կամ սովորում են արհեստներ, որոնք կարող են օգտակար լինել ռազմաճակատի համար։

ԵՐԵՎԱՆ, 6 հոկտեմբերի — Sputnik. Հայաստանում ձևավորվելու է մասնագետ խոհարարների թիմ, որոնց ցանկացած պահի կարող են առաջնագիծ ուղարկել շարժական դաշտային խոհանոցում աշխատանքը կազմակերպելու համար։ Sputnik Արմենիայի հետ զրույցում տեղեկությունը հայտնեցին Հայ խոհարարական ավանդույթների զարգացման և պահպանման ՀԿ-ից։

Այս պահին ասոցիացիան մասնագետների վերապատրաստում է իրականացնում։ Առաջին թիմը բաղկացած է 20 մարդուց։

«Այս պահին մեր տեխնոլոգը խոհարարներին շարժական դաշտային խոհանոցի սկզբունքներին է ծանոթացնում։ Հետագայում նրանք կազմելու են մասնագետների ջոկատ, որն անհրաժեշտության դեպքում կմեկնի առաջնագիծ ու մեր զինծառայողների համա պատշաճ սնունդ կապահովի», - ասել են կազմակերպությունում։

Կազմակերպությունում նշեցին` հաշվի առնելով, որ խոհարարներն իրենց գործի մասնագետներն են, վերապատրաստման գործընթացն ամենասեղմ ժամկետներում կիրականացվի։ ՀԿ-ում նշում են, որ պաշտպանության նախարարությունում դաշտային խոհանոցի մասնագետներ կան, սակայն լրացուցիչ ձեռքերը երբեք չեն խանգարի։ Ավելին, այսուհետ երկրում կձևավորվի քաղաքացիական անձանցից կազմված մասնագետների թիմ, որն արտակարգ իրավիճակներում միշտ պատրաստ է արագ արձագանքել։

Խոհարարները և ոչ միայն․․․ թիկունքում

Մինչ ոմանք դաշտային խոհանոցն են ուսումնասիրում, խոհարարների մեկ այլ խումբ օր ու գիշեր սնունդ է պատրաստում նրանց համար, ովքեր էսկալացիայի ժամանակ Արցախից Հայաստան են տեղափոխվել։ Հայաստանի ռեստորատորների միության նախագահ Վահե Գևորգյանը Sputnik Արմենիայի հետ զրույցում նշեց, որ մեր երկրի 50 ռեստորաններ միացել են հայրենակիցներին աջակցելու գործընթացին։

«Տարբեր ռեստորաններ հայրենակիցների համար սնունդ են ապահովում», - ասաց Գևորգյանը։

Աշխատանքը համակարգում է ՀՀ աշխատանքի և սոցիալական հարցերի նախարարությունը։ Ռեստորանները գերատեսչությանը տեղեկացնում են իրենց հնարավորությունների մասին, այնտեղից ստանում Արցախից ժամանակավոր տեղափոխվածների ցանկը։ Ցանկի համաձայն՝ յուրաքանչյուր հաստատություն իր հնարավորությունների չափով քաղաքացիների խմբերի համար սնունդ է ապահովում։ Գևորգյանը պարզաբանեց, որ այդ ամենն իրականացվում է կամավորական սկզբունքով. հաստատություններն իրենց նախաձեռնությամբ են միացել։

Գևորգյանը նշեց, որ այս գործընթացին մասնակցում են ոչ միայն երևանյան, այլև մարզերի հաստատությունները։ Միության այլ անդամներն ակտիվորեն մասնակցում են առաջնագծի համար առաջին անհրաժեշտության ապրանքներ հավաքելու գործին։

Սյունիքի մարզում իրավիճակը վերահսկելի է, միայն անհրաժեշտ են արյան կամավոր դոնորներ

Անմասն չեն մնացել նաև Հայաստանի հյուրատներն ու հուրանոցները։ Հյուրատների զարգացման հայկական ասոցիացիայի նախագահ Օֆելյա Պետրոսյանը Sputnik Արմենիայի հետ զրույցում նշեց, որ ավելի քան 200 արցախցի տեղավորվել են Հայաստանի տարբեր բնակավայրեր (Օշականից ու Բյուրականից մինչև Գառնի ու Վանաձոր) 22 հյուրատներում։

«Հիմնականում կանայք ու երեխաներ են։ Կան քաղաքացիներ, որոնք իրենց տներում են հյուրընկալել մեր հայրենակիցներին», - ասաց Պետրոսյանը։

Նա նշեց, որ ազգը համախմբվել է։ Շատերն իմանալով` որտեղ են արցախցիներին ապաստան տվել, ինչով կարողանում` օգնում են, սնունդ ու հագուստ են բերում։

Աշխատանքի և սոցիալական հարցերի նախարարության հովանու ներքո

Առանձին կամավորականների կազմակերպություններից բացի, հիմնական աշխատանքները համակարգում է ՀՀ աշխատանքի և սոցիալական հարցերի նախարարությունը։ Sputnik Արմենիայի հետ զրույցում գերատեսչությունից ասացին, որ օգնության առաջարկներն ավելի շատ են, քան դրանց անհրաժեշտությունը կա։

 «Մենք աջակցելու առաջարկություն ենք ստանում մասնավոր սեկտորից,  կամավորների խմբերից ու մասնավոր անձանցից», - Sputnik Արմենիայի հետ զրույցում ասաց նախարարության մամուլի քարտուղար Սոնա Մարտիրոսյանը։

Ավելին՝ գերատեսչությունում շուրջօրյա գործում է 114 թեժ գիծը, միաժամանակ ռազմական դրության ընթացքում 117 թեժ գիծ է գործում։ Մարտիրոսյանը նշեց, որ գերատեսչությունն աշխատում է շուրջօրյա ռեժիմով, շաբաթը յոթ օր՝ որ հասցնի արցախցիներին ապահովել անհրաժեշտ ամեն ինչով` սնունդ, բնակավայր։

Նրանց օգնում են կամավորականների երկու մեծ խումբ․ մեկը կարիքավորների ցանկն է կազմում, մյուսն օգնելու պատրաստ քաղաքացիների տվյալներն է հավաքում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

ՊՆ–ն դիմել է կամավորներին

Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3454 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 126 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 379 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

224
թեգերը:
Հյուրանոց, Արցախ, Հայաստան, խոհարար
թեմա:
Ադրբեջանական ագրեսիան Արցախում - 2020 (1501)
Ըստ թեմայի
«Մենք ձեզ մենակ չենք թողնի». ֆրանսիական Օվերն-Ռոն-Ալպերը 55 հազար եվրո կտրամադրի Արցախին
Հունաստանն ու ՆԱՏՕ-ն դատապարտել են Արցախում պատերազմ հրահրող արտաքին ուժերի միջամտությունը
Լոս Անջելեսը սատարում է Արցախին. կոնգրեսականները Արցախի դրոշի գույներով դիմակներ են դրել
Արխիվային լուսանկար

Գեղարքունիքում Ադրբեջանի հրետակոծության հետևանքով ծանր վիրավորված տղամարդը մահացել է

125
(Թարմացված է 00:10 23.10.2020)
Մարզպետի խոսքով՝ սա էթնիկ ատելության հողի վրա Ադրբեջանի պատերազմական հանցագործությունների ևս մեկ ապացույց է։

ԵՐԵՎԱՆ, 23 հոկտեմբերի - Sputnik. Գեղարքունիքում հոկտեմբերի 1-ի ադրբեջանական հրետակոծության հետևանքով ծանր վիրավորում ստացած 52-ամյա տղամարդու կյանքը փրկել չի հաջողվել։ Ցավալի լուրը Facebook-ի իր էջում հայտնել է Գեղարքունիքի մարզպետ Գնել Սանոսյանը։ Մահացած տղամարդը Մեծ Մասրիկ գյուղի բնակիչ Ռոբերտ Եղիազարյանն է։

«Բժիշկներն օրեր շարունակ պայքարում էին Հայաստանի Հանրապետության խաղաղ բնակավայրերի թիրախավորման հետևանքով վիրավորում ստացած քաղաքացու ապաքինման համար, սակայն նրա կյանքը ցավոք սրտի` փրկել չհաջողվեց։ Այս ամենը մեկ անգամ եւս փաստում է՝ Ադրբեջանի ագրեսիվ ու ցեղասպան քաղաքականությունը հայ ժողովրդի հանդեպ, որը կատարվում է էթնիկ ատելության հողի վրա»,- գրել է Սանոսյանը։

Նա շեշտել է՝ Ադրբեջանի իրականացրած ցեղասպան հանցագործությունները, խաղաղ բնակչության թիրախավորումը պետք է խստագույնս դատապարտվեն։

Սահմանը պահող հայրիկն ու նկարի զինվորը. որն է 11–ամյա ստեփանակերտցի աղջկա երազանքը

Հիշեցնենք՝ սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 3 քաղաքացիական անձ։

Հոկտեմբերի 14-ի առավոտյան Ադրբեջանի զինված ուժերը ԱԹՍ–ով հարվածներ էին հասցրել Գեղարքունիքի մարզի Վարդենիս քաղաքին մոտ գտնվող Սոթք համայնքի գյուղատնտեսական նշանակություն ունեցող ցանքատարածություններին։

Դրա հետևանքով 14-ամյա երեխա էր վիրավորվել, որն այդ պահին ընտանիքի հետ կարտոֆիլի սեզոնային բերքահավաքի էր եղել։

Վարդենիսում Ադրբեջանի ԱԹՍ–ի հարվածից տուժած 14-ամյա տղայի վիճակն արդեն կայուն է. լուսանկար

125
թեգերը:
Մահ, տղամարդ, հրետակոծություն, Գեղարքունիքի մարզ
թեմա:
Ադրբեջանական ագրեսիան Արցախում - 2020 (1501)
Ըստ թեմայի
Վարդենիսի տարածաշրջանում հակառակորդի 7 ԱԹՍ է խոցվել. Շուշան Ստեփանյան
ՅՈՒՆԻՍԵՖ-ն արձագանքել է Վարդենիսում ադրբեջանական ԱԹՍ-ի հարվածից երեխայի վիրավորման դեպքին
Վարդենիսում ծանր վիրավորված երեխայի մոտ դրական դինամիկա կա
Արխիվային լուսանկար

Ժամանակն է, որ բանկերը պատասխանատվություն վերցնեն. ինչպե՞ս են որոշելու` ում վարկը ներել

188
Զոհված կամ զինհաշմանդամություն ձեռք բերած անձանց վարկերը բանկերը կամ վարկային կազմակերպությունները կարող են ներել։ Սակայն ոչ բոլոր վարկառուներին նման հնարավորություն կտրվի։ Տնտեսագետ Սուրեն Պարսյանը կարծում է, որ պարտադրանքով այս հարցը չի լուծվի։

ԵՐԵՎԱՆ, 22 հոկտեմբերի — Sputnik. Ժամանակն է, որ բանկերը որոշակի պատասխանատվություն վերցնեն այս պատերազմական իրավիճակում։ Sputnik Արմենիայի հետ զրույցում նման կարծիք հայտնեց ՀՅԴ բյուրոյի տնտեսական հետազոտությունների գրասենյակի պատասխանատու Սուրեն Պարսյանը` անդրադառնալով երեկ ԱԺ-ի ընդունած «Հարկային օրենսգրքում լրացումներ կատարելու մասին» ՀՀ օրենքի նախագծին։

ԱԺ ընդունած փոփոխություններով` օրենքով նախատեսվում է զոհված կամ զինհաշմանդամություն ձեռք բերած անձանց վարկերի մարում բանկերի կամ վարկային կազմակերպությունների կողմից` իրենց հայեցողությամբ։ Սոցցանցերում բավական քննարկվեց այս նախագիծը, քանի որ շատերի համար պարզ չէր` ինչո՞ւ որոշումը չի կիրառվում բոլորի համար։

«Մինչև այս պահը եթե բանկը կամ վարկային կազմակերպությունն այս կամ այն վարկառուի վարկը ներեր, ապա պետք է հարկ վճարեր։ ԱԺ ընդունած նախագծով պետությունը հրաժարվում է այդ հարկերից, եթե բանկը ներում է զոհվածների կամ զինհաշմանդամների վարկերը»,–պարզաբանեց Պարսյանը։

Նրա խոսքով` նախատեսվում է, որ բանկը կամ վարկային կազմակերպությունը պետք է ուսումնասիրի զոհվածների կամ հաշմանդամություն ունեցողների վարկային փաթեթները և ինքնուրույն որոշում կայացնի` ում վարկն է ներելու և ինչ չափով։ Պետությունն այստեղ որևէ վերահսկող կամ պարտադրող լծակ չունի։

Այս իրավիճակում, ըստ տնտեսագետի, կառավարությունը և Կենտրոնական բանկը կարող են որոշակի խրախուսական մեխանիզմներ նախատեսել, որպեսզի բանկերն իրենց հերթին շահագրգռված լինեն նման ներումներ տալու։ Օրինակ` պետական ծրագրերը` վարկերի սուբսիդավորում, որոշակի գումարների հավաքագրում, տան այն բանկերին կամ վարկային կազմակերպությանը, որոնք պատրաստվում են ավելի շատ վարկ ներել։

Պետությունը կարող է բանակցությունների շնորհիվ որոշում ընդունել և քանի որ գործ ունենք մասնավոր բանկերի հետ, պարտադրանքով հարցը չի լուծվի։ Պարսյանը կարծում է, որ պետք է կառավարությունն ու ԿԲ–ն այն հարթակը ստեղծեն, որի շնորհիվ հավասարակշռված որոշումներ կկայացվեն, որպեսզի այս իրավիճակից հնարավորինս քիչ կորուստներով դուրս գանք։

Նա հայտնեց նաև, որ այս տարվա 8 ամիսներին բանկերը գրանցել են 21-22 տոկոս տնտեսական աճ։ Նման աճ միայն հանքարդյունաբերության ոլորտն է գրանցել։

Մինչև 2020 թվականի օգոստոսի 31-ն անհուսալի ճանաչված վարկերի տույժ–տուգանքները կներվեն

Տնտեսագետը բացատրեց` այս տարվա ընթացքում կառավարության կողմից իրականացվող կորոնավիրուսի հաղթահարման փաթեթների մեծ մասը բանկերի միջոցով է իրականացվել, ինչի շնորհիվ էլ բանկերը բավականին շահել են ստեղծված իրավիճակում։

«Այս պայմաններում կառավարությունը եթե բանկերին պարտադրի նույնանման որոշում կայացնել, ապա նրանք էլ իրենց հերթին կպահանջեն որոշակի գումարներ տրամադրել իրենց։ Ակնհայտ է, որ պատերազմական վիճակում որոշակի տնտեսական վնասներ ենք կրելու, սակայն դրանք պետք է արդարացի բաշխվեն` շատ ունեցողը պետք է ավելի շատ իր վրա բեռ վերցնի, քիչ ունեցողը` քիչ»,–ասաց Պարսյանը։

Նա նշեց, որ այժմ ունենք բավականին լավ կայուն ֆինանսական համակարգ, ինչը ողջունելի է, և այդ համակարգը պետք է ֆինանսական այս ոչ կայուն վիճակում իր վրա պատասխանատվություն վերցնի։ Ավելին, ըստ տնտեսագետի, այս վիճակը մեզ կարող է հուշել, թե ինչ խնդիրներ ունենք տնտեսության մեջ։ Օրինակ, վարկեր ունենալն այդքան մեծ ծավալով ճիշտ չէ` հաշվի առնելով ժողովրդի կենսամակարդակը։

Վարկերը լուրջ սոցիալական բեռ են դառնում մարդկանց համար, և հատկապես ճգնաժամային իրավիճակներում այդ բեռը շատ է ավելանում։ Ուստի Պարսյանը կարծում է, որ պետք է վերանայենք մեր տնտեսական, ֆինանսական քաղաքականությունը։

Տնտեսագետը վստահ է` այս իրավիճակից կարող ենք միասին դուրս գալ։

ԱԺ–ն քննարկում է Արցախում զոհվածների վարկային պարտավորությունները ներելու հարցը

188
թեգերը:
Սուրեն Պարսյան, վարկ, Բանկ, Զինվոր
Ըստ թեմայի
Կարին Տոնոյանի որդին արժանացել է Արցախի հերոսի կոչման. ԱՀ նախագահի խոստումը մայրերին
Նոր ազգային հերոս ունենք. գնդապետ Գարեգին Պողոսյանը պարգևատրվել է Հայրենիքի շքանշանով
Նորօրյա հերոսները. 5 տասնյակից ավելի զինծառայողներ կպարգևատրվեն
Արտյոմ Տոնոյան

Ադրբեջանի ընդդիմությունն օգտագործելու է պատերազմն Ալիևին իշխանազրկելու համար. Տոնոյան

0
Իրանագետ Արտյոմ Տոնոյանը Sputnik Արմենիայի եթերում անդրադարձել է այն հարցին, թե ինչու Ադրբեջանը ռազմի դաշտից չի հավաքում իր զինվորների դիերը և ինչի կարող է հանգեցնել տեղեկատվական աղբյուրների արգելափակումը Ադրբեջանում։
Տոնոյան. Ադրբեջանի ընդդիմությունն օգտագործելու է պատերազմն Ալիևին իշխանազրկելու համար

Իրանագետ Արտյոմ Տոնոյանի դիտարկմամբ` ադրբեջանական բանակի զոհերի թվաքանակը թաքցնելն Ադրբեջանի համար նորություն չէ։ Այդպես էր և 2016-ի ապրիլին, երբ կրկին պաշտոնապես չհայտարարվեց զոհվածների ու վիրավորների քանակը, ուստի սա տեղավորվում է ալիևյան քարոզչամեքենայի գործողությունների, գործելաոճի տրամաբանության մեջ։

«Այս պատերազմի պարագայում ակնհայտ է, որ կորուստների ահռելի թիվը կարող է մեծացնել խուճապային տրամադրությունները։ Բաքուն ամենասկզբում որդեգրել էր բլիցկրիգի մարտավարությունը` մտածելով, որ ի զորու կլինի կարճ ժամանակմիջոցում լուծել իր խնդիրը, բայց այս պահին առերեսվում է հակառակ իրականության հետ։ Որքան երկարում են ռազմական գործողությունները ճակատում և տեղեկատվական վակուումն Ադրբեջանում, այդքան էլ մեծանում են խուճապն ու դժգոհությունը, իսկ զոհերի ու վիրավորների իրական թվաքանակը թաքցնելն արժանանում է հարաճուն քննադատության»,– նշում է իրանագետը։

Անդրադառնալով այն հարցին, թե ինչու Ադրբեջանը ռազմի դաշտից չի հավաքում իր զինվորների դիերը, Արտյոմ Տոնոյանն ընդգծում է, որ սպանվող զինվորն Ալիևի համար որևէ արժեք չունի, դրա համար նա հասարակության առջև բարոյական պատասխանատվություն չի կրում։

Ալիևը հայտարարել է հայկական «Յարս» հրթիռների ոչնչացման մասին. Երևանում զարմացած են

Մյուս հանգամանքն այն է, որ դիակների հավաքման ընթացքում կարող են ի հայտ գալ Ալիևի համար ոչ նպաստավոր բացահայտումներ, այսինքն` սպանվածների մեջ կարող են լինել թուրքական բանակի զինովրներ և վարձկան ահաբեկիչներ։

«Այսպես թե այնպես, Ադրբեջանի ընդդիմությունն օգտագործելու է պատերազմն իր խնդիրները լուծելու, այսինքն` Ալիևին իշխանությունից զրկելու համար, որովհետև տիրող իրավիճակի պայմաններում ընդդիմության գործիքակազմն ավելի է ընդլայնվում։ Ընդդիմադիրներն ամենօրյա եթերից իշխանությանը հրահրում են և պահանջում գնալ մինչև վերջ ու չեն սահմանափակվում միայն Արցախի տարածքով, այլ խոսում են Ադրբեջանը Մեղրիով Նախիջևանին կապելու, Երևանը գրավելու մաքսիմալիստական ծրագրերի մասին, մյուս կողմից` նույն ընդդիմադիրներն ասում են, որ կանգ առնելու դեպքում Ալիևը կդավաճանի ժողովրդին ու կթքի զոհերի դիակների վրա»,– նշում է իրանագետը։

Նրա գնահատմամբ` Ադրբեջանի ղեկավարն առաանձնապես բարվոք վիճակում չէ, որովհետև իր նախատեսած կանգառը չի ներդաշնակել այն կանգառի հետ, որն իրենից պահանջելու է հասարակությունը, այսինքն` Ալիևն արդեն իսկ հայտնվել է ծուղակում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 22-ի ժամը 21:45-ի դրությամբ` հակառակորդի կրակոցների հետևանքով զոհվել են 900 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

0
թեգերը:
Պատերազմ, ընդդիմություն, Իլհամ Ալիև, Արտյոմ Տոնոյան
թեմա:
Ադրբեջանական ագրեսիան Արցախում - 2020 (1501)
Ըստ թեմայի
Թուրքիան Արցախում սրում է իրավիճակը, ինչը չափազանց վտանգավոր է հենց Ալիևի համար. Սիվկով
Ալիևի հերթական սենսացիոն հայտարարությունը` Հայաստանն ինքն է իր եկեղեցին հրթիռակոծել
Սամվել Կարապետյանը պատասխանել է Ալիևի մեղադրանքներին
Նիկոլ Փաշինյան–Իլհամ Ալիև հանդիպման օրակարգում մեկ խնդիր է դրված. Շավարշ Քոչարյան