Արման Աբովյան

Գտել եմ Արցախի ծննդատան բակում. Աբովյանն ԱԺ ամբիոնից ցուցադրեց կասետային հրթիռի մնացորդը

380
(Թարմացված է 17:25 06.10.2020)
Ցանկացած պետություն կամ տեռորիստական կազմակերպություն, որը կիրառում է այսպիսի զինատեսակներ, ռազմական հանցագործ է։ Արման Աբովյանը համոզմունք հայտնեց, որ հայկական կողմի ներկայացրած փաստերն Ալիևի ու Էրդողանի առաջ բացելու են Հաագայի միջազգային դատարանի դռները։

ԵՐԵՎԱՆ, 6 հոկտեմբերի – Sputnik. ԱԺ «Բարգավաճ Հայաստան» խմբակցության պատգամավոր Արմեն Աբովյանն այսօր ԱԺ հայտարարությունների ամբիոնին մոտեցավ Ստեփանակերտից իր հետ բերած հրթիռի բեկորը ձեռքին։

«Սա այն մեծ տրամաչափի հրթիռի բեկորն է, որով այսօր հրթիռակծվում է Արցախի մայրաքաղաքը։ Այս բեկորը գտել եմ Արցախի ծննդատան բակում։ Ամեն օր տասնյակ այսպիսի ահավոր ու վտանգավոր զինատեսակներ կիրառվում են խաղաղ բնակչության հանդեպ»,– ասաց Աբովյանը։

Նա նաև շեշտեց, որ Արցախի խաղաղբնակավայրերի հանդեպ կիրառվող հրթիռները կասետային մարտագլխիկներով լիցքավորված զենքեր են, որոնց կիրառությունն արգելված է միջազգային կոնվենցիաներով ու օրենքներով։

«Ցանկացած պետություն կամ տեռորիստական կազմակերպություն, որ կիրառում է այսպիսի զինատեսակներ, ռազմական հանցագործ է»,– ասաց Աբովյանը,– Մեզ հետ պատերազմում են տեռորիստական Թուրքիան ու տեռորիստական Ադրբեջանը։ Սա այն ուղեգիրն է, որը պետք է բացի այդ երկու հանցագործի` Ալիևի ու Էրդողանի առջև Հաագայի միջազգային դատարանի դռները»։

Իսկ բոլոր նրանց, ովքեր կասկածում են հայկական կողմի ներկայացրած փաստերի իսկության մեջ, Արման Աբովյանը հրավիրում է Ստեփանակերտ` սեփական աչքերով տեսնելու Ստեփանակերտի փողոցներում առկա չպայթած հրթիռներ ու պայքած հրթիռների սարսափելի հետևանքները։

Ադրբեջանի ղեկավարությունը պատասխանատվություն կստանձնի լայնամասշտաբ հարձակման համար. ՀՀ ԱԳՆ

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3454 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 126 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 379 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

380
թեգերը:
Ադրբեջան, Արման Աբովյան, ԱԺ, Կասետային ռումբ
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Ստեփանակերտը կրկին հայտնվել է ադրբեջանական «Սմերչի» թիրախում. տեսանյութ
«Բարի գալուստ դժոխք». Ադրբեջանն անտեսում է նաև Իրանի անվտանգությունը
Իսրայելն ու Ադրբեջանը միայն զենքով չէ, որ կապված են. ռուսաստանցի փորձագետ
Մել Գիբսոն

Շատ խոր տխրությամբ լսեցի` ինչ է կատարվում Արցախում. Գիբսոնն աջակցություն է հայտնել հայերին

43
(Թարմացված է 13:25 26.10.2020)
Գիբսոնն իր տեսաուղերձում նշում է, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի։

ԵՐԵՎԱՆ, 26 հոկտեմբերի – Sputnik. Հոլիվուդյան հայտնի դերասան և ռեժիսոր Մել Գիբսոնն անհանգստացած է Ղարաբաղում տեղի ունեցող իրադարձություններով։ RT–ին Twitter–ի իր էջում տեղադրել է Գիբսոնի տեսաուղերձը։

Հայերի ցավը ռուս լուսանկարչի աչքերով

«Շատ խոր տխրությամբ լսեցի, թե ինչ է կատարվում Հայաստանում և Արցախում։ Ես շատ հայ ընկերներ ունեմ ԱՄՆ–ում, որոնք պատմում են այս օրերին իրենց հարազատների կորստի մասին... Հայերին ես շատ եմ հարգում` մեծահոգի և ամուր մարդիկ են, որոնք մի շարք դժվարությունների են բախվել»,–ասում է դերասանը։

​Նա նշում է նաև, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի և մեծ ուժերը միջամտեն ու լուծում տան հարցին։

Գիբսոնը հույս է հայտնում, որ խաղաղությունը կվերականգնվի։ Նա կոչ է անում հայերին ուժեղ լինել և շարունակել իրենց անելիքները։

Հայերին սպանում է Թրամփի ընկեր Էրդողանը. Շոն Փենն ամոթանք է տվել ամերիկացիներին

43
թեգերը:
Մել Գիբսոն, Պատերազմ, Արցախ
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Ինչպես տարբերել թացը չորից, կամ ինչ պետք է իմանան հայերը պատերազմի ժամանակ
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
Հայերն ապրել են ու կապրեն Արցախում ընդմիշտ. բողոքի ակցիա` Շվեդիայում
Հայ դպրոցականները 4 մեդալ են նվաճել 2020թ. աստղագիտության և աստղաֆիզիկայի 14-րդ միջազգային օլիմպիադայում

Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել

93
(Թարմացված է 12:25 26.10.2020)
Ուշագրավ է այն հանգամանքը, որ օլիմպիադային մասնակցող 10 միլիոնանոց Ադրբեջանի և ավելի քան 70 միլիոնանոց Թուրքիայի թիմերի անդամներից որևէ մեկը նույնիսկ գովասանագրի չեն արժանացել։

ԵՐԵՎԱՆ, 26 հոկտեմբերի – Sputnik. Պատերազմական իրավիճակում հայ դպրոցականները հաղթել են 2020թ. աստղագիտության և աստղաֆիզիկայի 14-րդ միջազգային օլիմպիադայում, որն առցանց կազմակերպել է Էստոնիան։ Կրթության, գիտության, մշակույթի և սպորտի նախարարությունը հայտնում է` օլիմպիադային մասնակցել են 40 երկրի ավելի քան 280 աշակերտ։

«Հայաստանը ներկայացրել է չորս մասնակից. բոլորն էլ արժանացել են մեդալների: Ա. Շահինյանի անվան ֆիզմաթ հատուկ դպրոցի աշակերտներից Արտաշես Գյոլեցյանը (11-րդ դասարան) արժանացել է ոսկե մեդալի, Եվա Հունանյանը և Կարեն Բաղդասարյանը (երկուսն էլ 12-րդ դասարան) արժանացել են արծաթե մեդալների: Քվանտ վարժարանի 11-րդ դասարանի աշակերտ Դավիթ Գյուլամիրյանը ևս նվաճել է արծաթե մեդալ»,–նշված է հաղորդագրության մեջ։

Թիմի հետ աշխատել են Բյուրականի աստղադիտարանի գիտաշխատող, ֆիզմաթ դպրոցի աստղագիտություն առարկայի ուսուցիչ Մարիետա Գյուլզադյանը և ֆիզմաթ դպրոցի աստղագիտության օլիմպիական խմբակի ղեկավար Վարդգես Մամբրեյանը:

Ուշագրավ է այն հանգամանքը, որ օլիմպիադային մասնակցող 10 միլիոնանոց Ադրբեջանի և ավելի քան 70 միլիոնանոց Թուրքիայի թիմերի անդամներից որևէ մեկը նույնիսկ գովասանագրի չեն արժանացել։

Հայ դպրոցականները մեդալներ են նվաճել Ինֆորմատիկայի միջազգային օլիմպիադայում

 

93
թեգերը:
մեդալ, հայեր, դպրոց, օլիմպիադա
Ըստ թեմայի
Հայ դպրոցականները Մոսկվայում հաղթել են ռուսաց լեզվի միջազգային օլիմպիադայում
Հայ դպրոցականները 2 արծաթ և 3 բրոնզ են նվաճել աստղագիտության միջազգային օլիմպիադայում
Հայ դպրոցականները մեդալներ են նվաճել Ինֆորմատիկայի միջազգային օլիմպիադայում