ԵՐԵՎԱՆ, 2 հոկտեմբերի - Sputnik. Կոտայքի մարզում երեկ խոցված ադրբեջանական 4 ԱԹՍ–ները եղել են հետախուզական բնույթի։ Այս մասին այսօր Հայաստանի հանրային հեռուստատեսությանը տված հարցազրույցում ասել է ՀՀ ՊՆ ներկայացուցիչ Արծրուն Հովհաննիսյանը։
«Ինչ վերաբերում է ԱԹՍ–ներին, չենք կարող ասել, դրանց նմուշները վերլուծվում են։ Միանշանակ հետախուզական էին։ Դե, նպատակը պարզ է`ըստ էության, ամենատարբեր կետերից փորձում են ներխուժել ՀՀ և ԱՀ–ի տարածք»,– ասաց նա։
Հիշեցնենք` երեկ ուշ երեկոյան ՀՀ վարչապետը հայտնել էր, որ Հայաստանի ՀՕՊ ուժերը արդեն իսկ ոչնչացրել են Կոտայքի և Գեղարքունիքի մարզերի օդային տարածքում հայտնված 4 անօդաչու թռչող սարքերը։
Մինչ այդ համացանցում տեղեկություններ էին տարածվել, թե պայթյունի ձայներ են լսվել Աբովյան քաղաքում ու հարակի բնակավայրերում։
Պաշտպանության նախարարության ներկայացուցիչ Արծրուն Հովհաննիսյանը քաղաքացիներին հանգստացրել էր Facebook-ում գրելով, որ այդ պահին ՀՀ տարածքում գործել են հակաօդային պաշտպանության ուժերը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
