Զինվորական համազգեստ

Արցախի ՊՆ-ն սահմանին նահատակված զինծառայողների նոր ցանկ է հրապարակել

6118
(Թարմացված է 08:46 28.09.2020)
Նահատակներից 4-ը 18-ամյա զինծառայողներ են, ամենամեծը 41 տարեկան է:

ԵՐԵՎԱՆ, 28 սեպտեմբերի - Sputnik. Արցախի հանրապետության մամուլի ծառայությունը հրապարակել է արցախա-ադրբեջանական սահմանին սկսված բախումների հետևանքով նահատակված զինծառայողների անունները:

Ներսիսյան Սասուն Գրենիկի, ծնվ. 2002թ.

Խաչատրյան Խորեն Յուրայի, ծնվ. 1983թ.

Գրիգորյան Արմեն Նիկոլայի, ծնվ. 1984թ.

Աղասարյան Յուրի Հայկի, ծնվ. 2001թ.

Աճեմյան Գարիկ Արամի, ծնվ. 2002թ.

Գալոյան Գևորգ Մարզպետի, ծնվ. 2001թ.

Աբրահամյան Գուրգեն Վարդանի, ծնվ. 2001թ.

Յարավյան Գոռ Հրանտի, ծնվ. 2002թ.

Ափոզյան Հովհաննես Օնիկի, ծնվ. 2000թ.

Հովհաննիսյան Արեն Կարենի, ծնվ. 2002թ.

Բեգլարյան Հայկազ Աշոտի, ծնվ. 2000թ.

Գաբրիելյան Էրիկ Ռոմայի, ծնվ. 1979թ.

Հայրապետյան Գուրգեն Էդուարդի, ծնվ. 1988թ.

Մովսիսյան Արթուր Սլավիկի, ծնվ. 1981թ. 

Միխայելյան Վազգեն Լևոնի, ծնվ. 1998թ.

Ավելի վաղ հայկական կողմը հայտնել էր ևս 16 զոհի մասին:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհերից բացի, հայկական կողմը 100–ից ավելի վիրավոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

 

6118
թեգերը:
Զոհ, զինծառայող, Պատերազմ, Սահման, Արցախ
թեմա:
Ադրբեջանական ագրեսիան Արցախում - 2020 (1865)
Ըստ թեմայի
Տղերք, պինդ կացեք. համալսարանական բժիշկները ճակատ են մեկնում. տեսանյութ
Սիրիայից 4 000 գրոհային է մասնակցում Ադրբեջանի ռազմական գործողություններին
Ողջամիտ եղեք․ Կադիրովը դիմել է Հայաստանի և Ադրբեջանի ղեկավարությանը
ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ
 Армянские военннослужащие на боевом посту

Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան

1
Արծրուն Հովհաննիսյանը վստահեցնում է` պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

ԵՐԵՎԱՆ, 31 հոկտեմբերի - Sputnik. Հայկական զինված ուժերը հրադադարի վերիֆիկացիոն մեխանիզմների ներդրման համար առաջարկներ են մշակում։ Տեղեկությունն այսօր կայացած ճեպազրույցի ժամանակ հայտնեց ՀՀ պաշտպանության նախարարության ներկայացուցիչ Արծրուն Հովհաննիսյանը։

«Ինչ էլ բանակցեն, ինչ էլ պայմանավորվեն, մինչև չլինեն վերֆիկացիայի լիարժեք մեխանիզմներ, որի վերաբերյալ, ի դեպ, մեր զինված ուժերը սեղմ ժամկետում հարցադրումներ ու առաջարկներ են մշակում, լիարժեք հրադադար լինել չի կարող»,- նշեց Հովհաննիսյանը՝ անդրադառնալով ժնևյան բանակցությունների արդյունքում կողմերի ձեռք բերած պայմանավորվածություններին։

Նրա խոսքով՝ պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

Հովհաննիսյանը նշեց՝ այս մեկ ամսվա ընթացքում կարծես թե բոլորի ուշադրությունից դուրս է մնացել այն հանգամանքը, թե ինչպես սկսվեց պատերազմը։

Հովհաննիսյանը մատնանշեց՝ քաղաքակիրթ աշխարհն առնվազն երեք-չորս անգամ փորձեց Ադրբեջանին «նստեցնել հրադադարի իրավիճակի առջև», բայց դա չստացվեց, որովհետև չկան վերֆիկացիայի մեխանիզմներ։

1
Սոցիալական ցանց

«Պետք է սպանենք հայերին» գրառման համար ՀՖՖ–ն պահանջում է պատժել ադրբեջանական «Ղարաբաղին»

110
(Թարմացված է 21:51 31.10.2020)
Ֆեդերացիան արդեն մի շարք բողոքներ է հղել ՈւԵՖԱ, որոնք այս պահին քննվում են կարգապահական և էթիկայի կոմիտեում։

ԵՐԵՎԱՆ, 31 հոկտեմբերի - Sputnik. Հայաստանի ֆուտբոլի ֆեդերացիան պահանջում է ադրբեջանական «Ղարաբաղ» ակումբին հեռացնել եվրագավաթների խաղարկությունից։ Տեղեկությունը հաղորդում է ՀՖՖ մամուլի ծառայությունը։

Ադրբեջանական ֆուտբոլի ներկայացուցիչներն արդեն մոտ մեկ ամիս է՝ ռազմականացված և քաղաքականացված կեցվածք են ի ցույց դնում։ Սակայն այս անգամ նրանք ավելի հեռու են գնացել։ Մասնավորապես, խոսքը վերաբերում է սոցցանցերից մեկում «Ղարաբաղ» ֆուտբոլային ակումբի մամուլի և հասարակայնության հետ կապերի բաժնի ներկայացուցիչ Նուրլան Իբրահիմովի գրառմանը։ Նա կոչ է արել սպանել բոլոր հայերին։

«Մենք պետք է սպանենք հայերին։ Երեխա, կին, ծերունի, բոլորին պետք է սպանել: Ոչ մի խղճահարություն, ոչ մի կարեկցանք»,- գրել է նա։

Իր գրառման մեջ Իբրահիմովը նաև արդարացրել է Թուրքիայի իրականացրած Հայոց ցեղասպանությունը։ Թեպետ նա արդեն ջնջել է իր գրառումը և այն փորձել արդարացնել որպես «էմոցիաների պոռթկում», սակայն հազարավոր օգտատերեր screenshot-ապացույցներ ունեն։

«Դժվար է բառերով նկարագրել ադրբեջանական ակումբի ներկայացուցչի արարքը: Սա Ադրբեջանի ֆուտբոլային չինովնիկների` «սովորական» դարձած գրառումների շարքից չէ, որոնցից հետո ՀՖՖ-ն պահանջել է չռազմականացնել և չքաղաքականացնել ֆուտբոլը։ Սա մարդասպան կեցվածքի, ազգային հիմքով բռնության դաժան քարոզի, փաստացի նոր ցեղասպանության իրականացնելու կոչ է մի ակումբի ներկայացուցչի կողմից, որը հանդես է գալիս ՈւԵՖԱ-ի հովանու ներքո անցկացվող մրցաշարում: ՈՒԵՖԱ-ն այն կառույցն է, որը մշտապես հետևում է ֆուտբոլը չքաղաքականացնելու, ֆուտբոլային ընտանիքի անդամների շրջանում այլատյացությունը բացառելու և համերաշխություն հաստատելու քաղաքականությանը: Նուրլան Իբրահիմովի անհանդուրժելի քայլը պետք է արժանանա համարժեք վերաբերմունքի ՈՒԵՖԱ-ի կողմից։ Այլ մոտեցումը կնշանակի, որ միջազգային ֆուտբոլային հանդիպումներից առաջ տարածվող ընդունելի կարգախոսները ձևական բնույթ են կրում»,- նշված է ՀՖՖ հաղորդագրության մեջ։

Ֆեդերացիան համապատասխան բողոք է հղել ՈՒԵՖԱ՝ պահանջելով պատժել ինչպես Իբրահիմովին, այնպես էլ ադրբեջանական ակումբին։

«Ատելության խոսքը, բռնություն կոչերը, այլատյացությունը պետք է արմատախիլ արվեն ֆուտբոլից՝ հավատարիմ մնալով եվրոպական ֆուտբոլային ընտանիքում ընդունված արժեքներին»,- ընդգծում է ֆեդերացիան։

Նշենք, որ վերջին ամսվա ընթացքում Հայաստանի ֆուտբոլի ֆեդերացիան բազմաթիվ բողոքներ է ներկայացրել ՈւԵՖԱ և ՖԻՖԱ՝ ադրբեջանական ֆուտբոլի ամենատարբեր ներկայացուցիչների ռազմատենչ հրապարակումների, պահվածքի, հայատյաց գրառումների վերաբերյալ: ՀՖՖ տեղեկացմամբ՝ բողոքների մեծ մասն այս պահին ՈւԵՖԱ-ի կարգապահական և էթիկայի կոմիտեի քննության առարկա է:

110
թեգերը:
հայեր, ՀՖՖ, Ադրբեջան, Հայաստան
Ըստ թեմայի
Ֆրանսիայում կանխել են հայերի ու թուրքերի բախումները
Ինչպես օտարերկրացիներին ներգրավել հայերի պայքարի մեջ. 7 խորհուրդ ԱՄՆ–ից
Հայերն Ադրբեջանի պետական փաստաթղթերի հասանելիություն են ստացել. տեսանյութ