ԵՐԵՎԱՆ, 27 սեպտեմբերի – Sputnik. Արցախի անկախության ճանաչումը Հայաստանի քաղաքական իշխանության օրակարգում կա: Այս մասին այսօր ԱԺ-ի արտահերթ նիստում, պատասխանելով «Լուսավոր Հայաստան» խմբակցության ղեկավար Էդմոն Մարուքյանի հարցին, ասաց ՀՀ վաչապետ Նիկոլ Փաշինյանը:
Նա նաև հայտնեց, որ ներկա պահին այդ հարցը չի քննարկվում, բայց և չբացառեց, որ կքննարկվի:
«Պետք է այդ հարցը շատ լրջորեն քննարկենք: Գուցե նաև այս հարցուպատասխանից հետո հանրային քննարկում սկսվի»,- ասաց Փաշինյանը:
Անդրադառնալով Հայաստան-Արցախ ռազմաքաղաքական դաշինքի մասին հարցին՝ վարչապետն այս տարբերակը ևս չբացառեց՝ նշելով, որ հարցը պետք է լրջորեն քննարկել:
«Հանում ենք փաստարկները դնում ենք կշեռքին և փորձում ենք հասկանալ` եթե ճանաչում ենք, ինչու, եթե չենք ճանաչում` ինչու։ Կշռենք ու բացի կշռելն էլ, որոշենք՝ այդ կշեռքի վրա ինչ ազդեցություն ենք ունենում, ունենում ենք, թե չենք ունենում»,- ասաց Փաշինյանը:
Հակառակորդի ևս մեկ անօդաչու սարք է խոցվել. տեսանյութ
Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:
ԱԱԾ-ն քաղաքական վերլուծաբաններին հորդորում է ապատեղեկատվություն չտարածել
Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։
Արցախում և Հայաստանում ռազմական դրություն և համատարած զորահավաք է հայտարարվել։
