Նուբարաշենի թունաքիմիկատների գերեզմանոց

Հնարավոր է` Նուբարաշենի գերեզմանոցի քիմիական թափոնները ոչնչացվեն Իրանում

177
(Թարմացված է 19:39 26.09.2020)
Նախագծի հաջող իրականացման դեպքում շուրջ 1000 տոննա թունաքիմիկատներն ու աղտոտված հողը կայրվեն Սպահանի մերձակայքում։

ԵՐԵՎԱՆ, 26 սեպտեմբերի – Sputnik. Նուբարաշենի գերեզմանոցում պահվող թունաքիմիկատները կարող են ոչնչացվել Իրանում։ Տեղեկությունը Sputnik Արմենիային հայտնեց Գլոբալ էկոլոգիական հիմնադրամի «Ժամկետանց պեստիցիդների պաշարների ոչնչացում և կայուն օրգանական աղտոտիչներով (ԿՕԱ) աղտոտված տարածքների աղտազերծում` քիմիկատների անվտանգ կառավարման միջոցառումների շրջանակներում» նախագծի համակարգող Գայանե Ղարագեբակյանը։

Մեր նախորդ նյութում մենք մանրամասն պատմել էինք, թե Հայաստանում կոնկրետ որտեղ են պահվում վտանգավոր նյութերը։ Նման օբյեկտներից մեկը Նուբարաշենի թունաքիմիկատների գերեզմանոցն է։

«Դիտարկվում է թափոններն Իրան տանելու տարբերակը։ Սակայն պետք է ճշտվի` որքանով է դա իրատեսական ու հնարավոր։ Իրանի օրենսդրության և կանոնակարգումների հետ կապված որոշ հարցեր պետք է ճշգրտվեն», – ասաց Ղարագեբակյանը։

Սպահանի մոտ համապատասխան գործարան կա, որը կառուցվել է ֆրանսիական տեխնոլոգիայով։ Սակայն թունաքիմիկատներն այնտեղ հասցնելու համար մի շարք խնդիրներ կան, այդ թվում` քաղաքական։ Իրանը պատժամիջոցների տակ է, և դեռ հասկանալի չէ` այդ հանգամանքը կխանգարի համապատասխան պայմանագրի ստորագրմանը, թե ոչ։

Նուբարաշենի գերեզմանոցը բավականին անհաջող տեղում է գտնվում։ 100-150 մետր այն կողմ «Էրեբունի» արգելոցն է, որտեղ վայրի ցորեն է աճում։ Դրանից բացի, քիմիկատների գերեզմանոցը գտնվում է սողանքային գոտում։

«Տարածքի գրունտը կավահող է։ Մի քիչ խոնավանալու դեպքում սկսում է հոսել։ Աշխատանքային հարթակ ստեղծելու շատ քիչ մակերես կա շուրջը, դրանից էլ բարդանում է աշխատանքների պլանավորումը», – նշեց Ղարագեբակյանը։

Վտանգավոր թափոնների ընդհանուր ծավալը մոտ 1000 տոննա է, որից 600 տոննան, արխիվային տվյալների համաձայն, քիմիական նյութերն են (պեստիցիդները), որոնք հավաքվել են գյուղերից։

Ծախսերը դեռ վաղ է գնահատել, սակայն խոսքը մի քանի միլիոն դոլարի մասին է։ Վերջնական թիվը հնարավոր կլինի հնչեցնել բոլոր հարցերը պարզելուց և ոչնչացման մրցույթ հայտարարելուց հետո։

Գումարը պետք է հատկացնի պետությունը, որին կաջակցի Գլոբալ էկոլոգիական հիմնադրամը։ Դրամաշնորհի շրջանակում ծրագրի իրականացման համար հատկացվել է 4.7 մլն դոլար, սակայն մի մասն արդեն ծախսվել է աշխատավարձի, հետազոտությունների, փորձաքննությունների վրա և այլն։

Նշենք, որ Նուբարաշենի թունաքիմիկատների գերեզմանոցը ստեղծվեց այն բանից հետո, երբ 1970-ականների սկզբին Հայաստանում արգելեցին վտանգավոր օրգանոքլորային պեստիցիդների օգտագործումը։

177
թեգերը:
թունաքիմիկատ, Հայաստան
Ըստ թեմայի
Ողջաբերդում թաղված խորհրդային թունաքիմիկատները կարող են ոչնչացվել ցեմենտի գործարաններում
Երևանի աղբի վերամշակման գործարանի կառուցումը նորից հետաձգվեց. այս անգամ պատճառը ի՞նչն է
Շիշը ճիշտ գցիր ու տես` ինչ կլինի. աղբի տեսակավորումը դառնում է մշակույթ 
Սպիտակ. արխիվային լուսանկար

Տուժածներ չկան. ինչ է եղել Սպիտակի հիվանդանոցում

153
(Թարմացված է 16:49 30.10.2020)
Համայնքապետարանից տեղեկացրեցին, որ անսարքությունն արդեն վերացված է, հիվանդներն անգամ չեն էլ իմացել խնդրի մասին։

ԵՐԵՎԱՆ, 30 հոկտեմբերի - Sputnik. Սպիտակի հիվանդանոցում պայթյուն չի եղել։  Տեղեկությունը Sputnik Արմենիայի հետ զրույցում հայտնեց Սպիտակի համայնքապետարանի պատասխանատուն։

Հիշեցնենք՝ քիչ առաջ ԱՆ մամուլի խոսնակ Ալինա Նիկողոսյանը հայտնել էր, որ Սպիտակ բժշկական կենտրոնում թթվածնի մատակարարման համակարգն է պայթել:

«Հիվանդանոցում պայթյուն չի եղել, անսարքություն է եղել թթվածնի բալոնի ռեդուկտորի հետ կապված»,- նշեց համայնքապետարանի ներկայացուցիչը։

Իրենց ունեցած տեղեկություններով՝ ներսում գտնվող հիվանդներն անգամ չեն էլ զգացել կատարվածը։

«Տուժածներ, վախեցողներ չեն եղել»,- հավելեց կինը։ Նրա խոսքով՝ անսարքությունն արդեն վերացված է։

Ավելի ուշ ՀՀ ԱԻՆ–ը հաստատեց, որ Սպիտակի հիվանդանոցում վնասվել է թթվածնային բալոնի մատակարարման համակարգը։ Այլ գույքային վնասներ և տուժածներ չկան։

153
թեգերը:
ՀՀ Առողջապահության նախարարություն, պայթյուն, հիվանդանոց, Սպիտակ
Շուշիի Սուրբ Ամենափրկիչ Ղազանչեցոց վանքը թշնամու հարձակումից հետո

Հոգևորականների շրջանում նաև վիրավոր ու անհետ կորած կա. Տեր Վահրամ քահանա

113
(Թարմացված է 15:57 30.10.2020)
Պատմությունը ցույց է տվել, որ դժվարին պահերին հայ հոգևորականները աղոթքն ու պայքարը մեկ են անում և կանգնում են զինվորի կողքին։ Նրանք աջ ձեռքում խաչը պահած, ձախում՝ զենքը, մարտնչել ու մարտնչում են թշնամու դեմ։

ԵՐԵՎԱՆ, 30 հոկտեմբերի – Sputnik. «Աջս՝ իմ ժողովրդին, ձախս՝ շուն թուրքերին»...այս խոսքերով սեպտեմբերի 27-ից առ այսօր Արցախի համար մղվող պատերազմում մարտի են դուրս եկել նաև հայ հոգևորականներից շատերը։

Ցավոք, նրանցից երկուսն այլևս մեզ հետ չեն, անմահացան սուրբ հայրենի հողը պաշտպանելիս։

«Գնում եմ մեր սահմանները անառիկ պահող տղաների մոտ». Տավուշի թեմի առաջնորդը մեկնում է Արցախ

Հանուն հայրենիքի և Արցախի ժողովրդի ազատության իրենց կյանքը տվեցին ՀՀ ԶՈւ հոգևոր առաջնորդության սպասավոր Նարեկ սարկավագ Պետրոսյանը և Ռուստամ սարկավագ Պողոսյանը։ Վերջինս ժամկետային զինծառայող էր։

«Անկախության պաշտպանության զոհասեղանին անգին ընծա դարձավ նաև Ռուստամ սարկավագ Պողոսյանը»,–Facebook-ի իր էջում երիտասարդի նկարին կից գրել է Մայր Աթոռի տեղեկատվական կենտրոնի ղեկավար Տեր Վահրամ քահանա Մելիքյանը։

ԱԹՍ-ի արկն ընկել է գնդերեց Դավիթ սարկավագի ավտոմեքենայի վրա․ լուսանկար

Նարեկ սարկավագ Պետրոսյան էլ 2 օր առաջ է զոհվել Արցախում։

«Հանուն հայրենիքի և Արցախի ժողովրդի ազատության իր կյանքն ընծայեց ՀՀ ԶՈւ հոգևոր առաջնորդության սպասավոր Նարեկ սարկավագ Պետրոսյանը»,–գրել է Մելիքյանը։

Sputnik Արմենիայի հետ զրույցում Տեր Վահրամ քահանա Մելիքյանը հայտնեց, որ առաջնագծի հոգևորականներից  31-ամյա Հայր Գեղարդ աբեղա Հովհաննիսյանը վիրավորում է ստացել և այժմ ապաքինվում է։

«Եվս մեկ հոգևորականի գտնվելու վայրը հայտնի չէ, փնտրում ենք»,-ասաց նա։

113
թեգերը:
Վիրավոր, Զոհ, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, հոգևորական
թեմա:
Ադրբեջանական ագրեսիան Արցախում - 2020
Ըստ թեմայի
Արցախի պաշտպանության բանակը հերթական դիվերսիոն խմբին է ոչնչացրել. տեսանյութ
Արցախի բնակավայրերում հարաբերական հանգիստ է
Խնդրում ենք չանհանգստանալ. Շենգավիթում փորձարկվում է ձայնային տագնապի համակարգը
Աբբաս Արաղչի

Իրանը Ղարաբաղի վերաբերյալ իր ծրագիրն այնպես է նախագծել, որ ընդունելի լինի բոլորի համար

0
(Թարմացված է 17:15 30.10.2020)
Իրանական նախաձեռնության մանրամասները գործընկերներին ներկայացնելիս` Թեհրանը հաշվի է առել ինչպես Հայաստանի, այնպես էլ Ադրբեջանի նպատակները։

ԵՐԵՎԱՆ, 30 հոկտեմբերի – Sputnik. Իրանի նախագահի հատուկ բանագնաց, փոխարտգործնախարար Աբբաս Արաղչին ՌԻԱ Նովոստիին տված հարցազրույցում ասել է, որ Թեհրանը պատրաստ է միջնորդի դեր ստանձնել Ղարաբաղյան հակամարտության կարգավորման հարցում և հուսով է, որ իր ծրագիրը կօգնի կայուն խաղաղության հասնել։

Արաղչին նշել է, որ ԻԻՀ–ն մշտապես հայտարարել է հրադադարի հաստատմանն օժանդակելու, երկխոսություն սկսելու և խաղաղություն ու հանգստություն հաստատելու իր պատրաստակամության մասին։ Նա ընդգծել է, որ ԻԻՀ–ն լավ հարաբերություններ է պահպանում երկու երկրների հետ` Հայաստանի և Ադրբեջանի։

Արաղչին շեշտել է, որ իրանական նախաձեռնության մանրամասները գործընկերներին ներկայացնելիս` Թեհրանը մեծ ուշադրությամբ է վերաբերվել հակամարտության գործողությունների ուսումնասիրմանը, հաշվի է առել երկու երկրների` ինչպես Հայաստանի, այնպես էլ Ադրբեջանի նպատակները։

«Եվ այնպիսի առաջարկ ենք արել, որ այն ընդունելի լինի, տարածաշրջանի ազդեցիկ երկրները կարողանան մասնակցել, և հույս ունենք, որ այդ ծրագիրը ճանապարհ կհարթի Լեռնային Ղարաբաղում կայուն խաղաղություն հաստատելու համար», – ընդգծել է Արաղչին։

Ըստ նրա` դա հեշտ չէ, քանի որ բազմաթիվ խնդիրներ կան, այդ թվում «միջամտությունը տարածաշրջանից դուրս ու նրանց կողմից, ովքեր այս տարածաշրջանում խաղաղություն չեն ուզում»։ Արաղչին չի պարզաբանել, թե խոսքն ում մասին է, բայց ավելի վաղ նա ՌԻԱ Նովոստիին ասել էր, որ կարգավորմանը կարող են մասնակցել և՛ Ռուսաստանը, և՛ Թուրքիան։

«ԻԻՀ–ի ջանքերն ու նախաձեռնությունները չեն ժխտում այս հակամարտության կարգավորմանն ուղղված այլ նախաձեռնություններն ու ջանքերը, բայց մենք համոզված ենք, որ տարածաշրջանային ճգնաժամերը տարածաշրջանային լուծում ունեն», – եզրափակել է դիվանագետը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

0
թեգերը:
Իրանի Իսլամական Հանրապետություն, Արցախ, Ադրբեջան, Հայաստան
թեմա:
Հրադադար Արցախում
Ըստ թեմայի
Իրանն ու Ռուսաստանը նմանատիպ մոտեցումներ ունեն Ղարաբաղյան հակամարտության հարցում. Արաղչի
Իրանի նախագահի բանագնացը Ղարաբաղի հարցով խորհրդակցություններ է անցկացրել Մոսկվայում
Իրանի փոխարտգործնախարարը Զոհրաբ Մնացականյանի հետ քննարկել է ԼՂ խնդիրը