Արթուր Ալեքսանյան. արխիվային լուսանկար

Արթուր Ալեքսանյանն իր աջակցությունն է հայտնում Գրիշա Թամրազյանին

167
(Թարմացված է 20:49 25.09.2020)
Թամրազյանը նշել է, որ իր սկզբունքներն են դրդել գնալ հրաժարականի քայլին, քանի որ համոզված է՝ իրենց պայքարը եղել է «ոչ թե ընդդեմ, այլ հանուն»։

ԵՐԵՎԱՆ, 25 սեպտեմբերի - Sputnik. Ռիո 2016-ի օլիմպիական չեմպիոն, աշխարհի եռակի ու Եվրոպայի քառակի չեմպիոն, հունահռոմեական ոճի ըմբիշ, «Սպիտակ արջ» մականունը ստացած Արթուր Ալեքսանյանն իր աջակցությունն է հայտնել ԿԳՄՍ նախկին փոխնախարար Գրիշա Թամրազյանին։ Նա Instagram-ի իր էջի «սթորի» բաժնում գրառում է կատարել, որից կարելի է ենթադրել, որ Ալեքսանյանը կողմ է նախարարությունից հեռանալու վերաբերյալ նրա կայացրած որոշմանը։

Հայերենի դասաժամերը կրճատում են, հայագիտությունը` զարգացնում. նախարարության թնջուկը

«Թամրազյան ջան, հարգանքներս, ընկերս»,- գրել է Ալեքսանյանն ու Թամրազյանի հետ լուսանկար հրապարակել։

Instagram story борца Артура Алексаняна
Արթուր Ալեքսանյանն ու Գրիշա Թամրազյանը

Հիշեցնենք՝ կրթության, գիտության, մշակույթի և սպորտի փոխնախարար Գրիշա Թամրազյանը երեկ պաշտոնից հրաժարվելու դիմում է ներկայացրել։

Այսօր Թամրազյանը հայտարարել էր, թե իր կյանքի ողջ գիտակից հատվածը պայքարել է հանուն արդարության և այն սկզբունքների, որոնց երբեք չի դավաճանել: Հենց այդ սկզբունքներն են իրեն ստիպել գնալ այդ քայլին, որովհետև համոզված է՝ իրենց պայքարը եղել է «ոչ թե ընդդեմ, այլ հանուն»:

Մեր ունեցած տեղեկություններով՝ Թամրազյանի հրաժարականի իրական պատճառն իր դեմ պատրաստվող քրեական գործն է։

Գրիշա Թամրազյանն այդ պաշտոնում նշանակվել էր 2019-ի փետրվարին։

Նշենք, որ նրա նախորդը` ԿԳՄՍ նախկին փոխնախարար Գևորգ Լոռեցյանը, 2019-ի դեկտեմբերին ձերբակալվել էր կաշառակերության կասկածանքով։

«Արայի՛կ, արժե արձակուրդ վերցնել». Սմբատ Գոգյանը պաշտոնից ազատվելուց հետո գրառում է արել

167
թեգերը:
Կրթության, գիտության, մշակույթի և սպորտի նախարարություն (ԿԳՄՍ), Գրիշա Թամրազյան, Արթուր Ալեքսանյան
Ըստ թեմայի
ԿԳՄՍՆ–ն փոխում է դպրոցական բարքերը. գնահատականով չեն պատժի, նույն դասարանում չեն թողնի
Ուսումնական տարին վերսկսելու 3 սցենար է քննարկվել. ԿԳՄՍՆ
ՄԻՊ–ը հարցադրումներ է ուղարկել ԿԳՄՍՆ դպրոցներում աշակերտների դիմակ դնելու առնչությամբ
Արխիվային լուսանկար

Կրկին երկրաշարժ է եղել. Վայոց Ձորի և Սյունիքի մարզերում այն զգացվել է 3-4 բալ ուժգնությամբ

10
(Թարմացված է 18:58 23.01.2021)
Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:

ԵՐԵՎԱՆ, 23 հունվարի – Sputnik. ՀՀ արտակարգ իրավիճակների նախարարությունը տեղեկացնում է, որ այսօր Նախիջևան քաղաքից 34 կմ դեպի հյուսիս-արևելք երկրաշարժ է տեղի ունեցել, որը զգացվել է նաև Վայոց Ձորի և Սյունիքի մարզերում։

«Հունվարի 23-ին` տեղական ժամանակով ժամը 17:22-ին, գրանցվել է երկրաշարժ հյուսիսային լայնության 39.50⁰ և արևելյան երկայնության 45.56⁰ աշխարհագրական կոորդինատներով՝ Նախիջևան-Հայաստան սահմանային գոտում` Նախիջևան քաղաքից 34 կմ հյուսիս-արևելք։ Օջախի խորությունը եղել է 10 կմ, այն 4.3 մագնիտուդ ուժգնության է եղել»,–նշված է հաղորդագրության մեջ։

Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:

Երկրաշարժը զգացվել է Վայոց Ձորի մարզի Եղեգնաձոր և Վայք քաղաքներում՝ 3-4 բալ և Սյունիքի մարզի Գորայք գյուղում՝ 3 բալ ուժգնությամբ:

Հիշեցնենք` նույն տարածքում երկրաշարժ էր գրանցվել նաև հունվարի 18–ին և 22–ին։

10
թեգերը:
Նախիջևան, Սյունիք, Վայոց Ձոր, Երկրաշարժ
Ըստ թեմայի
Երկրաշարժ Վրաստանում. ցնցումները զգացվել են նաև Լոռու մարզի գյուղերում
Ադրբեջանի սահմանամերձ շրջաններում երկրաշարժ է գրանցվել
Ինչ տեսք ունի Խորվաթիան ավերիչ երկրաշարժից հետո. լուսանկարներ
Արխիվային լուսանկար

«Զվարթնոցից» ՔԿՀ տանելու ճանապարհին օպերլիազորը Իրանի քաղաքացուց գումար է հափշտակել

7
(Թարմացված է 19:03 23.01.2021)
Հետախուզման մեջ գտնվող իրանցուն հայտնաբերել են «Զվարթնոց» օդանավակայանում։ Մինչ նրա հարցերը փորձել են լուծել, օպերլիազորն օգտվել է իրավիճակից։

ԵՐԵՎԱՆ, 23 հունվարի – Sputnik. ՀՀ ոստիկանությունը տեղեկացնում է, որ Երևանում օպերլիազորներից մեկը հետախուզվողից փող է հափշտակել։

«Հունվարի 8-ին Երևան է ժամանել միջազգային մակարդակով հետախուզվող Իրանի մի քաղաքացի։ Նա բերման է ենթարկվել ոստիկանության «Զվարթնոց» օդանավակայանի գծային բաժին ու խուզարկվել։ Ի թիվս այլ իրերի՝ հայտնաբերվել է նաև 1200 եվրո։ Փողը փաթեթավորվել է։ Գծային բաժնի քրեական հետախույզը, Իրանի քաղաքացուն քրեակատարողական հիմնարկ տեղափոխելիս, փաթեթավորված գումարից հափշտակել է 400 եվրո»,–նշված է հաղորդագրության մեջ։

Դեպքի առթիվ ՀՀ ոստիկանության Ներքին անվտանգության վարչությունում նախապատրաստված նյութերն ուղարկվել են ՀՔԾ։

ՀՔԾ–ն հունվարի 21-ին քրեական գործ է հարուցվել։ Հանգամանքները նախաքննությամբ պարզվում են։

Տաքսու ուղևորը դանակով սպառնացել է վարորդին և 48 հազար դրամ հափշտակել

7
թեգերը:
Հայաստան, Ճանապարհ, ոստիկան, «Զվարթնոց» օդանավակայան
Ըստ թեմայի
Դավթյանը Կրասնովին խնդրել է Ադրբեջանի պահանջով հայ պաշտոնյաների հետախուզում չհայտարարել
Բելգիայի իրավապահների կողմից հետախուզվողը բերման է ենթարկվել «Զվարթնոց» օդանավակայանից
Ստացվում է` Թուրքիայի հետախուզական կենտրոն Արցախում. Վրթանեսյանը` համատեղ կենտրոնի մասին