Սերգեյ Լավրովն ու Ջեյհուն Բայրամովը

Բաքուն Լավրովի անունից սկանդալային հայտարարություն է արել. Երևանի մեկնաբանությունը

1462
(Թարմացված է 18:08 23.09.2020)
Ադրբեջանի հաղորդագրության մեջ հայտնվել են ՌԴ ԱԳ նախարար Սերգեյ Լավրովին վերագրվող արտահայտություններ, որոնք բացակայում են ռուսական կողմի հաղորդագրության մեջ: Sputnik Արմենիան ներկայացնում է նաև թեմայի առնչությամբ ՀՀ ԱԳՆ–ի պատասխանը։

ԵՐԵՎԱՆ, 23 սեպտեմբերի — Sputnik. Բաքվի պաշտոնական հաղորդագրությունները տեղեկատվության հուսալի աղբյուր չեն: Sputnik Արմենիայի խնդրանքով մեկնաբանելով ՌԴ ԱԳ նախարար Սերգեյ Լավրովի հայտարարության ադրբեջանական տարբերակը, այս մասին ասաց ՀՀ ԱԳՆ նախարարի մամուլի քարտուղար Աննա Նաղդալյանը:

Սեպտեմբերի 23-ին Ադրբեջանի խորհրդարանական պատվիրակությունը՝ Միլի մեջլիսի նախագահ Սահիբ Գաֆարովի գլխավորությամբ, հանդիպում է ունեցել ՌԴ ԱԳ նախարար Սերգեյ Լավրովի հետ: Ադրբեջանի խորհրդարանի կայքում հրապարակված հաղորդագրության մեջ նշվում է, որ հանդիպման ընթացքում Լավրովն իբր ասել է, թե «Լեռնային Ղարաբաղի մասին ՀՀ վարչապետ Նիկոլ Փաշինյանի հայտարարությունները խոչընդոտում են հիմնախնդրի կարգավորման գործընթացին»:

«Դա պաշտոնական Մոսկվայի դիրքորոշումն է: Ռուսական կողմը կարգավորման գործընթացում հանդես է գալիս հօգուտ «օկուպացված 5 շրջանների» վերադարձի, շփման գծում խաղաղապահների տեղակայման և տրանսպորտային կապի վերականգնման»,- ըստ ադրբեջանական վարկածի, ասել է Լավրովը:

Նախապայման դնում է Ադրբեջանը. Փաշինյանն արձագանքել է համանախագահների առաջարկին

ՀՀ ԱԳ նախարարի մամուլի քարտուղարը, սակայն, Sputnik Արմենիային հայտնեց, որ Ադրբեջանի պաշտոնական հաղորդագրություններն իրենք տեղեկատվության հուսալի աղբյուր չեն համարում:

«Մենք ծանոթացել ենք ՌԴ ԱԳՆ պաշտոնական հայտարարությանը»,- ասաց Նաղդալյանը:

Ռուսաստանի ԱԳՆ–ի պաշտոնական կայքում, ի դեպ, հաղորդագրության կա Լավրովի՝ ադրբեջանցի խորհրդարանականների հետ հանդիպման մասին, բայց որևէ հիշատակում չկա ո՛չ ՀՀ վարչապետի, ո՛չ «օկուպացված» տարածքների վերադարձի մասին:

Հաղորդագրության մեջ նշվում է, որ հանդիպման ընթացքում քննարկվել են ռուս-ադրբեջանական հարաբերություններին վերաբերող քաղաքական, տնտեսական, հումանիտար բնագավառների արդիական խնդիրներ, ինչպես նաև միջազգային, տարածաշրջանային կազմակերպությունների, այդ թվում՝ միջխորհրդրանական փոխգործակցության շրջանակին վերաբերող հարցեր:

«Կողմերի ուշադրության կենտրոնում է եղել նաև տարածաշրջանային անվտանգության խնդիրը, այդ թվում՝ ԼՂ խնդրի կարգավորման ներկա վիճակն ու հեռանկարները»,- ասված է ՌԴ ԱԳՆ հաղորդագրության մեջ:

Ադրբեջանական ԶԼՄ–ները փորձել են Շահումյանի հայկական եկեղեցին ներկայացնել որպես ալբանական

Նշվում է նաև, որ հանդիպումն անցել է ավանդական բարեկամական մթնոլորտում ու թույլ է տվել ամրապնդել ռուս-ադրբեջանական զարգացող հարաբերությունները:

Ի դեպ, Ադրբեջանի պաշտոնական հաղորդագրությունում Սերգեյ Լավրովին վերագրված հայտարարությունները չկան նաև ՌԴ ԱԳՆ տարածած 6 րոպեանոց տեսանյութում:

Նշենք, որ Լավրովի հայտարարությունների տարատեսակ մեկնաբանությունների հարցով Sputnik Արմենիան դիմել է նաև ՌԴ ԱԳՆ՝ պարզաբանում ստանալու համար:

1462
թեգերը:
ՀՀ արտակարգ իրավիճակների նախարարություն (ԱԻՆ), Հայաստան, Ադրբեջան, Սերգեյ Լավրով
Ըստ թեմայի
Լավրովն ասել է՝ ինչն է հայ-ադրբեջանական սահմանին իրադրության սրացման պատճառ դարձել
Լավրովը մանրամասներ է ներկայացրել Հայաստանի և Ադրբեջանի արտգործնախարարների հետ զրույցից
Հակամարտությունները պետք է լուծվեն միայն խաղաղ ճանապարհով. Լավրով
Արխիվային լուսանկար

2381 վարակման դեպք, 41 մահ` մեկ օրում. կորոնավիրուսային հիվանդության ընթացքը Հայաստանում

160
(Թարմացված է 11:00 31.10.2020)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 31 հոկտեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 2381–ով և դարձել 89813։ Տեղեկությունը հայտնում է Հիվանդությունների վերահսկման և կանխարգելման կենտրոնը:

Այս պահին փաստացի բուժում է ստանում 32 788-ը (+1330) մարդ, կատարվել է 402588 (+4992) թեստավորում, առողջացել են վարակվածներից 55 317–ը (+1001)։ Գրանցվել է մահվան 1341 (+41) դեպք։ Կորոնավիրուսով վարակված, բայց այլ պատճառով մահացածների թիվն ավելացել է 9–ով և դարձել 367։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Վիրավոր զինվոր, թե Covid-ով հիվանդ. առողջապահական համակարգը պարալիզացման եզրին է

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

160
թեգերը:
համավարակ, Հայաստան, կորոնավիրուս, թեստ
թեմա:
Կորոնավիրուսը Հայաստանում և Արցախում
Ըստ թեմայի
Հայաստանը COVID-19-ի դեմ պատվաստանյութ կգնի. արդեն համաձայնագիր է ստորագրվել
Կորոնավիրուսի դեմ ի՞նչ պատվաստանյութ կհասնի Հայաստանին. նախարարությունը քայլեր է անում
Մենք չպետք է մոռանանք, որ ունենք անտեսանելի թշնամի. կորոնավիրուսը նոր թափ է հավաքել
Շտապօգնության մեքենա

Վթար Աշտարակի աշտարակի կամրջի մոտ. 3–ամյա երեխա է մահացել

87
«Mercedes Sprinter» մակնիշի ավտոմեքենան դուրս է եկել ճանապարհի երթևեկելի հատվածից և բախվել ճամփեզրի արգելապատնեշին։

ԵՐԵՎԱՆ, 31 հոկտեմբերի – Sputnik. Ողբերգական վթար է տեղի ունեցել Աշտարակ-Երևան ավտոճանապարհին՝ կամրջի մոտակայքում, կա զոհ։ Տեղեկությունը հայտնում է ՀՀ ԱԻն մամուլի ծառայությունը։

Վթարի մասին ահազանգն Արմավիրի մարզային ճգնաժամային կառավարման կենտրոնում ստացել են հոկտեմբերի 30-ին, ժամը 22:21-ին, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

«Պարզվել է, որ Երևան-Գյումրի ավտոճանապարհի 25-րդ կմ-ին՝ Աշտարակ քաղաքի կամրջի սկզբնամասում, «Mercedes Sprinter» մակնիշի ավտոմեքենան (վարորդ՝ Սրապիոն Ս․, ծնված 1978 թ.) դուրս է եկել ճանապարհի երթևեկելի հատվածից և բախվել ճամփեզրի արգելապատնեշին, ինչի հետևանքով ուղևոր Հովհաննես Ս․-ն (ծնված 2017 թ.) տեղում մահացել է, իսկ Քրիստինե Ա․-ն (ծնված 1987 թ.) հոսպիտալացվել է Աշտարակ քաղաքի ԲԿ, որտեղ բժիշկները տուժածի առողջական վիճակը գնահատել են բավարար»,–նշված է հաղորդագրության մեջ:

Փրկարարները հոսանքազրկել են ավտոմեքենան և իրականացրել ճանապարհի լվացման աշխատանքներ

Վթար Երևան-Աշտարակ ավտոճանապարհի կամրջի մոտակայքում. կան զոհեր

87
թեգերը:
երեխա, Զոհ, Աշտարակի ձոր, վթար
թեմա:
Վթար, պատահար, սպանություն, գողություն
Ըստ թեմայի
«Փտած» մեքենաներ կամ «փտած» վարորդական իրավունք. ո՞վ է վթարների մեծամասնության «հեղինակը»
Հարց է` վթարների համար ավելի շատ անփորձնե՞րն են մեղավոր, թե՞ փորձառուները
Ավելացել են վթարները, որոնք տեղի են ունենում հանդիպակաց գոտի դուրս գալու պատճառով
Արտակ Բեգլարյան

Սպանվածների մեջ առնվազն 4 ռազմագերի կա. Արցախի ՄԻՊ–ը վերլուծել է թշնամու դաժան տեսանյութը

0
(Թարմացված է 11:15 31.10.2020)
Արցախի մարդու իրավունքների պաշտպանը գրառում է կատարել` անդրադառնալով ադրբեջանցիների կողմից սոցցանցերում շրջանառող հայ զինծառայողների դիերի տեսանյութին։

ԵՐԵՎԱՆ, 31 հոկտեմբերի - Sputnik. Արցախի ՄԻՊ Արտակ Բեգլարյանը Twitter–ի իր էջում հայ զինծառայողների դիերի լուսանկարներ է հրապարակել` կատարելով որոշ դիտարկումներ։

«Ադրբեջանական սոցիալական ցանցերի տիրույթում նոր տեսանյութ է շրջանառվում, որտեղ երևում են 19 հայերի մարմիններ։ Նրանցից որոշները ձեռնաշղթաներով են, մյուսները՝ մերկ: Ակնհայտ է, որ ձեռնաշղթաներով առնվազն 4 զինվոր ռազմագերի է եղել նախքան սպանվելը»,- գրել է Բեգլարյանը։

​Նա հավելել է նաև, որ անպատժելիությունը և միջազգային հանրության կուրությունը նոր հանցագործություններ են ծնում Ղարաբաղի դեմ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
տեսանյութ, ռազմագերի, Արցախ, Արտակ Բեգլարյան (Արցախի ՄԻՊ)
թեմա:
Ադրբեջանական ագրեսիան Արցախում - 2020