ԱԺ. ԲՀԿ

Ինչով է զբաղված ՀՀ ԱԱԾ–ն. ԲՀԿ–ն հիշեցնում է` ով է կանգնած ռուսական «Դոսյեի» հետևում

167
(Թարմացված է 11:21 22.09.2020)
Ռուսական «Դոսյե» հետազոտական կենտրոնի` Հայաստանում մեծ աղմուկ հանած հոդվածում նշվում էր, որ Կրեմլը Հայաստանի բոլոր բարձրաստիճան կառույցներում գործակալներ է ունեցել։

ԵՐԵՎԱՆ, 22 սեպտեմբերի — Sputnik. ԱԺ–ում այսօր տեղի ունեցած ճեպազրույցի ընթացքում խորհրդարանական «Բարգավաճ Հայաստան» խմբակցության պատգամավորներն անդրադարձան ռուսական «Դոսյե» կենտրոնի վերջին հրապարակմանը, որի համաձայն` ՀՀ ԱԱԾ նախկին ղեկավարներից ոմանք ռուսական գործակալներ են եղել։

«Բարգավաճ Հայաստան» խմբակցության անդամ Իվետա Տոնոյանը լրագրողների հարցերին ի պատասխան ասաց. «Եթե ՀՀ ԱԱԾ–ն այն նույն ջանասիրությամբ, որով զբաղվում է քաղաքական դաշտի ներկայացուցիչների, ընդդիմախոսների գաղտնալսմամբ, զբաղվեր արտաքին վտանգների կանխարգելմամբ ու բացահայտմամբ, մենք այս խնդիրը չէինք ունենա»։

Խմբակցության քարտուղար Արման Աբովյանն էլ հիշեցրեց, որ «Դոսյե» կայքը պատկանում է ռուսաստանյան ընդդիմադիր գործիչ Միխայիլ Խոդորկովսկուն։

«Մենք գիտենք, որ Խոդորկովսկին իր ընդդիմադիր կեցվածքով հայտնի ռուս քաղաքական գործիչ է և առհասարակ, այն տեղեկությունները, որ հայտնվում են «Դոսյե»–ում ավելի շատ հարցեր են առաջացնում, քանի պատասխաններ են տալիս»,– ասաց պատգամավորը։

Հիշեցնենք` ռուսական «Դոսյե» հետազոտական կենտրոնի` Հայաստանում մեծ աղմուկ հանած հոդվածում գրված էր, թե Կրեմլը Հայաստանի բոլոր բարձրաստիճան կառույցներում գործակալներ է ունեցել։ Այդ թվում շրջանառվում էին ԱԱԾ նախկին տնօրենների` Գեորգի Կուտոյանի և Արթուր Վանեցյանի անունները։

Վանեցյանն առաջին հերթին պետք է մտածի, որ իր օրոք գաղտնալսումներ են եղել. Քյարամյան

Ըստ «Դոսյեի», օրինակ, Վանեցյանին հաճախ են տեսնում Մոսկվայում` ազդեցիկ գործարարների ընկերակցությամբ:

Նշենք, որ ԱԱԾ տնօրեն Արգիշտի Քյարամյանը սեպտեմբերի 21-ին,Եռաբլուրում, լրագրողների հետ զրույցում ասել էր, որ Ազգային անվտանգության ծառայությունը ռուսական «Դոսյե» կենտրոնի հրապարակած զեկույցի հիման վրա արդեն իսկ հետազոտություն է սկսել։

167
թեգերը:
Ռուսաստան, Արթուր Վանեցյան, Գեորգի Կուտոյան (ԱԱԾ նախկին պետ), ՀՀ ազգային անվտանգության ծառայություն. ԱԱԾ, Բարգավաճ Հայաստան կուսակցություն (ԲՀԿ)
Ըստ թեմայի
Ալեն Սիմոնյանը պարզաբանել է` ինչու է «Իմ Քայլը» ԲՀԿ–ի հետ հուշագիր ստորագրել
ԲՀԿ–ի ընտրակաշառքի գործով մի քանի տասնյակ մեղադրյալներ կան. ԱԱԾ տնօրեն
ԲՀԿ–ն, ՀՅԴ–ն ու «Հայրենիքը» համատեղ հանրահավաք կանցկացնեն
Արտակ Զաքարյան

Որ Նիկոլն իրեն լավ զգա. նախկին փոխնախարարը՝ պատերազմի պարտության պատճառների մասին

9
(Թարմացված է 13:55 26.01.2021)
Արտակ Զաքարյանի մեկնաբանմամբ, «Բայրաքթարները» փոխեցին Թուրքիայի դերակատարությունը և՛ Հարավային Կովկասում, և՛ Կենտրոնական Ասիայում։ Դրանց նկատմամբ մեր ԶՈւ–ի կողմից չեղավ պատշաճ վերաբերմունք, և շարունակվեցին բանակը շոուի վերածելու անիմաստ գործողությունները։

ԵՐԵՎԱՆ, 26 հունվարի - Sputnik. ՀՀ պաշտպանության նախկին նախարարը պետք է խոսեր բոլորովին այլ հարցերի մասին։ Այսօր լրագրողների հետ հանդիպմանը, մեկնաբանելով նախկին նախարար Դավիթ Տոնոյանի հարցազրույցը, նման տեսակետ հայտնեց պաշտպանության նախկին փոխնախարար Արտակ Զաքարյանը` նշելով, որ Դավիթ Տոնոյանից բոլորովին այլ որակի ու այլ բնույթի հայտարարություններ էր սպասում։

«Հատկապես, որ նախարարը պատերազմի ընթացքում անմիջական պատասխանատվություն է կրում որոշ հարցերի դեպքում, որոնք շատ որոշիչ են եղել մեր կրած պարտության համար»,– ասաց Զաքարյանը` նշելով, որ տարբեր փորձագետների ու մասնագետների բարձրացրած հարցերը 44-օրյա պատերազմի մասին առ այսօր անպատասխան են մնացել։

Արտակ Զաքարյանը հայտնեց, որ Տոնոյանից գնահատական էր սպասում 2.5 տարվա պաշտպանական ոլորտում կատարված սխալների վերլուծություն, պատերազմի հրահրման գործում բանակցային գործընթացի ու քաղաքական հայտարարությունների ազդեցության մասին մեկնաբանություն, ինչպես նաև Ադրբեջանի կողմից ռազմական բալանսի խախտման փաստի նկատմամբ ՀՀ իշխանության դրսևորած անտարբերության վերաբերյալ։ Այս ամենի փոխարեն,  բանախոսի ձևակերպմամբ, Տոնոյանը տվել է «հարցազրույց ոչինչի մասին»։

«Ինքնապաշտպանական բնույթի հայտարարություններ անելը շատ մոդայիկ է դարձել իշխանության ներկայացուցիչների համար»,– ասաց Զաքարյանը։

Մինչդեռ, իր համոզմամբ, պարտության հիմնական պատճառը համարում է ՀՀ «գլխավոր գերագույն դիլետանտ համանատարի»` ռազմաքաղաքական խնդիրներին անտեղյակությունը, ուղիղ միջամտությունն ու ուղղորդումները։

«Ես վստահ եմ, որ մեր բանակն իր խնդիրը լավագույնս կարող էր լուծել և մեր բանակն իր առավելագույն ջանքերն է ներդրել այս պատերազմում իր առջև դրված խնդիրը լուծելու համար»,– ասաց Զաքարյանը` հերքելով մեղադրանքներն այն մասին, որ բանակը 26 տարի պատշաճ մակարդակով չի ապահովել իր պաշտպանական առաքելությունը։

«Ժամանակակից զինտեխնիկայի ու սպառազինության արդիականացման խնդիրը 5 տարին մեկ ՀՀ ԶՈւ–ի առջև դրված է, որովհետև դա կախված է մեր հակառակորդի զինտեխնիկայից»,– ասաց Զաքարյանը` վստահեցնելով, որ նախորդ 26 տարիներին Հայաստանի բանակն ապահովված է եղել ադրբեջանական զինտեխնիկային համազոր միջոցներով, մինչև այն պահը, երբ Ադրբեջանի ԶՈւ–ում հայտնվեցին «Բայրաքթարները»։

Մենք զիջում էինք Ադրբեջանին. փորձագետը` պատերազմի ժամանակ ունեցած սպառազինության մասին

«Դրանք փոխեցին ընդհանրապես Թուրքիայի դերակատարությունը և՛ Հարավային Կովկասում, և՛ Կենտրոնական Ասիայում։ «Բայրաքթարների» նկատմամբ մեր ԶՈւ–ի կողմից չեղավ պատշաճ վերաբերմունք, և շարունակվեցին բանակը շոուի վերածելու անիմաստ գործողությունները։ Մեծ քանակությամբ գումարներ ուղղվեցին ոչ նպատակային ծախսերին, որ Նիկոլն իրեն լավ զգա` մատակարարումներ, սնունդ, ելակ, ջուր, ինքնաթիռներ և այլն»,– ասաց Տոնոյանը։

Նրա խոսքով, այս ամենով ՀՀ գործող իշխանությունը ոչ միայն փափուկ բարձ դրեց հասարակության գլխի տակ, այլև հնարավարություն տվեց հակառակորդին արդեն իսկ առկա ռազմական բալանսի առավելության պայմաններում լավ պատրաստվել ծրագրվող պատերազմին։

Ինչ վերաբերում է բուն պատերազմի ընթացքին, Արտակ Զաքարյանի դիտարկմամբ, առաջին 22 օրերին հայկական բանակն իր առջև դրված ռազմական խնդիրները լիարժեք իրականացրել է։ Բայց հետո արդեն հաարակության մոլորեցնելու, ԶՈւ համալրումը ձախողելու հետևանքով ՀՀ քաղաքական իշխանությունները Ադրբեջանի բանակը հասցրեցին Շուշի ու ավարտեցին պատերազմը` կապիտուլյացիայի հայտարարությունը ստորագրելով։

Արտակ Զաքարյան. Ադրբեջանի գործողությունները միտված չեն խաղաղության

ՀՀ պաշտպանության նախկին նախարար Դավիթ Տոնոյանը «Մեդիամաքսին» տված հարցազրույցում մեկնաբանել էր շուրջ մեկ ու կես տարի առաջ ԱՄՆ հայ համայնքի հետ հանդիպման ժամանակ իր արած «նոր պատերազմ՝ նոր տարածքներ» արտահայտությունն ու դրա շուրջ այսօր առկա շահարկումները։

Նա հիշեցրել է, որ այդ կերպ ինքն արձագանքել էր Ադրբեջանի ռազմաքաղաքական ղեկավարության` արցախյան խնդիրը պատերազմի միջոցով լուծելու հայտարարություններին, որով նրանք հիմնավորում էին բանակցությունների անարդյունավետությամբ:

9
թեգերը:
Արցախյան պատերազմ, Նիկոլ Փաշինյան, Արտակ Զաքարյան
Ըստ թեմայի
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ով ինչ ստացավ պատերազմից հետո. նախկին փոխվարչապետը վերլուծել է պատճառներն ու հետևանքները
Սուրեն Պապիկյան

«Իմ քայլը» համայնքապետների «սև ցուցակ» չունի. Սուրեն Պապիկյան

9
(Թարմացված է 13:53 26.01.2021)
ՀՀ տարածքային կառավարման և ենթակառուցվածքների նախարար Սուրեն Պապիկյանը վստահեցրեց, որ ղեկավարների փոփոխությունը Շիրակի մարզում չի հանգեցնի որևէ ծրագրի կիսատ մնալուն։

ԵՐԵՎԱՆ, 26 հունվարի – Sputnik. Նիկոլ Փաշինյանի հրաժարականի պահանջին միացած համայնքապետների մասով «Իմ քայլը» «սև ցուցակ» չունի, չեն եղել նաև փակ հանդիպումներ: Այսօր այս մասին Գյումրիում լրագրողների հետ ճեպազրույցում ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը:

«Նման հանդիպումներ ես չեմ ունեցել։ Ավելին` իմ հանդիպումները եղել են մարզպետների նշանակումների առիթով. այլ հանգամանքով ես մարզպետների հետ հանդիպում չեմ ունեցել ու հրապարակայինից բացի այլ կոչեր չեն հնչել։ Կարծում եմ` հանրությունն է որոշում` որ համայնքապետը որ ցուցակում կհայտնվի։ Դա վերաբերվում է բոլորին»,–ասաց նախարարը:

Անդրադառնալով միայն վերջին 2 ու կես տարվա ընթացքում Շիրակում արդեն երրորդ մազպետի նշանակման փաստին, ՀՀ տարածքային կառավարման և ենթակառուցվածքների նախարար Սուրեն Պապիկյանը փաստեց՝ փոփոխությունները պայմանավորված են եղել տարբեր հանգամանքներով և դա բնականոն փոփոխություն է:

Ճիշտ ախտորոշման դեպքում լուծումներ կգտնվեն. Շիրակի վիրաբույժ մարզպետը` անելիքների մասին

«Մարզը մարզպետների փոփոխությունից չի տուժելու։ Անձերով ամեն ինչ չպայմանավորենք»,–ասաց նա:

Նա վստահեցրեց, որ մարզում այս տարի նախատեսվում է շարունակել այն բոլոր ծրագրերը, որոնք մինչ այդ մեկնարկել են։ Դա վերաբերում է ինչպես ճանապարհաշինությանը, այնպես էլ զբոսաշրջության զարգացմանը:

Շիրակի մարզպետ Տիգրան Պետրոսյանը պաշտոնից ազատման դիմում է ներկայացրել

9
թեգերը:
Սև ցուցակ, Հրաժարական, «Իմ քայլը» խմբակցություն, համայնքի ղեկավար, Սուրեն Պապիկյան
Ըստ թեմայի
Սուրեն Պապիկյանը Միքայել Մինասյանի «սուտ մատնության» հարցով դիմելու է դատախազություն
Երբ Փաշինյանը վարչապետ է դարձել, ԱԱԾ–ից «դոսյեներ» է ուզել. Միքայել Մինասյան
Ռազմավարության նպատակը` նոր ատոմակայանի կառուցում. Պապիկյանն ու ՌԴ դեսպանն ԱԷԿ են այցելել