Պաղեստինցու անհավանական արկածները. փնտրվում է Հայաստանում միլիոնատեր դարձած արաբը
(Թարմացված է 17:44 17.09.2020)
Պաղեստինի քաղաքացի, ազգությամբ արաբ Իբաիդա Նասսարը ՀՀ քաղաքացիներից 5-6 ամսում խաբեությամբ հափշտակել է 611 800 ԱՄՆ դոլար: ԵՐԵՎԱՆ, 17 սեպտեմբերի - Sputnik. ՀՀ քննչական կոմիտեն հայտնում է, որ քննչական գործողությունների արդյունքում բացահայտել է Պաղեստինի բնակիչ, ազգությամբ արաբ Իբաիդա Ա.Ա. Նասսարի` խաբեությամբ առանձնապես խոշոր չափերի գումարներ հափշտակելու դեպքերի մի շարք հանգամանքներ:
Պարզվել է, որ Նասսարը 2019թ. հունիսից մինչև հոկտեմբեր Հայաստանում ներկայացել է որպես սիրիացի մեծահարուստ գործարար և Երևանի բնակիչ Շահե Պահարյանին հավաստիացրել, որ եթե նրա մտերիմ եզդիներն իրեն տան իրենց գառներն ու ոչխարները, ապա ինքը Ռումինիայից Հայաստան կներկրի 15.000 գլուխ գառ և ոչխար:
Նասսարը նաև վստահեցրել է, որ Բելառուսի բանկերից մեկում 3.000.000 ԱՄՆ դոլար ունի, որի վրա դրված է արգելանք և վաճառված գառների գումարով կարող է նշված գումարը հանել արգելանքից և այն ներդնել ՀՀ-ում՝ գառների առքուվաճառքի գործը կազմակերպելու համար: Եզդիները, վստահելով պաղեստինցուն, նրան են հանձնել իրենց կենդանիներին` 15 օրվա ընթացքում գումարը վճարելու պայմանով:
Շահե Պահարյանն էլ կազմակերպել է գառների և ոչխարների մորթը ՀՀ–ի տարբեր մարզերում գործող սպանդանոցներում, միսը վաճառել և ստացված գումարներից 216 937 440 դրամին համարժեք 456 000 դոլարը 2019թ-ի հունիսից մինչև սեպտեմբերի 5-ն ընկած ժամանակահատվածում մաս-մաս հանձնել Նասսարին:
Գողություն Երևանում. թալանել են «Մխիթար Սեբաստացի» կրթահամալիրը
Բացի այդ, պաղեստինցին տարբեր պատճառաբանություններով ու վերադարձնելու խոստմամբ Շահե Պահարյանից մաս-մաս ստացել է 33 301 800 ՀՀ դրամին համարժեք 70.000 դոլար։ 2019թ. սեպտեմբերի 5-ին Նասսարին, մեկնել է Հայաստանից, իսկ Շահե Պահարյանը, շարունակելով վստահել նրան, գառների և ոչխարների մսի վաճառքից ստացված մնացած գումարները՝ ընդհանուր 40 860 324 ՀՀ դրամին համարժեք 85 800 դոլարը մաս-մաս բանկով փոխանցել է նրա հաշվեհամարներին: Արդյունքում՝ քննչական մարմնի հաշվարկով Նասսարը 5-6 ամսում ՀՀ քաղաքացիներից խաբեությամբ հափշտակել է 291 099 564 դրամին համարժեք 611 800 ԱՄՆ դոլար: Իբաիդա Ա.Ա. Նասսարը ներգրավվել է որպես մեղադրյալ՝ ՀՀ քրեական օրենսգրքի 178-րդ հոդվածի (խարդախություն) 3-րդ մասի 1-ին կետով: Նրա նկատմամբ հայտարարվել է հետախուզում և որպես խափանման միջոց է ընտրվել կալանավորումը: Նախաքննությունը շարունակվում է:
թեգերը:
Եվգենյա Մեդվեդևա–Բաբասյանն իր մասին 5 փաստ է ներկայացրել
(Թարմացված է 23:01 23.01.2021)
Մեդվեդևան խոստացել է սոցցանցերում հրապարակել իր փայլուն քարերով զգեստը, հենց այն պատրաստ լինի։
ԵՐԵՎԱՆ, 23 հունվարի – Sputnik. Հայտնի ռուսաստանցի գեղասահորդ Եվգենյա Մեդվեդևա–Բաբասյանը Olympic Channel-ի հետ զրույցում իր մասին հինգ արտասովոր փաստ է ներկայացրել։
Աղջիկն ասել է, օրինակ, որ ընդամենը երկու օր առաջ է կանաչ ձիթապտուղ համտեսել։
We asked Olympic silver medallist Evgenia Medvedeva to tell us 5 facts we don't know about her. 😍
— Olympic Channel (@olympicchannel) January 22, 2021
Full interview with Evgenia: https://t.co/nCFsqCn5j0@ISU_Figure @Olympic_Russia pic.twitter.com/eqJ9WuNMsN
«Առաջին բանը, որ անում եմ առավոտյան՝ ստուգում եմ սոցցանցերը։ Նայում եմ լայքերը, բայց միշտ չէ, որ կարդում եմ մեկնաբանությունները, թեև միևնույնն է` հետևում եմ։ Նաև շանս փորը համբուրելու սովորություն ունեմ։ Կարմիր շրթներկի հետքը մնում է», - ասել է Մեդվեդրան Olympic Channel-ի հետ զրույցում։
©
Photo : Instagram
Նա նաև խոստովանել է, որ յոթ անգամ դիտել է «Շերկոկ» սերիալը, քանի որ շատ է սիրում այն։
«Ես ու մայրս փայլուն քարերով նկարներ ենք անում։ Դա ասես արվեստի գործ լինի, բայց փայլում է ինչպես գեղասահքի համար նախատեսված զգեստ։ Instagram-ում կհրապարակեմ, երբ պատրաստ լինի»,–հավելել է նա։
Նշենք, որ գեղասահորդուհի Եվգենյա Մեդվեդևան հայկական արմատներ ունի: Աղջիկը 2018 թվականի Օլիմպիական խաղերի արծաթե մեդալակիր է, Աշխարհի կրկնակի չեմպիոն (2016, 2017), Աշխարհի գավաթի (2019) բրոնզե մեդալակիր, Եվրոպայի երկակի չեմպիոն (2016, 2017), Եվրոպայի առաջնության արծաթե մեդալակիր։
«Ատոմային զենք ես». Գոհար Ավետիսյանը փայլել է իր շքեղ կազմվածքով
Խոշոր ավտովթար Արմավիրում. վիրավորների թվում 5–ամյա և 8–ամյա երեխաներ կան
(Թարմացված է 21:44 23.01.2021)
Վթարից տուժածները մարմնական տարբեր վնասվածքներով տեղափոխվել են հիվանդանոց։ ԵՐԵՎԱՆ, 23 հունվարի – Sputnik. Երեկ՝ հունվարի 22-ին, Արմավիրի մարզում տեղի ունեցած խոշոր ավտովթարի հետևանքով 3 անձ է տեղափոխվել հիվանդանոց, այդ թվում` երկու երեխա: Տեղեկությունը հայտնում է shamshyan.com–ը։
«Ժամը 23:30-ի սահմաններում Արմավիրի բնակիչ` 28-ամյա Կարեն Թադևոսյանն իր վարած Opel Vectra մակնիշի ավտոմեքենայով Արմավիր-Երևան ավտոճանապարհի 1-ին կմ հատվածում դուրս է եկել ճանապարհի երթևեկելի գոտուց և գլխիվայր հայտնվել դաշտում: Վթարի հետևանքով ուղևորները` Արմավիրի մարզի բնակիչներ` 31-ամյա Աննա Մանուկյանը, 8-ամյա Դավիթ Մանուկյանը և 5-ամյա Իրինա Մանուկյանը մարմնական վնասվածքներով տեղափոխվել են հիվանդանոց»,–գրում է կայքը:
Երեք տուժածներն էլ տեղափոխվել են «Արմավիր» ԲԿ։ Փաստի առթիվ նյութեր են նախապատրաստվում:
«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։
«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։
Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։
Մոսկվայում չարտոնված միտինգի ժամանակ 39 ուժայիններ են տուժել
ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։
Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար