Արսեն Ջուլֆալակյան. արխիվային լուսանկար

Ես չէի ուզում, նա ստիպեց. Ջուլֆալակյանը բանավեճի է հրավիրում ԿԳՄՍ նախարարին

123
(Թարմացված է 13:56 17.09.2020)
Արսեն Ջուլֆալակյանը հույս ունի, որ նախարարը չի հրաժարվի, քանի որ ուղիղ եթերում բանավեճը, նրա համոզմամբ, մեկընդմիշտ կփակի իր` մանդատը վայր դնելուց հրաժարվելու թեման։

ԵՐԵՎԱՆ, 17 սեպտեմբերի — Sputnik. Պատգամավորական մանդատից հրաժարված Արսեն Ջուլֆալակյանը որոշել է հեռուստատեսային բանավեճի հրավիրել ԿԳՄՍ նախարար Արայիկ Հարությունյանին։ Այս մասին Ջուլֆալակյանը գրել է Facebook-ի իր էջում։

«Դիտեցի ԿԳՄՍ նախարարի երեկվա մամուլի ասուլիսի՝ մանդատս վայր դնելու հարցին վերաբերող հատվածը... Որոշել եմ հրավիրել նրան ուղիղ եթերում բանավեճի, որպեսզի մեկընդմիշտ փակենք այս թեման, և այն չվերածվի քաղաքական շոուի»,– գրում է նա` հույս հայտնելով, որ Հարությունյանը կընդունի հրավերը։

Ըստ Ջուլֆալակյանի` Արայիկ Հանրությունը, նրա ենթակայության տակ գտնվող ոլորտների մասնագիտական համայնքները, իշխող քաղաքական թիմը պետք է լսեն իրականությունը։

«Շատ կուզեմ, որ նա բանավեճի ընթացքում կրկնի իմ մասով երեկվա արտաբերած մտքերը։ Միգուցե հիշողությունն է կարճ, բայց առնվազն պետք է տեղյակ լիներ, որ գոյություն ունեն դիմում/փաստաթղթեր, ելույթներ, տեսաձայնագրություններ և այլն»,–գրել է պատգամավորը։

Կարևորը պայքարի արդյունքն է. Ջուլֆալակյանը խախտել է լռությունը

Նա վստահ է, դրանից հետո դժվար գտնվեն մարդիկ, որոնք կմեղադրեն իրեն չպայքարելու կամ ոչ բավարար պայքարելու մեջ։

«Ես չէի ուզում, նա ստիպեց»,–հավելել է Ջուլֆալակյանը։

Նա նաև հայտնում է, որ կնախընտրի, որ բանավեճն անցկացվի որոշ ժամանակ անց, որպեսզի այն չկապվի ԿԳՄՍ նախարարին վերաբերող քաղաքական այլ ուժերի և շրջանակների կողմից նախաձեռնած գործընթացների հետ։

Հիշեցնենք` երեկ` սեպտեմբերի 16-ին կազմակերպված մամուլի ասուլիսի ժամանակ ԿԳՄՍ նախարար Արայիկ Հարությունյանը, պատասխանելով Արսեն Ջուլֆալակյանի` պատգամավորական մանդատը վայր դնելու մասին հարցին, ասել էր, որ Ջուլֆալակյանը նախորդ ամիսներին որևէ հարց չի ուղղել իրեն կամ քննարկել ինչ–որ թեմա։

Մինչդեռ, սեպտեմբերի 9-ին կատարած գրառմամբ հայտներով մանդատը վայր դնելու իր որոշման մասին, ԱԺ «Իմ քայլը» խմբակցության պատգամավոր Արսեն Ջուլֆալակյանը հայտնել էր, որ հրաժարականի պատճառը ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնություններն են նրա ենթակայության տակ գտնվող ոլորտների ներկա կառավարման մոտեցումների վերաբերյալ:

Ջուլֆալակյանը դեռ ժամանակ ունի մտափոխվելու. Միրզոյանը հայտարարություն է արել

123
թեգերը:
Նախարար, Կրթության, գիտության, մշակույթի և սպորտի նախարարություն (ԿԳՄՍ), Արսեն Ջուլֆալակյան
Ըստ թեմայի
Միայն նախարարն է պատճառը, թե այլ գործոններ էլ կան. Աղազարյանը՝ Ջուլֆալակյանի որոշման մասին
Ջուլֆալակյանին չեն պարտադրել. Լիլիթ Մակունց
Ջուլֆալակյանն Արայիկ Հարությունյանի դեմ փաստաթղթեր է ներկայացրել. «Ժողովուրդ»

Հակառակորդը «Սմերչ» է օգտագործել. տեսանյութ

269
(Թարմացված է 09:36 28.09.2020)
Ադրբեջանական զինուժը առավոտյան վերսկսել է հարձակումը, տեղեկացնում է ՊՆ մամուլի խոսնակ Շուշան Ստեփանյանը։

ԵՐԵՎԱՆ, 28 սեպտեմբերի - Sputnik. Ադրբեջանական զինուժը առավոտյան վերսկսել է հարձակումը, տեղեկացնում է ՊՆ ներկայացուցիչ Արծրուն Հովհաննիսյանը։

Հակառակորդն օգտագործել է ծանր հրետանի, այդ թվում՝ «Սմերչ»։

ՊՆ մամուլի խոսնակ Շուշան Ստեփանյանն ավելի վաղ տեղեկացրել էր, որ վաղ առավոտյան հակառակորդը վերսկսել է հարձակողական գործողությունները՝ կիրառելով հրետանային միջոցներ, զրահատեխնիկա, այդ թվում՝ «ՏՕՍ» ծանր հրանետային համակարգ։

Հայկական ստորաբաժանումները սառնասրտորեն դիմագրավում են ադրբեջանական ստորաբաժանումների ոտնձգությունները և ձեռնարկում համապատասխան գործողություններ՝ պատճառելով հակառակորդին անձնակազմի և տեխնիկայի զգալի կորուստներ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Հայկական ԶՈւ-ն վերականգնել է նախկինում կորցրած մի շարք դիրքեր. տեսանյութ 18+

ԱՀ ՊԲ–ն նաև տեսանյութ է ներկայացվել, որտեղ երևում են հակառակորդի մարդկային կորուստները։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 31 զինծառայող։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

269
թեգերը:
սմերչ, հայ-ադրբեջանական, Ադրբեջան, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Ոստիկաններն էլ մեկնեցին առաջնագիծ. տեսանյութ
«Տեսնենք՝ կկարողանանք բախումները դադարեցնել». Թրամփը խոսել է ԼՂՀ–ի իրավիճակի մասին
Դավիթ Տոնոյանն օպերատիվ խորհրդակցություն է անցկացրել
Դավիթ Տոնոյանն օպերատիվ խորհրդակցություն է անցկացրել

Դավիթ Տոնոյանն օպերատիվ խորհրդակցություն է անցկացրել

68
(Թարմացված է 09:18 28.09.2020)
Նախարարը համապատասխան հանձնարարականներ է տվել հակառակորդի զսպման, նախահարձակ գործողությունների կազմաքանդող հակազդման և այլ հարցերի շուրջ։

ԵՐԵՎԱՆ, 28 սեպտեմբերի - Sputnik. ՀՀ պաշտպանության նախարար Դավիթ Տոնոյանն այսօր վաղ առավոտյան օպերատիվ խորհրդակցություն է անցկացրել։ Տեղեկությունը Facebook-ի իր էջում հայտնում է ՊՆ մամուլի խոսնակ Շուշան Ստեփանյանը։

Խորհրդակցությանը մասնակցել են ՀՀ պաշտպանության նախարարության, Գլխավոր շտաբի և Զինված ուժերի ղեկավար անձնակազմը։

«Նախարարին է զեկուցվել արցախա-ադրբեջանական շփման գծում և Հայաստանի պետական սահմանագոտում տիրող օպերատիվ իրավիճակը։ Խորհրդակցության առանցքում էր ադրբեջանական կողմի սանձազերծած ռազմական գործողությունների հետևանքով ստեղծված իրավիճակը»,- նշված է հաղորդագրության մեջ։

Նախարարը համապատասխան հանձնարարականներ է տվել հակառակորդի զսպման, նախահարձակ գործողությունների կազմաքանդող հակազդման, պաշտպանական բանակին անհրաժեշտ աջակցության ցուցաբերման վերաբերյալ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

ԱՀ ՊԲ–ն նաև տեսանյութ է ներկայացվել, որտեղ երևում են հակառակորդի մարդկային կորուստները։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հակառակորդը կիրառում է «ՏՕՍ» ծանր հրանետային համակարգ. ՀՀ ՊՆ

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 31 զինծառայող։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

68
թեգերը:
Ղարաբաղյան հակամարտություն, Լեռնային Ղարաբաղ, Արցախ, Հայաստան, Դավիթ Տոնոյան
թեմա:
Ադրբեջանական ագրեսիա Արցախում. 2020
Ըստ թեմայի
Արցախի ՊՆ-ն սահմանին նահատակված զինծառայողների նոր ցանկ է հրապարակել
Հակառակորդը կիրառում է «ՏՕՍ» ծանր հրանետային համակարգ. ՀՀ ՊՆ
«Տեսնենք՝ կկարողանանք բախումները դադարեցնել». Թրամփը խոսել է ԼՂՀ–ի իրավիճակի մասին
Իրավիճակը շարունակում է լարված մնալ. Sputnik Արմենիայի ռադիոեթերը` ուղիղ տեսահեռարձակմամբ
Ալեքսեյ Նավալնի

Մերկելը գաղտնի հանդիպել է Նավալնու հետ. Spiegel

0
(Թարմացված է 10:12 28.09.2020)
Քաղաքական գործիչ Ալեքսեյ Նավալնուն սեպտեմբրի 23-ին դուրս են գրել հիվանդանոցից։ Սինչև վերականգնողական կուրսի ավարտը նա կմնա Գերմանիայում։

ԵՐԵՎԱՆ, 28 սեպտեմբերի – Sputnik.  Գերմանիայի կանցլեր Անգելա Մերկելը գաղտնի այցելել է ռուսաստանցի քաղաքական գործիչ և բլոգեր Ալեքսեյ Նավալնուն, երբ նա Բեռլինի Charite կլինիկայում բուժում էր ստանում, հայտնել է Spiegel–ը` հղում անելով սեփական աղբյուրին։

«Spiegel–ի տեղեկության համաձայն, կանցլերը խիստ գաղտնիության պայմաններում այցելել է ռուսաստանցի ընդդիմադիր քաղաքական գործչին, երբ նա պառկած է եղել Բեռլինի Charite կլինիկայում», – ասվում է հաղորդագրության մեջ։

Հիշեցնենք, որ Նավալնուն հիվանդանոց էին տեղափոխել օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել են նյութափոխանակության խանգարումը, որն առաջացրել է արյան մեջ շաքարի մակարդակի կտրուկի անկում։ Խանգարման պատճառը դեռ պարզ չէ, բայց Նավալնու արյան և մեզի մեջ թույնի հետքեր, Օմսկի բժիշկների տվյալներով, չեն հայտնաբերվել։

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

0
թեգերը:
Գերմանիա, Նովիչոկ, Անգելա Մերկել, Ալեքսեյ Նավալնի